Video
14-min walk from Exit A1, Fanling MTR Station
continue reading
Payment Methods
Other Info
Delivery
Above information is for reference only. Please check details with the restaurant.
真係完全無諗過放假晨早六點半居然會坐係粉嶺食早晨囉！平時可能剛剛上床瞓乍！是關係粉嶺搭車去行山，所以文廸姐建議依度食。今日登高由粉嶺出發，收到風長華邨平台食肆將會被領展霸權全面收回，年尾死期前黎幫襯多次啦！朋友們都仲未到，咁我食先唔客氣喇。太陽蛋豬扒沙嗲牛出前一丁，第一次幫襯當然整個基本先啦。賣相井井有條，擺位得宜，香噴噴熱騰騰，good！太陽蛋豬扒沙嗲牛出前一丁，雖然麵條煮耐一點會入味一點，不過依個麵質對我黎講實在太腍喇，爽彈先啱我架。染成深色既滑溜溜軟棉棉麵條，湯汁味特濃，別有一翻特色，跟我阿媽煮即食麵一模一樣，泛起一絲童年回憶。豬扒味道唔錯，質感鬆多左一點點喇，過腍不過煎得香口，微微肉汁未算乾涸。自家沙嗲牛，略乸不過份，味道香而不濁，食得過，滿意既。大路普通辣椒油，微弱辣味帶少少香口，不過不失。金牌麵餐豬扒火腿牛肉太陽蛋出前一丁，第一眼已被深深吸引，似乎非常豐富，貪心又大食的我實中啦！$36 蚊勁平勁抵食呢，平過紅磡十蚊呀！湯底味道係出前一丁，但麵質完全唔似，粉口過腍又溶溶地，好黏嘴呢！似大江麵多過出前一丁。金牌麵有點失望，跟我想像差太遠。過份乸豬扒腍劈劈滑潺潺，薄切煎到乾硬鞋，味道偏咸。勁乸牛肉質地跟豬扒同出一徹，味道就跟火腿一樣正常啦，最好味係天然太陽蛋，撈麵好好食啊。碗麵完全唔掂，想搵辣椒油急救，但辣油無咩味又唔辣，可憐！最終都格硬全部食晒。食完朋友們剛到，但帶住隻狗唔坐得裡面呢，唯有齊齊轉坐露天啦。
continue reading
不經意地，光顧合華都超過十年光景，但凡事總有分離的一天，聽聞老板娘不再續牌，明天便是最後的一日，雖然食物水準一般，但心中總是覺得不舒服。午餐沙爹牛肉麵麵底多年來都是未淥透，算了吧! 牛肉醃到肉質鬆散又無味，又都算啦! 加點辣油刺激下味蕾。餐肉火腿雞蛋配方包方包軟熟，其他幾樣食物都有煎過，熱熱地幾好。凍檸檬茶又是糖水一杯，有時候就算是最後一日，也應該盡做到最好，大廚也未免馬馬虎虎了。兩星期後再經過，不單人去樓空，部份裝修開始拆去，心中不無感到唏噓。
continue reading
公司三文治與一般的公司治不同 有咸牛肉炒蛋嫁😁 饀料不得了 由上至下數起: 咸牛肉炒蛋餐肉蕃茄沙律醬芝士火腿 以三塊香脆多士夾著😆 這看似你我在家也能做到 但$26就可慳番煩複既工序 大滿足😁😁濕河又姐係時菜肉片炒河今次稍為有點失準了 河粉淋身 大部份也黏在一團 比起上次食既粉 缺了彈性 不過餸依舊地多ㄟ(￣▽￣ㄟ)其實黎大排檔係食人情味的
continue reading
不敢再試上次的米線了, 太軟. 還是要叉意安全點, 當然不期望叉燒會充滿燒烤香甜味, 只要它不韌, 湯底味精不重便可以. 方包夠軟, 太陽蛋一般, 無散開也接受. 最重要是我付的是其他茶餐廳的茶餐價, 而吃的是午餐, 當然份量介乎兩者之間.看來不少是熟客, 侍應一見便知對方要什麼. 透明厚膠布垂下作屏, 隔開外面風塵. 這次點幾到, 職員較忙, 沒有像上次我邊吃, 他們邊抹地了.
continue reading
今朝我一個人，一心想去祥華熟食檔食個地道早餐，第一次去，叫左沙嗲牛肉通，煙肉，炒蛋，油多，熱奶茶。沙dat牛肉通，味ok。煙肉,多油。炒蛋，太多油，最後我要用麵包吸油。油多，加個少少牛油收多我3蚊。本人認為食物的衛生情況比較差，所以一定唔會再去。
continue reading