卷王 (Closed)

香港真係好少會有立食嘅地方，難得經過旺角，一於試一次啦！餐廳門口已經貼晒所有餐牌，一目了然。除左丼之外仲有好多手卷。手卷嘅選擇都有好多，而且每款手卷都有四種嘅自選料，真係好難揀嫁！而今次一於決定試下北海道刺身丼啦！因為一個丼可以食齊幾款刺身，而且每款刺身都有三件，少少地先可以食多幾款嫁嘛。而呢個丼有三文魚、帶子、玉子及鮮蝦。先講講刺身吧，三文魚雖然唔係魚腩，但都係好厚好大件。而且價錢都唔貴，不過因為佢地位置唔多，所以外賣就最好不過啦！

夏日炎炎去到旺角想食得輕便嘅嘢食填下肚。又唔使食一啲熱氣嘅串燒，燒賣魚蛋。又想食啲涼浸浸嘅嘢食，最好仲有澱粉質補充番我嘅能量。仲行街作戰買嘢架嘛。經過見到佢哋做緊魚生飯，午市特價。除咗價錢有優惠之外仲有一罐可口可樂。夏日必備，涼透心。以前都未試過響街上面食魚生飯，今次就特登俾個機會佢啦。【蟹皇丼】減價$58 多多蟹膏，勁多嘅蟹肉，同埋半隻嘅軟殼蟹。首先講吓深紫色嘅蟹膏，鮮甜飽美，油份充足，用嚟撈飯一流架。十分推介。其次就係蟹肉，一早剝晒，唔使擔好難拆啲肉出嚟啦。啱晒我呢啲懶人啦。最後就是半殼蟹，放左係飯上邊大約十分鐘仲係脆卜卜。起低讚。 食外賣飯盒最重要就係個飯盒質素好，唔會好軟身，size 又剛剛好。真超快讚啦【三色丼】減價$68 嗰日冇咗海膽，有啲失望但係好彩有帶子。同樣都非常出色。不過我得有得撈飯嘅蟹膏就比較出色。

星期日約左朋友下午去旺角睇戲，當然要順便覓食。但大家都明白，星期日嘅旺角逼到行步路都難，餐廳通常都滿哂座......正在苦惱嘅時候見到呢間“卷王”~佢係外賣自取嘅形式，終於可以唔使等位啦!餐牌有好多選擇，除咗有手卷，連丼飯嗰啲都有， 仲有好抵嘅 lunch set ，有罐可樂送。醬汁就放左係旁邊，可以自己加。由於行咗咁耐真係超餓， 我揀咗個午市套餐，有三色丼同埋可樂。三色丼入面有海膽、三文魚子同埋吞拿魚蓉。冇諗過68蚊可以食到魚生飯，而且仲咁足料。海膽質素唔差，唔會話苦苦澀澀。 吞拿魚蓉肉好鮮甜，加埋啖啖三文魚子，口感非常好，而且飯ge份量好大，超抵食!平時去旺角想速戰速決，想食平靚正日本野，真係可以一試!

是日路過旺角，由於趕住睇戲嘅關係，想食一啲快夾妥嘅嘢，於是就嚟卷王幫襯下。Lunch Set望落都幾吸引，仲送可樂添，二話不說就揀咗個三色丼$68。非常大兜，自覺女仔應該食唔晒。上面有海膽、魚籽、吞拿魚碎，其他配料有青瓜絲同紫菜，全部都好新鮮。海膽份量雖然唔係好多，但係非常新鮮，令人回味無窮！自助醬料區，連豉油都有大辣小辣之分，相當體貼。60幾蚊食到咁飽，仲可以食到魚生，送埋可樂，喺旺角來講真係算抵食呀！其他選擇：

