十二少海鮮刺身牛肉火鍋專門店 (Closed)

朋友生日，BOOK左間房，竟然有得唱K仲要好UPDATE!  地點方便，近大圍站 首先我地叫左啲海鮮刺身, 有三款特別好食:加拿大海膽 - 好大粒，好肥美，佢有紫菜比我地夾埋尼食,味道好濃厚, 絕對拍得住高級日本餐廳!! 右上個個係花金古刺身-   第一次食，口感細滑，味道好獨特. 無細骨亦無渣 好新鮮見門口啲龍瑕咁生猛，叫左個龍瑕刺身，檸檬上面透明個啲就係 - e個係最好食！夾上筷子仲識郁！ 新鮮切出尼！ 味道清甜 口感滑身 同少少嘅檸檬味好夾  無想過火鍋店嘅刺身都咁新鮮! 性價比10/10!!! 象拔蚌都非常爽口彈牙!!!!花膠雞湯底  養顏滋補 係個冬瓜要時間滾 好足料 我地每人都飲左碗 一啲都唔油膩!30年花雕酒鴨舌好香好開胃  然後叫左啲牛，丸，餃 等等但食食下唔記得影相其實我地都幾煩，又唔知嗌咩食 又要e樣個樣 但啲職員態度都好好 又會recommend下食咩好 又問我地識唔識用唱k部機.  而且e間餐廳每個位都好細心 我去洗手間見到有髮夾提供 出面又貼住有披肩 充電 等等提供 整體而言, 食物，service, 環境(好寬敞),  recommendation都係 10

💛好味指數:4/5💛💜回頭指數:4/5💜宜家連打邊爐都有廚師發辦，除咗唔洗諗食咩之外，仲可以食到唔同種類的食物☺️✅廚師發辦火鍋套餐$298▫️皮蛋芫荽湯底朋友係芫荽愛好者，梗係選呢款湯底，湯底芫荽量多😋湯底除咗有芫荽，仲有皮蛋、馬蹄、玉米，而且玉米好甜🌽▫️刺身拼盤餐廳會安排3款刺身，分別係三文魚、希靈魚和虎蝦，虎蝦係泰式食法，另有安排泰式醬汁▫️海鮮拼盤海鮮盤非常豐富，有九款海鮮：生蠔、鮮蝦、蟹、青口、蜆肉、魚肉、貝殼類▫️肉類新鮮牛頸脊、黑毛豚腩片、農場雞件、新鮮牛胸爽、新鮮金錢展牛胸爽油脂較多，牛頸脊牛味比較重🐂可以兩塊一齊食▫️丸類十二少四寶丸、自家制手工四寶餃 丸類彈牙，餃子餡料多，大大件真材實料▫️炸魚皮炸得好脆，而且好入味😋 ️ ▫️翠綠拼盆娃娃菜、生菜🥬📍十二少海鮮刺身牛肉火鍋專門店 (大圍)大圍積存街6-10號龍景樓地下

大圍呢間火鍋店，幾次經過都見佢座無虛席，心諗一定有佢吸引之處，今日提早訂位試吓先！門面佔有兩個舖位，一邊有海鮮魚缸，代表佢一定有生猛海鮮，而內在環境裝修高雅簡潔，空間感夠，坐得舒服👍🏻坐低之後發覺原來佢哋都有刺身供應，我梗係唔執輸試吓啦，咦！水準唔錯喎，雖然份量唔算太多，但都覺得出品質素唔錯，正😄 Order左一個海鮮拼盤，海鮮新鮮生猛，即叫即劏，有齊生蝦、鮑魚、青口、帶子、花甲、象拔蚌真係睇見都開心😂鮑魚新鮮生猛，上枱嘅時候仲係郁郁下😍湯底我哋要濃湯蕃茄，因為食牛肉最夾嘅就係呢個湯底，我哋仲叫咗半隻雞放落湯底度淆！雞件又滑又香，好正🥰煮個牛肉出場，真係有圖有真相，唔同部位嘅牛，全部手切，好考廚師功夫💯我真係極度推薦呢個湯底，配上呢啲極品靚牛，絕對係完美嘅配搭，不可不試👍🏻睇住啲牛肉又生變為嫩粉紅色，真係流口水！新鮮生蠔🦪，輕淖10秒左右，鮮甜滑香，非筆墨所能形容😄貴妃蚌，其他貝殼類，全部都好鮮甜，美味佳餚，配埋啤酒汽水，真係越食越開心🥳真係要影返幅大合照，仲有佢哋自家製嘅手打四寶丸，全部新鮮即叫即製，包你食過返尋味，當然仲有唔同種類嘅餃子🥟，亦都係必食嘅推薦😊仲有呢度招呼好，雖然咁多

