南華美食

Open Now

Now Closed

吃完晚飯閒逛了一下，經過小食店忍不住想再食一個宵夜！這間幫襯了很多次，這次買了魚肉生菜一路行一路食，店家的魚肉很彈牙，加上胡椒粉香香辣辣的更錦上添花，湯底味道也剛好！

路邊經過見間小食店好似幾有歷史於是幫襯咗碗生菜魚肉都係25蚊對於美味的生菜鯪魚肉，我可以說它絕對是一道美味的菜餚！鯪魚肉爽嫩多汁，加上生菜的清爽口感，讓人一口接一口停不下來。調味方面，可以根據個人口味加入適量的醬油、蒜、蔥等調味料，增添風味。總的來說，生菜鯪魚肉絕對是一道值得推薦的美食！另外取決於你的食欲。通常來說，可以選擇各種食物，如炒麵、炒飯、烤肉串、麻辣燙等等。如果你想要吃更健康的食物，那麼可以選擇沙拉或者水果沙拉。如果你有肉食者的欲望，那麼可以選擇烤肉串或者燒烤食品。總之，街邊小食店一般有很多不同的選擇，你可以根據自己的喜好來做選擇。

難得嗰日夜媽媽我會同我個friend喺旺角(因為我哋唔係夜鬼，平日好Q早就瞓覺💤)。 肚餓當然就諗住掃吓街🤭結果，幫襯咗呢間外表普普通通嘅小食店。 由於嗰度冇得堂食🤪，結果我哋買上車邊回家邊食。 叫咗佢哋嘅炸大腸($15)，不過我唔食嘅。我朋友就話比預期中好，呢啲炸大腸多數都係來貨，點會係店鋪自己整吖(應該係，除非唔係)，不過感覺都交足貨，唔敷衍，而且味道唔咸。 煎釀三寶($10)，啲肉釀得好厚實，唔係薄衣衣一片就算，唔孤寒。魚旦($10)，我哋冇叫辣，雖然唔係陳皮魚旦，但佢嘅質感有啲似，唔會覺得佢太淋(因為我鍾意食爽嘅魚蛋)，亦都唔會好重味。 生菜🥬魚肉($20)，拎咗番屋企先食，啲魚肉勁多，少生菜(唔合比例同經濟原則，唔通菜平啲)，心諗佢點解會賣$20㗎😂😂😂，抵到爛，勁足料！不過其實我係想食菜多啲 ♪(´ε｀ ) 佢哋嘅嘢食都算高質(街頭小食類別)，而且價錢都真係幾合理化算(平時喺旺角銅鑼灣冇乜機會食到咁平，$20咁大碗魚肉)。 可以再encore，支持小店。

經過旺角一間唔起眼的小食店, 種類繁多, 煎釀三寶, 魚肉燒賣, 糯米飯, 辣魚蛋, 魷魚, 牛柏葉, 生菜魚肉, 碗仔翅......即席現場叫了一串辣魚蛋, 仲不知好死, 再加辣菜甫, 結果係超辣 超辣 超辣🥴外賣生菜魚肉, 記緊要加麻油 醋 胡椒粉, 魚肉口感良好, 食回兒時味道😋😋 好味的生菜魚肉已經好難找得到😅如大家有興趣品嚐, 謹記店舖營業時間 由下午至凌晨時段. 雖然店舖簡陋 但人流不斷. 特別介紹鎮店之寶"辣菜甫"😋

夜晚晚 一個人諗唔到食咩 行行下見到呢間南華美食 原來有我最中意既糯米飯 其實仲想食埋生菜魚肉 不過一個人食唔到咁多野 所以淨係食左我至愛先 佢寫住三寶糯米飯 不過我淨係中意食臘腸 其餘兩樣我個人唔中意食 一碗$27 唔算貴 深夜黎講唔錯 門口有幾張枱俾你坐下 幾好如果唔中意坐街邊 可以外賣 因為我都見到好多人外賣 飯到手 搵個位坐低 第一啖好香口 飯身軟度岩岩好 唔算太硬太軟不過唔中意太重口味既朋友 可以叫佢落少d 豉油 得閒同朋友黎聚下 食下少食唔算選擇 基本上有齊哂香港風味小食 值得一試

這是星期日的深宵放棄減肥了，來到凌晨12點還開的旺角小食店見到路面有張摺檯，這樣坐著來食也是另一番風味呀$10有7粒魚肉燒賣，味道正正常常，價錢合理另外糯米飯加潤腸$33，飯及腸算是分開蒸的，飯本身沒有臘味味，只到最後就只是在食白飯了，而且臘味飯沒有明顯標價，希望不是浮動的海鮮價吧

