友義氣‧酸菜魚

Open Now

Now Closed

放假同男友出左葵芳行街，順便食埋晚飯先返屋企，估唔到食出個驚喜！😱話說​我地既酸菜魚癮又發作，係openrice搵到附近有呢間睇相已經覺得好正宗好吸引既酸菜魚專門店決定試下～經店員向我地介紹佢地既招牌菜之後，我地叫左一份標準size酸菜魚少辣，黃金軟殼蟹同埋鮮果咕嚕肉，另外加左個白飯同芒果乳酸😎酸菜魚黎到同幅圖有99%相似，勁吸引😍標準size都非常大兜👍 啲魚食極都仲有😅魚係用左海鱸魚，肉厚勁滑兼無骨而且一啲都唔腥😍配料萵筍爽口，芽菜同薯粉索晒個湯底都好好食！湯底麻，酸，辣，鹹味比例調較得perfect👏唔會太辣飲得好辛苦👍黃金軟殼蟹一黎到就聞到勁香鹹蛋黃味😍😍 炸粉夠薄夠酥脆，完全唔覺得膩，我地食完一粒接一粒好快清晒成碟😂😂鮮果咕嚕肉都好吸睛😍menu上面張相係見唔到有串燒🍍係隔離反而實物有😯 (好似從來無見過一間餐廳實物係仲吸引過圖片🤣)醬汁濃稠適中，酸酸甜甜好開胃👍咕嚕肉係呈長條形比較少見，包裹住肉粒既粉同樣都係比較薄身👍伴碟既青紅椒都好爽口😋三樣餸都無得彈👏👏 個人認為係香港想搵到好食既小炒唔算難，但想搵到好食又正宗既酸菜魚係好難！(服務一流仲要全日免收加一🤣)我同男友都非常

平時食川菜好少食酸菜魚，因為中過太多次伏。今次嚟到葵涌一個小商場，估唔到有驚喜！酸菜魚一上菜見到個碗上寫住”魚好吃湯更好喝”，心諗咪又係酸菜魚，好奇之下都即刻試咗佢個湯先。估唔到個湯唔似一般外面嘅酸菜魚，只係得個酸味，仲有好香嘅麻籽味。酸同辣嘅比例啱啱好！而且呢度嘅酸菜魚係用海鱸魚，魚肉夠滑又冇骨，淡淡都係肉，唔怕有骨吉親口！黃金軟殻蟹上枱時非常熱辣辣，而且仲係好脆，夠哂鑊氣。而且份量一啲都唔少，兩個人食簡直食唔晒，以呢個價錢來講非常超值！咕嚕肉呢味咕嚕肉特別之處就係菠蘿分開炒，而且仲係用新鮮菠蘿，夠晒誠意！雞絲粉皮呢間小菜加酸菜魚完全係出乎意料，真係估唔到係一個細商場入面會有一間咁高質嘅餐廳，雖然位置唔係好方便，但係都絕對值得再去食！😋😋😋

🐟酸菜魚/小辣/標準 （$188）酸菜魚的酸味與麻辣兩者互相輝映，惹味酸香，酸菜同魚就係酸菜魚嘅靈魂，魚肉鮮嫩無骨，加上酸菜、薯粉、萵筍、大豆芽可謂美味佳餚，而且魚湯的確如碟上所寫，好喝好喝！！.🦀黃金軟殼蟹（$115）黃金軟殼蟹非常特別，咸蛋香氣撲鼻，軟殼蟹肥郁香嫰，熱辣辣，$115非常抵吃。.🍲友義氣·小炒皇（$98）小炒皇夠獲氣，用料足，有魷魚、帶子、蝦乾、魚乾仔，味道香口，相當不錯。.🍹荔枝乳酸（$22）🍹鮮青檸梳打（$22）.今次誤打誤撞食到呢間隱世富有深圳味道的酸菜魚小店，的確有驚喜👍😋😋😋

