名星小店

Open Now

Now Closed

名星小店(4.3/5) 🌕🌕🌕🌕🌘推薦程度：🔥🔥🔥🔥🔥 (5🔥為最高)今次再帶大家黎到葵廣，葵廣出名野食平靚正，啱曬我係度大「食」四方。一貫我作風介紹葵廣小店比大家，依間店舖都係我一直食開嘅小店，聽過名就知依間勁：名星小店。依間店舖主打芝士🧀烏冬，身為芝士腔嘅我唔可以唔試下啦⋯⋯名星小店位於葵廣2️⃣樓，呢間都好容易搵到，近往葵涌運動場嘅天橋，扶手電梯隔離，基本上經葵涌運動場天橋入嘅話，入到黎直行⬆️落扶手電梯，左手邊⬅️就見到依間店舖，仲有名星小店隔離就係我之前寫過食評嘅「慧食貓」。係對面就有啲位坐，啱曬買完野過去食。主打芝士醬🧀系列，亦有秘製醬、泡菜醬、冷烏冬系列等等野食比你揀，下面仲有好多款追加配料，想食得豐富就加多幾樣配料。通常黎到都會食芝士醬🧀系列嘅日式🇯🇵特濃芝士醬🧀撈烏冬，平時我食就好少加配料，不過加配料的話我會揀燒賣。睇吓今次日式特濃芝士醬撈烏冬加燒賣係咪好似之前咁好食先🤔？日式特濃芝士醬撈烏冬加燒賣(4.7/5) 🌕🌕🌕🌕🌖日式🇯🇵特濃芝士醬🧀撈烏冬($23)+$6燒賣(5粒)，加埋3️⃣0️⃣蚊有找。價錢偏平，加埋配料都係$2️⃣9️⃣，淨係芝士烏冬仲平仲抵食。賣相已經好邪惡😈，聞到個芝士

葵廣小食雲集，乜都有得食。我老婆酷愛粟米，每次黎到葵廣，都一定要幫襯名星小店，因為佢哋真係牛油粟米嘅專家！基本上鋪頭有四款牛油粟米，佢款款都食過，但最愛都係煉奶味，貪佢夠甜夠香，而且小店嘅牛油粟米杯份量好足，次次佢都食到lam lam脷！

之前去葵廣掃街，經過依間店，見到有日韓嘅麵同小食。因為已經食咗啲小食，所以想食個正餐，飽飽哋嘅食物。咁啱依間能有我最愛嘅烏冬，所以就買咗嚟試吓。咁其實入面有餸嘅選擇都幾多，manu寫話大推燒賣配撈烏冬，所以就揀咗佢。份量方面，係幾大份嘅，因為食咗啲小食，所以我都食唔曬佢個醬汁都好rich，唔係求其落芝士汁撈埋一齊就賣同埋食到後面會開始覺得好漏，所以建議大家買定飲品先好食佢😂個烏冬都扺食嘅，但我就未必會食第二次因為真係太漏

雖然各位大大都說這店最出名是芝士烏冬，但小薯一來覺得貴，只是烏冬底就要23蚊，而配菜也要段條來做單位，簡簡單單就貼到40元，相反附近店都是平均2～30。略貴也算了，問題是醬多到浸死烏冬，但偏偏是沒芝士味，純粹是結結地的白色醬，還有少少冰箱的味道，如果是外賣就拿去微波爐叮叮先好食啦。。。🤦🤦🤦反而是隱藏角色的醉雞翼才好吃，剛剛又雪櫃拎出去，配上酒味的汁，作為冷盤小吃相當不錯，也令原本想給劣評的小薯改以“ok”。

花雕花椒雞翼 ($10/2)呢個係醉雞嘅變奏版，雞翼用花雕浸過夜，食落夠哂酒香，而且仲加入左花椒、八角等吊味，香得黎又唔辣，不過啱啱係雪櫃攞出黎，小編太心急即刻食，所以肉質有點實，建議食前回一回温先⛄️

好多人黎葵芳，都未必會食粟米，但蜜糖粟米，偏偏係我嘅葵芳最愛！呢間嘅粟米，幾多花款，有普通嘅牛油，或者蜜糖牛油，特別d嘅有加煉奶同黑椒，我自己偏好甜嘅粟米杯，但煉奶太甜，所以食開牛油蜜糖粟米！粟米杯通常都係即叫即撈，牛油都幾重手下架，所以好香。蜜糖會加係面，老闆通常都落幾多下，所以食到底個d會好甜。叫返少蜜糖就岩岩好啦！

如果平時覺行掃街既小食唔夠飽， 黎名星小店食碗芝士撈麵包你夠飽！多種配料隨意配搭，多餸少餸都有。依到仲有學生優惠(每天6PM前)，凡穿校服學生惠顧$30以上，即送紙包飲品一盒。______________________________🔸蟹柳+芝心丸+鴨胸+芝士烏冬 $38落單後有號碼牌等叫號取食物，幾有系統，大概等了五分鐘。見有七分餓，一心揀多少少餸食。無諗過原來烏冬底都有一整個咁多！ 芝士醬好香好濃味，熱辣辣出煙夠哂厚好邪惡！ 配料都算有誠意，每樣都有兩粒/三片。如果無咁餓，我諗叫一/兩餸都夠，因為食哂成碗都幾漏。．by VIN環境分數: 5/10 (只限外帶)食物分數: 7/10

