友義氣‧酸菜魚

Open Now

Now Closed

住葵芳附近，剛剛發現這家小店，座落於商場內，環境舒適。被熱情的服務員介紹入去，平日6點多人客不算多，到我哋食完七點半就座滿及要等位，所以早些到會比較舒適。點了酸菜魚、黃金蝦及咕嚕肉，大約20分鐘菜式就上齊了，酸菜魚惹味底料足，在香港係好食行列，黃金蝦甘香好重咸蛋黃味，邪惡之選。好食會再來

今日尼到葵芳呢一間酸菜魚到食...首先今日星期日8點45到左...可能已經唔係太早...都唔算多人...地方未坐滿..我地三個人叫左5個餸第一碟雞絲粉皮第二個炒萵筍第三個最重要*酸菜魚*第四個炸軟殼蟹第五個黃金蝦..呢五個送餸黎我自己就最中意酸菜魚真係幾好味嫁...仲嗌左杯菠蘿飲品..朋友叫左大檸樂...整體呢度都舒服嘅不過你可能知佢地黎太多外賣嘢食就來遲左少少...味道方便都算唔錯...值得一試

我不嬲都好鍾意食酸菜魚，所以會周圍試吓全港著名嘅酸菜魚呢間餐廳連個名都有酸菜魚，梗係要試一次啦😸同家人食，先叫咗個標準嘅size, 唔使10分鐘，酸菜魚就上嚟啦～ 超香撲鼻，配上大量花椒，辣度叫左小辣，唔食得辣嘅家姐都入到口，魚無骨，湯底香濃，都似大陸食到嘅酸菜魚味道😽滿意！試埋佢d招牌系列，叫咗個小炒王，大大粒帶子，大碟夠鑊氣，加2個飯就搞掂晚飯仲有叫埋黃金鮮魷，上菜熱辣辣，趁熱食勁好味最後佢個大檸樂真係超值得mention!真係超級大杯，大過手掌，去到必嗌😻😻

叫了酸菜魚加大一份 中辣。首先 ，湯底不熱不酸 ，無香味只有辣味。魚肉散 ，唔新鮮，有點腥味，另外煮得太淋 ，一夾就散。與12味 及13廚有一段距離。更不用與太二比較。相反 黃金軟殼蟹有咸蛋香味 可以一試

位於葵涌恆景商場< 友義氣•酸菜魚 >, 一間主打老壇酸菜魚中菜館, 亦會提供粵菜、川菜，食物種類眾多, 價錢適宜。老壇酸菜魚 $188大大片鱸魚片拆肉起骨🐟份量超多, 入口嫩滑, 湯底亦足料。配料包括有胡椒、花椒、酸菜、芽菜、香蔥、芫荽, 仲有缺一不可嘅薯粉！可自選辣度, 我哋揀咗大辣🌶️🌶️🌶️不過覺得唔夠辣, 下次有機會試下魔辣🌶️🌶️🌶️🌶️鮮果咕嚕肉 $88咕嚕肉呈長條形🐷配有青紅椒, 甜酸醬汁濃稠適中, 非常好開胃👍椒鹽脆鮮魷 $98魷魚鮮美🦑亦炸得脆卜卜🔥荔枝梳打 $22淡淡荔枝香味, 再放有粒粒爆珠。芒果乳酪 $22正常發揮, 亦一樣有粒粒爆珠。友義氣•酸菜魚📍葵涌榮芳路9號恆景商場地下G01&11A號舖

没想到在葵芳居然能吃到如此美味的酸菜鱼，作为被困在香港无法回到大陆的大陆人，时常想念大陆的太二等知名新派酸菜鱼。没曾想到，居然在香港葵芳这座商场里面，吃到了似曾相识的味道。无论是外观、卖相、配料、鱼的选择都和大陆的新派网红酸菜鱼别无二致，只是鱼的入味程度稍差，不过总体而言非常惊喜，我认为不逊色于十二味的酸菜鱼，属于低配版太二，非常适合在香港疫情期间，想念大陆网红酸菜鱼的各位同学解馋。一大份酸菜鱼298，放在香港这价格算是公道了。另外大家记得要红薯粉，配合酸菜鱼的汤食用极佳。

