厚興瑜記手撕雞 (海晴軒)

Open Now

Now Closed

夜嘛嘛唔知食咩，行到街市附近兜下見到依間野，之前食過lunch set都幾好👍🏻送飯一流，就決定買盒返去加餸價錢唔算貴，半隻都已經大大盒調味ok唔算鹹，但油多左啲，不過送飯真係幾香口啲肉都好滑，雞胸位都唔會好乾

25-6-2023(Sun)朝同老公食完高鈉早餐後買餸,經過呢喥,老公話買手撕雞啦,好啦.睇完價錢牌後,決定要$65.00嘅手撕雞半隻同$30.00嘅海蜇.到晚飯時間,我哋就打開嚟食,我先食海蜇,佢正常爽口,但好鹹;之後食手撕雞,佢口感ok,唔會太嚡,而味道同海蜇一樣嘅?同樣咁鹹,食到沙薑同五香粉嘅味道,上次食評係2013年10月31日刊登嘅呢篇:https://www.openrice.com/zh/hongkong/review/%E5%8D%B3%E5%8F%AB%E5%8D%B3%E6%92%95-e2328805味道係1.5分 , 抵食係2.5分

Make to order pulled chicken. They make it upon order with their secret seasoning. It's well seasoned and the chicken isnt too tough. If you want it spicy, need to give them a shout in advance. Costed $120 for the regular pulled chicken and $140 for the one with wine in. Convenient enough for extra dish for home dinner.

今晚咁多人食飯，決定加番兩道餸！麻辣手撕雞食很多，但呢間真心比較特別，出入都係熟人，問今日雞靚唔靚！佢地既麻辣手撕雞有別於出邊、個辣感係少少麻、嘴邊會feel到、但唔會辣到要係咁飲水或食唔到落去要停下（所以我都會無停過口🤣）係著重香麻口感既麻辣，應該怕辣人士都會食到😋😋 仲加添左份小食、雞腎～雞～全部都係雞😎～哈哈，就係鍾意佢爽爽的口感～又入味呢間老字號開左幾十年架，可以屹立不倒絕對有佢既理由！完全feel到用心製造，不馬虎！食完番唔到轉頭鳥～

27-10-2013(Sun)晏晝同男友o係深水埗買完第一轉餸後,返荃灣買第二輪,其實朝早經過呢間時,佢已經話買手撕雞返屋企做餸,我o地o黎到,同男友決定買$40.00半隻手撕雞,店員即問我加唔加$15.00要埋海蜇,男友話好,咁就要埋啦.返到屋企打開,佢o地將海蜇放埋係個盒,再加白芝麻.我食吓海蜇先,係正常爽口冇問題.而手撕雞呢?一啲脂肪都冇,肉質嫩滑唔會過老.今次好似好食過舊年第一次食.

11-11-2012(Sun)朝,大嫂過o黎時都買埋夜o既餸o黎,佢o係o度買o左$3X.00半隻o既手撕雞同唔知幾錢o既雞腎.終於到夜晚食飯喇,大大盒o既手撕雞面上有芝麻,味道係有少少鹹,唔知係咪鹽焗雞o黎o既呢?雞肉都叫做滑,而其實仍有啲骨o係o度,所以覺得佢好大隻,其實唔係.味道: 4.5分而雞腎呢,同樣有啲芝麻,食落,有少少辣,因為落o左少少辣椒油,而口感唔算好爽口,一般.味道: 2.8分我估兩樣加埋應該最少$56.00,而呢餐我o地一共有5個人食.