叄壽司凍肉專門店

Open Now

Now Closed

今日有朋友上黎funfun English 班梗係要買啲好嘢，招呼朋友外國人都好鍾意食壽司今次選擇咗喺景峰嘅叄壽司位置在景峰輕鐵站對面，有隻紅色達魔係門口勁搶眼😆😆刺身方面，點左帶子、三文魚同馬刀背，帶子係珍寶帶子，三文魚係魚腩位，刺身相當厚身，馬刀背新鮮爽甜，好味壽司方面點咗櫻花魷魚相當推薦，魷魚新鮮爽口彈牙，另外赤海蝦壽司蝦身晶瑩剔透，好感先甜彈牙，赤背同吞拿魚壽司，雖然只係赤身，但勝在夠新鮮，魚味濃厚🤤赤背鮮味十足，同櫻花魷魚軍艦一樣，爽口彈牙，好味😋細路最愛既蟹柳小卷同肉鬆小卷，一拎出嚟就瞬間被掃清光，就知道幾好食啦😋下次有party都要再order 叄壽司👍👍👍👍👍

上星期同小朋友去屯門嘅playhouse玩完之後 大家都放哂電好攰 唔想返屋企煮飯 於是搜尋吓附近有咩好嘢食可以外賣返屋企食！ 見到原來食開嘅米線舖附近有間隱世壽司店⭐️叄壽司凍肉專門店⭐️店舖就係多寶大廈上層 門口有隻紅色達魔 如果行過去就係輕鐵景峰站旁 如果揸車去攞外賣可以泊係青菱徑今次叫咗多款壽司🍣 包括三文魚、三文魚腩、牛油果🥑三文魚卷、帶子、赤海蝦及火炙系列！上層嘅三文魚刺身好厚身 帶子、赤海蝦類嘅壽司爽口彈牙 食落非常新鮮之餘 亦好有滿足感 壽司飯整得唔錯 握得夠實唔會一夾散開 飯嘅口感軟熟可口除咗壽司 仲有刺身、丼飯、炸物、小食、拉麵/烏冬同精選午餐等 全部即叫即整！而價錢都好親民 拉麵/烏冬$35起 午餐更加係$46起！另外店內仲有急凍點心、自製涼拌小食同榴連甜品等 啱哂開party用 一次過可以買哂各款嘢食 真係好方便！

由於🥟逢星期五晚學游水🏊🥟媽就可以趁機唔煮飯🤭搵好西食作為屯門牛牛🐮今次帶大家食好西😌經常性返鄉下🇯🇵所以好掛住日本菜所以黎到叄壽司凍肉專門店外賣返屋企食🔹花之戀 - 比起平時食既多好多蟹籽😍🔸劍魚腩壽司 - 肉質細膩、口感嫩滑厚實、鮮甜美味🔹火炙左口魚壽司 - 一口咬落去 油脂滲出✨🔸腐皮芝士蟹籽 - 芝士🧀鹹香味配蟹籽夾落腐皮 口感好好🔹腐皮蔥呑拿魚 - 滿滿呑拿魚蓉口感爆棚💥🔸腐皮粟米沙律 - 🥟獨食哂😆就有幾好食🔹芝士蟹籽小卷 - 一口一件好岩小朋友食👧🏻👦🏻🔸玉子壽司 - 🥟表示好甜好好食🔹油甘魚 壽司 - 肉質幼滑細膩、食落淡淡甘甜🔸蟹膏壽司 - 非常濃郁蟹膏香味👍🏻🔹蟹籽沙律壽司 - 同平時食既唔同 小朋友都好鐘意🔸三文魚親子丼 - 三文魚、三文魚籽、蟹籽配魚鬆🌟必食推介

