Video
6-min walk from Exit E, Long Ping MTR Station
continue reading
Opening Hours
Mon - Sun
11:00 - 00:00
Above information is for reference only. Please check details with the restaurant.
元朗一向好多日本料理，好多都係大件夾抵食，而且質素都唔錯的！！今晚想食日本野但係又唔想出街，所以用咗外賣Apps 試吓呢一間《名食堂日本🇯🇵料理》，叫咗個《吉烈炸蠔拉麵🍜》同埋《雜錦魚生飯》～雜錦魚生飯$55 only 🤩 真係好抵食，因為食材比較多而且仲要包埋紙包飲品，真係值得一讚👍🏻另外吉烈炸蠔拉麵份量都係多嘅，同埋又係好抵食，一樣都係$55，炸蠔已經有四隻😛雖然我哋叫外賣，但炸蠔依然好體貼咁配埋沙律醬俾你🙌🏻而湯底味道都係啱啱好，唔會太過鹹。清清哋都唔錯。最後想講，用外賣 Apps 用埋$50 Coupon ，呢個晚餐只係用咗$80咋🥳
continue reading
呢間日本餐廳唔係開左好耐 位於大榮華側邊條街 人流不算太旺 所以唔使點等位 舖面唔大 有大約十個座位 叫左3樣野 首先係蟹籽沙律份量都唔少 青瓜絲爽甜 蟹柳都好味 天氣熱食一流 好開胃 鰻魚拉面 鰻魚份量都幾多 甜甜地幾肥美 有8小片 豬骨湯幾濃味 拉面亦帶點煙韌有口感 拉面加10蚊就有呢個南瓜薯餅 即炸的 入面既南瓜蓉好creamy 好香 正呀 總括而言都算高質抵食 😋😋
continue reading
First things first: * 好多塑膠餐具唔太環保* 拉麵本身冇配糖心蛋，要追加* 價錢平，雜錦魚生飯抵食熱辣辣嘅天氣好想食消暑冰涼食物，我哋兩個人就揀咗日本餐做午餐。首先講講佢嘅地理位置，位置都有啲格攝，我哋由朗屏西鐵站行過嚟，大概行左10分鐘左右。鋪頭入邊有大概10幾個座位，當日餐廳唔係好多人，中午12點幾到達坐咗一半客人。好肚餓，好快就決定叫一個雜錦魚生飯、一個炸餃子拉麵追加糖心蛋同3片日式叉燒、同一分芝士年糕。雜錦魚生飯嘅魚生份量比我哋想像中多，可以見到幾乎鋪滿個碗，但係飯份量就好少，筷子一督就督到底，就算配埋沙律同埋麵豉湯，男仔都未必夠食。幾欣賞佢哋嘅Wasabi係磨製，唔係間間日本餐廳都有呢個心思。拉麵方面，佢嘅炸餃子食得出係入貨，唔係自己整，味道普通。日式叉燒就每一片叉燒都薄身，比較估唔到嘅係我地食到舊叉燒有燒過嘅味道，香，呢樣野係成餐飯嘅亮點。糖心蛋蛋白嘅部份係白色，唔係用醬油浸出嚟嗰種啡啡地色，隻蛋冇乜味。一開始諗緊追唔追加糖心蛋嘅時候，我哋問過店員拉麵上面有冇跟蛋，店員回答要睇當日存貨，如果當日糖心蛋足夠師傅就會送，不過我哋去個日佢就話唔夠。其實拉麵上面嗰隻糖心蛋係我會期待嘅環節，佢本身無配都有啲失望。至於佢嘅芝士年糕亦都係普通，冇驚喜。整體而言我覺得間餐廳冇乜特別，普通嘅平民日本餐廳。有樣野唔係太鍾意就係佢好多餐具都係用即棄塑膠，例如點魚生嘅豉油碟，唔係太環保。講左甘多，其實間餐廳都有優點嘅，勝在夠平。如果冇乜特別要求，淨係想食日本野，呢間都可以係一個選項嚟。
continue reading
最近公司附近新開左d餐廳，見到依度有間日本野，地方都唔錯，天氣又熱，叫左個魚生飯拎返公司食...本身都鐘意食日本野，依個飯cp值都幾高，入面d食材都幾多🤤，價錢比起出面果d算幾平，所以真係值得一讚❤️❤️，家陣外賣仲有包野飲送，值得支持👍
continue reading
大榮華隔離條巷仔入去就睇到 都算易搵 地方吾算大 環境都幾好三文魚勁正 一上檯就食晒 🤤🤤🤤下次一定會叫左幾份芝士年糕同蕃薯仔都有層炸粉同出面放題吾同 更脆卜卜 食個陣勁正 但開心過後生飛滋🤯叉燒烏冬有味但吾濃 食完吾洗狂飲水 都個值得一讚加洲卷係中size吾係平時食開個d細細舊 一淡擺入口勁full 大滿足❤️!醬爆牛肉飯有洋蔥 個人吾中意食洋蔥 了開左齋食個飯都不錯👌🏻額外叫多左個橙味雪(巴)好正 下次再去會試其他味！食物質素都ok 環境優雅 價錢都吾貴 下次會再去幫襯
continue reading