一直是海膽的超級fans, 同朋友難得在在旺角行街，掃街途中見到有海鮮丼，咁我當然要試下啦！時值中午，我叫了一個午餐限定「三色丼」（$68），包括了鮮甜可口的海膽，非常驚喜！而且還有爆漿新鮮的魚子和入口即融的吞拿魚，作為日式刺身的超級粉絲，真的非常滿足呀！而且，午餐方面更貼心地，以可樂作為餐飲，隨餐附送，食完新鮮可口的海鮮丼後，配上甜甜爽口的口感，真的是perfect match!整體上，作為日式海鮮丼的粉絲，真的是相當滿意，估唔到有間高質的小店，大隱隱於市，下次經過一定會再幫襯！

係旺角掃街, 通常都係魚旦燒賣果啲地道野, 今次經過想食手卷, 就試下呢間。雖然有大大塊牌有好多款手卷可以揀, 但呢到幾得意, 有得自己揀中意咩配料唔一定要set死左, 幾正, 而且一次過可以係12款入面揀4款。揀下揀下見佢有丼飯set喎, 五十幾蚊己經有交易, 所以我就投向丼飯既懷抱XD北海道刺身丼 $58呢個最平, 但都有齊我想食既帶子三文魚 鮮蝦同埋玉子, 即叫即整, 所以啲仲係温熱既, 同埋個盒好大, 裝到好多飯。三文魚一共五片, 疊埋左但原來每塊都好長身同埋幾厚, 較稔身口感柔軟, 幾新鮮, 不過味道唔太濃, 反而最鮮甜係帶子, 切左薄片都依然食到彈柔並重既口感, 玉子有兩片, 偏甜, 蝦刺身size都唔細, 對得住個價。反而飯都幾有驚喜, 因為用左日本米, 唔會話咁大碗就比啲HEA飯, 每粒都做到黏口果種日本米獨有既質感, 有個加分位係飯面灑左芝麻, 令佢更香口。餐跟埋可樂一罐, 不過我唔揀可樂, 但無其他野飲揀~豉油有唔辣 小辣 同大辣揀, 自己想唧幾多就幾多。

🍴4 味自選大手卷 38 蚊#fafafoodblog旺角🐟🐚🍚🍣🦐12款材料 自選diy既大手卷 個手卷都比平時嗰d大兩倍😍 入面有我點左既4 樣野 油甘魚 🐟赤貝🐚 赤海蝦🦐 葱吞拿魚碎🐟🌱D食材都幾新鮮 油甘魚鮮甜 赤貝爽滑 海蝦原隻夠哂肥味 而吞拿魚碎密度偏高夠口感 飯粒係用左比較軟身既白飯粒🍚 同脆既紫菜 後面既4枝豉油 有兩枝唔辣 一枝落左wasabi 汁大同小辣🌶🍣 經過可以叫外賣試下Score 平均分 <7.4/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻🏻👍🏻👍🏻~~~~~~~~~~~~~Address地址#卷王 旺角花園街2 至16 號好景商業中心地下22 號鋪~~~~~~~~~~~~~

是日去左油麻地覓食！趁lunch time, 黎左油麻地搵下好野食！ 就係佢啦！卷王見到佢價錢好相宜，賣相又正 一於一試一個Don只係58蚊仲要送埋可樂！ 手卷都好抵食，自己揀4款送，先係38蚊！但大食既我，lunch time 都係食番DON好d魚生好新鮮都是我很喜歡的三文魚大大塊，厚切，總共3片，吃得出的新鮮甜蝦更加係無敵大大隻，好鮮甜帶子也是厚厚的3片這就是我喜歡小店的原因價錢大眾化，食材卻十分到位，新鮮值得一贊的良心小企58蚊 有3款刺身再送你可樂無得輸

