君彩美食 (Closed)

公司附近有間舊式酒樓, 聽同事說都幾好味的, 我們就嚟試下, 真的幾舊式呀, 同埋好多男人食碟頭飯, 原來都好平, 40元唔使就可以, 仲要早埋單還有折添.我們都有叫飯, 蛋白菜粒炒飯, 有菜粒, 粟米粒及蛋白粒, 飯炒得乾身,唔油,幾好味呀,另外還叫左一碟咸魚雞粒炒飯, 呢碟就香口D, 都乾身, 有菜粒, 咸魚少少的味道, 雞肉粒, 蛋, 好味. 脆皮豆腐, 外脆肉軟, 豆腐夠滑又夠淋, 仲有蝦腸, 蝦角沙律, 蝦腸蝦都好爽口, 蝦角入面的蝦都好大隻架, 但炸得油左少少, 沙律好好味, 係雜果沙律, 味道剛好, 夏天食一流.仲有春卷, 腐皮卷, 叉燒腸, 炸魷魚酥, 蝦餃, XO醬炒蘿白糕, 仲有燒賣, 牛栢葉等等. 春卷,腐皮卷都好香口, 夠脆, 入面的料都足料, 有蝦, 爽口, 魷魚酥都香口, 係粉多左一點. 其它的點心都好味呀.整體唔算好貴, 中規中距啦, 仲有好多人, 不過都係食碟頭飯多.

難得早上出差九龍灣,當然先來個早餐才開工,在OR裡搜尋附近食肆時,發現這家工業區內風評不錯的君彩美食就在目的地附近,不用多想一於飲早茶。位處工業大廈的君彩入口較細小,一不留心就會錯過,拾級而上的君彩門口像工廠食堂,內裡就如街坊酒樓沒兩樣,沒有什麼華麗裝潢的感覺更地道。只是全場空無一人的君彩還在營業中嗎??幸好正在清洗茶具的阿姐說還有早茶,隨便坐。阿姐送來香片($2)後比我更心急的說快些點菜,只因早市11時便完,午市價錢就跟早茶不同,好好人哦!香片茶在水極熱情況下很快就散發出茉莉香,以$2茶錢來說這杯燙熱有花香的香片茶已是超值之選。 點菜不久,傳菜阿姐推著車仔笑意盈盈為送來我的一盅三件,笑一笑世界更美妙的真人版讓我感到這天將會事事順利。蜜汁叉燒腸($18.8)略有透明蠻好看,不過卻不像用傳統米漿的布拉腸粉,幸好食感滑溜中有點韌性也不會太塑膠感覺;蠻多的叉燒粒有著輕輕蜜味,最妙是還有蠻多的香香芫茜,有芫茜在內的無論叉燒腸粉或牛肉腸粉,食味也相對較好。可以每粒點的蝦餃皇($5.3/粒)以小型蒸籠個別上桌,想不到工廈中的酒家也有如此骨子的點心。蝦餃皮摺口密集沒爆口,澄麵皮做得有彈力口感QQ,只

無期望才不會失望甚至可能會有驚喜添！門面不起眼亦唔會吸引倒你去光顧，但在九龍灣已食無可食之際，亦在好奇心的驅使下，決定勇闖一次。沒有華麗裝修，似老式酒樓又似飯堂。套餐，點心，炒粉麵飯樣樣有，點了：九菜大腸豬紅　－　大大碗，九菜夠嫩無渣；豬紅我不吃的，但同事話OK，沒有羶味夠滑；個人對大腸情有獨鍾，這裡煮得不會過淋但又夠入味，如果份量可以多些就更好啦。煎釀青椒　－　大大隻，魚肉混有臘肉臘腸份量足，個豉汁都好好味。燒賣　－　豬肉有咬口，食到啖啖肉但不會太膩，好有懷舊feel。蝦餃皇　－　$5.8一隻，遂隻點，比一般蝦餃大隻，外皮薄，味道不錯。蟲草花懷舊灌湯餃　－　$9.8一盅，湯頭清甜，雖然啲餡只是蟹柳、芹菜、肉碎、冬瓜蓉等等，但都算豐富，淨飲個湯已值回票價啦！炸両　－　油炸鬼係脆脆的，豉油甜甜地不過咸，腸粉皮合格。炸蝦角　－　好大隻喎，蝦肉多，外皮炸到卜卜脆，好好味。無論煎炸或蒸，樣樣都熱騰騰，服務都唔錯啦，抵食夾大件，真係喜出望外啊！

