博多舍 (Closed)

諗住同女朋友去旺角食個Lunch，入左依間博多，叫左野食，個Waiteress 唔多想開聲咁，叫餐\飲都唔知佢\聽唔聽到，我叫凍檸茶，最後果然錯左，黎左熱檸茶...... 其實Ｄ野食不過不失，但都唔想令我再去......

好久都沒有給咸面了，可惜這裡真的一點不抵爭...　事緣趕著去換領信用卡禮品，之後還要去上環看話劇，所以就在附近隨便找間cafe解決晚餐。　甫進去其實已經開始後悔。黝黑卻沒有格調的環境，給人感覺是不乾淨及不舒服。求其點了個芝士焗肉醬意粉，以及日式咖哩牛腩飯，都是有其型而無其味，頗差。本以為簡單的飲品應該沒有問題，怎知凍檸水及檸檬蜂蜜都甜得離譜，給人淨飲糖水之感..　店員有比茶記更冷淡的態度，但餐廳還是要收加一的。今次食了就算了，但不可能再來了!

行過見特價午餐好似幾好於是入去試下.坐低之後侍應丟低o左本餐牌就走開.之後想落單,D侍應又扮睇唔到.終於有人來應時,一見特價午餐果版,我都未開口講,已經黑面咁話"呢版D全部冇啦!!"之後就行左去!語氣重衰過茶餐廳D阿叔,但呢度係收加一o既餐廳,點可以咁o架!咁o既餐廳以後都唔o黎!!!!!

間野d服務認真麻麻,入到去無人招呼!等左好耐先有個人行黎理下你~叫左個餐跟飯~個餐湯好似漿糊咁,又咸woo!杯凍檸水就好似糖水咁~d檸檬薄到死!勁唔惦~雖然平,不過唔太好食個環境又嘈~下次真係唔鬼去!

前日我同班friend約出黎食飯.....原本唔係諗住去呢間家...不過間間都無晒位....咁唯有去呢間啦....諗住都幾靚......應該都ok啦.....一入到去....d 男侍應都叫做幾好禮貌....唯獨是個女侍應(唯一一個女侍應)d態度就勁惡劣......落單無禮貌...."眼啤啤"....仲要同佢d男同事玩到癲晒..發晒姣咁..整到我地都唔知.....仲可以同個唔知經理定係老闆講:你幫我睇住先我出去煲返支煙先.....嘩.....簡直不知所謂呀...你要去食煙都唔好咁揚呀.....仲要收加一服務費喎.....但係你何來有服務可言呀???完全俾唔到咩服務俾我囉!!!!!最恐佈係我食完個餐晚飯之後我第二朝一起身就腸胃炎啦..我睇返呢間野之前d食評都無咁差....點解會越黎越差o家???唔怪得之唔駛等位啦!!!!!...我以後都唔會再去呢間咁o既餐廳囉.....搵命博o家....

前日同3 個friend去食lunch, 我叫左海鮮拉麵($25跟凍檸荼), 3個freind叫左海鮮焗飯($25跟凍奶茶), 焗豬頸肉飯量($25跟凍檸荼), 咖哩牛肉紙火鍋加白飯($30冇餐飲)。 d野真係冇咩特別, 叫做入得口, but份量偏細, 男仔應該唔夠食, 個friend 話d凍奶茶太多奶, 冇茶味, 個紙火鍋眼睇完全唔覺有咖哩, 而且份量好細, 唔加白飯一定唔夠飽。 一句講哂, 冇特別, 如果對食冇要求又唔想等位都ok o既~~~

星期日跟朋友在旺角聚會,想吃個下午茶.可是到處人山人海,看見此店難得有位子就來了.我叫了一個吉列魚柳焗飯餐加凍檸茶($22).飯的份量並不算少,味道一般,因個人吃不習慣吉列魚柳加白汁芝士這個組合,太膩了.不過還算夠熱.而凍檸茶就真是十分一般,太淡了.而兩個朋友就叫了拉麵套餐($2x)和一杯特飲($16,忘了是什麼了).我沒有試,聽他們說都是一般而已.服務員態度不錯.因他們看見我們三個人吃完之後佔了位子聊了很久也沒有什麼"動靜".結賬時以為要加一,誰知原來不用.雖然味道一般,不過22元可以慢慢吃個下午茶還真是超值.

