名人冰室 (Closed)

這天到北角探姨媽，難得今天可以出外用午餐，她帶我到炮台山站附近的冰室，說是她的飯堂之一。店內面積不小，有卡坐和單邊沙發位，也算舒適。哎唷，冰室有車仔麵供應，哈哈！就點選了五款淨餸配咖哩汁：蘿蔔、豆卜、韮菜、芥蘭、豬皮。淨餸有$40元最低消費規定，我揀選的全屬$8種類，剛好符合要求。(笑)蘿蔔清甜軟嫩，豆卜有豆香，豬皮爽軟，韮菜鮮香爽口，咖哩汁夠香，整體不錯吃。姨媽點她最愛的瑞士雞翼撈麵套餐，非常邪惡但姨媽說很好味。

今日公司好多嘢做，Lunch求其食D嘢醫下個肚就算了，嚟到名人冰室，冰室座位舒適，裝修新淨光猛，就叫咗個咖喱牛腩飯，份量都幾多，咖喱牛腩嘅辣到對我來講啱啱好，唔算太辣，個汁都幾惹味。牛腩入味，肉質有咬口得嚟鬆化，一啲都唔會韌。我見隔離枱食雞翼自己都好想食，呢度嘅瑞士雞翼都好好食，好入味，同埋隻雞翼或者雞髀都好大隻，但因為食咗個飯所以食唔落，咁都好，俾機會自己下次再嚟試試其他嘢先。

午餐唔岩食。叫左個KING餐。其實即係常餐。湯粉麵有4款。揀左特濃羅宋湯鮮牛通粉。再配奶油脆豬。3.6牛乳炒蛋。凍檸茶。個羅宋湯真係好濃。連質地都係杰杰地。味道係港式西餐嘅羅宋湯味。有落啲新鮮蔬菜。牛肉唔算太多。亦都有啲難咬。不過已經俾個湯吸引左。通粉唔會粉哂。吸哂啲湯真係正。奶油脆豬本身應該冇得輸。不過應該係整好左一陣。個包已經唔脆。仲好似吸哂油咁。食感不太好。3.6牛乳蛋炒得算滑。不過食唔到牛乳香味。

名人冰室中午在跑台山中南廣場逛完後，突然很肚餓便在樓下附近看到這間餐廳，價錢和選擇都覺得可以便進去坐下。看了看今天的午餐，便點了蟲草花蒸滑雞，餐湯點了羅宋湯，餐茶點了凍奶茶。先上了羅宋湯，大大碗的，濃味而且雜菜很多，感覺健康 (多菜)。蟲草花蒸雞配大大碗的飯。蟲草花份量和雞的份量都算可以，味道雖然不算太突出，但因有蟲草花和豉油，都足夠餸飯，吃完仲好飽。加兩蚊的凍奶茶都係大大杯，夠濃味，奶和茶的比例都好。所以加兩蚊真係抵上加抵。服務員都好有禮貌，整體來說幾好。

男適應好串，態度超級差不會光顧第二次叫一個餐食，蒸猪颈肉然之後20幾鐘過去，我問，可不可以幫我睇吓 得咩咁耐嘅男適應答說，蒸要耐 我話20幾分鐘囖喔然之後男好串話，生嘅你食唔食對住另外一個女適應話，生的端出來給她吃態度咁差，唔怪得生意咁差 👎👎👎

星期五既lunch緊係食好dddddd去迎接尼緊既weekend啦仲要講既咩哈哈哈,,天后我地有時一大班人想一齊食又冇book枱又想食奶油豬,,四寶又唔夠位,,竟然畀我地發現到尼度既King餐其實就姐係常餐,,King餐就有一份奶油豬加炒蛋,,而主食仲有4個選擇添,,有2個真係好難揀,,分別係沙嗲牛同瑞士雞翼撈公,,真係其實2樣都想食哈哈哈😂😂😂😂最後都係沙嗲牛勝利,,夠哂沙嗲味,,份量亦都好多,,沙嗲牛仲係好腍,,奶油豬都夠哂脆又多奶哈哈哈~~其實都好高汁架,,仲要價錢都係抵食timmmmm~~

呢個鋪位之前係巨人冰室，易手後個名改左一個字，叫名人冰室，開左都幾個月喇，呢個復活節假期日日落大雨，室外活動cancel曬，咁近近地就試下呢間。望住餐牌，醒起自己好耐無食過飛碟，想當年最鍾意去同學屋企食鹹牛肉飛碟。想回味一下飛碟的味道，就叫左一客芝士吞拿魚飛碟。佢係即叫即製，等左約6-8分鐘，熱辣辣既飛碟送到。飛碟既邊邊烘到好脆，第一啖未食到餡，淨係邊邊都好香。食到個餡要小心熱，裡面有好多吞拿魚！連埋紅豆冰，呢份下午茶都只係$28，呢個唔係10年前既價錢咩？

跟好友在北角吃午餐找了這間名人冰室，吃午餐之餘順便談談心！看見餐牌得碟頭飯和炒粉麵都不是我倆杯茶，忽然見到有車仔麵我倆雙眼都發光了！最後各自選上三餸車仔麵一於六餸共享！ 侍應哥哥也很推介他們的車仔麵令我更加有期待！我選了蘿蔔、豬紅、芥蘭配米粉咖喱中辣＄32凍檸檬茶加＄8，吃一口心裡一沉先是辣而無香的味完全蓋過咖喱香氣，然後令湯底太油令我不敢多吃米粉！蘿蔔不時令來說已算不俗起碼不苦，豬紅正常不太滑溜又不會太粗糙，芥蘭算是最好吃咬口合我心水叫做夠嫩。 好友的魚片頭、墨魚丸、豬扒米線清湯小辣＄42，魚片頭唔腥、墨魚丸有口感選得好！不過小辣足以今她投降了！ 最好是這炸豬扒很貼心的分開上，不算熱辣辣炸起但肉質夠軟淋唔乾身，如果不是湯底太油和只有死辣我相信會合我口味多點！

