合發茶餐廳

Open Now

Now Closed

傳統茶餐廳 食物水準出色 午市下午茶 常餐小炒都食到乾炒牛河 食到洋蔥芽菜蔥段 碟底無油 超夠獲氣 每條河粉都上到醬油唔會有白色牛肉軟淋份量多 河粉炒得爽身乾身好香口火腿通配蕃茄，午餐肉同牛油方包 標準常餐 牛油方包無烘底食落鬆軟 餐肉好脆身 通粉仍然夠彈牙旺角廣東道981號地下平均消費$60評分8/10

懷舊良💛茶餐廳合發係我嘅飯堂之一，每當出到旺角諗唔到食乜我都會過嚟食第一次嚟嘅時候，感覺好特別，一間非常古老嘅茶餐廳，竟然仲有開放式水吧廚房，可以睇到師傅係入面炒嘢。不得不提嘅係店內兩邊牆身嘅壁畫，非常賞心悅目，一定要多多懲罰。食物方面，我最喜愛嘅係哩度嘅常餐雞扒 餐包 炒雙蛋+忌廉雞湯公仔麵$42好少餐廳仲會有餐包哩個option了，細個唔識嘢嘅我會扔左佢。大個左先發覺係寶，餐包聞起嚟好香，入口甜甜地，加上香滑牛油，口感倍添。（星期六餐包會比較早賣哂）雞扒屬於大size，大過手掌，雞皮炸到卜卜脆，雞肉嫩滑惹味，又唔會太咸，恰到好處炒蛋炒得啱啱好，自己最怕d炒到老哂嘅蛋，哩度炒得好嫩滑，又唔水忌廉雞湯公仔麵個湯好濃，好夠味，公仔麵亦夠爽，有咬口舖頭就快裝修，想睇壁畫嘅朋友要趁早

講咗好耐嘅合發，終於有機會去食！（因為出親旺角都好多嘢想食！）見到餐牌樣樣都想試，最後都係揀左滑蛋叉燒。$40幾蚊無包嘢飲但就送碗老火湯。好快上餐，但一上檯個下我完全反應唔到依碟係我。因為我對滑蛋叉燒嘅印象係好似光榮個種黃色炒蛋叉燒加啲豉油。好後悔叫咗依個但都要食，完全好似無咩蛋咁，唔知個汁定叉燒好似酸酸地。又唔似變壞似係落左醋嘅味⋯個碟底全部都係煮到黃晒淋晒嘅菜芯⋯個飯好硬唔撈汁真係食唔到。黃店茶記，無咩事我都係食返我最愛嘅光榮算了。

一日一黃店旺角深黃良心茶餐廳 環境絕對係一大賣點 仲要抵食下午茶時段去到19:30 仲要好食 你仲等咩？仲唔去懲罰？（下午茶餐牌睇圖 其他放OpenRice).話說旺角區良心店 都食得7788出名既 有話題既 通常都係飲品 小食 甜品但就未有一間 可以日日食 長期支持所以呢排開始睇多左 平民類既茶餐廳最後就求其選擇左呢間啦.放工時間1845 一入到店 有驚喜有幾良心 我都唔需要多講啦 可望壁畫店員幾nice 提醒 依家仲有下午茶咖所以真係幾抵 人址都係大概$30-40.最好評既係⭐️沙嗲牛肉包 單點$25 餐加薯條$34👍🏻沙嗲牛肉好鬼多 咬開會流汁👍🏻牛肉入哂沙嗲味 好香 好惹味👍🏻包面有烘底 perfect👍🏻跟餐薯條 粗身 即炸 爆熱 鹽量岩岩好🔥呢個勁高分 下午茶點佢就完美.⭐️時菜肉片炒河$42😋比平時其他餐廳既 時菜汁 多帶一份香 同甜👍🏻算多汁 河粉 夠鑊氣 條條分明炒得河 明顯好油 但咁先好食評分中上 肥肥 放棄人生之選.⭐️雪菜肉絲炆米$42🤔小過油 🤔小過咸 整體ok啦唔特別 唔建議點 唔多講.呢日黎到 客人唔多 原來佢地就收工抱歉做左最後一台客人 阻到你地收工（店完姐姐

