北河燒臘飯店 (Closed)

第三次到傳奇級小店「北河燒臘飯店」，有關店主的好人好事，也不在此再提，始終這兒是飲食網。比起食物，這店最吸引的，是不論裝修或者人與人之間的親切感，都令人有回到八十年代之感。店主的好人好事就先略過，我光顧都是以喜歡吃小店的心態而去。地面滑滑的，顧客很多是叔叔，未必人人習慣，食物不精緻，但食客的表情和氣氛，令人感受到真正和諧。20元雞+6元飯+5元汽水，送例湯，不算大食的話，份量足夠兩個人。如果你跟我一樣以支持小店角度而來，不會額外捐贈，可以考慮要汽水，我猜，這應該是店家功夫較少，利潤比較有保証的東西吧？雞本身不錯，肉厚，雞味亦不差，飯份量十足，貨真價實，看得出功夫和用心，味道絕不比大集團快餐失禮，雖然店面老舊，但看得出店家盡力保持衛生，店主的善心當然可敬，但以一家食肆角度，拚盡全力用低廉價錢為食客提供有質素的食物，已經足以令它成為一家讓人肅然起敬的食肆！

很久以前在雜誌上看到介紹，今日終於同男朋友去試下。一入到去即時索到好重的漂白水味......原來係d姨姨拖緊地既原故，著平底鞋既朋友小心跌親。無論是坐位、店內的環境、年老的食客都有種懷舊的感覺，無論老闆同d姨姨都好親切。食物既價錢更加親切，一碟雙併燒味飯都係$2x、一枝細燕京就$6。味道方面，燒煵仔味道中上，皮脆肉嫩，近睇可以見到一件煵仔分左6層，肉和脂肪分佈明顯，口感一流，唯一挑剔既係肉汁唔算豐富，咬落去果時，無肉味溢出黎既感覺。又燒則令我有點失望，非常普通之餘，甚至有過硬既感覺，同煵仔比反差好大。我地同時叫左枝燕京，一枝少少既燕京啤酒送飯，頓時令成個感覺麻甩左~haha~~這就是男人的浪漫?!整體黎講，呢個價錢下食到咁既野，真係有驚喜!

睇完港台節目介紹此店後，我同老公找日到此店品嚐一下廉價早茶。食物：鳳爪排骨盅飯：鳳爪中規中矩，排骨新鮮及醃得入味，豉油微咸及甜，付合盅飯要求，盅飯夠晒熱。牛肉盅飯：牛肉份量勁多，肉質就腍佐D，唔夠彈口，盅飯都係夠晒熱。鵪鶉蛋燒賣：好有肉味，全隻鵪鶉蛋，熱辣辣大大件入落口，正。跟盅飯的油菜：凍及烚得過腍，勁唔掂。普洱盅茶：真係一般，似普通茶樓般無味，可以唔駛叫來飲，因為要錢，同時本身會有普通茶飲。環境及服務：都係比北河街老街坊及勞動工人開飯的地方，所以較為地痞。想食嘜就同D亞姐講，我哋就走到門口揀想食的盅飯，沖茶係可以找D亞姐沖或自己走到燒水處自己沖，好自便。最後，我哋重買佐义燒返屋企煮飯食，夠晒大件及鬆化。

雖然話呢區野食係平過人,但$15一個三飯送例湯真係超抵食!!d飯都得架!仲有d雖然講唔上好好食,但絕對食得過,幾OK架!又多揀!仲要分開一盒、飯一盒,兩盒都滿一滿,包你食得飽!不過個湯就差少少,但都叫做有啖湯水飲下咁啦!喂!$15咋!去邊度搵?!

排骨飯d排骨好多肥肉無乜肉食到幸好飯身仍然唔錯豉油亦唔係一味死鹹小菜有炒絲瓜仍然係偏油但好味

琴晚番完成日工好累經過呢頭見佢d盅頭飯剛剛出爐見牛肉賣相唔錯就要左個本身8蚊已經激平十足十回到童年時落街買盅頭飯既價錢仲要送埋油菜份量多到差d關唔到盒蓋抵到無得講番到屋企一打開簡直嚇親牛肉餅足足兩吋厚加埋不少既椰菜根本連大食既男仔都會食到好飽牛肉加左肥肉同芹菜一齊夠鬆又唔韌食完亦唔見口渴下次可以翻炒唯一唔好係d椰菜幾油

早幾日路經深水步經過呢度見咁多人買飯盒賣相唔錯又咁平就即管試下單要食送都只係10蚊仲可以揀兩個款自己煮都唔止啦我要左咕嚕肉同茄汁豬扒點知咕嚕肉只係得骨,肥肉同炸粉好難食最後我只係食左o個少少配料菠蘿同青椒本來對茄汁豬扒已經無晒期望點知都算ok個汁幾開胃送飯唔錯只係因為同煮既豬扒係用包住粉漿炸既豬扒影響左口感買時見其他唔係炸既食送菜同盅頭飯賣相唔錯有緣既或者會再試下