又係冰室 (Closed)

當日約左人響深水埗一帶搵食，見有間冰室店門光鮮亮麗，相當吸睛，LED燈甚為光亮，頗有香港霓虹燈招牌的特式，便入內一試。店內空間相當有限，裝修簡潔，亦掛有不少LED燈營造氣氛，但也叫整潔企理，於非繁忙時段入內進餐，還能多坐一回傾一傾計。別說常餐沒甚期望，最基本的公仔麵不要煮得太淋、或太生硬，他們店都拿挰得很好，說是希望沙嗲可以辣多一點點就更好。個人認為牛肉可以生多一點點口感會比較軟，當然這得視乎牛肉的質素及新鮮度。如果店家可以有埋蛋撻就更多一流！

見到門口裝修好得意，好有八十年代霓虹光管林立既油尖旺感覺，毅然一試。豬頸肉芝士撈麵，個芝士汁好似水咁稀，一d拉絲效果都做唔到！豬頸肉還可以。一個餐跟多士同野飲索價50幾蚊，係深水埗算係性價比低。多士有三個口味選擇，分別係：咖吔、牛油、花生醬，烤得好脆，唔錯。凍檸茶、凍檸蜜無特別，茶底唔係特別香。雞扒撈丁份量多，雞扒個皮脆肉嫩。仲有瑞士雞翼作為加料小食，正正常常。我覺得深水埗已有好多類近冰室，所以無甚特別，真係「下？又係冰室」。

放工唔知食乜好，行過未食過就膽粗粗入去試下，除左牆身某啲餐牌，同個霓虹燈似香港啲，冇乜其他裝修例牌野，冇驚喜，點餐用寫紙，價錢偏貴，叫左個吉烈魚，茄豆，炒蛋，牛油多士，麵，熱奶茶一共$58黎得冰室最緊要試奶茶，唔太掂，同一般茶記差唔多，麵上先，有條菜，麵質煮到仲有少少硬再黎吉烈魚，本人唔食茄豆，係點餐紙都打左個大交叉，但仲係比左碟茄豆黎，個吉烈魚大塊，冇乜雪味，不過不失，牛油多士多牛油，但本人唔太食，所以一般，炒蛋正常，未算炒到熟晒