今日經過旺角，心血來潮突然想食沙爹公仔麵，就上網搵咗依間餐廳食一坐低見到店內有Pepe連豬等公仔畫得好靚沙爹公仔麵 $30熱辣辣嘅沙爹公仔麵上檯，一見到啲沙爹醬非常濃郁，而家聞到有沙爹味，攪勻後食，啲麵沾上啲沙爹汁好好味，而且啲麵唔會煮到好冧，軟韌適中，啲牛肉都好冧，同埋啲沙爹啲味索晒落牛肉度，真係好惹味可能間餐廳唔算開係購物區個邊，但依間絕對係隱世高質茶餐廳，價錢方面都算幾平，係加凍飲就貴少少 （+$9），但當想食茶記食物時，絕對可以一試

合發可算是我們在旺角既飯堂。 鍾意呢到既人情味， 環境食物夠地道。 好多街坊客，好鍾意撩細路仔傾偈，係香港人既茶餐廳。 小朋友一陣做運動唔想食太飽， 叫左兩份特餐：雞翼通粉， 炸雞翼另上， 唔會淋曬👍🏻味道ok ! 豬扒比雞翼好味，兩大塊食唔曬....蕃茄湯米粉，少少偏甜夾米粉又剛剛好，奶茶合格。火腿奄列大大份， 牛油方包唔係薄薄一層， 係塗滿整片包，每一啖都食到牛油香。 整體cp 值高。 但記住星期日休息...唔好摸門釘....

最近掀起一股沙嗲牛肉麵嘅熱潮，今日嚟到呢間位於旺角橫街小巷入邊嘅茶餐廳，試一試佢個沙嗲牛肉公仔麵，意外地有驚喜❗️❗️❗️沙嗲牛肉公仔麵餐 $32個套餐包一個餐包，另外可以配兩種配料，今次就揀咗煎蛋同芝士腸😍😍沙嗲牛肉：咁最緊要梗係講個主角啦！沙嗲味好重，唔會太鹹，肉質鮮嫩，好林，但又唔係嗰種用鬆肉粉鬆成既，好食公仔麵：軟硬啱啱好，當然有時都好睇個人喜好，湯底又唔會太鹹👍🏻👍🏻整體來講唔錯，價錢又相宜👍🏻👍🏻

早餐周圍都有，唔係間間好食，在旺角內街高質懷舊的茶餐廳，推介一下。沙爹牛肉麵，麵硬度適中，沙爹牛肉不會太乾太硬。奄列，+$5，煎得幾整齊，有點誠意。牛油餐包，OK。$40，一個好早餐，美好一天的開始。總評味道：Good環境：旺角內街；服務：OK；衛生：一般。

哩間茶餐廳唔單止裝潢特別，人氣爆燈嘅壁畫吸引左大量打卡人士📸嚟朝聖，仲有極受歡迎嘅貓貓🐱店長坐陣，我都一於嚟影吓相食下野。西多士 $30 凍檸茶+$3外表炸得非常金黃香脆，加埋牛油🧈同埋煉奶，配上入邊香滑嘅花生醬🥜，完全活現左港式茶餐廳嘅西多士，水準嘅發揮。凍檸茶🍹嘅茶底啱啱好，加埋幾片檸檬🍋中和，好透心涼。咖喱豬扒飯 $48係偏向椰香味重既咖喱汁🍛，濃度都比較稠。喺面頭就見到我最鍾意嘅三大嚿薯仔🥔，豬扒🥩塊塊都好厚實，唔會好乾，煎香咗先放入去，好適合送飯🍚。茶餐廳本身唔做晚市❌，雖然禁堂食影響唔大，但係限聚令同疫情底下都越嚟越冷清，大家要好好支持良心店舖，勿忘初心💛。

