名川苑雞煲火鍋 (Closed)

外國朋友回港話吾想食西餐，就話不如帶佢食雞煲而這間之前食過覺得吾錯，乾淨又舒服就去左這間，預大約7點左右到，不用等就可以坐下啦。我地得2個人，所以食半隻雞加火鍋料和小食，原來結帳才知道晚上過黎火鍋料仲有折添，每人都係$140。雞煲半隻小辣黎到肉都吾少，仲以為怕鞋口，食落都嫩同好麻香，因為小辣關係就吾係好辣喎，味道剛好，配料吸晒味又香當然吾會錯過。之後我地食完再加水，覺得有驚喜係吾會全部油，而且仲保持到少少味係度，絕對可以食菜或火鍋。當然仲會可以最愛的蒜泥辣椒豉油吧。火鍋配料只叫了菜，丸之類，材料都新鮮多選擇，而鵝腸煮煮脆口好味道。蒜泥白肉辣度吾多但蒜味足，大約5片分量，朋友都覺得一般。飲品都係以汽水和啤酒為主，價錢合理正常價錢。

前排經過隔離間美國雜貨(我好喜歡呢間店！) 見到隔離開左間雞煲，所以就決定同男朋友嚟試下！ 未上雞煲之前叫左個金錢肚做前菜。酸酸辣辣好好食調味調得啱啱好！不過呢略嫌金錢肚唔夠凍，但整體調味好正！喜歡多芝麻！ 半隻雞煲做緊特價54蚊咋好抵食呀! 由於同男朋友都食辣，所以叫左中辣！啲雞好嫩滑，而且到既時候唔洗煲，直接可以食方便快捷！要讚下的洋蔥！超甜！ 而且兩個人食半隻啱啱好 呢個墨魚滑超級彈！上面的蟹籽都好新鮮！絕對值得推介份量仲好多！我哋兩個人分，每人都食到好多粒！最正就係食到墨魚嘅鮮味上菜個陣仲係凍冰冰既！ 平時喺街叫一兜響鈴都係得4塊起6塊止。呢度有成7,8舊，而且唔會太林，浸完湯上嚟都仲係好脆！ 因為我同男朋友都係好鍾意食丸既人，所以就叫咗個四寶丸。花枝丸、龍蝦丸、貢丸、豬肉丸各有兩粒，全部都好彈呢到既老闆娘好識做生意，似乎係做開街坊生意。得閒就行埋黎問下啲嘢好唔好食？我哋嗰日去食嘅時候都有枱似乎仲係熟客仔，聽到老闆娘話留左啲好嘢俾佢 兩個人食飽飽都係三百幾蚊，食雞煲嚟講算係幾抵不過冷氣可以勁啲就更好啦！

見呢間新開張，雞煲有半價，就決定試一試！其實半價真係幾抵，一隻雞既雞煲只係$99，不過今次得兩個人，又想試其他,所以叫半隻only($54)雞煲有大中細辣揀，我地叫左中辣， 味道幾好， 夠麻夠辣。雞亦都新鮮,分量足。 (最緊要真係抵食！)雞煲麻辣汁既分量唔多，之後加水打邊爐稍為淡左少少，建議加少d水麻辣金錢肚 $29味道好豐富，調味料有芝麻，葱，蒜蓉同辣椒，食唔停口！餐廳仲有其他麻辣小食，鍾意食辣一定有岩心水既！凍豆腐 $29 依家大部份連鎖火窩店都唔會做，因為要多d準備功夫(其實都係放係冰箱過夜)好開心係度食到，凍豆腐同響鈴差唔多，可以吸好多湯汁，好入味！口感就比響鈴腍身豐富。雜菌拼盆 $49呢度各類食物都有得自選雙拼/拼盆，價錢當然貴少少，不過勝在可以試多幾款，大型火窩店就做唔到啦！餐廳除左打邊爐，仲有小菜點既！牆上寫既廚師推介係menu真係無既，唔知係未update menu定真係限定提供呢？