今日happy friday...下午跟男朋友到了旺角逛街。。。行到好景這邊。。看到一間專賣日式魚生飯跟手卷的小店。。。門面裝修得十分靚及有日本特式。。。而且看到食店內十分乾淨衛生。。。仲有好多不同款式既手卷放在餐牌上。。十分吸引。。。跟男朋友企了在門口望了一會。。見到很多途人都會停下來望一望。。有很多都跟我一樣忍不住。。會買返條手卷食下38蚊可以自選4款魚生。。。真是幾抵而且選擇又多。。。除左自選手卷魚生配搭外。。餐牌上還有一點已經配搭好的手卷可供直接選購。。。總有一款會合自己的口味男朋友說他被魚生飯所吸引。。所以點了一客點了一款北海道刺身丼。。。沒想到那麼大兜壽司飯有超多勁飽。。。而且刺身十分多及新鮮這款丼。。有帶子，三文魚，甜蝦，甜蛋。。十分鮮味三文魚質素好靚。。。清楚看到魚身的紋十分靚及肥美。。。而且帶子厚肉鮮甜。。蝦都十分爽口彈牙。。整個丼都十分好美。。而且刺身份量又多。。這個價錢真是好抵食午餐時段仲有汽水送門面有張小檯可以供我們立食的。。。檯上放了豉油可以加到飯及手卷中。。我所點的手卷。。。size很大飯都很多我點了三文魚，赤貝，赤海蝦，飛魚子看到d材料滿到就快跌食的時間的

今個夏日放假出外只感受到熱氣侵襲，但都無消我貪食既胃口，相約好友到旺角行街，通處都係人群，好多餐廳都滿座要等位，等待他的時候，我決定隨便搵間小食店將肚子先填飽，巧合路經依間日式手卷店，門面小小，但手卷種類選擇多，除左手卷，亦有午餐刺身丼售賣，我毫不猶豫選左三文魚親子丼，午餐仲送汽水一罐等左大約五分鐘就有得食啦，賣相好靚，份量比想像中大碗，三文魚色澤紋路已吸引到流口水，三文魚籽份量多到佔左半碗，應該有過百粒，粒粒晶瑩剔透，落埋豉油同芥末撈匀食，三文魚食落幾肥美，三文魚籽拌飯一口食鮮甜美味，一粒粒一咬落口爆汁，不知不覺整個丼飯食完，再飲啖可樂夠哂滿足

香港地到處都係美食，總不會餓死，只係日本食店都開到通處都係，我本身都係愛食日本菜既頭號fans，除左時常同朋友們去餐廳食日本菜之外，手卷小店當然亦係我既頭幾名既小食之一，由其出去旺角依區集結小食地方總是走唔出美食既魔掌，早兩日經過依間手卷小店，除左有好多種類既手卷揀之外，仲有午餐限定刺身丼食，見到價錢都幾合理，又有齊哂我鍾意食既刺身三色丼，急不及待買左碗同家姐兩個人一齊分甘同味先雖然天氣好熱，好在唔洗五分鐘就有得食，我拎左已經被賣相吸引住，份量亦比想像中大碗，一般其他依類既手卷小店賣既丼飯都係不足一個正餐份量，但依度既份量當正餐食係一定飽三色丼入面有蔥呑拿魚碎、三文魚籽同海膽，我地企左係枱仔隔離食，枱上有唔辣至大辣醬油任意倒，倒完醬油再拌匀部分刺身同飯三文魚籽粒粒都好剔透，呑拿魚食落帶香蔥味，海膽好鮮甜，三種刺身係完美組合，魚籽咬爆後甜味令飯味道提升左，食唔停口最後我地兩姐妹清哂，估唔到旺角區都有唔錯既刺身丼食，滿足啊

