十足風味

Open Now

Now Closed

住喺附近冇乜選擇，有時都係貪方便。食物還可以。員工有啲都OK，有啲就⋯⋯唔識講。叫十次肥叉得五成機會中，同買大細冇分別，有時仲俾特別瘦嘅嚟。之後同佢講，佢哋話師傅睇漏眼叫我下次落單叫肥x3。叫外賣加薑蓉，下一秒攞到返屋企打開嗰飯盒，完全當我冇講過。反影咗好多次，冇改善過。

成個叉燒都係筋位 仲有勁大陣豬臊味 係比人食既咩？！叫外賣拎走 就比啲下欄嘢比人食 以為拎走唔會投訴？以前都試過可能有一兩舊叉燒有筋位都算啦 當收到自己唔好彩 今次全部叉燒都係咁 真係忍唔住投訴

去完旅行回港，思鄉美食又發作，有皮蛋瘦肉粥同义燒都好想食。同老公行到海堤灣畔的十足風味，咁啱下午茶時段，叫咗個义燒湯瀨+凍奶茶，真係十分滿足👍另外，仲叫咗個星州炒米+凍啡，都唔錯，兩位加埋都係$111

講吓發掘小店的樂趣，此店可說是逆市奇葩，在近幾年飲食業艱難時，由一間外賣店，發展到第二同第三間有堂食的分店，都算多街坊捧場。記得最初第一間外賣店，為處於東涌港鐵站商場，行人自動樓梯的路口靚位，人流極之旺，舖的租金應該唔平。賣的都是叉燒、油雞、燒肉、乳豬等燒味，吃過味道不錯，價錢則稍貴。若果想吃質素相若的，可以行多10分鐘到街市的燒味店外買，價錢平三份一，完全是舖租反映物價。估計三年疫情可能它外賣生意不錯，加上只有本地消費，很多時黃昏放工累透，行過會嗱嗱聲買外賣加餸返屋企吃，一路見佢都好旺場，做到依家。它第二間分店，開始有堂食，選址在住宅區裏面的「酒吧街」，其貌不揚。我覺得選址倒是相當聰明，雖然這區比較多外籍人士居住，但成條街都是吃西餐或酒吧，中菜就得佢一間做獨市生意，有時都會見到外籍人士來幫襯。我放工食過好幾次，起初都是吃燒味。佢呢度好得意的，好鍾意免費派中式老火湯，坐低就問你飲唔飲湯？每日派晒就無。「青紅蘿蔔瘦肉煲霸王花湯」我覺得幾好飲，沒有味精感，味道也足，料甚多，是我少數會成碗飲晒的小店例湯。晚上的「燒味套餐」$62：揀了豉油雞，湯瀨粉，包飲品 (通常我習慣不喝餐飲)堂食外貌算幾

好地地食個早餐嬲到要寫食評。事源係我衰，我冇睇清楚menu，個早餐唔跟包，但我叫左走包。咁正常人係咪應該同我講句個餐冇包，問題解決。但佢唔係，佢係唔出聲，跟住幫我加奄列+包再走包。佢又唔比單，我又唔知。到埋單果陣，因為要同朋友AA，我叫佢印單。之後見到，問一問佢，佢即刻起晒鋼咁，「你話走包架，咪加奄列囉，你唔係以為奄列唔洗錢牙？」其實$5真係唔係問題，話走包你get錯加奄列都唔係問題，問題係點解問一句就無啦啦要比你串？

普通茶餐廳，員工態度極差，收銀男士沒有禮貌時常黑面。上次我一家大細到此用膳，我叫服務員姐姐可否攞隻碗仔給小朋友，之後我再叫她攞多對筷子，佢就咁講：(黑晒面咁講我好忙㗎，可唔可以一次過叫晒你所有要求嘅嘢？我即時目定口呆？🔥🔥🔥我同這間餐廳說不會再見。