早2日同朋友又去左虹橋掃街，短掃左－輪之後，就系輕鐵站對面間性價比超高嘅壽司店度買埋外賣返屋企同屋企人再食過🤣呢間野d野食真心大件夾抵食，價錢唔貴之餘，質素仲要有返咁上下❗️我地買左：👉🏻✨和風牛肉飯✨ $40和風牛肉飯面層既牛肉肥瘦適中份量多，夠哂足料！✨三文魚壽司✨X 4 $32✨黃金魷魚壽司✨ X2 $24✨香蔥吞拿魚腩壽司✨X2 $24香蔥吞拿魚腩壽司上面既吞拿魚腩蓉粉粉嫩嫩又滑嫩，加埋蔥花香到爆！✨蟹膏帶子壽司✨X2 $56壽司上面滿滿都系濃而不腥、又軟又滑既蟹膏，配埋鮮甜又滑嫩既帶子，真係鮮到一個點❗️✨加州反卷（8件）✨ $40加州反卷入面包住玉子、青瓜同蟹柳，外圍再比海量蟹籽包圍住，食落口感卜卜脆，正👍🏻✨芝士蟹子小卷（8件）✨$18✨雜錦魚生飯✨ $80雜錦魚生包含左三文魚、油甘魚腩、希靈魚、蟹籽同鯛魚合共5款刺身，款式豐富又大盒！✨雞軟骨粒✨ $28雞軟骨粒炸到又酥又脆，超級香口！🔴叄壽司凍肉專門店📍屯門青翠徑9號多寶大廈地下上層34號鋪景峰輕鐵站對面，有隻紅色達魔係門口#香港 #香港美食 #屯門 #屯門美食#日本料理 #壽司 #刺身 #外賣 #高質 #美食 #美食推薦

食兩餸飯食得耐，決定轉一轉口味，買日式外賣返屋企食。係景峰有間抵食壽司刺身外賣專門店，拉麵都只係$35起。最後點咗兩個主食雜錦魚生飯同和風牛肉飯，再加小食雞軟骨粒，同埋唔少得刺身細拼盤。一開始就比雜錦魚生飯同刺身細拼盤驚訝到，加加埋埋好多片魚生。刺身細拼盤一啲都唔少，總共有時令8款刺身，包括三文魚、油甘魚、吞拿魚、希靈魚、赤貝、甜蝦等等，每款3片。每片都極厚身。刺身全部都好新鮮，顏色都係有光澤，色澤唔會渾濁暗淡，味道十分鮮甜。個人都愛三文魚，有魚油甘香。赤貝爽口，都好正。雜錦魚生飯係大片片刺身，同樣分量十足，仲有蟹子、肉鬆拌飯，$88真係好抵食。和風牛肉飯有從前吉野家嘅味道，有淡淡洋蔥味。雞軟骨粒分量多，一口一啖，粒粒都脆卜卜。有個隱藏醬料係將少少wasabi 加到沙律醬，減少膩感。除咗刺身、日式外賣店，仲係一個少少美食雜貨店，有唔同醬料，仲有韓國大熱嘅牛角包壓脆餅。整體有下次，買壽司刺身仲有8折coupon。

大家好今日經過屯門去了叄壽司凍肉專門店買野食今日係買壽司刺身返屋企食二人份量買左4佰幾蚊. 返屋企沖杯茶慢慢歎.蟹膏壽司4件$80辣味三文魚 4件$48三文魚壽司 4件$32花之戀 4件$72三文魚 4塊$40油甘魚 4塊$72蟹子玉子燒 $55蟹子沙律 $38首先蟹子沙律 都好大份蔬菜好新鮮 有好多生菜 蘿蔔絲同蟹柳 蟹子三文魚刺身同油甘魚刺身都好厚切仲好新鮮同肥美三文魚壽司 同花之戀 都一樣係好新鮮花之戀仲有好多蟹子另外兩款辣味三文魚同蟹膏壽司都好好味蟹膏壽司係好濃味都加左些蟹子辣味三文魚辣辣地幾得意最後蟹子玉子燒 就好厚切都有蛋味同埋幾軟滑同埋有幾多蟹子總括呢間店既刺身壽司都係好新鮮

今日黎屯門區探老朋友，佢話介紹我食間唔錯既壽司外賣店-叁壽司凍肉專門店。輕鐵景峰站出，景峰花園相反方向過馬路就見到金寶大廈有一間放有搶眼紅色不倒翁既地鋪餐廳，位置幾易搵個名叫得做壽司刺身外賣專門店，主打必定係壽司拼盤、刺身、魚生飯，款式都幾多下最驚喜係除左日本食材之外，餐廳仲有提供港式西式午餐，多元化選擇為左配合今晚多人聚餐既需要，我地精選叫左以下外賣：蟹籽沙律大大盒沙律材料有大量蟹籽、粟米粒、蟹柳、青瓜絲同沙律醬，份量真係超多，好清新汁燒豬軟骨飯經過醬汁慢煮既豬軟骨又幾入味，而且煮到超林身，好味！飯選用日本珍珠米，有誠意劍魚腩總共4塊劍魚腩刺身，食落好新鮮，油脂味濃岩哂我口味三文魚壽司拼盤呢個拼盤有兩款壽司，包括：-火炙芝士三文魚腩壽司，芝士有smoky 味，配三文魚就更加creamy -蟹籽花之戀，大量蟹籽仲多過飯，幾有鮮味雜錦壽拼盤特盛呢盤7彩顏色既壽司拼盤共有8款壽司，每款有3件，包括中華沙律、八爪魚、蟹柳玉子腐皮卷、三文魚壽司等等，份量咁多都只係賣$178，用料幾多而且鮮，抵食估唔到叫左咁多野，埋單都只係4百幾，足以令今次4人聚餐既朋友食到好滿足CP值真係好高重點一提係廚房超