行葵芳行咗咁多年 從來都冇發現過呢個商場！！喺葵芳站行多5分鐘左右，發現呢個葵芳街坊商場 “恆景商場” 人流主要街坊為主 行得舒服 ，入邊呢間酸菜魚價錢更加親民 ~~ 真係夠晒友義氣，全日免收加一服務費 👍🏻 店內老闆及員工服務態度非常好 有禮貌🙂老壇酸菜魚 🐟🐟 呢度嘅主打招牌菜 ，更加選用特選海鱸魚 🐟我哋兩條友食唔到辣 ，揀咗走辣少麻 😋 湯底呈乳白色 非常之靚 飲得出係用魚骨熬出嚟魚肉非常之肥美 新鮮 入口滑嘟嘟 成盤配菜唔算太多，大部份都係魚肉 配菜有少量薯粉，金菇，酸菜，萵筍 。非常真材實料，好味 食到我哋兩個舔舔脷鑊氣小炒王炒得非常之有鑊氣 ，出到嚟香噴噴 🤩🤩帶子大大粒 夠哂入味 蝦乾 大大條 鹹香味十足 白飯魚干仔 炸得脆卜卜 連條食 補充鈣💪🏻送飯配酒食一流 🍺🍺鮮果咕嚕肉 呢碟咕嚕肉嘅菠蘿真係非常霸氣 原條菠蘿🍍上 小妹真係第一次見 菠蘿輕微烤過 令到糖分提高 咕嚕肉酸酸甜甜 炸得外脆內軟 配搭醬汁非常開胃 手拍有皮老姜煲檸樂 唯一一款 養生之選 非常適合我 🤣🤣大檸樂 真係非常符合個名 超大杯 ，朋友飲得好過癮用黎解麻 解辣 一流

開放晚巿堂食，做足防疫要求不大意，入座前掃描安心出行。今晚選擇這間餐廳，之前午巿亦有光顧過，即炒粉麵味道不錯👍，每次食客落單，都聽到炒鑊聲，見到服務員手端炒粉望落鑊氣十足。小菜種類繁多，我們只有兩位可點的菜式實在有限。我們點左一個小炒皇，另一個干鍋大腸。友義氣小炒皇：出來賣相不錯、有鮮魷、帶子、蝦干、菜甫絲、韮菜花、腰果，的確用料十足，味道亦有鑊氣，十分惹味，值得推薦。干鍋大腸：用煲仔上檯，吱吱聲氣氛十足，味道不錯，口感估你唔到，非常脆口，原來是枝竹😀加埋白飯，兩個人$193，沒有收取加一服務費，咁抵食，下次要再試下其他的菜式。

約左朋友響葵芳食飯，見到有間新開既餐廳食酸菜魚，環境唔錯，坐得舒適，於是去試下😋😋🌟酸菜魚-標準（$188）酸菜魚係呢度既招牌，於是叫左一個試下，魚肉香滑鮮甜，而且大塊，厚肉，煮得唔會過火😋😋湯底濃郁，唔會太酸，唔會蓋過魚肉既鮮味，而且辣度分為唔辣，小辣，中辣，大辣同埋魔辣，小弟叫左小辣已經覺得夠😂😂湯底除左酸菜同魚外，仲有寛粉，寛粉晶瑩通透，而且爽口，加上呢個湯底，好夾😋😋🌟 友義氣·小炒皇 （$98）小炒皇好有鑊氣，用上韭菜，菜𥮉，蝦乾，腰果配上帶子，帶子鮮甜，調味適中，必點😋😋🌟 友義氣·黃金蝦 （$118）用咸蛋皇炒蝦🍤，香味十足，外層炸得香脆，可以連殼食，之後加上咸蛋黃醬炒，唔會太咸，調味做得好好😋😋🌟青檸梳打 x 荔枝乳酸 （$22 & $22）用上新鮮青檸，唔會太甜，解辣一流😂好重荔枝味，唔會太酸，好開胃👍🏻👍🏻

今日相約十多年未見的同學一聚。想想曾經讀書年代一群人經常在葵芳荃灣游玩，輕鬆自在。重遊舊地後，傍晚時分選擇一處坐低暢談一番。選擇了商場里的一間名字特別餐廳「友義氣·酸菜魚」。見餐廳以酸菜魚及小炒作宣傳，於是叫了份$188老壇酸菜魚、鑊氣小炒皇、黃金軟壳蟹、避風塘茄子。果然有驚喜。酸菜魚酸辣中帶麻，令人追住食，底料亦見豐富。小炒皇鑊氣之選，里有帶子鮮魷蝦乾等等，用料十足。店主友善對待，服務態度值得支持，還給我們打了折扣，連酒水埋單人均不過$150。下次有機會一定會再光顧。