大圍積存街就腳又多嘢食，我就最鍾意捧十二少埸，皆因打邊爐係我飛佛♨️, 呢度好坐又好食，所以今日我又來啦冷氣夠勁，卡位夠闊，食刺身有刺身，食火鍋有靚牛同海鮮，舒舒服服，擺到一枱都係，咁樣食嘢先夠爽🥳趁蕃茄湯底滾動中，食住刺身過下口癮先，生蝦、希靈魚，三文魚，涼涼地，辣辣地，認真唔錯！海鮮拼盆🐚一到真係好開心🥳，大大隻膏蟹🦀️，貴妃蚌，鮑魚，帶子，生蠔成五六種海鮮，全部處理得乾乾淨淨，睇落肥美新鮮，未食都已經流晒口水貴妃蚌快熟，又鮮又甜，生蠔肥嘟嘟，脹卜卜咁，一啖咬開啲汁直情係湧出嚟，鮑魚爽口彈牙，最讃係洗得好妥當，食得好安心👍時令羔蟹🦀️D肉結實甜美，打邊爐食海鮮最正係一樣接一樣，食邊樣先、邊樣後自已話事，慢慢傾，慢慢食，真正天下無敵😝😝😝 十二少呢度唔單止海鮮靚，牛肉🥩都係鎮店必食，淥完海鮮🦐🦀🐚嘅湯底特別好味，焯完嘅牛肉嫩滑粉紅，肉味香濃，非常高質⭐️⭐️⭐️⭐️⭐️紅肉有牛🥩，白肉有雞🐔，索曬D🦐🦀海鮮精華，零舍好食😋刺身、海鮮、靚牛已經食到我舔舔脷，🍡四寶丸、🥟水餃、雲吞一樣冇得輸，咁多野食咁多配搭，十二少瓣瓣都咁掂，唔怪得知個名叫做「十二少海鮮刺身牛肉火鍋專門店」

椰子雞就食得多， 椰青椰漿雞就未食過， 鍋底上了之後， 鍋料係分開俾你， 湯滾起後再倒落去， 清晰可見椰漿既部分係好多，一定好濃郁。 椰青都落左兩大個， 可見湯底用料十足， 飲落都好清甜美味。 火鍋配料就揀左白膳片， 每一塊都幾有厚度， 食落唔霉，係新鮮既。 其次就係桂花蚌， 爽口， 大件， 中意海鮮可以一試。 桶蠔質素都唔差， 手肉方面， 今次揀左個比較小見既部位黎試， 牛挽手聽落好似怪怪地， 但落牛味都濃，而且唔肥。 最後仲有份雙併餃、竹笙和素菜拼盤。餐廳仲有消費卷會員計劃，有興趣可以睇下。

之前見個門牌叫十二少幾得意又有好多人排隊，於是約老婆去幫襯下。呢間火鍋餐廳好開張咗唔係好耐，所以裝修環境都好乾淨。海鮮盤有蝦、帶子、聖子、蟹、貴妃蚌同蜆，非常新鮮。啲蝦仲識郁，好生猛，帶子大大粒，爽口彈牙，貴妃蚌大大隻冇沙。刺身拼盤有三文魚、希靈魚同翡翠螺，每款刺身都好新鮮肥美。打邊爐就一定烚吓牛同豬，牛頸脊、牛爽肉、金錢展同豬腩肉每款都好正，消脂方唔肥膩。餃餃震拼盤有鮮韭菜餃、鮮蝦雲吞、魚皮餃，大大隻鮮蝦包喺入邊，皮薄餡靚，零舍不同。雞件很滑，打邊爐更加入味。手打四寶丸有墨魚丸、蝦丸、鯪魚球，全部自家製，大大粒彈牙，一的都唔流。打邊就梗係要飲番幾杯，大大杯鹹檸七加大大杯凍檸茶，透心涼。呢到啲服務員好有禮貌，值得欣賞！