昨日慶祝父親節 除左mami煮餸食住家飯外 我仲去左紅橋果邊加料番屋企食地點好方便 係景峰輕鐵站一落車就見到店入面除左有刺身壽司 仲有凍肉賣同零食賣刺身細拼盤 （廚師發板）$288有三文魚， 吞拿魚，八爪魚， 希靈魚，赤貝，油甘魚等等 一共8款刺身 片片都厚切 新鮮好味 我特別鍾意食三文魚 我屋企人都一路食一路d刺身好鮮美雜錦魚生飯 $80另外仲叫左個魚生飯 同樣有三文魚 油甘魚等等魚生 落左好多蟹子 口感好豐富 同刺身拼盤一樣好新鮮好味 大大盒 好足料 性價比好高 燒汁豬軟骨飯 $50最後仲叫左個熱食 就係燒汁豬軟骨飯 好好味 豬軟骨好入味 加埋隻蛋配飯一流 d燒汁拌飯超級好味道 完全停唔到口 very good 一百分Overall 呢間真係平靚正 成餐咁豐富只係四百幾蚊 好抵食 重點係屋企人都好滿意評價好高 好推介 一定會再黎

天氣勁唔穩定🥲🥲，完全街都唔想出淨係想攤喺屋企，咁啱睇apps見到間外賣小店就試試佢～🌟原條鰻魚飯鰻魚原條上真係好霸氣！米飯選用日本珍珠米，食落粒粒分明再帶點鰻魚汁，係一個唔錯嘅配搭✨🌟極上海膽魚子飯全部材料都超新鮮，食落鮮甜，三文魚子及魚子更帶唔同嘅口感及層次感～🌟三文魚 / 油甘魚魚生超厚切，呢個價錢嚟講幾抵食🥰

話說今日行過景峰見到有間凍肉壽司專門店，諗唔到今晚煮咩於是就叫外賣啦，估唔到都OK喎。叫咗個蟹籽青瓜沙律，俾我想像中份量都好多，同埋都好足料，蟹柳都幾鮮甜配上大量蟹籽作為前菜都10分不錯，個份量真係多到三個人食先得芝士玉子燒，見到塊芝士都咪話唔吸引🤩仲要佢應該用咗啲幾靚嘅蛋，因為食落口個蛋味好重，唔會比芝士搶走味道，不過呢一人食兩舊就夠啦，再食就會有啲太漏😋炸魷魚圈，好香口啊，不過始終外賣所以返到屋企就會有少少淋咗，但係本身炸得幾香脆，雖然漏返到屋企淋咗少少，但係啲炸粉都好香，同埋魷魚本身都鮮，如果即開即食嘅話應該會更加好食我都唔記得咗自己嗌咗玉子燒，所以呢又嗌咗玉子壽司，玉子壽司同玉子燒一樣味都夠濃多作評論啦，帶子壽司同三文魚壽司係我最愛，因為件件都好厚身，而貝壽司我都覺得幾好食，不過我本身偏向鍾意食魚，所以我會推薦三文魚壽司呢個鰻魚飯，條鰻仲長過我手掌，個盒都擺唔晒，鰻魚煎到個皮脆脆地，加上佢個醬汁，濃得來唔會太鹹，不過依家嘅份量都真係幾多，仲諗住兩個人啱啱好，點知食唔晒，要三個人先食得晒呢間嘢做外賣我覺得都幾好，出貨都快，不過最好就預約落單先會好啲！

品質頗高壽司刺身外賣店，唔洗下下幫襯連鎖咁悶。📍地點：屯門🍽️菜式：日本菜💰埋單💰：HK$409🔖服務費：❎🧻餐巾/ 濕紙巾：❎ / ❎🪑座位類型：外賣📝落單方式：點餐紙落單【自家制玉子燒(全份）】玉子燒好大份，要好好心機慢慢煎，性價比頗高。【三文魚壽司、蟹籽壽司、帶子壽司、特長珍寶蟹棒壽司、花之戀】魚生非常新鮮，鮮甜味道好滿足。壽司醋飯味道合小編個人口味。【加拿大海膽】海膽味濃，濃稠口感配紫菜飯食一流。【雞軟骨粒】炸得夠酥脆，外賣返到屋企都冇淋，份量唔細。.@叄壽司凍肉專門店🏷️屯門青翠徑9號多寶大廈上層34號舖

