同信士多

Open Now

Now Closed

朋友約咗星期一晚燒烤。去到場地見到好多人 ，估唔到平日夜晚都滿曬，咁多人燒嘢，好大煙。啲枱比較密，而且佢啲帳幕用鐵支架起，好容易撞到頭， 感覺好迫，唔夠空曠。平日夜晚燒三個鐘，每人168，五個人一個爐，爐就免費。如果唔夠五個人，就要加50蚊嘅起爐費。食物款式都好多，每一種食物嘅味道都有唔同，好似雞翼咁，已經有三四個唔同嘅味道，而且全部獨立包裝， 好衛生 。人多分享就好，如果兩個人燒， 一包就應該食唔曬。我自己鍾意攞住支燒烤叉喺度燒。佢呢一隻係串好曬，然後擺落個網度，搵個夾轉下轉下咁燒。變相只有一兩個人可以企喺度燒，其他人就坐低傾計，好似冇咗燒嘢食嘅意義。個人覺得雞皮冇味以外，其他肉類味道都唔錯，特別係牛柳粒、豬頸肉同雞腎 ，幾惹味。

秋風起想燒野食 朋友推介黎同信黎到 有驚喜首先不得不提係 所有食物全部有獨立packing雞牛豬海鮮都有飲品種類多 包括啤酒唔包雪糕 要另收費不過記住預先放近爐邊解凍先因為全部食物都仲係結冰 呢方面好抵讚 非常好 最怕有時啲肉雪得唔好 就會好易滋生細菌獨立packing 就比較少問題最後 味道真係非常好會再回頭略略扣分 就係環境成個場都會開好多帳幕但人多時就會比較煙 只靠風扇吹住去通風

✨BBQ食物衛生又選擇多✨秋天涼涼地，又係去行下山，踩單車嘅時間啦！玩完要搵地方醫肚，今次朋友帶左我嚟呢間試試佢！~~~~~~~~~~~~~~~~~~~~~~🔷BBQ爐用高腳爐，唔洗彎低腰，同埋一早set 埋燒烤網比你，唔洗額外加錢，抵讚！ 一黎就透好爐比你，唔洗等，而且加炭就出面自己拎，d 炭都唔係碎/好細舊架！🔷 食物種類都幾多，而且分好晒類，最最重要嘅係......全部包好晒！！！唔會比人揀黎又揀去咁！乾淨又衛生！而且錫紙，蔬菜都係大大盤任拎，茄子又係原條😂方包仲要係厚切！而調味料又係任拎，牛油，蒜蓉，蜜糖仲有一樽樽五味粉，孜然粉。飲品，包括埋啤酒都係任飲！~~~~~~~~~~~~~~~~~~~~~~~~👅味道 🌕🌕🌕🌗🌑🌻環境 🌕🌕🌕🌑🌑🐋服務 🌕🌕🌕🌑🌑👛抵食 🌕🌕🌕🌗🌑🔄回頭率 85%~~~~~~~~~~~~~~~~~~~~~~~~📍 同信士多 (大埔)大埔汀角路蘆慈田灣龍尾灘📞 9467 7131/ 6596 0830

好多食物都係包好晒好乾淨除咗有少少一串串嘅肉係冇包😂雞翼雞腎同扒都係獨立包裝好晒有幾款味道😍唔錯不過係有啲啲鹹🥲不過有雞軟骨串 好加分！！😍燒完加孜然粉辣椒粉同鹽 perfect 嘢飲種類好多！😍唔洗驚冇野啱飲可以放住係度燒唔洗手拎其實輕鬆好多不過風扇唔太夠 燒嘢食上面嗰帳篷搞到少少焗 建議秋天同冬天先好去不過佢哋麵包放雪櫃🤢真係好唔得掂 菠蘿味道怪怪地不過整體來講 質素比較高Walk in 都有位 不過book左就安心啲職員有啲都好好 😂番薯俾我哋揀完即刻包俾我哋