大圍高質廚師發辦火鍋 🤤 $298 一位食到飽😍性價比高，兩個人想食海鮮火鍋，自己去街市買，份量好雖預計，呢一度嘅廚師發辦火鍋就啱晒啦👏🏻 食材新鮮，款式好多，好滿足呀！今次叫咗個鴛鴦鍋：重慶麻辣& 皮蛋芫荽。 推介麻辣，麻而不燥、辣而不嗆，配肉料一流，皮蛋芫荽配海鮮👍🏼刺身拼盤：希靈魚、龍蝦🦞帶子刺身，食材新鮮👍🏼海鮮拼盆，好豐富呀，好多款式，有我最愛嘅貝殼類、青口、生蠔🦪、🦐、蟹、鮑魚、聖子 😂 一次過滿足晒所有願望，一個字「鮮」！👏🏻 呢個價錢，真心唔錯！仲有，炸小食，新鮮牛頸脊，黑毛豚腩片，農場雞件，新鮮牛胸爽，新鮮金錢展，翠綠拼盆，十二少四寶丸，自家制手工四寶餃！推介牛頸脊，好香牛肉味，肉質偏瘦，雖然瘦，但好有彈性，肉味濃厚鮮嫩。🤤鍾意打邊爐嘅你唔好錯過 ，性價比超高，呢個價錢，真心正，仲要係有好多款海鮮、肉類、丸類，大滿足！👏🏻

每天限量Omakase set火鍋好好食，298價格品嘗多種美食，食材由師傅當天進口，包括生魚片海鮮拼盤，老細非常有禮貌和體貼 刺身拼盤: 魚片好靚好新鮮。厚度正好。蝦好新鮮，好甜，出人意料地優秀 麻辣湯底+芫茜皮蛋湯底：呢兩種湯都系超級豐富和芳香嘅。 就算你加兩次湯，也能保持湯嘅濃稠。 麻辣鍋里有很多豆芽和豆腐，芫茜皮蛋鍋有很多芫茜，好足料 海鮮拼盤：亮點包括螃蟹、蝦、鮑魚、貝類，每一種都可以輕輕品嘗到新鮮海水味道，鮑魚生魚片容易咬，蟹肉和蝦鮮甜，其他海鮮處理得很好，冇沙子問題 肉類：好新鮮，肉質超滑 丸類: 白蝦丸、手打墨魚丸、手打牛肉九、蝦米鯪魚丸，係十二少手工丸，好爽口彈牙 ，味道好足

由於住係附近，成日都見好多人排隊，我同另一半都好鍾意食牛同刺身，所以就趁開學無耐出嚟抖下氣。地點方便就腳，大圍站行去5分鐘左右。由於熱熱地唔多開胃就簡左蕃茄湯底，黎到一睇就知足料，香噴噴，飲一啖湯就知貨真價實，好鮮甜。呢到最出名係刺身同牛肉，所以我地叫左三文魚，希靈魚同翡翠螺，果然產地直送，新鮮肥美。打邊爐邊面我地樣樣都想試，唔覺唔覺叫左好多，好滿足。牛頸脊帶有少少脂肪，有肉味得黎唔會韌，金錢展好有牛味，爽口彈牙，牛胸爽好特別，好似脂肪但係食落係爽口，好味。豬腩肉爽滑不肥膩。雞件好滑。打邊爐點可以唔叫海鮮，聖子細細隻但非常肥美，鮑魚洗得非常乾淨，入口爽口，蝦黎到啲腳仲郁郁吓，非常新鮮，肉蟹非常多羔，食落好鮮味，刀貝帶子都好鮮甜。我哋仲試埋佢嘅四色手打丸，彈牙爽口，一試就知用料十足。最後一定要試埋佢嘅手工餃，鮮蝦雲吞味道好大隻，入邊係隻大大蝦，麻辣餃子同芫荽餃子好惹味。我地叫左2杯飲品，見凍檸茶同咸檸7有個手指公就試呢2杯。2杯黎講大大杯，我覺得透心涼既咸檸7咸咸地中和番個甜味，好味d，打邊爐一流。價錢合理，一定有下次。

