厚興瑜記手撕雞 (卓爾廣場)

Open Now

Now Closed

之前已經食過厚興瑜記手撕雞外賣，今次係屯門工業中心上完yoga，經過卓爾中心嘅分店見到有堂食，即刻決定就食呢間😆 大約夜晚7點左右去到，已經坐門哂人，不過等左一陣好快就有位。餐廳係半自助式，係counter落單，之後等叫no.。當我哋苦惱緊食咩好嘅時候，店員好熱情咁介紹，最後決定叫咗一熱一凍試下😋📌花雕醉雞米粉 $60 (可轉白飯/湯麵/水晶粉）🍜醉雞有好濃郁嘅花雕酒味，雞肉肉質十分嫩滑，即使雞胸部分都唔會覺得”鞋”，雞皮亦十分彈牙，一d都唔會覺得油膩，就連平時唔食雞皮嘅我都會連皮食😝 米粉用雞湯做湯底，灑有少少芝麻同蔥，清清地又唔會太淡。📌麻辣手撕雞撈麵 $54🥢另一樣當然要揀招牌手撕雞🤤可以揀熱食或凍食，因為天氣咁熱我地揀左凍食😆 辣度大概係小辣，加埋麻醬，芝麻，青瓜絲，惹咪得黎亦十分清爽。撈麵用嘅冷麵十分彈牙，撈起之前亦十分掛汁，夏天食絕對一流😋📌跟餐會附送例湯或者檸檬茶，我哋揀左例湯，飲得出十分之足料，有紅蘿蔔、粟米、馬蹄、雞腳、豬骨，飲起黎十分清甜🤩

👉🏻麻辣手撕雞撈麵原本對呢款無咩期望，點知幾有驚喜🤩麵條好滑溜，醬汁落得恰到好處，啱啱好夠撈晒啲麵。醬汁調得好味，少少酸甜味咁好正。後尾有啲越食越辣😆但可以接受。👉🏻胡麻醬手撕雞撈烏冬呢款就係預期之中嘅好味😋日式胡麻醬落得唔孤寒，又唔會水浸咁。烏冬滑溜得黎少少煙靭，青瓜好清新。👉🏻加$10有碗老火蕃茄薯仔湯，呢個正呀勁有屋企feel，薯仔煲到好蓉，好飲🤩兩款麵份量都幾多，飲埋碗老火湯就好飽了。👉🏻樽仔咖啡、水晶咖啡兩款咖啡都幾香滑，水晶果個有啲野咬下幾過癮。

今天食既一家位於屯門卓爾廣場的熱門手撕雞專門店——厚興瑜記手撕雞！這家餐廳不僅價格親民，而且味道絕佳，絕對是屯門的必吃之地。厚興瑜記手撕雞位於卓爾廣場2樓的，環境乾淨整潔，裝修簡約時尚，讓人一進門就感到舒適。這裡的特色是手撕雞，而且價格十分親民，2人用餐只需要平均$67，真是物超所值！我們點了他們的皇牌二人餐，價格只要$134，包含了招牌手撕雞半隻和多種小食。首先是招牌手撕雞，鮮嫩多汁，肉質細軟，每一口都散發著濃郁的雞香，令人難以忘懷。搭配著他們獨特的醬料，更是美味無比！接下來的小食也是一絕，麻辣豬肚和麻辣豬耳口感爽脆，辣味十足，非常開胃。上湯魚腐娃娃菜則帶有清新的湯汁，搭配著嫩滑的魚腐和嫩嫩的娃娃菜，味道鮮美又健康。最後，兩支飲料讓整餐更加豐富多樣。除了美味的食物，這裡的服務也非常到位。服務員態度親切友善，總是笑臉迎人，讓人感到宾至如歸。他們也非常注重食材的新鮮度和衛生標準，保證每一道菜都是新鮮現做，品質可靠。總結來說，厚興瑜記手撕雞是一家性價比極高的手撕雞專門店。無論是味道還是價格，都能讓人滿意。