曾經排長龍嘅葵廣芝士撈麵，宜家買野食嘅人已經寥寥可數。可能係葵廣競爭好大，亦都可能係芝士撈麵嘅味道已經唔及從前⋯今次點左芝士撈麵加粟米，以前有普通麵條揀，覺得幾好味而且仲平過公仔麵$2，但今次已經無普通麵條呢個選擇，第一個感覺係覺得佢地唔入貨成機迫人揀公仔麵賺多$2。可能係陰謀論，但普通市民咁樣諗都好正常啫雖然無咩人買，但係都要等好耐先整好🤔個撈麵嘅賣相其實同以前無咩分別，芝士汁嘅份量都好多，足夠撈哂成個麵，但芝士汁嘅味道已經比以前淡左好多，無左以前果仲濃味⋯係有少少失望嘅⋯葵廣真係太多選擇，下次都真係未必會再揀呢間，希望老闆可以整得返以前果個味出黎吸引返d客仔喇！

次次黎葵廣掃食，都會有幾間舖頭我係一定要食，包括宜家講既呢間名星小店。佢最出名既就係芝士撈烏冬慘啦，一講起我又開始口痕想食！去到order完比左錢，老闆會比張飛仔你，然後等叫號。先講下佢既價錢，其實唔算好平，根據你落咩材料計錢，我次次都係叫芝士腸蟹柳烏冬，29蚊，好好食。佢個芝士同烏冬配合得天衣無縫，芝士好濃好香，鹹度又岩岩好，亦都唔會太濟，方便你掃食之前打個底。條芝士腸都唔係hea你，係高質既，蟹柳就中規中矩。In short,我永遠去葵廣掃街都會keep住食。

仲記得由中三開始就好鍾意食呢度嘅芝士撈丁配燒賣，真心三個字：無得輸。 雖然我以前係石峽尾讀中學，但係每逢一放學，就拿拿林趕番葵芳，去葵廣食芝撈丁，唔經唔覺已經食左成4年幾，直到而家上左大學都堅找每個星期黎食一次，可以話呢度係我由細到大嘅回憶。 我大多數都係食佢嘅芝士撈丁加燒賣，仲會叫多芝士 點解咁鍾意食？係視覺上面，望住啲好熱好熱嘅芝士慢慢流係個出前一丁上面，而個麵又會好平均咁沾滿芝士，會有種治癒而又欲擺不能嘅感覺，好想快啲大大啖咁食晒佢地 另外係味覺上面，一食落口，其實個麵嘅軟硬度適中，彈牙、爽口。再加上芝士嘅配合，令到彼此沒有違合感，想一試再試。最令我意外嘅係，燒賣出奇地配合個芝士撈丁，好香，好正。完全係好味到爆，黎到掃街嘅必要之選啦 最後一句啦，店入面嘅店員真係好nicee 服務態度好好呀

記得前以經過葵廣都會去食呢間芝士烏冬，不過已經好幾年冇食啦，大概係果到開咗好多新嘅店買新嘅野食！突然有d 掛住佢個味所以就走去試下啦！哇，真係有d失望呀! 因為首先佢地加咗價 但佢d 餸少咗,雖然我覺得加價都唔係大問題因為通貨膨漲就例如以前明明會比3條蟹柳但加價後得翻2條！而且個烏冬份量明顯比以前少咗！而味道方面佢個芝士醬味冇以前咁濃，雖然佢都係會比勁多醬汁可以撈到每一條烏冬都有醬，但真係冇以前咁好味。我覺得又加價又冇保持食物水準所以失望了

葵廣實在太多好野食，花多眼亂，搬左來呢區成年都未試過呢間聽講好出名嘅芝士撈麵。叫左芝士腸燒賣烏冬，芝士腸x3加燒賣x5，加埋$32。芝士汁好多，浸住晒啲烏冬。不過我覺得芝士汁太稀，掛唔到上啲烏冬度，所以食落比較淡味。味道就正正常常無乜特別。而好鍾意食魚蓉燒賣嘅我，就覺得佢呢粒燒賣啲肉霉霉地..... 味道都唔係幾好... 本身等緊男朋友來，諗住同佢Share，但最後覺得唔係幾好食，就無謂分享喇xD嘻，我諗我都唔會再食嚕😝

名星小店最出名既緊係佢個芝士撈麵聽人講話芝士味濃郁又杰身但今次係第1次食今次就叫左芝士撈公仔麵$19無加料～因為食左其他野都飽等左5分鐘到 因為佢個麵係即淥 一拎上手已經聞到好大浸既芝士味～成碗麵既靈魂其實係個汁個人覺得個芝士味無我想像中咁濃味但都算有芝士麵值得一讚嘅係老闆都落左成三勺醬同埋成個麵分量都幾多同埋加錢可以落少少配菜 例如粟米或者獅子狗雖然整體味道唔錯 不過價錢抵唔抵就見仁見智喇總括黎講係值得一試嘅美食

超愛濃濃既芝士，好多芝士撈住d烏冬，好飽好滯好味，如果自己整唔知要落几多芝士先有咁既效果呢。可能因為放工肚餓去食，覺得特別好味，食左一小碗已經飽到唔想再食其他野，掃街滋味之選

好開心，話說我地終於book 好左邊日結婚喇，就係2018年7月28日，會去峇里旅行結婚，所以由今日起，我會開始倒數，好開心丫！*🔹芝士撈公仔麵 $19話説食完個涼麵(參考上一篇)我都未夠喉，即刻復左上二樓買我每次葵廣必食既芝士撈丁。唔好講笑，真係我食過咁多間最多芝士汁(睇第二幅圖就知我無呃你),我睇住佢落足三大羹佢仲可以揀撈普通面$17或者撈烏冬$21, 但我始終最愛撈一丁，咁先可以掛到最多芝士汁上去食！