位置對正龍尾灘 巴希亞隔離 呢度大部份嘅食物都係真空獨立包裝 衛生又乾淨 一包雞翼有六隻 最好有三四個人食 兩個人可能試唔到太多款。不過佢都有散裝串燒雞翼嘅。 提提你 五人免開爐費 開爐費$50。腸仔一包過 冇散裝 四個都未必食得曬 人少唔好攞 但佢有細條芝士腸定蜜糖腸 。雞翼有多種口味， 試咗香茅 孜然 同檸檬 ，個人 認為檸檬味最好 比較特別，但要搽蜜糖先突出到。青口都好味 加少少蒜蓉 唔好多 啲蒜蓉比較鹹 燒魷魚應該搽豉油好 下次試下龍利就唔好試啦 魚嘅質地怪怪地一口牛都係 麻麻地 有筋又韌有錫紙兜比可以煮下菜，又有橙，香蕉，菠蘿 ，檸檬任攞。 任飲款式多 除咗汽水 仲有啤酒 烏龍茶 ，有氣礦泉水就麻麻平日價錢斷鐘計，好均真。 三個鐘應該夠食 ，$150。可以叫三個鐘先，唔夠再加多$20，有多1個鐘。 港鐵大埔站搭小巴20c ，蘆慈田落， 一落就響你眼前。

今次假日去左大埔大尾篤燒嘢食！之前都淨係試過麥師傅，要自己用燒烤叉燒嗰種，所以今次試吓用串燒方式放上爐慢慢烤，系等啲食物熟嘅期間可以唔使拎住啲食物嘅情況下，同朋友仔傾吓計😙佢哋大部份嘅串燒都會有膠袋獨立包裝，感覺比較衛生啲，丸類就會係3粒為一串，分量少少哋可以使好多款！除咗丸、肉、菜之外，仲會有海鮮，例如有蝦、青口、魷魚、多春魚等等，令我最深刻嘅嘢食就係燒雞全翼，因為呢一款辣味雞全翼嘅味道食落真係好似譚仔咁，會有麻嘅感覺！真係第一次食，不過同場唔食得辣嘅朋友仔覺得佢好辣，自問食到辣野嘅人去到可以試下！值得一試🤩仲有燒豆腐卜都好正！燒完好脆，一定要食！因為佢係自助形式，所以如果你想食燒蒜蓉金菇嗰啲，就要自己用錫紙包、自己調味。呢間店舖喺馬路隔離，夜晚都好少車經過，望遠少少仲會有個人造海灘，感覺真係唔錯👍🏻👍🏻👍🏻

大鄉里出城，人生第一次去大美督燒嘢食。對面就有個人工沙灘，真係懶浪漫咁㗎！呢到收費為「1小時」「3小時」「5小時」咁計算，$110/首一小時，兩個鐘就$130-，如此類推。一坐低哥哥仔就攞嘢過嚟，真係好服侍食物款式係勁多，絕大部分食物獨立包裝，感覺好衛生。等我話你知有咩食：蝦、青口、龍脷柳、多春魚、秋刀魚、鮮魷、墨魚、花枝、菠蘿茄子、粟米、番薯、菜、菇菇菇香腸、廚師腸、熱狗腸、芝士腸、紅腸、豆卜、漢堡、鴨胸、厚吐司燒賣、海膽丸、龍蝦丸、八爪魚丸、墨魚丸、麻吉燒、芝士丸、牛肉丸、芙蓉丸、貢丸、炸魚旦雞軟骨、雞皮、雞腎、豬頸肉、多口味嘅牛扒雞扒豬扒，同埋10分多口味嘅雞中翼及雞全翼。眼見就有：「蒜容味」「蜜汁味」「咖喱味」「黑椒味」「籽然味」「檸檬味」「沙嗲味」。我最愛嘅雞軟骨，食咗好多串原來炸雞皮要即刻燒完即刻食先好味！我試咗檸檬味，即係「西檸雞」嗰隻味，好特別吖！唔夠味都唔使擔心，大把配料同調味料俾你揀，教啱自己鍾意食個味就得喇！呢到仲有飯後果，有🍎🍊外，仲有大量飲品，多不勝數，聽住：酸梅湯、王老吉可樂、忌廉、雪碧忌廉鮮奶、石榴汁、蜜糖檸檬荔枝玉露、巨峰玉露、芒果玉露