行過依間手撕雞店，見佢都幾抵食就同朋友試下，發現都真係唔錯！胡麻醬手撕雞撈烏冬🐤醬落得岩岩好，唔會太多好漏，太少唔夠。雞好滑身，仲要好入味，配埋青瓜好清新😌糖心蛋北菇手撕雞水晶粉🍜粉同餸係分開的，所以唔洗擔心會無哂味。水晶粉口感好似韓國粉絲質感，雞同樣好滑，菇好入味😍，糖心蛋都做得好出色👍🏻👍🏻另外我地再叫左兩個小食～蝦餅🦐好有口感，係食到啖啖蝦的，再加埋個甜酸雞醬，真係好滋味🤤上湯娃娃菜🥬估唔到係咁好食，好食在於啲菜吸哂啲湯，好入味，菜又唔會煮得好軟好硬，唔錯👍🏻佢隨餐仲有嘢飲同湯，湯唔係味精湯，係蕃茄薯仔湯，幾足料，同埋我地加左錢叫埋特飲都係$10。叫左華田奶同柚子奇亞子

有日去左屯門上堂，上堂前食個飯先就搵到呢間簡單又好食既餐廳，出餐快，價錢又經濟，岩哂一個人去食個飯。呢度系先出外面落單比埋錢，再等叫飛拎野食，好似快餐店買餐方式。手撕雞蝦餅飯 $58懶人必選既手撕雞！呢度出名食手撕雞，作為懶人既我當然揀佢，啖啖肉而且好入味，蝦餅都意外好食，有啲蝦膠粒系蝦餅入面，有咬口感。另外飯量十足，絕對飽肚。上湯魚腐蛙蛙菜 $26有時出街食得多都會想揀啲清清地，健康啲既食物，揀左個上湯魚腐蛙蛙菜食下，魚腐都有5件左右。是日老火湯菊花杞子茶冷泡茶方式既菊花杞子茶，非常重菊花味，無落糖既關係所以飲落會有少少菊花苦味，但絕對健康有益！

以往來卓爾廣場都是學童牙科保健後時光飛逝 現在我成為了等待學童的「家長」發現內裡已經改頭換面閒逛之時發現了厚興瑜記的堂食店以往每次都是外賣回家吃看見有許多新品 價錢相宜 便坐下一試馬來喇沙手撕雞鴛鴦麵手撕雞一如既往雞味十足而且口感很好喇沙湯底椰味香　不辣大部分人都可以嘗試配料有溏心蛋　豆卜　魚片頭豆卜可以很好地吸滿湯汁季節時蔬現代人多外出飲食 蔬菜經常攝取不足18$ 大大碟加些許蠔油家的味道時令靚湯應該是每日不同的例湯能喝出沒有加味清或過多的鹽靠的全是湯料原本的味道樽仔奶茶趕上潮流厚興瑜記都有不同特飲奶茶有驚喜 水準頗高有別於台式奶茶經典港式奶茶 茶澀與甜度都恰到好處

厚興瑜記係香港有咁多間分店，相信大家對呢個名都唔陌生，但過去我都只係食過外賣，今次竟然比我遇到一間堂食分店，即刻要同大家介紹下！———————————————🌟花雕醉雞水晶粉(套餐) $60 我平時就已經好鍾意食花雕醉雞，見到即時就選擇咗呢個套餐，花雕汁本身味道唔會好濃，所以雞就算醃到好入味都唔會被個汁底蓋過，仍然可以食到雞味。而且雞件全部都好滑身，皮薄唔會肥膩真心好唔錯。水晶粉方面煙煙韌韌，正正就係我想食嘅，不過本身佢將醉雞分開上，水晶粉個湯底會偏淡少少，所以我會將水晶粉再撈落醉雞個汁，味道更佳！.🌟招牌手撕雞三寶米粉 (套餐) $58三寶係包括手撕雞同可以另外自選兩款特色小食，我地就選擇咗海蜇同雞腎，但其實佢有好多選擇包括豬耳、麻辣豬肚、鳳爪等等可以自由配撘。除三寶外佢仲有溏心蛋、木耳同蔬菜，成個感覺都好豐盛。海蜇同雞腎本身都好爽口，手撕雞作為招牌更係唔話得，雞味重之餘又香又滑身，真係好好食。.🌟花雕醉鳳爪 $36鳳爪比想像中多好多，平時加呢個錢一份都係得幾隻，呢度又好多隻而且味道又好食，同上面花雕醉雞味道一樣，性價比非常高。.🌟上湯魚腐娃娃菜 $26娃娃菜個份量真係好多，平時好