葵芳出名多好野食， 今日就去咗街市附近一間商場食酸菜魚， 餐廳應該係開咗冇幾耐，店舖細細但係裝修乾淨企理😘😘👍🏻嚟到呢度當然要試吓佢哋呢度嘅酸菜魚啦，咁我就叫咗一個老壇酸菜魚（微辣）特選海鱸魚$188絕對唔係講笑，可能係我喺香港食過最好食嘅酸菜魚😍🐟 海鱸魚冇骨而且魚肉嫩滑👍🏻 最重要係個湯 除咗酸辣味濃另外再帶d麻麻既感覺真係魚好吃湯更好喝另外我哋再叫咗兩個小菜鮮果咕嚕肉$88職員話呢一個唔係普通嘅菠蘿咕嚕肉，係鮮果製嘅咕嚕肉😍 一定要試下， 咕嚕肉香脆，醬汁嘅份量恰到好處😍酸酸甜甜非常之開胃，另外微微烤過嘅新鮮菠蘿🍍 非常香甜避風塘茄子$78分量非常之多😍成座山錦，茄子外面有一層薄薄既炸粉， 唔會好厚，炸得香脆 配上避風塘 非常惹味😍😍絲苗白飯$10另外再叫咗兩杯飲品，酸酸甜甜嘅乳酸非常解瀉荔枝乳酸$22青檸乳酸$22

平時行完葵芳通常都係葵廣食野，但今次有朋友帶路，就去咗試依間出色嘅街坊小店！朋友推介一定要試依到嘅酸菜魚，於是叫左個$188標準嘅，份量都好大下！首先要試吓佢個湯，湯底偏酸，但係都有少少麻同辣，非常開胃。送飯一流！個魚係好滑嘅，而且無骨又唔腥。另外仲有寬粉、金菇同芽菜，幾豐富。另外叫咗個友義氣小炒王（$98），有韭菜、蝦乾、魷魚、帶子同腰果，夠香又幾有鑊氣！最後仲叫咗個金沙南瓜（$98），原本唔係特別鍾意食南瓜，但依間真係整得好好食，一咬落去好香鹹蛋黃味，炸粉唔會太厚，而且南瓜炸得岩岩好唔會過熟，咬落去口感不錯！依間小店真係幾有驚喜，絕對會再食！

考完試喺葵芳搵嘢食，估唔到撞到一間咁有質素嘅鑊氣小炒店！老細一定係個有義氣之人！食物絕對有質素！🤙🏻酸菜魚$188🐟🐟用特選海鱸魚魚好吃湯更好喝！鱸魚片拆肉起骨，入口滑一滑！湯底超足料！有胡椒，酸菜，芽菜，薯粉，香蔥，芫荽，花椒！魚真係要忍唔住飲埋啲湯！大大片鱸魚份量都唔少！呢個酸菜魚係我喺香港食過真係數一數二！真係臥虎藏龍！黃金大蝦球$125🦐用鹹蛋黃做炸粉漿，大大個蝦碌🍤！鮮味十足！四川辣子雞$98🐥用咗大量乾辣椒炒炸雞粒！超重鑊氣！唔算好辣，利申：平時食開譚仔小辣！荔枝梳打$22荔枝梳打有粒粒爆珠！青檸梳打$22青檸梳打冇加糖，好清新，食辣野啱晒！樓面阿姐👩🏻‍💼值得一讚，忙到踢晒腳都仲好有禮貌！#酸菜魚#魚好吃湯更好喝#最好食嘅酸菜魚沒有之一#臥虎藏龍#葵芳美食#友義氣

一直都好鐘意食酸辣食物，酸菜魚就不在話下！朋友推介我去『友義氣』，喺葵芳地鐵站行過去，大約十幾分鐘。去到門口，見有人買外賣，好快就安排到入坐。裝修新淨。乾淨企理。酸菜魚，我哋叫咗小辣，一上枱！嘩咗一聲！好大盤啊！d魚肉，滑過豆腐花！真係好嫩！湯底濃郁，浸住大豆芽，粉條，金菇，窩筍。材料豐富鮮果咕嚕肉，新鮮即炸，粉漿不會厚，炸到脆卜卜，再撈埋酸甜醬汁，好有咬口，又有肉汁，菠蘿用火燒過，入口又甜又爆汁！正啊辣子雞，雞肉好嫩，配上大量乾辣椒，花生，一齊炒，好香口，送啤酒一流啊！整體嚟講，真係好有水準！以後食酸菜魚，唔洗再北上喇！

