同信士多

Open Now

Now Closed

去完小白鷺影鬱金香，即興去埋BBQ4點幾5點本着唔係一定有位嘅心態去，點知又有喎最鍾意佢哋啲嘢食獨立包裝，嘢飲又多款推介佢地d海鮮，試左魷魚大頭蝦青口，都好新鮮，欣賞佢地蒜蓉都唔使錢任你拎，蜜糖我都只係加左係丸同麵包到野食調味都唔會過咸，同埋種類選擇都多，仲有泰式串燒可以自己燒，唔怪得我IG一出，好多朋友即刻共鳴

食物非常多元化，食物衛生不錯有獨立包裝，川味雞翼好食，部份飲品都可以任飲。但係環境有啲擠迫，座位安排亦都較其他燒烤場差。初初燒冇乜嘢，係之後有其他人嚟就要其他人坐埋一齊，搞到鬼咁迫，但係明明成個場仲有幾多空位，完全唔合邏輯，擺明玩嘢，隔開少少都好吖，你話個場爆曬嘅咁就梗係合理啦，最弊又唔係喎！除咗班姐姐外，個別職員語氣態度惡劣。另外，加碳後完全冇任何工具可以撥火，大家係到乾等燒好啲碳。經過今次經歷，都係去返平時自己去開嗰啲場就算，寧願貴啲，好過俾錢買難受，真係不可一不可再！

#20230123 🤍📍 同信士多 大埔汀角路蘆慈田灣龍尾灘——————————————————————————————#任飲任食燒烤 #成人 #公眾假期 $190💭 先講地點，搭巴士一落車就到好方便🚌呢度係用網燒，一兩個人負責燒就得🤤食物種類好多，🐷一次過都試唔晒，#青口 麻麻有啲腥味，#蝦 就一早煮熟左反而唔太差keep到肉質仲彈牙🦐呢個價錢有海鮮食真係算係咁，#雞翼 好多隻味，又有分全翼同中翼，最有印象係檸檬汁雞翼幾特別🍋 #豬頸肉一大塊要剪開一粒粒食好爽口，#雞骨腸 好肥美咬落無乜口感😅#沙嗲串 高質，似足平時泰式串燒，一開始有個錫紙兜可以去拎菜，啲菜都係任拎不過兜得一個😅食完仲有#橙 可以拎，好少可燒烤有新鮮生果食🍊唔想飲啲肥仔水可以食橙解下渴，#蒜蓉 🧄#蜜糖 🍯同#豉油 都有預備，連野飲都可以任拎👍🏼基本上只係分任食區同自費區，🐷覺得任食既野食都好夠喇😎.#大埔美食 #🐷_食

由上至下每一位員工都不停係到趕客！ 唔知係咪人太多，無心機做！ 超級差的態度！就算D野食係唔錯，價錢唔貴但都唔去第2次！難得成啦朋友聚一聚兼幫朋友慶生，點知換來嘅唔係慶生而係興親！最離譜就係遲交埸比客，但一夠鐘就好冇禮貌叫人走，更加冇提人客快夠鐘，只係話15分鐘內要走否則每人罰$50！總括而言，只得食物較好外，其他就......唔信可以試試。

雖然有人鍾意拎住d 叉燒，有人鍾意網燒，有時網燒都幾方便😀😀佢呢到選擇都多。。雖然佢d 豬柳轉左平價豬柳款，無咁好味～其他野食選擇都多😀😀雞翼種類都好多款～而且都鍾意佢d 食物一包包pack 好～.多春魚，不同種類的丸，同魷魚～🦑🦑.⚠️每張枱只會提供一個錫紙兜同一張錫紙.呢個蕃薯。。本身出面已包好～好味🍠🍠...飲品款式都多。。.一袋袋pack 好，感覺上都干淨d 😀(圖中有些肉串已拆袋）..5 個人。。2hr...$686....好抵‼️😀😀👍🏻..蒜蓉燒茄子超正😍😋🔥🍆🍆

不愉快的經歷地點方便 食物有獨立包裝 感覺衛生但登記的員工姐姐態度惡劣明明好多位 又話冇位 再問等幾耐佢話嗰個都係到問問問仲可以同你講唔鍾意就唔好喺度食其他姐姐見到咁 就話有位 帶左我哋入去座加炭時男員工都主動同我哋講有個風機可以用其實大部分員工都有傾有講 好主動個別那位員工 真的不敢高攀