旺角一般黎講，我見就係放題比較多，雞煲就比較少見，今次就黎到呢一間，食下雞煲打下邊爐。內在環境幾靚幾舒適，尤其係服務都好好。到左夜啲嘅時間就比較多人黎食，一啲打工仔嗯情侶都會過到黎。茶樹菇雞煲 $112呢一個雞煲只係半隻嘅份量，但係已經好好食。其實我覺得佢半隻嘅份量已經好夠飽，不過如果人多啲應該會叫一隻，因為啲雞真係好滑，而佢嘅汁更加突出到雞嘅鮮味。茶樹菇落嘅份量都好足，好好味。雪花牛粒 $88牛粒係等食完雞煲之後先落。當食完雞煲就叫職員幫手加水，再放牛粒。牛粒每一粒都好大粒，食落好有咬口，質量好好，加上有十幾粒，都好抵食。麻辣金錢肚 $28我好中意佢嘅辣味，呢一個麻辣金錢肚嘅辣好夠味，辣得黎唔會蓋過左金錢肚嘅味道。因為同朋友兩個人黎食，我地仲食左其他野，不過我覺得比較好食嘅，又或者話係岩我口味嘅喺上面果啲。之後有機會我應該會再翻黎再食，因為真係好好味。

旺角，係一個經常去既地方，而且有好多食店，我都好鍾意食雞煲，港九新界既雞煲都俾我食均，今晚就去呢間名川苑食。金針菇雞煲(半隻)朋友早排腸胃唔舒服，所以揀左個唔辣既雞煲，洋蔥金針菇既味都入哂落雞入面，雞唔算好多肉，但勝在夠入味，半隻雞兩個人食啱啱好食過雞煲，可以開始打邊爐，洋蔥金針菇可以留番哂打邊爐黑栢葉/野生竹笙黑栢葉不經特別處理，比較少加工成分，所以一向都只食黑栢葉，黑栢葉一般比較靱，所以要咀嚼耐一點野生竹笙好爽口，而且索哂湯底，好入味，將雞煲精華吸收哂自家製手打蟹子墨魚滑嘩，蟹子之多足以覆蓋整個墨魚滑，加左蟹子，墨魚滑除左彈牙之外，仲有蟹子既卜卜脆，增加左不少口感餐廳食物質素整體不俗，而且位處旺區，算幾方便，適合一大班人食!

行行下街想搵地方食野，週街日本野無乜興趣，見到呢間餐廳新開張就入黎試下佢地既雞煲。麻辣雞煲試得多，今日一於轉轉口味，我就叫左佢地既茶樹菇雞煲。由於係半隻雞關係，份量不多但二人黎講已夠晒食。雞件切成小塊，雞皮連雞肉吃幾肥美，而配料有蒜頭，洋蔥，京蔥，莞茜等令雞煲非常香濃。主角之一既茶樹菇，原以為會非常乾身及硬身，食落完全係淋之之，口感不俗之外，茶樹菇吸收左雞既精華同香料，好入味喎。跟手整碟薯粉黎食，薯粉係呢個moment當然發揮佢既作用啦，吸晒湯底既日月精華，仲有本身既煙韌口感真係令人想整多兩碗。成晚做左食肉獸，係時候要食返纖維黎幫助消化啦，最後叫左油麥菜黎襯呢個湯底，份量非常多，好配合3份菜2份肉既健康公式，油麥菜甜加上雞既清甜別有一番味道。

雞煲邊爐為主既食店， 另外會有埋一d四川小食 同咪串燒食首先點左兩個小食涼拌窩笋 26 蚊 即係窩筍 切到好細條 所以食落好有口感 凍食 除左有辣椒仲有蒜蓉調味 幾開胃涼拌青瓜 22 蚊青瓜夠新鮮爽口 加埋辣椒同蒜蓉 唔錯邊爐方面就點左個中辣麻辣雞煲 108 蚊雞煲比較乾身 醬汁比較少 一黎到就可以食得 有麻子 辣椒 洋葱 洋花等調味料 醬汁濃得黎偏甜 由於有甜味 刺激味蕾得黎又唔會太辣 , 雞肉半隻雞黎講算ni雖然肉唔大舊 但食落好入味 醬汁完全俾雞肉吸收 正！食完後就落湯底打邊爐粟米29蚊一個字 好甜好爽口 超甜粟米脆鯇魚片(細) 58 蚊細都有6 塊， 每一塊切得差唔多大細 皮比較滑而肉比咬有咬口， 十分新鮮 , 但有d 碎骨， 食時要小心炸魚皮32 蚊新鮮炸起夠脆薯粉 21蚊橫切面程圓柱體既薯粉， 口感煙韌彈牙 比較難咬開 但質感卻十分退， 幾好味四寶丸 48 蚊有貢丸 花枝丸 海膽丸 同 芝士丸芝士丸同海膽丸做足本份 入面既餡落足料 而貢丸既豬肉肉質十分爽口， 花枝丸最出色 真係有一粒粒墨魚喺入面 口感彈牙新鮮整體黎講 食物質素中上， 而雞煲係特別好食， 所以鍾意雞煲既朋友值