天氣太熱想食反d生冷野，搵左一間位於旺角好景商業中心旁邊。聽同事講呢度與其他壽司店不同之處是大份夾抵食😍外賣丼飯：三色丼聽落去好吸引，價錢都合理😌 另外旁邊設有日本豉油、大/小芥茉豉油 可以按自己的喜好調整 建議食大辣 好重芥茉醬味道😋三色丼當中包括海膽、蔥花吞拿魚、三文魚子😋此外還有配菜:紫菜同青瓜絲。最有驚喜係壽司飯好香的壽司醋同軟綿 仲要每日新鮮煮起 😚 海膽入口即溶與壽司飯一齊食 味道好濃郁，三文魚子非常新鮮魚油與飯的奇妙的夾👍👍整體來說，食物非常新鮮，份量好足夠😌 午餐仲有一罐汽水👏 非常貼心如果外賣仲會設有豉油同芥茉獨立包裝😌 下次還會幫襯！

今天與朋友相約，決定和他在油尖旺區掃街。 在旺角的街頭，看完戲有點肚餓， 經過這間壽司店， 好像很吸引便決定一嚐。我選了一個大手捲作下午茶， 可以選擇四種餡料。四式自選大手捲 $38 有很多種不同的口味， 例如三文魚、泡菜、墨魚、北寄貝、沙律和海蜇等等。而我決家要個魚類大集會，所以選擇了四款魚類。赤海蝦 鮮甜不會很腥。 而蝦肉爽口彈牙， 不會有霉爛不新鮮的感覺。油甘魚很大片，肉身夠厚。它的油脂比例十分好， 令肉質不會太油或者太靭。 當中亦沒有魚根，所以口感十分優勝! 飛魚籽十分夠味，咬落口感薄薄脆，超爽。蔥粒吞拿魚碎魚碎不會太生硬， 味道亦十分可口惹味。而最值得讚時手捲的中間,仍然有大量餡料, 十分足料。店員的服務亦相當有善，在旺角街頭， 很多小食店的店員也欠缺耐性，說話會比較粗魯。 不過這裏的店員，很有耐性地解釋不同的餡料， 並會主動提醒我們拿紙巾， 十分窩心。而豉油亦有不同的口味， 能照顧到不同的食客！簡直超級細心！整體而言，壽司價錢與餡料的份量成正比，服務又很好， 店員禮貌十足。

今日放假行開附近又想食下小食見到呢間鋪好多人排隊所以就去咗試吓啦 而係旺角都好少見到一間小店係專賣手卷嘅 吾知好冇味呢我就叫左兩個自選手卷 入面有三文魚蟹棒飛魚子芥末墨魚首先三文魚又真系幾新鮮同肥美 雖然吾算太厚 但都吾算太薄 芥末墨魚都幾有口感 幾彈牙 而飛魚子份量都幾多 吾講吾知 呢個看卷比平時大三分之一架 一個手卷可能女仔未夠飽 但二個就一定夠 所以我就叫多左個食第二個我叫左海蜇三文魚蟹棒飛魚子吾知點解第二次食呢個手卷時 落既少辣豉油特別的辣！ 搞到我流哂眼淚😭不過想講既系 佢d飯真系幾好味 一粒粒既 所以得閒吾知食咩都會黎掃下街😊

有時覺得自已有點犯賤，放假至來病，搞到食嘢都冇咩胃口，於是去買個日式外賣，盡量令自己食多點吧~來到店鋪門口，款式確實多到令我有點眼花，於是我看了看午餐餐牌，點了唯一一個全熟食的午餐 set... 其實我都覺得它們的手卷都好吸引架... 體積相比出面的大三分一左右，不過本身胃口唔算太好，所以同自己講下次一定要再來試試手卷~今次我點選的是蟹皇丼，送埋一罐可樂都係50幾蚊，份量都算抵食的~打開蓋子，見到呢個飯有一大 pat 蟹膏、蟹肉、蟹子和軟殼蟹，真係一蟹4味。用料方面，食得出是很新鮮的，尤其是蟹膏，那種香味是長留在口腔之中的...當我享用緊呢個飯的時候，老公突然返來屋企見到我食緊，雖然佢話已經食咗飯，但係都要擘大口食幾啖笑住咁走，就咁俾佢搶食成功~