一個平日星期五，搭巴士75K寶鄉橋上車，蘆慈田（龍尾泳灘）落車，技術所限，先在附近單車舖租單車踩入船灣淡水湖來回，及至2點幾還車後就折返泳灘對面馬路幾間相連燒烤場附近，最終選擇此規模相對較小之燒場。入座接近3點，舖外目測以為無客，入座方發現已坐1/3人，估計五十張4-6人枱左右。見人人都熟練取食物飲品之類，熟客為數不少。男女廁所各兩格獨立廁，蹲廁，衞生情況可接受。先俾讚係用具齊全無需同鄰枱share。例如多把廚房剪、錫紙盤、不銹鋼筲箕、食物鉗等可自行去燒烤包處自取。燒烤網入座後即派新一個，並且用較硬身而能承重的不銹鋼網。炭鉗扣在爐旁，燒至中途亦有職員放低整包炭以備用。調味粉如淮鹽、孜然粉、辣粉等等一干一樽樽任取用。蒜蓉醬一大盤自己勺；蜜糖是有點稀釋感，總算一盒盒仔分裝好任拎。真正自取其肉。蔬菜類茄子🍆、脆肉瓜、娃娃菜、粟米🌽蕃薯🍠、金菇、秀珍菇等自取，甚至有包裝手切菠蘿。大部分已醃凍肉用真空袋分裝，自行去屋仔外或室內凍櫃取即可，而無需拎個紅膠盤等職員提供配給。其中包裝雞腎份量頗多，每包量合6-8人。揀肉揀到愛不釋手，雞翼都五六款醃味，檸檬、孜然、黑椒⋯⋯每包約6隻，另有青口、多春魚、鮮

十二人燒烤，有兩爐。平日可用四張台。但太密，十分焗速。 爐與爐很近食物獨立包裝十分衞生方便，還可任飲，十分抵。款式勁多，雞翼也有六七款味。還有蝦、蜆、青口免費取。還有啤酒、汽水多款任飲整體十分好，是位置較密，空氣不流通

大尾督的燒烤場林立，但自從朋友介紹這家同信士多之後就每次都回訪這家了🤣全因食物選擇多﹑蔬果至肉類都有大量調味選擇，甚至連飲品都是任飲。很多人推薦這裡的原因是因為他們的肉類都有膠袋獨立包裝裝好，優點是更衛生，而且膠袋亦註明了肉的種類及調味👍🏻但如果人少少來燒烤的話，一大包就未必食得完呢🥲除了醃製肉類之外，這裡還有少許海鮮的選擇👍🏻另外也有很多不同種類的豆製品，例如燒豆卜等，亦有大量蔬菜類包括茄子﹑娃娃菜﹑翠肉瓜等，旁邊還有大量蒜蓉供人調味，連我們同行有吃素的朋友也吃得滿載而歸呢～場地還有大量的調味粉供人使用，我們用錫紙盤裝著娃娃菜， 加入蒜蓉及剪了些辣椒碎調味，非常惹味呢🌶燒烤是有網架架著的，不用手扶住燒烤叉，非常方便。雞軟骨加上孜然粉調味，與在外頭串燒店吃到的質素一樣呢！😎店裡還有一些特色的食品，例如這款有葉子包住的魚肉，是香辣的東南亞風味，十分特別🐟總括而言包裝的醃製肉類質素不錯，加上食物及飲品種類多，環境又能遠眺到龍尾泳灘，是CP值非常高的燒烤餐廳。❤️

抵食BBQ.又黎到我搵野食時間。朋友介紹呢間bbq好好味，就黎試下，呢間bbq好full場，所以我一早卜定位先果然冇錯，一入到黎好多人等緊入場，但卜左位可以直接同d姐姐講，會直接囉到位，呢間bbq真係好掂，連埋燒烤網+膠剪+鹽+七味粉而且燒烤既野食全部獨立包裝真係樣樣都好新鮮，冇得輸野飲方面，本人推薦 王老吉任飲的，還有水，啤酒，其他汽水美中不足⋯係野飲全部都吾係凍🥲大失所望，但其他野樣樣都好好又多野食揀，可以慢慢燒，燒足3個鐘呢派仲係「三週年酬賓-回贈客人 2%消費總額」真係好抵⋯下個月我都可以再黎多次🤩