本身行經呢間舖見佢門口個達摩擺設幾得意就行入去睇下，見到佢有新鮮三文魚骨腩／魚脂買，我小朋友最鍾意食，仲要價錢好優惠。呢間鋪賣好多唔同種類食品，店員好好傾，佢話呢度有即製壽司同埋日本料理，咁我就決定試下，今日午餐唔煮啦🤣點左個豬軟骨拉麵，份量多，而且食落非常入味同夠火喉，豬軟骨咬落爽口，豬肉夠滑，食起嚟唔鞋口；拉麵彈牙，唔會煮到太淋，呀囡超鐘意食！至於我就揀壽司食，珍寶帶子，海膽軍艦，香蔥吞拿魚腩蓉，辣味三文魚，腐皮吞拿魚沙律。珍寶帶子真係好有份量，成隻手指咁長又厚身，重點係好有鮮味！海膽同吞拿魚腩蓉軍艦，同樣出色，份量好多，食落鮮甜，好食；壽司件件都大大件，好足料，令人滿意！

🐠 🐠 🐠 🐠 🐠 🐠🐠 鯛魚 刺身（6件）＄60好厚身，肉質軟熟🧡 🧡 🧡 🧡 🧡 🧡🧡 三文魚 刺身（4片）＄40非常厚切，又大件，又美味，好滿足🧡 三文魚籽 壽司（4件）＄80三文魚籽新鮮，冇腥味，粒粒脆卜卜🧡 三文魚腩 壽司（4件）＄80🧡 三文魚 壽司（4件）＄32橙色白色相間，魚脂口感滿滿，非常肥美🧡 花之戀（4件）＄72蟹籽滿瀉，視覺上，眼到都垂涎欲滴🦀 🦀 🦀 🦀 🦀🦀 蟹籽 沙律＄38青瓜絲 好 fresh，口感又爽脆，又好水潤蟹籽同蟹柳份 量好多十分大碗，CP 值高每樣嘢都好足料，好大份，所以我哋2個人都食飽飽下次 gathering，可以過嚟買，招呼朋友呢度勝在款式多，食材佳，份量足仲有，我好多唔同嘅零食，例如：水果凍乾，辣魚片、鳳凰卷、日式蝦片……

叄壽司凍肉專門店專做日式外賣，鋪面雖然唔係好大，但食物選擇真係一啲都唔少，除咗主打嘅壽司刺身之外，仲有拉麵、雞煲、羊腩煲、仲有凍肉🫢餐廳仲做埋日韓泰台嘅零食代購，好似人氣既日本名古屋蝦片同NY Cheese餅乾😍今次我哋叫咗壽司外賣，落咗order之後大概10分鐘就拎得喇，好高效率🤩叫咗款前菜，蟹肉蟹籽冷麵好足料，冷麵撈咗千島醬，好開胃，配埋大量嘅蟹籽粒，好有口感。壽司我哋叫咗花之戀、三文魚腩刺身、加州卷、火炙蟹棒壽司🍣全部都大大嚿，而且好新鮮，三文魚腩好厚切，好肥美，花之戀係我最愛，新鮮三文魚包住啲cream同蟹籽，個口感好正😍蟹棒燒到有炙香味，啱啱好，好實肉！定食方面，我哋試咗日式牛肉飯，牛肉嘅油脂分布平均，有油香味，仲有隻溫泉蛋，整體嚟講味道不錯，又夠飽肚👅呢間日式外賣店嘅食物款式太多，下次會再encore，試下佢哋嘅拉麵同雞煲😆

呢間外賣店位於屯門景峰輕鐵站旁邊，店內環境簡潔明亮，除咗即叫即整嘅日式料理之外，仲有凍肉同各地產品。✨雜錦魚生飯：魚生新鮮，飯醋味適中，整體味道不錯。✨辣冷麵：辣度適中，麵條爽口彈牙。✨自家制玉子燒(全份)：玉子燒甜度適中，蛋味香濃✨ 豬軟骨拉麵：湯底揀咗豬骨湯，湯頭濃郁，麵條軟硬適中✨加州反卷(8件)：正常發揮✨鰻魚小卷(8件)：鰻魚肥美✨三文魚(4片)：三文魚刺身新鮮厚切，抵食！✨白肉豚壽司：豚肉幾軟身，出面比較少見✨海膽墨魚壽司：海膽鮮甜，墨魚爽口