合興茶水 (Closed)

因近月開始在荔枝角返工,自然在附近搵食,見到附近有大排檔,所以去左睇下,熟食中心內有數家大排檔,當中以這家的午餐比較吸引,所以第一次便選了這家了這家大排檔每天有4~5款午餐可供選擇,連飲品+例湯都只係$28(凍飲另加$2)主要是一般扒飯類+炒粉麵+菜飯類等等,而且每天款式不同,總有一款適合你如果午餐唔適合的,亦可以額外叫,都只係$35左右,可謂價錢經濟食物質素方面不錯,一般午餐的飯同餸都係熱的,而且汁料調味也剛剛好,不會太咸太淡,加杯飲品基本上夠飽不過炒粉麵午餐因為預先整好的關係,感覺不夠熱,個人不太喜歡要試炒粉麵最好散叫,因為即叫即炒,西炒飯,星州炒米,都係個人推薦另外,個人也推薦以下兩種印尼炒飯炒飯乾爽,咖哩均衡在整碟飯中,加上肉及波羅,熱熱辣辣,十分美味五香肉丁炒公仔麵整體十分滿意,肉丁同麵都爽口,而且是即叫即炒,夠晒熱辣如芽菜量少一半會更好而呢家大排檔最正係可以響位睇住廚師用洪洪(聲的)烈火炒出來,睇住廚師炒的姿勢同用火,未食已令人期待而大排檔環境基本上可以接受,不會令人太反感,更有部大電視可以睇總體來講,呢家店對打工仔來講是平靚正的選擇,會繼續幫襯下去

在這個熟食市場, 其實每一檔吃碟頭飯價錢也可能只相差$2. 每一間都有例湯喝, 每一間都沒有冷氣! 當然, 想找個坐得舒服一點的, 可能是合興茶水了, 因為這間食店的座位遠離油煙少一點.午飯沒有甚麼好選擇, 隨便點了支竹火腩飯. 例湯是自助的, 去”中央例湯供應處”(其實這裡好像間間飲例湯都是到那裡自取), 老火的, 喝了幾次都是黃瓜煲豬骨湯., 味道也頗為濃郁, 可見材料十足.火腩略嫌肥了一點, 所以我也不是每塊都吃全部肥肉, 但炒得很香口, 肉香飄飄. 支竹煮得夠腍, 茨汁也很濃. 白飯是要幾多便有幾多的, 自由度很大.