去到葵芳 除咗葵芳廣場同埋新都會廣場行遠少少大概5分鐘路程仲有個恆景商場以前細細個讀書都會喺呢頭所以都會嚟食呢度最近開咗一間友義氣酸菜魚專門係食酸菜魚同埋小炒 同朋友收工過嚟梗係要食下首先講吓佢嘅酸菜魚 好味到真係連湯都可以飲埋佢嘅魚又好食又白滑 加咗好多菊花瓣同埋花椒辣椒🌶️見到都流晒口水平時我一定會送飯但係佢已經有好多配菜例如寬粉酸菜同埋萵筍 相當Good Fit 係川粵小菜嘅好推介 未食過真係要試！(由於朋友怕辣 店員仲幫佢煲咗雞湯好細心)另外仲有個小炒王同埋黃金蝦小炒王煎得好有鑊香佢唔係用蝦米係用蝦乾仲有少少白飯魚同韭菜用嚟送走酒或開胃菜亦都不錯另外個黃金蝦都唔可以睇少用左好多鹹蛋黃 鹹香十足另外佢都有$118有8隻 個價錢實在太平民呢度仲係免收+1服務費啱晒附近嘅居民嚟幫襯😋😋

買咗個$58嘅老壇酸菜魚米線 返到去食嘅時候 嘩 湯完全唔係酸菜魚嘅湯 淡而無味 酸又無 辣又無 麻既花椒都無 魚得3幾片魚片 仲要一夾就散 米線差過譚仔 份量仲要少 令到我要落去買多個麥當勞。食完睇個餐廳名 友義氣酸菜魚 酸菜魚完全唔得 唔知點解可以個名有酸菜魚。唔係咁失望 我都唔會哂時間寫cm 然後我睇到OpenRice要寫200字先可以評分 咁我唯有寫夠200字 間野喺葵芳恆景商場 係金朝小廚對面 759嗰個商場 KFC嗰個商場 希望大家去前諗乜諗。

今日黎左葵芳呢到試呢間酸菜魚呀😆餐廳新裝修都幾時尚🤗睇餐牌價錢合適！好多選擇🥳必食既我地先order左酸菜魚😇第一啖冇太特別 但係！之後愈食愈好食呀😜又酸又入味啖啖肉😆愈食愈上癮☺️之後仲有份黃金炸軟殼蟹😇係咸蛋黃呀！好邪惡好好味！每食一啖都覺得好脆好香！🤩好好食！仲有碟小炒王！好有火候！🥳好香好正🤓飲品有菠蘿乳酸同士多啤梨乳酸🤩清返成餐飯既重口味！呢間餐廳會encore!!!

今日去了葵芳！同朋友去食酸菜魚！我們選了一間名字好特別"友義氣，酸菜魚"是一間食特色酸菜魚！我們點了招牌酸菜魚小辣鮮菠蘿咕嚕肉雞絲粉皮啫啫芥蘭煲飲品老薑檸檬煲可樂菠蘿乳酸招牌酸菜魚小辣$188好好味，魚肉鮮滑嫩滑！湯好好味！麻麻辣辣酸酸鮮甜！內面的料好豐富，有萵苣，蓮藕片，金菇，酸菜大豆芽！鮮菠蘿咕嚕肉$85嘩好靚！燒菠蘿！咕嚕肉啖啖肉沒有骨，外脆內軟！👍🏻👍🏻酸酸甜甜！雞絲粉皮爽口彈牙！酸甜滑滑！啫啫芥蘭煲炒得好惹味！有蝦乾和肉粒，調味好好味！老薑檸檬煲可樂好特別，現在香港好小有得點！