想食日式咖喱飯,又唔想排隊,所以去後巷搵搵.見到佢$25包野飲,好似好抵咁.點知真係平野冇好.叫個咖喱豬扒飯,咖喱甚稀,得個辣字,全無咖喱味,正牌"死辣",冇其他材料,同甜甜地o既日式咖喱相去甚遠.豬扒厚而細塊,切得四塊,冇咩肉味,都算整得夠"林",但個炸漿甚薄,冇咩麵包"米康"成分,感覺煎o既一樣.飯用左珍珠米,細粒而黏性較強,配合咁稀o既咖喱就o岩o岩好.喱D都係叫做試過算數,冇下次!

未入去之前見到間野唔係好多人，間間都好多人要等位。但係呢間就唔洗等位，同埋見到個display d 野食都好似ok 咁就入左去啦。推門入去，入到去企左陣，冇人serve，OK 咁我地見有張空係門口隔離，咁就坐果到啦。坐低左先有人走過黎d 茶同menu過黎。睇左陣menu，發覺上面滴水，咁我地叫個waiter換，佢話冇喎，但我地明明見到後面就有張空，佢夠膽死話冇喎，啞哂！我地自己堅持過去，咁個waiter就唔幫我地搬野，仲叫我地自己返自己d 茶，haha ~ 激死!開始覺得呢間野d waiter的態度有d 問題。過左，再睇睇原來杯茶入便有料到～有條類似有毛的條狀物體，唔敢估係咩黎，唯有叫佢換過d茶啦。吹鬼漲，佢走左d茶可以唔過d返黎咖wor!再叫佢黎，佢就求鬼其咁pat係度，死未?野食唔洗講，難食，差，唔知佢想點，求鬼其食完就算！再見到有個女侍應係間鋪入便好開心咁死緊煙，foo foo foo 咁，簡直不知所謂～中途見到有人入黎想食野，個waiter同佢地講話冇位，但我地明明見到有張空，個waiter唔知做乜鬼，咁d客就走左喇，之後個waiter先發現原來有wor (note: 間野好細

我同三個friend去食因為見佢二人餐都幾多野食, 所以就咁叫個餐, 加個麥嘜...我地兩種味都食哂0個兩個麥嘜就...第一個柚子蜜糖, 要點來食, 好似唔知點咁...味道ok第二個好似用麵包點罐頭湯咁, 不過都幾好食個飯都ok火煱....只不過係放哂d 豬扒同雜菜落鑊, 之後keep住佢溫度...冇咩特別其他都係垃圾, 不值一提味道都算喇, 價錢貴都算喇最慘係...發現有曱甴!!!係杯茶入面有之後即刻叫佢換...但係d 侍應0既態度極之惡劣, 收左杯茶又唔攞返來, 叫佢攞返來又"擲"落枱, 真係...谷鬼氣個廁所又鬼死咁污糟...總之...唔好去....

比之前好左d啦,可能佢d staff 睇到,識得去改善下個次我去食佢地既2人餐cd湯比以前好飲左好多..個salad d 料比以前多左好多小食就欠小小~但係個多士可以比得上蒜頭屋..滋味左如果個柚子多士有第2種汁會更好..之後我叫d waitress比芝士多士d汁我..佢地都好樂意,無話好似佢地d分店咁唔比,其實點芝士多士汁仲好食..大家可以試試..佢地d desert 都真係幾悶..成年前係個樣,以家都仲係好心佢地boss or 大廚轉下啦,不過味道都ok.不過不失咁啦但係唔改下~點會有新既客呀??