一個唔起眼的門口，一條正潔的樓梯開始！上完樓梯一睇！wah!非常平常裝修！馬上另我諗起，童年時，星期日等老豆起身去飲茶的感覺！係童年時，逢星期日係我最開心的豐富早晨全餐！想食乜都可以！Hahahahaha!非常誠懇的服務！唔呭係megaBox，咁C多人！E道係好好選擇！

今天要到 MEGA BOX 睇 9:30 早場, 沒有選擇商場內的酒樓, 返而來到位於工廠區的君彩穿過一條巷仔, 拾級而上, 君彩便位於我們的左手邊, 至於眼前看見的君彩, 雖沒有沒有華麗的裝修, 但給人一種平實的感覺星期六的早上, 除了要上班的幾位藍領叔叔外, 沒有其他客人, 三人行選了一張四人枱坐, 枱上擺放的杯碟, 甚致茶壺都印有花紋圖案, 雖看似有點兒老土, 但感覺又有些特別, 一套套的, 看來也工整非常, 由於時間尚早, 不算太大的樓面, 僅得一男一女兩人來應付, 一腳踼包辦開茶, 落單, 送點心, 收錢, 執枱等工作各式各樣的點心, 當中最經典的, 莫過於煎蛋牛肉飯, 即時在點心紙上劃了一盅, 又點了懷舊大飽, 馬拉糕, 炸腸, 驚喜更一浪接一浪呀, 竟然發現有脆皮叉燒飽, 一般酒樓只有焗叉燒餐飽, 咁特別的點心, 只會在"添好運" 那些店舖才會吃到, 二話不說, 是好是醜, 也點了一碟來試煎蛋牛肉飯HK$9.8煎蛋牛肉飯率先上枱, 店員為我們在厚厚的牛肉上淋上甜豉油, 再為煎蛋上加多小小顏色, 我們先把牛肉夾在煎蛋上, 發覺這裡是用食飯碗來蒸飯的, 所以飯

我們這一家十二口這天早上，表弟開設的影樓很熱鬧，因為一家人在那兒拍攝全家福。四代同堂，一邊拍照，一邊看著家人帶來的兒時照片，很是溫馨。之後，我們大夥兒到附近飲茶，也順道慶祝母親節。外公說不想太花費，MegaBox飲慣的被婚宴包場了，<大榮華>又不接受午市訂座，所以預先在＜君彩＞訂了枱。十二個人，坐滿了一張大枱：在我還小時，我們一家、舅父母一家和外公外婆，就是同一屋簷下的十口子。今天，我和大哥都成家了，我的姪女、外公的外曾孫也十歲了。唯一缺少了的，就是二十多年前離世、自小對我寵愛有加的外婆。實實在在飲餐茶 ＜君彩＞在星期日當然沒那麼擠擁；相比附近的大商場，也許可用「清靜」來形容。地方坐得半滿，除了仍要上班的幾枱人，還有兩枱專程來竹戰的鵲局。實而不華的地方、平易近人的價位，外公該滿意了。我和大哥忙著剔點心紙；雖不至「喪叫」，也算點得盡情了。可能是客少的緣故，不消一會點心就來了，而最先來的竟是兩碟腸粉。其賣相叫人充滿驚喜，因為即使未淋豉油，腸粉表面也是「立立令」的，這顯示了不單粉漿水做得幼滑，而蒸和拉腸粉的功夫亦十分到家。除了「外在美」，腸粉的鮮蝦和叉燒餡都十分充實，吃得愜意

