厚興瑜記手撕雞 (英皇大廈)

Open Now

Now Closed

其實都俾咗幾次機會呢間手撕雞店，每次都係骨多個肉，基本上都係附上一嚿大雞髀骨（附帶少少嘅肉絲），一嚿雞鎚骨，一嚿雞翼同少量肉碎，唔知其他肉去晒邊⋯食到我背脊骨落

叫咗半隻$63嘅招牌手撕雞，味道正常，但勁多皮勁多骨，加加埋埋唔覺有半隻雞。食完好肚餓。追求蛋白質嘅人真係唔好諗🥹。半盒皮半盒骨，多謝老闆請咗我食2啖肉。🥹

今日唔想煮飯就去買盒手撕雞做餸 去到店前見不到店員，但原來店員坐咗喺店後方，叫一聲唔該就出現了今日叫咗半隻手撕雞拼雞腎，叫完之後店員就會喺雪櫃拎出分好一盒盒嘅食物，倒入一個大兜即刻mix啲麻油，最後落芝麻喺上面，份量都幾大，夠2人食。味道方面，麻油味好香，雞都好嫩滑，雞腎切得比較細塊，都幾易咬，如果可以濃味少少更加正P.S. 一開始見到店員有戴手套都幾放心，但最後收錢都係戴住同一對手套，雖然全程無見到店員用手直接掂食物，但感覺都不太好

本身知道間野好多分店，喺上環同北角都試咗叫做ok好食，但係我無諗過喺鰂魚涌叫就咁大反差冷麵本身就係多芝麻醬先好食，但係嚟到打開嗰盒，發現咗得好少芝麻醬，唔夠撈個麵，青瓜又係得少少不如唔好俾。結論就係食咗齋冷麵，完全係食緊垃圾，呢個位係好失望個海蜇又少辣，完全冇加過辣醬咁，咁叫辣嚟做咩，要唔辣好過啦，真係可一不可再手撕雞又比晒啲骨，肉完全係好少，都唔知道可以食啲咩，俾勁多骨不如唔好俾，買得手撕雞緊係想食雞肉

之前媽咪都會買佢黎加餸，我都係最近先知鰂魚涌有一間分店，於是食lunch時走去買飯。我叫左手撕雞麵，佢d手撕雞係我食過最好食既手撕雞，美中不足係麵太凍同埋唔係好夠飽。

尋日返工又係得我一個一支公去食飯。今次唔食M記，去食手撕雞飯。鋪頭隔離有間厚興瑜記，呢間啲手撕雞其實我一直都鍾意食嘅，以前知道北角有一間，我都會特登走過去買盒當晚餐食。叫咗個香辣手撕雞飯，配盒果然系冰鎮檸檬。開食～～～雞肉其實好好食，好滑同埋有胸肉又有雞翼比我。連雞皮都有味，又唔會太肥太油。撈暈晒啲辣椒油之後更加惹味呀！盒飯有跟條菜，符合營養標準啊，不過就有啲難食啦，冇乜甜味同有少少苦添。間嘢好易去，鰂魚涌站A出口出嚟對面馬路就係，好易見到。

本身經過呢間野以為無乜野，經同事介紹下就食下。嘩，有驚喜，四十蚊，有小食有雞有冷麵。勁抵食，而且仲要唔差。雞之外其實個冷麵都好好食，又唔硬，又有味👍🏻👍🏻👍🏻👍🏻

每個手撕雞飯只是30多元，有飯有雞肉，還有飲品，真是物超所值。如果覺得 一小盒雞肉比例比較小的話，亦可以加餸，他們有雞腳、雞腎、雞頸等其他部位供選擇。 雞肉本身有一些醬汁，口味比較重，配合白飯來吃特別適合。他們只是一個外賣店， 不設堂食。

身為鰂魚涌嘅打工仔，想喺鰂魚涌食個平飯，其實都真係有難度。而講最抵食既，我一定會揀厚興瑜記手撕雞飯。$32有雞有飯有菜仲有飲品，真係好抵食。手撕雞真係好好食，調味得好好，有好香嘅麻油味。而且啲雞皮真係好爽脆，小小油膩感都冇，連平時唔食雞皮嘅我都會忍唔住食哂。雖然係手撕雞， 佢都會有啲骨擺係度，但咁平嘅價錢如果全部俾晒雞肉，又會蝕，所以搵d骨撐住都可以理解。如果好鍾意食雞嘅朋友，可以試吓叫半隻雞，再加個白飯，咁就一定夠食！

無可否認，係香港生活，好多時晚飯都要靠外賣加料，因為返到屋企，街市已經收咗，又唔想去超市完又要再煮，外賣係一個好方便嘅選擇。之前朋友已經介紹過呢間嘅手撕雞，終於有機會買番屋企加料肉係嫩滑，之但係...好重味精味，可能本身嘅調味料已經唔少，所以...其實唔係好食得出雞味，但配白飯同自己煮碟菜，一家人簡簡單單平日食個"住家飯"都唔錯，反正，去連所快餐店都係差唔多菜式，但買呢一盒返屋企，反而仲平d~之不過，今時今日係香港，真係好難再食到雞嘅鮮味，再加上一分$一分貨，都唔可以要求太多

手撕雞是中國傳統的食物, 亦是一種需要廚師很多工序才能完成, 所以能吃出廚師的心血。因為已經很久沒有吃手撕雞, 但近來經常聽同事說午餐吃手撕雞飯, 所以便決定試試看。在厚興叫外賣排隊, 等了約10-15分鐘, 時間沒有想像中的長。之前沒有想過厚興午市會做外賣飯盒, 而且價錢很合理, 亦可以加錢變兩餸飯, 例如雞腎之類, 所以吸引了很多在太古坊工作的朋友幫襯。因為我胃口比較大, 亦很喜歡食雞, 所以我叫了半隻手撕雞外賣, 另外加了一客白飯。雖然要七十多元, 但吃過後非常滿足, 性價比很高! 如果胃口不大的朋友, 只叫一客手撕雞飯亦不需要四十元, 十分抵食!

以前係么鳳，如今變了做手撕雞。知道佢有好多分店，但就未試過。呢間新店開張幾日，之前拿了優惠券，今晚爸爸憋不了就去買了半隻加餸 ($55，新張期內送一款小食，我們則要了海蜇絲)。半隻都裝滿一個外賣飯盒 (係平底那款，不是中間有條骨  ”裝假狗” 果種)，份量都算多，上有芝麻吊味，看似不錯。夾夾下原來半隻雞係連雞皮 (大量)、雞頸、雞翼 (一隻)、雞爪 (一隻) 的，至於雞 PAT PAT，可能係另一盒先 “搭有” 吧 。咦，真係俾你睇到足半隻喎；但食落就知佢味道偏鹹……而海蜇則算爽口。