都無問題...過得去..d service ok 呀~ 有傾有講`~佢地個pork chop烏冬幾好味..記住要食就一定要叫佢地落辣..唔係唔好食呀~d O Tea好正呀..可能係我鐘意sweet~

如果我之前有睇呢道0既食評，就唔使做笨蛋!我辛辣鄭烈0係友儕間被譽為識飲識食，充當飲食指南針，卻竟0係女人街「蕩失路」，闖入地獄無門0既博多舍!話說昨夜跟師兄逛街後隨他意願覓食，可他提議的餐館不是結業、喬遷，便是爆滿。於是又累又餓的我看到博多舍的二人餐內容豐富圖片所示陳列樣本所示賣相精美，只賣$168，便不知好歹推門而入。結果換來以下的味覺驚嚇歷程﹕1)蟹籽沙律--一看嫌太少，再看嫌單薄，單純得只有半茶匙蟹籽寒酸的附在青瓜絲上，沙律醬似有還無虛弱透白。一吃，一口腥嗅，就是不講究的師兄也臨陣投降!2)羅宋湯--又鹹又油，一生人第一次沒把湯喝完!3)炒雜菜--溫吞吞的不冷不熱，卻把鹹味推上高峰，好想知道廚師是何許人?邊度鄉下?4)忌廉湯--好淡，好像是備用未「進化」的白汁，很能令你味覺冷感。5)瑞士雞翼--騙人，分明是翻用經年滷水浸急涷雞翼!6)肉醬焗豆腐--豆腐質劣粗糙,且是冷的，問侍應，說是有冷熱二吃。吓?豆腐尚可冷吃，可是肉醬冷吃吃壞人。請侍應代為翻熱，卻依舊是冷著回來，沒有起死回生。7)波多黎國芝士焗麥嘜--最貨不對辦!一身蒼白，真有焗過嗎?為甚麼芝士白汁只有一兩湯匙?金菇只有數條

尋晚忽然好想食"蜜嘜多士"，記得之前行女人街見過呢間餐廳個window display有，行到去見間o野都好似幾ok，於是乎就拉左男朋友入呢間野試下。入到去個waitress擺低本menu都有講解o下咁，態度都ok啦。本來想點個二人套餐$168都好多野食咁，但又怕會食唔晒，最後就點o左"蜜嘜多士"、"吉列魚柳焗飯"+$20轉套餐，有個"蟹子沙律"、餐湯同埋飲品。飲品我要左個"荔枝乳酸"，男友就另外點個"檸檬柚子蜜"。個沙律一來到，我一吃...除左面頭d蟹子外，其餘全部都係青瓜絲同埋得兩條o既蟹柳絲，dressing更少得可憐。個忌廉湯最不知所謂!肯定係溝水的!果幾粒粟米仲要一陣雪藏味o忝!個焗飯，個木桶係好特別，但個飯好唔掂!舊魚柳好細，個白汁好稀，d飯又難吃!焗飯應該要炒過先好吃o架!佢d飯冇炒過仲要一舊舊!果d飲品，"檸檬柚子蜜"怪怪地，我個"荔枝乳酸"就冇乜荔枝味，根本就係"益力多"溝水!唯一好少少係個"蜜嘜多士"，不過我覺得佢焗得唔夠火候，食到尾仲好韌!我男友話一定係整定晒有order先用微波爐ding返~好差~兩個人最後埋單$120幾，算貴因為質素太差喇~!都係果句，女人街係

叫左一個魷魚拉麵, 一個札幌吉列豬扒焗飯, 同埋一客煎餃子。拉麵冇味; 札幌吉列豬扒焗飯, 其實即係茄汁吉列豬扒飯, 唔係幾覺得佢有焗過囉;煎餃子, 冇特別。女人街應該好多間都好味過佢..間舖d人好似死氣沉沉咁, 開頭係出面望以為有好多人, 原來佢地係staff o係度食飯, 我走o個陣大約8點, 但係都冇乜人....