今日夜晚又走去呢檔南華美食食, 已經有半年無去了除了食好好食的咖哩魚旦之外, 今次仲食左煎薄撐, 估唔到, 好正 煎薄撐係由一個年紀較大的阿姐負責炮製, 其實薄撐已經煎熟, 當有人要時阿姐就會放之落PAN度再煎, 薄撐有韮菜之外, 仲有辣的菜保, 食的時候爽爽地口, 好惹味晏晝係無開門的, 要四點左右先門口, 早得滯去係無得食的, 晚晚都幾多人幫襯, 生菜魚肉碗仔翅都有好高的水準, 值得大家去試

openrice上无差评的咖喱鱼蛋，促使了我的欲望。我找到的时候兴奋不已，但是招牌的咖喱鱼蛋还刚起火炉。记得当时自己是个穿梭在旺角街头的路盲。再回来的时候已经天快黑了，6港币一窜金灿灿的鱼蛋终于满足了我的欲望。小伙子很客气，付钱的时候说谢谢，相机咔嚓的时候也连说谢谢。

曾經介紹過南華的咖哩魚旦, 覺得佢係食過的同類食店之中最好食的, 今次去食多次, 發現多左好多野食我上次嚟只係得一個男人喺度賣咖哩魚旦, 今次事隔一年再臨, 多左腊味糯米飯, 煎薄餅, 辣牛柏葉同由魚等等, 由兩個女人睇舖, 唔知會唔會轉左手呢? 買左一串辣魚旦食, 味道都ok, 但無上次咁正, 辣度比上次食更辣, 但反而少左一d 甜味, 仲有係好似多左層油喺魚旦既表面, 口感無咁好咁始終懷念之前食過的味道, 而家有少少唔夠好了..

每次行必, 都會經過南華美食, 次次都會俾佢個咖哩味吸引住! 不過通常我都收左工先去吉返串! 五蚊六粒魚蛋, 好正, 咖哩汁上哂啲魚蛋度, 辣味又夠甜味又夠, 見張相就知啦, 咁深色, 一路行一路食, 食完通常會去對面circle k買枝綠茶飲, 因為真係好鬼辣呢, 但係又辣得好過癮喎

好食既野如果無人知真係好嘥,我唔知openrice讀者知唔知,但係呢間南華美食我覺得不可以錯過之前食過既咖哩魚旦,係我覺得最好食既一間(個人意見)但今次要推介係佢地個腊味糯米飯,只見阿姐用熟練既刀法把腊腸切開,加上花生粒,菜舖,蔥花,熱辣辣既腊味糯米飯用個發泡膠盒盛住,每粒飯都咁好食腊腸同腊肉都唔少,特別鍾意食佢既菜舖,辣辣地,好開胃!另外生菜魚肉魚翅兩溝都想推介,味道都唔錯!

呢間小店個位伯伯,以前夜晚係對面商場(即係前南華戲院)門口擺街邊小販架,嗰時only一味賣碗仔翅,我已經成日幫襯架喇,佢d碗仔翅魚肉勁好味,有時一碗唔夠我仲會叫多碗tim,後來有段時間消失左上個月經過見到,我認得個伯伯,就再開始幫襯番佢啦,而家仲發現除左碗仔翅之外,d魚蛋都好好味架,夠曬彈牙,暫時都只係試過呢兩樣,不過我一定會再幫襯,試下其他既美食

尋日食完佢個辣辣魚旦驚為天人,今日再食一次,又要俾多個笑臉佢不過今次唔係食咖喱魚旦,而係食佢地阿姐煎既薄罉!阿姐用熟練既手法煎好一塊塊既薄罉,當我買既時候就接埋再加芝麻,如果要佞辣,阿姐仲會加一些辣吁菜舖落薄罉度,食起上嚟真係好食到震!估唔到呢間舖有咁多好食既野,唔食你就錯過!

七點幾喺mk88打完機,到了附近既一檔小食食咖喱魚旦,好正!五蚊有六粒,幾抵食,味道好過先達嗰間,魚旦好入味,真係一定要試!另外仲有腊味飯,碗仔翅,薄餅賣,下次都會試吓,都幾多人食!生意唔錯!

街邊的小食其實檔檔差不得太遠,特別係咖喱魚蛋,但小弟今次食完之後忍不住想讚佢一讚五蚊一串辣魚蛋,味道有點喜出望外,魚蛋俾咖喱汁煮到入哂味,可以講係好夠味,又夠辣,辣中又帶一點甜味,魚蛋本身口感幾好,咬落唔係嗰種鬆pou pou既感覺,而且有點彈牙,總之大家要試!