厚興瑜記手撕雞 (花園街)

Open Now

Now Closed

個飯連一包紙包冰紅茶要70蚊個份量少到咁 ，好似食左空氣咁連我一個女仔都唔會食得飽啊😅😅唔會再叫第二次，又唔係話超好食個份量咁樣真係有D過分囉各位睇路喇 唔好中伏

好後悔買咗呢盒外賣，成盒飯都係生米，除咗啲雞俾得超小肉，而且仲要連埋好多冇曬雞肉嘅骨頭充支撐盒飯嘅位置，成盒飯都唔知食咗啲咩….有咩理由飯係生嘅都可以賣俾人？咁基本嘅煮熟飯都做唔到，覺得呢間店嘅質素真係好差，唔明點解咁多學生黎買外賣？！得咁小餸會飽咩？仲以為呢個品牌有咁多間分店，應該間間差唔多，會有番咁上下質素，今次真係中大伏，俾左$38買盒生米飯，食得小小雞肉，以後都唔會再幫襯，冇良心冇誠意嘅外賣店黎，大家小心唔好受騙

－直有食開清遠手撕雞，今日在旺角路過，第一次幫襯花園街呢間；以為間間差唔多；點知半盒雞，大半係骨頭！！超級失望！！話送小吃，揀咗海折，於是仲少雞肉，而且主要係雞胸肉，鞋到不得了！😞

OT後去旺角買外賣，突然想食手撕雞。搵到呢間厚興瑜記，有印象在其他地方都見過。店鋪不大，堂食的話，有數張簡單枱椅。主打手撕雞配不同小食的雙拼飯或冷麵，也有原隻或半隻雞賣。點了手撕雞和豬耳朵雙拼飯，口味有點麻甩，但又好耐無食，有點懷念。42蚊，好化算，還送例湯，經濟實惠。返到去打開飯盒，飄來飯餸的香味，雞和飯的份量都好多，把盒子裝得滿滿的。雞肉和豬耳都好入味，配香噴噴的白飯剛好。就是這種實而不華的小店，照顧著只需要一餐簡單美味又飽肚的人。

手撕雞絕對係足夠味道，香辣超正，無論小食定雞都好好食個人推介小食有海蜇仲有雞腎平靚正配搭例湯一流個湯用雞骨煲冇味精平時喺旺角店食開依家銅鑼灣都開咗同一個老闆勁有良心本人係旺角食開熟客，係銅鑼灣見到開咗即刻望下係咪同一老闆，因為之前有食過其他厚興瑜記真係一般，旺角同銅鑼灣絕對係唔同，好食好多👍🏾

星期六下午同朋友怏食左個Light lunch，唔夠飽既我地決定去旺角掃街諗起都好耐無食手撕雞，行左成十分鐘先到呢間鋪頭~我地叫左個2人set，包半隻雞，兩碗飯以及湯因為朋友話想試下其他，所以加左$3 @ 1 位轉左做冷麵 半隻雞份量尚算老實，岩岩好夠兩個人食手撕雞既調味係厚興瑜記獨有既味 ( 好惹味)冷麵就有啲平平無奇，只係加左胡麻醬另外我都覺得個麵有啲太硬及乾身，有些微的雪藏味跟餐送既西洋菜湯