勵揚冰室 (Closed)

之前睇食評，對這食店的評價麻麻地，但今日食過，有驚喜喎！點了兩個晚餐，配有羅宋湯及飲品。點了雞扒鰻魚飯，及焗豬扒飯。雞扒鰻魚飯，大碟到呢。。。雞扒同鰻魚都好大塊，配汁是自己選的，可揀黑椒，洋葱，蒜蓉或白汁。雞扒肉質都幾嫩，唔"鞋"口，鰻魚都可以，比預期的好味呀！焗豬扒飯的配汁可自選，亦可揀焗意粉。焗飯面層的芝士焗到燶燶哋，一"筆"落去，茄汁炒蛋飯連熔了的芝士送入口，唔。。好味到呢。。。豬扒是切了件的，唔使自己切總括$5x一個茶餐廳晚餐，唔錯呀！