名川苑雞煲火鍋 (Closed)

行行下街想搵地方食野，週街日本野無乜興趣，見到呢間餐廳新開張就入黎試下佢地既雞煲。麻辣雞煲試得多，今日一於轉轉口味，我就叫左佢地既茶樹菇雞煲。由於係半隻雞關係，份量不多但二人黎講已夠晒食。雞件切成小塊，雞皮連雞肉吃幾肥美，而配料有蒜頭，洋蔥，京蔥，莞茜等令雞煲非常香濃。主角之一既茶樹菇，原以為會非常乾身及硬身，食落完全係淋之之，口感不俗之外，茶樹菇吸收左雞既精華同香料，好入味喎。跟手整碟薯粉黎食，薯粉係呢個moment當然發揮佢既作用啦，吸晒湯底既日月精華，仲有本身既煙韌口感真係令人想整多兩碗。成晚做左食肉獸，係時候要食返纖維黎幫助消化啦，最後叫左油麥菜黎襯呢個湯底，份量非常多，好配合3份菜2份肉既健康公式，油麥菜甜加上雞既清甜別有一番味道。