今日同朋友嚟到葵涌食晚飯。我哋兩個都好肚餓，所以叫咗好多嘢食。我哋叫咗一份酸菜魚，一份宮廷蘿蔔，一份避風塘茄子，仲有一份友義氣小炒王。酸菜魚用咗海鱸魚再起骨黎盛上，湯底用咗雞湯來做湯底，再配埋蒟蒻、酸菜、筍、金菇等材料，麻中帶辣，非常醒胃！海鱸魚肉質細嫩、鮮美，配上酸菜湯一拼食用，令人一試難忘！宮廷蘿蔔食落酸酸辣辣，帶點蒜味，口感爽口，作為頭盤非常不錯，醒胃無比。避風塘茄子份量十足，外表炸得香脆，避風塘既香辣亦都蜂擁而出，食到內裏既茄子都唔會感到油膩，如果配上啤酒黎食，絕對係一流之選。友義氣小炒王鑊氣十足，入面既各項調味亦都恰到好處，咸香味撲鼻而來，加上用料豐富，有韮菜、帶子、蝦乾、腰果、辣椒等，令人一再回味！食辣野又點可以唔叫翻杯凍野黎飲下！今次我就叫左杯鮮青檸梳打黎解下辣，一啖飲落去，咩野辣都解哂！Menu:

限聚令放寬之後，把握時間夜晚去堂食今次選擇咗未試過而且一直期待的酸菜魚😌1️⃣ 雞絲粉皮頭盤食落清新 唔會太油膩粉皮粗幼剛好 幾滑身 與雞絲、青瓜絲拌勻 再夾起一齊放入口 😌果然係開胃之選2️⃣ 鮮果咕嚕肉有別於平常的咕嚕肉 呢到係用新鮮菠蘿 先燒香表面再切粒拌碟花多少少功夫同心思 吃得岀誠意👍🏻咕嚕肉汁甜酸適中 炸粉漿唔厚重食落啖啖肉 好滿足😛3️⃣ 友義氣·酸菜魚 （標準）非常足料！有蓮藕片、橋頭、酸菜、金菇、辣椒、白蘿蔔、粉皮等魚肉無骨，肉質鮮滑配上湯底的酸菜味加上麻辣香，非常入味！ 食落口 首先食到海魚的鮮味再慢慢滲岀酸辣同麻香叫左小辣🌶 辣味適中 唔會掩蓋哂食材的鮮味酸同麻辣恰到好處👍🏻4️⃣ 友義氣·小炒皇非常足料的小炒皇，材料有蝦乾、炸銀魚乾、魷魚、帶子等加上韮菜花爆炒🔥 加埋卜卜脆的腰果 食落非常香口 又鑊氣十足👅餐廳環境乾淨企理，座位不會太逼夾，職員服務態度不錯。

之前在這店食過花生豬手飯，豬手夠淋及入味，所以又一試吧！我不愛鹹及汁，故落單時同店員說要少汁。餐一送來，吓！點解不是炆豬手，而是湯？！剛好老闆在，當然一問。老闆話因為佢覺得這新菜式由炆轉為胡椒湯豬手更好，因為味道更好及特別。不過我都表達，若是改變了，應該下單時講聲或餐牌加點描述，因只是「花生豬手」，真沒想到是湯，而且胡椒湯對於不吃辣的人來說，未必鍾意。既是新菜，就試下。一嚐湯，重的胡椒味，天氣冷喝很暖和。今天天氣暖喝，也感開胃。不錯！豬手同花生都份量足，不過今次湯略鹹了一點。飲埋杯凍鴛鴦，大滿足。

專程相約去葵芳區外圍的商場內的小店吃晚飯，必定是朋友推薦的好嘢。疫情期間要掃描「安心出行」是無奈的行為，也有其他食客改為填寫個人聯絡，有得揀才是人類智慧的表現。大size酸菜魚足夠四人吃，如果想飲到魚湯的味道，建議叫少辣。魚的份量夠多，內有酸菜和酸蘿蔔在內，非常不錯。小炒皇就唔想多講，因為唔明很多大排檔都將這味餸講到是招牌菜 !椒鹽雞軟骨有驚喜👍鮮果咕嚕肉，菠蘿鮮甜，咕嚕肉好軟滑，但外面未夠脆皮。