同屋企人嚟飲早茶, 如果唔係抵食唔會專登坐車入工廠區星期六的早上九點, 得大約6-7枱客, 伙記同老闆娘都開咗張枱嘆緊茶地方、杯碟乾淨, 企理先嚟籠潮州粉果, 皮薄, 個皮咬落QQ的, 好味中規中擧炸兩裡面條油炸鬼好脆口, 腸粉皮即拉, 好味！蝦餃裡面塞滿晒蝦, 抵食！最好味係糯米卷, 個皮好軟, 裡面的糯米夠味，絕對唔似翻蒸！君彩樓下貼咗張紙話7:30-11am每人食夠$13就免茶免加一！乜而家仲有$13的茶嘆咩？最surprise係四個人食咗7樣點心埋單都係$94!! 你話係咪抵到冇朋友吖？

辛苦一星期，為咗一餐飯。於是揸車去左九龍灣工業區。呢度有啲偏闢，不過唔使等位。兩個人坐低，先點咗兩味，一味係京都肉排，一味係欖角炒豆角。本來諗住夠數，卻突然心思思想起上次食過果味炸鮮奶，於是再點一次。上菜了，味道不錯，稍微濃了一點。但係想唔到最濃烈既竟然係果味炸鮮奶，唔係奶味濃厚，而係鹹味濃厚呀，鹹到食唔到。部長仲走黎問我地係唔係食唔哂，使唔使打包....

四個同事行咗去工業區食LUNCH，我哋去一間君彩美食中心的地方，就上去試下．．．原來係間酒樓啞，但是門口無人接待，可能只做區內生意～我哋叫了兩個＄98 套餐，有兩個炒餸同六個點心．．．兩個炒餸包括有介蘭蛋白炒飯同雜燴炒麵．．．介蘭蛋白炒飯，味道非常一般，好平凡啞．．．雜燴炒麵，就有酒樓水準，又夠足料，唔錯而其他點心則一般啦，無什麼特別，可以啦!!!!四個人食咗咁多野，多謝二百四十六元埋單……

已經係第三次光照此店第一次選擇此店是因為方便所有朋友, 又有個地方可以相聚耍樂.服務態度非常好, 不段為你添茶換水.餐單如真的不太喜歡還是可以提出更換, nice...中式牛柳, 有牛味粟米班塊, 炸得靚, 粟米汁亦多, 送飯一流拼盤我地食叉燒拼油雞, 不太肥亦不柴時菜一碟, 例湯一盤, 還有飯後甜品推桂花糕, 蕃薯甜水, 另午市流沙包, 燒味粉麵亦不錯

因為怕下個禮拜慶祝mother's day會多人~所以今個禮拜預早食左先=]原來我諗住都係去2老最喜愛既大榮華圍村菜....-_-但我唔甘心丫-.-次次都係食佢....又唔係好食....仲要超級油!!!!!! 次次食完都好有罪惡感....所以上openrice搵弄九龍灣仲有冇其他酒樓.....其他都好似貴夾唔好食....食裝修多數......@@之後畀我搵到呢間.....君彩.....黎到睇個格局麻麻地討好....似飯堂....上到好仲冇咩人咁....驚驚地...我地叫左個套餐...都抵食丫! $188 4個人都夠飽!沙嗲肥牛粉絲煲good 丫呢個!!!又唔油~d 肥牛多到呢..........連我老豆係肥牛殺手都話好多食唔晒=.=燒味拼盆幾好wor又~雖然得3樣野x燒,燒鴨and鵝~~夠熱~又冇肥高~good~!栗米斑塊這個我麻麻鐘意食既..不過都食左幾舊///炸得好靚丫=]蕃茄肉碎浸時蔬呢個好清好健康丫~0岩晒我呢d 減肥人=]我連d湯都飲埋~超清甜...完全唔覺有味精~!!good!!!!!!仲有有糖水送tim~~仲要一d都唔hea wor~!足料!!!正!!!!!!我地食完仲問

老豆 話 呢間野唔錯-3- 渣車帶 我地去呢間野食 Dinner-3-..真係唔錯``最緊要佢唔貴,,D 小菜都係28-38蚊-3-``同埋佢d 野食唔算太油 就真係幾值得讚*** 重有佢果到冇乜客..所以 幾靜``