第一次嚟呢度，對旺角有間性價比咁高嘅茶餐廳表示非常感動🤣五香肉丁意粉啲肉丁粒粒都好足料，醬汁甜度足夠。要大讚嘅係煎蛋，係完美流心嘅反蛋🥚！加埋煎雞翼，油包同熱奶茶只係$40有找，絕對係窮人恩物～

//旺角舊式茶記💛🇭🇰用marker畫嘅牆//·💛香煎雞扒、蕃茄濃湯米粉、火腿奄列、牛油方包 $42下午茶時間先食第一餐，就叫咗個全日特餐😚雞扒超大塊，蕃茄米酸咪咪幾開胃，最愛火腿奄列，份量都大，分咗啲夾落方包一齊食😝·💛熱奶茶 跟餐香滑濃郁，唔錯，有茶記應有嘅水準👍🏻·🌟環境就係普通嘅茶記，衛生就一般過得去啦，嘢食又ok～間中頹食下幾唔錯🤤仲要係黃🤩·合發茶餐廳旺角廣東道981號地下·多謝你睇到呢度，歡迎追蹤 @eat_better_worldwide ✈️

第一次嚟食呢間茶記，去到門口已經貼滿海報，入到裡面見到啲壁畫更加知道冇嚟錯地方！呢間茶記傳統裝修，開放式廚房，價錢都幾平民。最重要見到樓面到廚房都戴好口罩，衛生ok，食落都心安啲。一點幾嚟到唔洗等位，亦唔洗搭枱。叫咗個常餐，煎雞扒、蕃茄湯底米粉、火腿奄列、牛油餐包，加凍奶茶走甜。野食方面唔錯，蕃茄湯幾濃，值得推介。兩塊雞扒幾juicy幾香，不過奄列有少少凍。最後，老闆話心情靚，今日凍飲唔洗加錢，埋單$42，哈哈今日全程都坐唔滿，大家平時除咗幫襯連鎖店，都要撐下啲小店呀

黎旺角想搵一間懷舊茶餐廳搵到呢間合發茶餐廳雖然鋪頭細細容納唔到好多人但係環境好有懷舊茶餐廳既風味下午茶時間叫左個炸雞翼配薯條 $37凍飲加$3一落完order好快就送上黎啦雞翼有3隻 炸得剛剛好 脆卜卜薯條就偏淋身 不過都有薯味 脆返少少會好味d睇埋餐牌發現呢間茶記超平飯類竟然around $47 好抵食最開心係一路食野一路睇住d畫畫得好靚呀總括而言食物方面 普通茶記水準 薯條再脆d會好d環境方面 餐廳偏細 但有懷舊風味服務方面 店員有禮 食物好快上枱

如題，要求換檯的短髮紋身女侍應態度亦不友善，其嘴臉有若本屆政府高官，如其有意轉換陣營，相信以其處事手法及強詞奪理之能耐定必鴻圖大展，何必屈就於一家小小茶餐廳內，令有心光顧支持的客戶受苦？

好耐冇幫襯。今次都唔係特登嚟, 只係嚟開附近做啲嘢, 咁啱經過就食個午餐。點咗兩個餐1) - 香煎豬扒米粉(番茄濃湯)、火腿奄列、牛油餐飽、配熱奶茶。豬扒真係冇得頂, 厚切, 非常鮮嫩, 令人回味。番茄濃湯就.. 普通啲,唔係「濃杰」嗰種。火腿奄列及牛油餐飽, 正常。熱奶茶,「 奶」多咗, 冇茶味。(2) - 酥炸大雞髀配薯條、凍檸茶。雞髀嘅醃料好似有(好濃嘅)南乳嘅味道, 太鹹之餘味道古怪, 我唔敢話佢個雞髀唔新鮮, 但好好地一隻雞髀要用咁濃味去醃製, 的確可疑。雞髀嘅肉質亦比較乾硬。薯條都係太乾身。凍檸茶, 正常。