🍴餐飲：厚興瑜記手撕雞📍地址: 屯門石排頭徑1號卓爾廣場2樓202C號舖食過好多次厚興瑜記嘅外賣店，以前都淨係買手撕雞，現原來有堂食餐廳，見到有菜有湯，就坐低食啦，一家三口叫咗個二人套餐。堂食真係多花款好多，座位好闊落，我帶埋bb車都坐到，店舖播住8、90年代嘅歌，周慧敏、黃凱芹、劉德華、好好聽😄🔹蕃茄薯仔湯超好飲！係媽媽的味道！絕對唔係平時一般嘅例湯，出面要買個湯連鎖店都要40蚊，呢個套餐有兩大碗湯真係超抵！🔹手撕雞一向都係招牌食品，都唔使多講，又滑又好食🔹雞腎，出面好多時用火雞腎好大塊，呢度真係鮮雞腎，細細片砌得好薄，小朋友都食到，拼海蜇日係抵食之選🔹娃娃菜魚腐好好食，一大碗菜，個湯少少咸，菜好入味小朋友好鍾意食，套餐又健康，以後可以做屋企飯堂，店員嘅姐姐亦都好nice，好有禮貌，都係做街坊生意，以後會同小朋友多多嚟幫襯。

- 胡麻醬手撕雞撈烏冬有得揀凍食定熱食，我揀左凍食😋好清新，夏天食得好爽！- 馬來喇沙手撕雞鴛鴦麵去左幾次第一次見，係新推出既，即管試下，湯底好美味😋配手撕雞好特別👍🏻例湯好足料、好入味！🙌🏻雙拼小食，叫左海蜇&雞腎～- 都幾大碟，好開胃，兩樣都爽口新鮮！加左兩支特飲：- 鮮奶水晶華田🥛- 金桔奇亞籽水晶蜜🍊最推介係水晶蜜，好多果肉，好清新！性價比夠晒高，每人五六十蚊，而且質素都幾Ok!😋

厚興瑜記手撕雞🐔花雕醉雞水晶粉 🐔$60醉雞嘅份量都幾多，不過咁啱我呢碟骨都比較多🙈🙈但係調味唔錯嘅，唔會太鹹但係都幾入味，想食清淡啲食呢個就啱晒啦！👅麻辣手撕雞撈麵 🐔$54厚興瑜記嘅手撕雞，不嬲都好出名，所以呢一個手撕雞撈麵當然有質素嘅保證！跟餐仲已經配埋例湯，價錢咁抵質素又唔錯，真係冇可挑剔！👍🏻👍🏻小食方面就叫咗海蜇同泡菜，份量適中，嘢食嘅味道都正常，加少少錢就加到小食，呢個價錢收貨啦！✅港式樽仔奶茶🧋（跟餐加配）$10平時唔飲甜嘢嘅我，都覺得呢一個樽仔奶茶甜味適中，茶味非常香濃，我幾鍾意，只係$10嘅話幾抵！👅👅

「厚興瑜手撕雞」不嬲我都會買番屋企加餸，估唔到近日發現屯門既卓爾居開左間「旗艦店」，有堂食之餘，比平時佢自家外賣店更多花臣，一場黎到，無理由唔試下佢「皇牌二人餐」🔸招牌手撕雞半隻成日都食原味，今次加左HKD5要麻辣，辣味好輕，唔會油淋淋又多一分惹味，肉質都係咁嫩滑仲好有雞味。最正係薄薄一層雞皮帶少少啫喱（雞油），滑溜之餘極少雞皮脂肪，可以連皮食。平時唔太鍾意食既雞胸，經調味後都變得好好食😋🔸自選雙拼小食涼拌雞腎同豬肚都要左原味，經麻油芝麻涼拌後，兩者爽脆又帶嚼勁，口味清爽🔸上湯魚腐娃娃菜 魚腐海綿質地同埋娃娃菜，索晒上湯精華，簡單美味🔸上湯水晶粉水晶粉平時都係麻辣涼拌多，但今次用上湯，飲得出係雞湯，無味精之餘，都幾掛湯，而且份量都唔少🔸住家靚湯今日係蕃茄薯仔雞湯，100%堅無味精👍🏻，薯仔同蕃茄肉溶晒係湯，好似屋企煲出黎🔸鮮奶水晶阿華田加左$10要特飲，阿華田校得幾濃，無冰唔會被溝淡，加左牛奶同水晶啫喱，有口感又解渴🔸香滑奶茶屬紅茶味略重既口感，但係奶同茶比例都出色，香滑順喉，幾岩我口味

