君悅海鮮酒家

Open Now

Now Closed

屋邨酒樓，方便就腳，價錢實惠，質素呢就⋯⋯係咁喇。呢間酒樓，茶客多係長者，連侍應都多係長者😂總之一切都唔好急，慢慢黎，飲茶呀嘛⋯⋯叉鵝瀨，叉燒純肉半點肥膏都無，大家明咩料啦，仲有啲鹹😅鮑汁雞腳，好入味，好淋，啲花生好大粒，都好淋，不過唔爛，啱晒啲老人家食。腸粉麻麻地，啲粉唔靓，好爛，唔煙韌，蝦係有嘅，仲唔係細粒。燒賣上嘅蟹子會甩色🥲金錢肚啲蘿蔔唔靓，老，有渣。總之無乜要求，味道又唔會太差，但求方便可以食下嘅，同埋位置尚算闊落，唔太擁擠，價錢又唔貴，仲想點😂

難得在領展商場消費後抽到優惠券，揸車去筲箕灣某一屋邨酒樓試下，一到達門口，只見幾圍枱有客，當堂有點想離開感覺，既然嚟到，膽粗粗坐低叫咗一個套餐龍蝦伊麵加半隻燒雞，南乳粗齋煲。食物質素方面，燒雞不算肥，皮脆，食得出係燒了不太耐，幾好。至於龍蝦，不太理想，肉質比較梅，味道比較淡，南乳粗齋煲一般，最後贈送紅豆沙及壽包，反而呢兩樣最好食。另外值得一提，經理服務態度最好，值得讚賞，見我食龍蝦有殼，好快就幫我換碟。

價錢係平, 食物質量一般! 地毯污濁有味!! 問題係員工質素差, 平均兩次就會有一次走單, 漏單或錯單!!樓面只會服務熟客, 對生客視若無睹! 無人開茶.員工態度差勁, 做錯事唔承認.呢間酒樓唔執唔轉手的話, 應該都唔會再來!

記得舊年差不多初夏，傍晚會去興東邨商場宜家家居提貨，一早已經預訂了呢一間屋邨酒樓，一心想要食片皮鴨😋後來因為要去康怡花園 Aron 百貨公司睇家電，所以取消預約，然後去咗康怡廣場一間幾有名氣食片皮鴨嘅酒家「金公館」開餐加食片皮鴨，點知又貴又中伏，所以一直都想再去呢間興東邨補返一次片皮鴨餐，今晚收工又要再去宜家家居提貨，但係今日喺公司食過下午茶飽飽地，所以無訂到位，諗住去到至算😔同女朋友提完貨之後，喺興東商場行吓街街，經過呢一間酒樓門口心大心細，我哋兩個都唔肚餓😔卒之入去就係想完成片皮鴨心願🙏🏻我哋叫咗一份片皮鴨兩食，第二食係薑蔥爆鴨，然後再加個冬瓜盅，我諗住應該會食剩要打包走，點知呢一間屋邨酒樓個片皮鴨好好味，又脆又香，粉皮皮薄不油膩，真係可以補返上年中伏片皮鴨條數，薑蔥爆鴨好惹味好好食，鴨肉淋又夠香，仲要好多鴨大大舊肉，只係加20蚊好抵食👍🏻最後冬瓜盅就正正常常，都幾足料，並並通通未見突出。餐後感:我哋如果想食到好嘢唔好只看裝修、門面、名氣同幾多食評好評，食評可以假做，裝修門面都係用錢來堆砌，名氣亦是宣傳技倆，食嘢，味道先係最重要👍🏻

8個人，食了4碗燒味飯，還有14個點心，連茶位和加一服務費，每人要付多少錢？答案是$45，性價比極高。燒味飯：點了燒肉飯和叉燒飯，燒肉不少，叉燒多，米飯更多。燒肉好吃，叉燒好吃，米飯也香軟，一碗只是二十多元，超值！湯水餃：湯頭太清淡，幸好水餃餡料足，外皮不夠薄但也算滑滑的，但整體來說不夠熱。鹹水角：不油膩，外皮脆，內饀味道不錯，就是餡料少了一點。小煎堆：這點心上桌時還是熱熱的，也是皮脆味道好，而且不過甜。牛肉腸粉：腸粉皮滑滑的，內裏的牛肉不少，味道佳。椰汁五糧糕：味道清清的，不會過甜，質感不錯，若多一點豆就更佳。椰汁紅豆糕：同樣質感軟滑，味道不錯，不會過甜。牛肉球：質感和味道也好，加了點喼汁，更好吃。以上的點心， $55就有五款，超值！豬腳薑：味道很好，薑和蛋也好吃，可惜豬腳未夠軟和入味。這屬於優點，索價也是二十以下，也算超值！總括來說，這兒的點心唉說不算上很好吃，但以性價比來說，很值得一試。這店的服務也相當不錯。我們人數多，進店時沒空桌，經理很有禮貌地請一些已入座但還沒點食物的二人顧客由中枱移到細枱，讓我們很快可以入座。進食時，有一個點心沒送來，侍應很有效率地為我們跟進。離去時，經理

呢間酒樓自從改名之後都未黎過。尋晚我哋一行四人黎呢度食晚飯，叫左個四人餐，有八個菜，全包收$600。上湯海蝦伊麵濃湯珍菌浸菜苗：食晒呢碟仲唔夠一日蔬菜量？清蒸沙巴虎斑仔：條魚蒸得特別出色！大家讚不絕口。金栗雞粒魚肚羹瑤池香妃雞半隻：隻雞都幾大隻瑤柱蛋白炒飯：去到飯都已經好飽杞子桂花糕：甜品原來佔左兩道菜，好彩，哈哈！陳皮紅豆沙：甜品原來佔左兩道菜，好彩，哈哈！份量都幾多，d餸多到食唔晒要拎走。家中老人表示滿意，話$600四個人食呢d菜好抵！