🥢 有冇諗過打邊爐都有廚師發辦，一次過食曬當日最靚最新鮮嘅食材又唔洗傷自己腦筋，一舉兩得，而且性價比極高，咁就不能錯過大圍 十二少！ 👍🏻 Omakase火鍋美味只需要$298！冇睇錯係$298可以品嚐超過20種美食，仲有刺身海鮮拼盤全部大大份，全部都係師傅當日入貨，保證新鮮靚料！老闆好有禮招呼好周到 💡 Omakase set 每天限定！記得預訂！ ✨ 刺身拼盤今次品嚐左希靈魚，象拔蚌同蝦刺身，三款刺身非常新鮮，希靈魚厚薄剛剛好，象拔蚌同甜蝦非常鮮甜，可以話出乎意料出色 ✨ 湯底：麻辣拼芫茜皮蛋兩款湯底都超級足料而且好香濃，就算加兩次湯都keep到濃味，麻辣鍋裡面有海量豆芽，仲有豆腐，吸收曬湯底精華 ✨ 海鮮拼盤全個套餐嘅重頭戲，有蟹，蝦，鮑魚，帆立貝，聖子，蜆等，每款都可以輕輕taste到剩餘嘅海水味，可想而知係幾新鮮，鮑魚帶子好彈牙，蟹肉同蝦都鮮甜，其他海鮮都處理得好唔錯冇乜沙 ✨肉類1️⃣ 新鮮牛頸脊：牛肉味好重好入味，因為切得好薄所以淥5秒就已經可以食到超級滑嘅牛肉2️⃣ 黑毛豚腩片：色澤通透好新鮮，而且肉質好滑唔會淥耐少少就變鞋3️⃣ 農場雞件：雞肉好彈好滑，就算淥耐左少少都唔會變得太

我今日食咗1)下火莞茜皮蛋鍋佢湯底用雞熬製，鍋入面除芫荽皮蛋、還有大粒馬蹄、紅蘿蔔、粟米都好甜呀⋯⋯2)韓式泡菜餃子、鮮蝦雲吞(入面好大隻蝦)麻辣牛肉餃子(有dd辣)3)台灣極品香菇貢丸貢丸好彈牙菇香味濃。4)澳洲草飼羊柳片頭切薄片，灼一灼就可以。5)牛胸爽肉灼6-8秒，肉真係爽口。6)牛薄頸牛味濃有咬口。7)一人份刺身💓入面有海生蝦刺身，蝦肉彈牙，記得沾埋佢自製嘅生蝦汁黎食，正。重有希靈魚、三文魚、重有加拿大海膽👉真係好鮮甜。8)手工四寶丸，分別有蝦米鯪魚丸，手打墨魚丸、墨汁墨魚丸、粒粒鮮蝦丸。💓唔係雪藏嘅丸。9)還有韭菜餃(💓係用新鮮豬肉)10)💓牛丸💓👉用料並唔係普通嘅牛(店長係用咗和牛打成丸)所以牛丸味係香到不得了🤤每一口係都好香嘅和牛，超正。11)💓野生長裙竹笙💓店長揀選左至靚嘅竹笙，竹笙超厚身。

今晚約了跟朋友吃晚飯，因為他工作地點遠，所以我便入大圍跟她滙合，我們想慢慢邊吃邊聊，所以朋友最後選了去吃火鍋。這家火鍋店坐位很寬敞，都是卡座，所以很舒適。我們選了鴛鴦鍋，麻辣跟芫荽皮蛋，食物方面就隨意點了一些，有牛肉、餃子雙拼、蝦、雙拼手打丸、牛胸腹，蔬菜等，兩人吃剛好，不會過多。怕熱氣，所以還點了椰青跟鹹檸七呢。重慶麻辣鍋頗辣呢，幸好有個芫荽皮蛋湯底中和一下。這家的火鍋配料食材很新鮮， 牛肉份量足也很有肉味。很愛那手打丸，蝦丸真材實料，鯪魚丸很有魚味。兩款餃子我就較喜歡韮菜餃，味道很突出。蝦也很新鮮很彈牙。我們點得不多，但因為份量足，所以也吃得很飽很盡興。