行緊葵廣果陣突然想食酸菜魚就上網搵下🙈見評語幾好，就一於試試位置都幾方便，葵廣有天橋向運動場方向落去，落橋到地面望右邊就見到個商場，好快行到過去鋪頭唔算大間，但枱與枱之間夠鬆動，坐得自在選擇非常多，叫左標準既微辣酸菜魚好大盤呀！！一黎到已經聞到好香既味！一開始飲啖湯，酸度辣度岩岩好，魚片份量非常多，配料有萵筍，金菇同圓碌碌粉條魚片好滑，圓碌碌粉都好入味，扁狀既粉比較常見，今次見到圓碌碌粉都好開心兩個人食非常飽！菠蘿咕嚕肉有水準，菠蘿無連肉炒埋一齊，但咁樣擺盤又幾靚，同埋咁樣食之下個菠蘿又幾甜😂咕嚕肉好咬口，肉質爽口同埋都好大碟金沙南瓜非常適合送啤酒，好香口好大碟滿滿既金沙包住每一條南瓜，脆脆既金沙外皮一咬入面就係香甜軟軟既南瓜，雙層口感，大讚！飲品選擇左青檸同荔枝梳打，青檸好清新，荔枝就估佢唔到用爆珠😂😂早知叫啤酒送南瓜啦！下次試埋其他先見有客人叫窩窩大腸，用煲仔上，炸炸聲好正仲要好香🤤🤤另外讚讚鋪頭姐姐，個個都好有禮貌好親切🙋🏻‍♀️

第一次試呢間，本身預約了星期日1點，去到都見到幾full 下，雖然要等一陣，但前台姐姐好有禮貌，一坐低，即刻點左目標菜：酸菜魚（微辣），之後陸續叫其他餸：咕嚕肉，幹炒烏冬（河粉賣曬），黃金蝦！都好快上菜，一試酸菜魚，好滑兼無骨，好驚喜，而且份量都幾多下，有大陸酸菜魚嘅味道！咕嚕肉都唔錯，碟上有一排類似烤過嘅菠蘿，好甜好juice，而黃金蝦就不過不失，碟炒烏冬就好有獲氣！呢一餐可以話係幾好！呢姐姐都好好笑容，幾熱情下會有下次幫襯

因為睇左某關注組介紹完又近屋企今日下晝就去試吓。店舖喺一個商場入面，細細間但好乾淨企理，一入門口已經俾姐姐熱情款待，坐低見到餐牌有午餐套餐，款式都有好多選擇，嚟到當然要試一試佢哋嘅酸菜魚仲可以配薯粉米線同飯，我今次就試薯粉小辣，點知佢話賣晒薯粉唯有改米線啦，等左5分鐘已經有得食。。。香氣撲鼻，盛碗個面舖滿魚肉，裡面仲有酸菜，大豆芽，金菇，最驚喜竟然有我最鍾意嘅萵苣，但最敗筆係米線太碎，完全夾唔起，不過個湯好飲，魚肉又夠滑，係間唔中有少少骨。整體嚟講都好好味，下次要夜晚嚟試佢一鍋嘅酸菜魚先。。值得一讚係啲姐姐招呼一流會介紹食譜又會推薦食物，呢種嘅服務態度真係好好

最近香港的疫情不斷好轉，相信大家也多了出街，嘗試一下各式各樣的美食，由於旅行的時間也是十分之遙遠，於是今日經朋友介紹之下，來到了這食店嘗試一下正宗的酸菜魚.這食店用用酸菜魚作為主打，當然並沒有令我們失望、魚肉十分之細滑新鮮，酸菜的味道也是自家製的，雖然屋企人對吃辣並不感興趣，但是酸菜魚也有另一返新的體驗，令他對辣的感覺也改變了不少.這個菠蘿咕嚕肉十分之香脆，加上相信是利用了台灣的鳳梨，因此並沒有半點渣好味道.最後這個避風塘茄子，十分之香脆水準之作.

好友食過話好味約我晚餐，六時多已坐滿8成食客。我們點左老壇酸菜魚 $188，海鱸魚肉質滑嫩、鮮甜又無骨，啖啖肉超正，配薯粉、萵筍、金菇、酸菜、大豆牙等⋯用魚骨熬成奶白色湯底，加少許麻辣的花辣極美味，值得推介👍👍👍鮮果咕嚕肉$88，擺盤靚靚，火烤過原條新鮮菠蘿很甜，豬肉質軟腍，炸得鬆脆，味道酸中帶甜，十分醒胃很好吃😋😋😋黃金鮮魷$108，鹹蛋味香，鮮魷味鮮甜，脆漿夠鬆脆，好吃到一口接一口，真美味。大檸樂$22，超大杯勁抵。士多啤梨乳酸$22，味道不錯。總結：真材實料、價錢親民又免收加一，會回頭再吃。友義氣•酸菜魚地址：葵涌榮芳路9號恆景商場地下G01&11A號舖