黎得大尾督，梗係要BBQ啦。雖然大尾督有幾間BBQ舖，但我同啲fd次次都係會食同信士多既任食BBQ($185/人)。本身book咗8點，但我地7點幾到咗，而咁岩又有一枱人走咗，所以都可以即時入去食。近排天氣熱，如果仲要BBQ對住個火燒野食真係折磨自己，不過好彩同信士多每張枱都會有個大風扇吹住。食物方面都有好多款可以揀，都係唔同既肉、菜、雞翼、魷魚、厚切麵包、魚類、丸類、菠蘿等等等等，太多不能盡錄。而野飲方面除咗汽水都有竹蔗茅根、菊花茶等無咁熱氣既選擇。個厚切麵包係第一次見到，係麵包既2面搽牛油同蜜糖，再燒到脆一脆真係好好食，有啲似奶醬多。野食野飲選擇多、唔貴又近巴士站，下次黎大尾督BBQ都會食返同信士多。

我最愛既燒烤場任飲任食🤤食物都係獨立包裝好衛生🥰食物款式都好多海鮮竟然有蝦，青口，魷魚係任食喔😱肉類都有牛扒，一口牛，雞翼好多隻味，金沙骨，豬頸肉，雞扒，豬扒等等丸類至少有10款以上飲品！！好少燒烤場會飲品任飲佢呢度任飲得黎款式又多推介🌟1）雞皮 真係未試過bbq有燒到脆卜卜 爽🤟🏽不過要比啲耐性 雞皮難熟🤭2）川味雞扒/雞翼少少麻 又唔會太辣 好入味 超正3）漢堡扒唔知點解我覺得呢到d漢堡扒好好食😅

見到$148 任飲任食咁抵 就約左朋友假日去, 假日去怕多人 所以就同朋友早左去 大約5點30到去到唔洗等位就有得直接入去👍🏻👍🏻食物種類好多 而且某d食物都有獨立包裝 係疫情之下 值得一讚調味料應有盡有! 仲要有孜然粉😍 少有BBQ場有既調味粉👍🏻飲品除左罐裝飲品之外 仲有蔗汁 菊花茶等等下次朋友要去燒烤一定會叫佢地去呢間👍🏼👍🏼

突然好想好想好想燒野食🍢但系又要等2隻小魔怪放假先可以去終於等到喇..😍同信聽就聽得多黎就真系第一次👆🏽系出面泊好車就入去🅿️可能因為星期六都好多人職員安排我地坐系一大班人既最入面張檯嘩…真系嘈到不能接受🙉問題系果班人10幾個人連安排比我地果要檯都用埋😓我地都冇出聲職員都好快就話幫我地轉位2個職員夾手夾腳開檯搬櫈安排坐系男廁同女廁中間既位置唔好覺得因為廁所🚽而覺得佢唔好呀加上個距離系可以接受同埋唔會有廁所味其實我覺得果個位系最好咖講下佢既優點👍🏽先❤️方便去廁所❤️燒野食難免手會污糟.行幾步就有得洗手❤️攞野食都好方便(攞野食主要系2間屋仔.一間系買飛同拎大部份野食野飲.另一間就系有菇瓜菜蒜蓉同2個飲品櫃)缺點👎🏽就系…..訓左一晚暫時好似仲未諗到🤣好喇.講返食物方面🥩最主要值得讚👏🏽既當然系衛生啦不過當然佢pack好晒一包包份量唔算多但對於如果2個人黎既可能會多種類繁多..見到咁樣pack好晒好乾淨會乜都想攞淨系丸都有10幾款.唔好睇少啲丸呀丸都可以好講究咖.謝絕粉丸🙅🏻‍♀️雖然唔系全部丸都有試但系八爪魚丸同牛丸都系出色既講完丸再黎就系以下哩張相⬇️見唔見呀?見到啲咩呀?系一大舊真空包裝既鴨胸

地方環境好污糟 無論枱櫈都勁多污漬！其他bbq場都會俾埋紙巾， 但佢冇提供！而且唔係所有食物都係其他人講得咁好，沙嗲一口牛勁鹹， 但覺得豬頸肉同雞翼好食！大部分食物已預先裝成一袋，分量太多，唔可以逐件取！ 地方擠迫！ 唔知張枱高定張凳矮，好K型，所以坐得唔舒服， 坐低之後個火爐成水平，所以燒嘢食唔就手！