出左九龍灣, 原本想去大榮華, 不過冇訂檯有排等, 爸爸於是就帶我們到這裡。這裡本應是食堂, 入口好似工廠大廈, 但上到去d裝修和一般酒樓一樣, 而且簡單得黎都幾新幾乾淨。鹵水牛海踅: 牛入味, 薄薄的好多片, 海踅我冇食, 但爸媽說ok爽口帶麻油香, 不錯!野菌素菜煲: 有好幾種菇, 包括秀珍菇, 雞脾菇, 鮑魚菇同一種不知名的菇, 全都炆得夠淋又吸滿了湯汁, 底下的白菜仔都煮得岩岩好, 惟一係湯汁稍微過咸。XO醬蜜豆駝鳥肉: 呢個好辣(我唔食得辣)! 但辣得黎又冇咩XO醬的惹味, 蜜豆稍硬, 但未知是否鬆肉粉的關係, 駝鳥肉就好淋, 但都有肉味。組合起來是個不過不失的菜 。椒鹽鮮魷: 炸得金黃, 魷魚夠厚, 炸粉厚薄適中, 比一般酒樓好, 但比食海鮮的地方如西貢就不夠脆口, 魷魚亦不夠爽口彈牙, 稍慊過韌, 但呢度價錢平咁多, 同埋又唔係專做海鮮, 當然唔可能咁比啦~ 海底椰糖水: 飯後贈送之糖水有2款, 紅豆沙同海底椰, 我地3個都揀了後者。椰汁味濃且滑但不膩, 每一口都食到海底椰, 很不錯的。總括而言, 睇門面正常係會對呢間酒樓完全不抱任何期望, 但點知無論食物質素, 份量

又係睇openrice先知原來工作附近這間酒樓都唔錯,所以今日星期六就決定來飲過茶食點心...一早已經預左要打包野所以2個人就好盡情咁叫左6個點心一個海鮮炒烏冬.點心方面估唔到此店都有d特色點心,如賽旁蟹餃, 西洋菜卷等.賽旁蟹餃=味道都ok既可惜個皮太厚啦.西洋菜卷=幾特別用西洋菜包蟹柳同魚肉燒賣=大大粒都算好味.灌湯餃=料多可惜偏油流沙奶皇包=都係睇其他食評介紹才叫,可惜這個點心真係算最差太水汪汪唔好食北姑棉花雞=普通啦至於個海鮮炒烏冬真係好大碟,初頭都以為係特點最多咪四十多元..點知埋單時先知要成$88真係覺得超唔值呀.不過此店既食物都ok既..絕對可以再來.

週末早上阿寶大喊話要去飲茶~於是即刻做野,叫埋tama，師兄甲立刻開車去~上次黎呢邊飲茶(鍾菜)既印象超差~所以呢次反而寄望無咁大~一上到去~十二點幾無咩人~大概得五六檯客~裝修都唔係好豪~幾舊~但都叫做ok~唔緊要~最重要係d點心好食~跟住就一口氣點左九碟點心~大蝦沙津盞: 有一隻幾大隻嘅雪蝦~沙津幾新鮮~唯獨個"盞"d皮太厚~ ok 奇妙三文魚批: 真係幾奇妙~將d三文魚醬釀入批中再焗~再掃上蜜糖係批面!good~五香金錢肚: ok大碟~不過味道算是比較普遍的一味~爽滑叉燒腸: 呢度d腸粉幾靚~可以一試~香煎蘿蔔糕: 而家先知完來tamama好鍾意食呢樣野~唔錯~煎得夠香~香煎西洋菜餅: 第一次食呢種餅~入面全部都係菜~其實真係好似食菜咁~缺點係多油了一點~流沙奶王飽: 正~有我之前係中山食個d六,七成水準~係香港食到~難得!皮薄饀靚夠軟滑~個饀如果能夠再改善下就真係ｐｅｒｆｅｃｔ～麻蓉煎堆仔：　阿寶話好正～新鮮熱辣炸起～麻蓉饀又正～芝麻卷：　係冷食的～略嫌芝麻味唔夠重～可以唔試～～總結來講各樣點心都有中上嘅質數～人又唔多～又唔洗等位～食物新鮮～唔會好似ｄ好多人嘅茶樓咁整定ｄ野等客