Video
Above information is for reference only. Please check details with the restaurant.
最近媽咪晨運後發現新食店 <友義氣‧酸菜魚>，當晚媽咪餐生日飯指定食酸菜魚！走入翻新後的屯門建生商場，仿如置身兒童王國！Haha！ 完全改變格局，媽咪提醒我們，餐廳位置原本係 OK 便利店！由於，我及細佬要返工，爸爸媽咪先去等位，等足半個鐘！店內人手嚴重不足，(恐怕店員真的要捱義氣嘞！) 入座後，起碼15分鐘都無人理，又無人抹枱， 找到最忙碌又要帶位、落單傳菜的女店員攞茶嚟，茶壺太滿，一拿來就淋到爸爸隻腳！地方不大，有卡位，尚算坐得舒服，相對幾嘈！餐牌 (沒有加一服務費)媽咪首選酸菜魚，細佬建議點有鑊氣的小炒！ 依上桌次序：黃金大蝦球 $128平均每人兩件，即叫即炸！以鹹蛋黃包住原隻去殼蝦炸，保持鮮香多汁，冰鮮蝦鮮甜爽口！ 大家都食得滋味無窮！包心菜 (蒜蓉炒) $68聽細佬講，這道菜是以高溫滾油快炒，包心菜保持翠綠，入口清爽帶甜好香口，色香味有鑊氣的小炒！友義氣酸菜魚 $198 例牌 & 走辣、走麻選用鱸魚，連媽咪都讚店方貨色的魚質鮮美嫩滑又足料，還有其他配料：芽菜、金菇、不太熟透的萵苣筍、薯粉...等， 表面有紅辣椒粒，淋上滾油，湯底酸香醒胃，有些小辣，風味滿載！白飯 $10一碗滿滿的白飯，配濃味食物最適合不過！每人平均約 $100，相當抵食！
continue reading