下午茶手撕雞🐔孖寶米粉 $38放工去咗食tea 3心2意嘅我 揀咗手撕雞配雞腎手撕雞浸到落湯之後味道都唔會變淡少少醬油提升咗清湯嘅甜味☺️套餐可以配熱飲☕️🧃而我揀咗例湯 蓮藕煲雞腳!!好濃郁嘅湯頭。飲唔出有加任何味精亦都無死鹹食完要係咁飲水嘅情況好有家嘅感覺🥹🫶🏻真係好中意飲湯小食雙拼 $39 (任選兩款)佢有好多唔同選擇 任揀2款就得！最鍾意鳳爪嘅我 揀咗鳳爪同埋麻辣豬耳🐷鳳爪完全係我嘅飛佛～最緊要佢無即刻係雪櫃雪咗好耐嘅感覺證明去貨速度夠快手😌最sweet嘅係職員仲問我夠唔夠飽🤭

男朋友表示之前食完聚x樓，對手撕雞冇咩好感，不過食完呢間之後，🫢即刻改觀哂，我哋今次係叫咗二人手撕雞套餐😳😳性價比好高，不得不讚住家靚湯🫢冇落味精，仲要好足料，係媽媽煲湯嘅味道另外，我地叫左招牌手撕雞，手斯雞絲好滑，唔鞋口，芝麻油味唔算重，一定要點薑容，因為可以令手斯雞嘅味吊出黎，加上啲薑容煲熟油整，配搭埋炸蒜，增加左成個雞嘅香味🤭🤭，一定要叫。而餐入面就配埋娃娃菜，😮個份量大到嚇親左，仲有個上湯啲魚腐魚味好濃🤔好高質最後我地以為2人餐好少，所以叫埋雞腎同豬肚做小食，飽到攬住個肚腩。雞腎好爽，落左八角，而豬肚就係鹽焗雞味，🤔唔係一味麻辣，令我欣賞小店嘅用心。最後，我仲叫左特飲華田水晶，奶味比較濃，而華田水晶就好似阿華田味嘅啫喱，幾得意🫢

厚興瑜記手撕雞 (屯門)屯門石排頭徑1號卓爾廣場2樓202C號舖平時見佢哋多數都係外賣店，今次喺屯門見到有堂食嘅分店，即刻要坐低食啦😍 2個人最好就order2人餐，唔洗煩皇牌2人套餐 $134花雕雞半隻，揀醉雞就額外加$15，而佢地既雞既花雕酒香氣一放低係台面已經清楚地聞到，好彩既係佢地既花雕雞味道唔鹹，主要靠花雕酒黎提味，雞肉亦相當充滿花雕味😍雞肉又夠滑身可以揀雙拼小食，我地揀左雞腎+鳳爪，雞腎味道同樣都充滿花雕味道，細細塊好易入口，唔會咬到牙教軟🤣上湯魚腐娃娃菜呢個湯非常好飲，仲要有娃娃菜既甜味，魚腐都吸收曬湯底既鮮甜住家靚湯 - 蓮藕雞腳湯鍾意飲湯既男人讚口不絕🤣佢好鍾意飲柚子蜜水晶奇亞籽 跟餐$10一開始以為柚子蜜會搞到成杯嘢好甜，但好彩又唔會🤣幾清甜，甜度適中鮮奶水晶華田 跟餐$10水晶既味道係用咗華田去做主要既味道，口感完全係啫喱，配埋鮮奶真係勁好飲😍

平時周圍都見到呢間厚興瑜記手撕雞，有陣時都會買嚟加餸，原來佢地而加有堂食嘅鋪頭😮今次叫左個皇牌二人餐，$134有招牌手撕雞半隻、自選雙拼小食、湯、一個蔬菜，粉麵任揀，另外再有兩個野飲。手撕雞平時食開都一如既往嘅滑，我地鍾意食辣，加左$5轉麻辣汁，辣味啱啱好，送飯真係一流啊！至於小食就揀左麻辣豬肚同埋雞腎，呢啲小食一食真係全部都停唔到口！仲有最加分嘅係個粉葛湯，好足料好好味，唔似有加味精，飲完都唔會好口渴。兩個飲品我地加左個特飲，一個係鮮奶水晶華田，另一個係鮮奶水晶咖啡，兩樽野飲都唔係好甜，仲好多水晶添！兩個人食晒全部嘢再飲埋個嘢飲都真係幾飽，呢個價錢每人$70左右性價比都算唔錯！