都說大圍多好野食， 今天難得朋友找我吃晚飯，我又怕下班太晚， 所以就打算在大圍聚聚。今晚我找到這家火鍋店， 因為吃火鍋環境輕鬆又可邊吃邊聊。火鍋店環境很不錯，雖然店面不很大，但座位卻是很寬敞，大卡位， 桌面夠大，多點了食物都不怕不夠地方放。湯底點了鴛鴦鍋， 因為朋友吃不了太辣， 而我又這週又連吃了幾頓火鍋，怕上火所以另一邊點了皮蛋芫荽湯。牛是火鍋必點項， 我們也來了一盤牛脊肉， 那麼大一盤， 應該夠吃了吧。另外點了一份蝦、手打丸雙併、餃子雙併、珊瑚蚌、牛胸腹及青菜，雖然不多， 但兩個人應該夠吃了。感覺今晚選這火鍋店不是任吃放題，但食材配料質素亦比較精緻。想不到這重慶火鍋很夠辣， 不過底料不多，只有幾件豬紅及豆腐。牛肉質感很紮實，牛味濃。手打丸是蝦丸及鯪魚丸，蝦丸十分真材實料，咬開能見到小蝦肉呢。鯪魚丸味道也很好。至於餃子，分別是芫荽及韮菜，韮菜餃子味道很濃很好吃。蝦一份有六只， 都好大好鮮甜彈牙。朋友怕熱氣所以點了椰青，很清甜清暑。我就選了咸檸七，同樣是解熱的。

同好友講想食海鮮，約我嚟大圍呢間火鍋店未入門口已經見到門口好多游水海鮮，食物新鮮度超乎我想像呢個Omakase套餐真心抵食，自己買料都唔止呢個價基於每人都想食自己喜歡嘅湯底所以揀咗鴛鴦鍋<招牌十二少鍋>呢款招牌湯底，清淡得嚟好夠味，加入香菇．竹笙等嘅配料，放配料前一定要飲啖湯 <重慶麻辣鍋>味道勁香，又麻又辣，好鬼正✨牛胸爽肉第一次食牛胸爽，白白一片口感好豐富✨ 牛薄頸平日打邊爐多數食封門柳，原來牛薄頸都好正呀，唔係間間火鍋店好似呢間咁多部位選擇✨ 西班牙黑毛豬腩肉擺得好有層次感，黏住少少肥膏，食落又唔會太膩✨ 農場雞件雞肉好嫩滑，肥瘦度適中✨ 牛脷芯朋友唔食牛脷，試完之後完全改觀，薄薄一片但好爽口✨餃餃震拼盤大大粒勁飽滿，韮菜餃．水餃．雲吞．魚皮餃一人一粒唔洗爭加多碟刺身，好新鮮，今餐超滿足．滿意以食物質數，呢間真係超高質

近年開咗呢間火鍋店，趁着暑假嘅尾聲，要約朋友食返餐好嘅。餐廳坐得好舒適，最驚喜係連火鍋配料都有廚師發板。單係海鮮都有9款，全部都好新鮮送上枱時，海蝦好生猛，仲郁架。✨刺身片片新鮮，三文魚好肥美✨炸魷魚外層好酥脆，魷魚新鮮唔靭湯底可以加錢揀鴛鴦鍋招牌十二少鍋 + 重慶麻辣鍋一次過享受兩種湯底嘅味道✨牛胸爽肉✨ 牛薄頸✨ 西班牙黑毛豬腩肉✨ 牛脷芯✨ 農場雞件✨ 四寶丸✨餃餃震拼盤韮菜餃．水餃．雲吞．魚皮餃今餐好滿足，非常豐富