外賣了鴛鴦炒飯、鹹菜胡椒豬肚湯飯、咕嚕肉，雖然路遠成粒鐘，但回到家品質都不太差。鴛鴦飯大大盒，白汁的蝦都不細，又彈牙，新鮮啊！紅色茄汁雞，肉嫩，汁味鹹甜適中。呢個飯$80，都好抵。另外，$60鹹菜胡椒豬肚，外賣會飯餸分開。鹹菜不會太鹹，豬肚不會有內臟的怪味，口感很好，不會過林或過硬。咕嚕肉，份量足，不過焗得耐唔脆了。堂食脆的。雖是外賣，但整體品質不錯，但外賣等了35分鐘。同阿姐講路遠，幫我包裝得穩穩陣陣。

每次叫外賣食鴨就唔畀酸梅醬,食雞就唔畀薑蓉,已經試過好多次,即使叫外賣嘅時候提佢佢一樣唔畀,其實係唔係咁貴呀,食燒味飯最基本嘅醬料配搭都做唔到,打開盒叉雞飯冇薑蓉燒鴨飯冇薑蓉冇酸梅醬點樣食呀,同員工投訴過多次一樣冇改變

侍應態度極差，諗住準備叫嘢食時，侍應已經走過黎話”你唔好就咁指住個餐牌呀，我唔知你要咩食架” 我心諗，我都未開口你已經响度鬧，傻傻哋。叫咗個$62四寶飯, 係我食過最難食的四寶飯，叉燒全部係骨，燒肉切到亂晒，咸蛋就 合格。

廚房師傅仲有禮貌過啲侍應，侍應經常十問九唔應寫錯野又唔認，態度又黑口黑面，幾次聽住佢寫錯又賴個客冇講。自己唔識睇英文俾個餐牌，人哋指着餐牌落單都落錯。反而煮野比兩個男師傅態度仲好過佢哋侍應幾倍。

今日🏃🏻‍♀️⛰由東涌去梅窩路程約3.5小時梗係要係東涌食個又靚又飽肚的早餐先有力💪🏻行行程要從喜東街油站旁邊開始所以係十足風味食早餐都算順路順便可以避開從港珠澳大橋過來個班同胞😝位置的確有點隱蔽但跟指示牌找的話都唔算難揾店舖細細地早上十一時左右 已經頗多人買燒味外賣相信燒味應該幾好食早餐都係比較穩陣 沙牛麵➕奄列➕凍奶茶🍹呢個組合要$41 頗貴啊 質素就幾好嘅沙牛麵味道幾香 叫左麵要淋d 姐姐真係做得到 (有些茶記即使叫左麵要淋 最後碗麵都係一餅餅 好激氣 唔知點食)可改善的係牛肉切得比較厚 鞋左d奄列👌🏻 有少少流心 凍茶有茶香 少甜少冰已經剛剛好早餐其實可以要兩餸而唔要奄列即是可以靈活組合下次東涌遠足時 可以再試沙牛叉燒麵啦👍🏻

昨晚我買外賣叫叉燒燒肉飯誰不知佢畀咗個切雞飯我 切雞近骨位仲要有血滲出我今晚落去再買順便同佢講返 (嗰個係男嘅服務員) 誰不知佢 支吾以對 仲要係好似想人投訴我嗰個態度😓我心諗一粒老鼠屎 整臭成個米缸就係呢啲

值得推介，價錢便宜，份量合理，推介沙嗲牛肉麵！地點有啲難搵，但係係東涌叫值得食！樓面職員都相當有親切感，有禮貌，比起其他餐廳既服務態度好，非常建議大家去幫襯試下燒味同沙嗲牛肉麵！水吧沖既檸檬茶都比想像中好味，好飲過一般茶餐廳，燒味都係自己燒，快啲去食！快啲去試下啦各位，真心推介！gogogogogogogogogogogogogogogogogogogogogogogogogogogogogogogogo

Delicious tea set in Tung Chung. Had the char siu and rice noodles while my better half had the wontons and ‘ho fun’ noodles. Meat was crisp and juicy and the noodles nice and firm. The veggies were also cooked well. Iced coffee was strong and not too sweet. Decor is simple, the service prompt and at $36 for a tea set, great value! Great new addition to the dining options in Tung Chung. I will be back.