依家不嬲都係去大尾篤會嚟嘅燒烤，又平又食物多選擇～好似某啲場，菠蘿要另外買，佢呢度全部都任食，嘢飲都係任飲唔需要額外加錢再排餐死，上次去第二到，只係買枝野飲都排成十分鐘食物選擇種類都好多，係唯獨冇新鮮海鮮，其他場可以加錢買，但呢間整體食物種類最多，所以每次試完其他都係會返嚟～～只係海鮮類都有鯖魚，秋刀魚，多春魚，白魚柳，急凍蝦，章魚，八爪魚…好似有得加錢買急凍扇貝，不過覺得急凍應該唔會好識得去邊，就無買到～～而且攞嘢食嗰個位好夠大，唔使下下同人迫有比較下依間真心唔錯！平時同朋友講起都講呢間正

✨大尾篤BBQ🔥超抵$148任飲任食🍖😍————————————————————大埔既bbq場真係多到癲🍢食過咁多間都係呢間最高質😚閒日 $148 任飲任食三個鐘！假期好似$170 最好打去問下開爐費$50 (五人可免) 我食左over三個鐘都冇趕我走不過啲呀姐冇乜禮貌 算啦都唔係食service🤣————————————————————🔸包裝：值得一讚啲食物全部獨立包裝😌感覺乾淨 真係好驚啲肉攤哂係度俾人任夾好多菌🤣.🔸調味料 : 有齊基本調味料 蒜蓉 孜然粉 辣椒粉乜都齊 不過🍯蜜糖真係勁淡溝左水咁 建議自己帶去 .🔸食物種類除左海鮮要加錢(冇食到) 基本上咩都齊🥰🍗肉類推介既有雞翼！有全翼同雞中翼 預先醃好左 有蜜味 孜然 麻辣 都好食😋特別啲既有鴨胸 咖喱魷魚 沙爹一口牛 金莎骨 秘製豬頸肉😍呢啲都唔錯 多春魚都正😛✖️牛扒就麻麻 幾薄冇肉味 醃得太勁.🍢丸我冇乜點食🤣太哂quota 不過種類都多 有魚蛋 燒賣 墨演 牛演 芝士演 紅腸 廚師腸 仲有麻吉燒(年糕)...唔打喇☺️另外番薯 粟米 金菇 菜 菠蘿 麵包果啲都有齊既.🔸飲品: 自助任拎 除咗汽水 仲有玉露系列 蔗汁 菊花

3月14🙈仲要星期日，間間餐廳都爆棚😆忽發奇想😯不如去踩單車🚴🏻‍♀️ 簡單食完個brunch都12點🤣所以近近地，就踩入大尾篤啦👍🏻因為怕多人，又要撐💛，揾左極耐得一間⚠️係大水坑站落，鴻運單車⚠️認住佢啦😆😆👍🏻👍🏻慢慢踩都係2個零鐘就到大尾篤，沿路開左好多餐廳cafe😯不過個人覺得，入到黎緊係BBQ啦😚😚😍😍一樣撐💛，所以一定係去呢間⚠️同信士多⚠️任飲任食三點鐘，都係$170一個人（假期），平日仲抵！仲唔支持下！入到去，因為時間尚早，4點左右，得半場，所以2個人都有大枱😆開爐加$50，每枱一碗蜜糖😍一大包紙巾，紙碟，即棄餐具，就係乾淨！衛生！出去有2間屋子就拎野食嘢飲，飲品櫃咩都有，有我最鍾意❤️玉露😆忌廉鮮奶，仙草爽，真係要咩有咩👍🏻👍🏻野食更加冇得彈，每款食物都有獨立包裝！係獨立！係呢啲疫情下，咁樣做，真係衛生好多，食落都放心👏🏻👏🏻不過份量就大左啲，以4人標準一份，大家唔好浪費食物呀～整體感覺好👌🏻👌🏻超滿意，野食有一定質素，環境通風，又舒服，一定encore☺️💛💛大推！