假日有咩做?咪帶下D囡囡遊下車河郊遊下囉順道去下BBQ場,合我河車新界,大尾督不二之選有5-6個燒烤場其中有D真係唔會去,因為醃肉醃到……同信尚算可以因為啤酒汽水任飲,都多選擇價錢都扺玩,$120-190,另加開爐費$50睇你食幾多個鍾,我地兩大1小,3個鍾$180 ,$120小童2%優惠,$514食物都係大路野係雞皮同全翼得,雞皮自己攤開燒,就會食到出面食串燒咁,再灑辣粉同鹽,啤一啤,正海鮮有急凍蝦,青口,鯖魚,多春魚,秋刀,一試無妨推介:青口,再係出面拎蒜蓉放上去燒疏菜都多,大路野有 ,翠玉瓜,金菇,娃娃菜,蕃薯,菠蘿,係玩原條茄子先過癮,拎孜然粉,辣粉車落去,正重點:佢有勁多調味料提供,所以唔會食都成口同一隻味,咁DRY另有其他付費野,急凍海鮮,雪條之類細路最開心,勁拎野飲,冰菠蘿P:泊車佢無free park,一入係佢隔離,對面就係龍尾沙灘,不過無位居多

豬頸肉夠厚鎖住肉汁，非常美味。雞全翼非常入味， 尤其是麻辣雞翼，蒜茸和多種BBQ調味料任君選擇，食物種類多。食飽了，去對面沙灘坐下。雖然沙灘不算大，人流不算多，停車塲方便停泊。

以往好喜歡到同信燒野食，不過態度一次差過一次，昨天的不禮貌，令我和家人都決定不會再黎，一問野就鬧人，拎野又鬧人，我仲見到啲職員有不停呼喝其他客人，你以為係一兩個職員問題就錯喇，根本全班都係咁差，實在對佢地經營態度覺得難過，終於明白咩叫做越做越差，好可惜

終於等到可以多過四個人一枱，當然要一家人出去玩下食下好野👩🏻👨🏻👧🏻👦🏾👧🏻👦🏻 天氣又唔錯，就一齊去咗大尾篤燒野食。食物高質多選擇+環境舒服+靚景😍 大家都玩得好開心。交通方便，一落車就到，同老人家去都唔驚要行。枱同枱之間都留有頗大空間，私隱同活動範圍都足夠。餐廳望出去就係龍尾灘，可能因為沙灘啱啱開返，超多人！食物方面以任食為主，海鮮、串燒、肉類、丸類都有，而且有好多選擇，肉類更係獨立包裝非常衛生。飲品都係任飲，汽水、涼茶，啤酒都有🤩重點推介😺海鮮：大水魷、青口（加蒜蓉燒好好食！）肉類：黑椒雞腎、秘製豬頸肉、香茅雞中翼串燒：沙嗲雞肉、沙嗲豬肉另外，是日仲提供傳統馬來西亞小食烏達魚香葉卷Otak Otak，用葉包住喇沙味嘅魚蓉，少少辣，燒完好惹味💖交通：港鐵大埔墟站，搭專線小巴20C，蘆慈田巴士站落車。📍同信士多大埔汀角路蘆慈田灣龍尾灘

去朋友屋企玩 順便去燒野食收費斷鐘計 燒耐啲就貴啲本身無嘜期望燒完真係有驚喜係燒完會想帶埋屋企人再燒過個種———————————————————————平時已經包左個網比你燒唔使用叉咁燒到2046又包左飲品任飲 哩樣野已經抵過哂其他燒烤場淨係野飲已經十幾款 啤酒都有野食又係好多款大部份獨立包裝 擺係凍櫃比人拎特別啲既係雞全翼勁大隻 出面食都二三十蚊一隻啦淨係雞中翼都有五六款味道特別啲好似魷魚都有得燒野食啲調味都適中 唔會一堆醬好重口味咁過哂火真心推薦