誤打誤撞行咗入去，見到有3餸車仔麵下午茶+紅豆冰都係38蚊就叫，下午茶咁平預佢細份，再叫多個薯條雞翼怕唔夠飽，薯不知個車仔麵都夠飽，仲要好食，令我硬食咗個薯條雞翼飽到上喉嚨，兩樣嘢都好食，但杯凍央就....

外賣自取用openrice落單，可選擇不需餐具，寫明自帶暖杯及玻璃盒，在指定時間去到，服務員很禮貌也很醒目記得是自帶餐盒，交低餐盒暖杯，就很快完成交易。瑞士雞翼撈公仔麵餐好味，滑蛋真的好滑好味呢。脆豬包，可能我個人較喜歡甜，覺得可以再甜些，哈哈。熱飲是熱朱古力，也很夠味~整體來說很好呀~

今天去了炮台山港鐵站斜對面的 名人冰室 買外賣，我叫了一件油多$23，後來看到單張看見多士早餐連飲品只是$22，居然平過單買。我便問收銀員，因她幫我落單。她竟說你話單買，所以未單賣給你。O.....O.....今時今日的態度，劣！。第一次幫襯，都唔告訴顧客知，早餐連飲品平過單買，下次唔會再來！ ！ 切記，要先看餐牌才幫襯！就算俾伙記話剩看餐牌唔好咗住，也要先看。食物質素，多士是凍的、邊皮很硬、明顯不是即做。雖然有足夠牛油在表面、唔熱是不好吃的 👎🏻 謝謝。

見佢一路都俾人話一般～ 所以今晚去試吓先～ 睇完一輪，見佢冇 set 定嘅晚餐，所以叫咗個 2 人餐～ 價錢唔係貴～ 份量幾多吓～ 味道 ok，不過如果濃一啲會更好，可能我之前食開尼味都係重口味多啦竟然好入味，花綢 ok 香濃，肉質滑皮又彈，凍凍的很好食，唯一差啲啲係有啲位皮下脂肪厚咗一啲要咬走唔想食～ 炒得唔錯，菜脆身熟冇黃，不過覺得燒酒味不足～ 中湯不過不失好多料幾好飲～ 個飯軟硬適中唔錯啦～ 不過坐底冇耐留意到原來舊四寳個姐姐黎咗，問佢先知原來佢今晚義工過黎幫吓手，另外新四寶有個哥仔原來冇做過咗檔黎尼邊～ 同埋個冷氣終於整好咗喇～ 所以原來名人又幾好食吓下次可以再黎晚餐～ 不過唔會遲吓突然又執咗掛～

今日到炮台山附近工作，看見周圍都係人，又唔想食連鎖大型快餐店，就見到有間名冰室門外好像新開業不久，就決定入內吃個早餐，早餐大約有10個餐選擇，有鮑片火腿絲通粉、羅宋湯牛肉通粉、沙爹牛肉麵等....... 店內環境保普，店員態度招呼也非常一般。我覺得要試到一間餐廳早餐好不好吃，一試沙爹牛肉麵就一清二楚，所以我就決定試試，跟餐有奶油脆豬，嚴重不夠牛油，不夠脆，失敗，炒蛋普普通通，牛肉麵牛肉大細不一，有執差不多半CM厚，有塊薄如紙，醬汁一舊舊。總評：沒有要求的可以一試。

今晚到炮台山見之前食過的巨人冰室，改名為「名」人冰室，但餐廳裝修好像一樣，只是之前的咸蛋超人不見了，顯得櫥窗空空的，好奇下再光顧一次。餐牌出奇地沒有楊州炒飯，未能跟一次比，只好點了咸魚雞粒炒飯加一杯凍奶茶，份量適中，沒有上次的「巨人」，外觀不錯，加上剛炒起上枱，煙不斷滲出，頗吸引。味道方面進步了不少，炒飯也不會太咸太乾，配料除了雞肉之外，好像還加料燒肉，不知是有心還是無意，加上份量適中，整碟吃完之後見碟底也不太油，如果能夠多點咸魚會更佳，整體是很不錯的炒飯。

今天下午外出工作經過炮台山。由於肚子有點餓，決定先吃茶餐後再工作。在開飯喇搜尋餐廳，看到在英皇道有間叫「名人冰室」，行了不久就找到。餐廳內環境格調高雅，光線十分光猛。座位尚算寛敞及舒適。侍應的態度友善和有禮。整個茶餐上枱時間約八分鐘左右。我點了名人炒飯及熱奶茶。炒飯送上枱時，散發著香濃鑊氣香，飯粒炒得粒粒分明。食落夾著鮮蔥和肉味香。脆口鮮甜的蝦仁，肉嫩爽軟。半肥瘦的叉燒粒，有肉香之餘，嚼落又有口感。厚火腿粒，肉味香濃。炒蛋味濃。菜頭粒和乾扇背絲有點綴的作用。炒飯的質感柔軟，認真滋味無窮。各款食材配合口感更加爽。熱奶茶飲落較苦澀，茶溫微暖。茶味過濃，不過，尚算香滑。