君滬鍋貼大王 (Closed)

最後一次行黎上水店，熾天使都有火，燒到烚烚聲﹗話說我企係門口對住個爐度已一兩分鐘想買鍋貼，幾個大陸侍應大嬸完全當睇我唔到！其中一位非常風趣，直頭刻意擰轉面，用個籮友對住門口，您係勁既！算數，唔關我事。我唯有叫最近那位收錢大媽，唔該幾聲都扮聽唔到，舉世無雙！好巴閉咩，您估得依度有鍋貼食嗎？我依家就唔食您地 $11 蚊幾隻受氣鍋貼，去幫襯隔離街上海小館 $60 蚊熱辣辣小籠包﹗前幾次買外賣都係位四眼叔叔禮貌地招呼，今晚叔叔可能放假掛。

碗仔翅，意料之外足料幾好味喎﹗有肉絲、木耳絲、冬菇絲，比上水魔鬼橋小販檔還好，小販只得粉絲同木耳絲，連肉絲都無條呢。係舖頭加入胡椒粉、麻油、浙醋，返到屋企再加大量佐顯記辣椒油，勁辣勁酸，越食越想食呀﹗剛才食完個鵝髀燒腩飯都唔夠飽，要食多 5 隻鍋貼加碗仔翅先夠喉。煎鍋貼，臨收工最後一底係凍少少架喇，幸好還有微微餘溫。雖然煮好左好耐，而且放係個鑊度 keep warm，不過食落仍然暖暖，肉汁依然香甜豐富。豬肉香甜又質地軟棉，保持濕潤，而且煎得香口，好食好食。放係鑊度保溫已有段時間，鍋貼皮邊位而乾透，硬到咬都咬唔到，石頭一樣，食鍋貼都有骨呢。酸辣湯，敝喇！飲過上海菜館美味超足料酸辣湯後，依家完全返唔到轉頭！依碗平平無奇酸辣湯已經無可能滿足到我，只可以話免強合格啦﹗夠酸夠辣，但味道單調，用料少而且質感較水，不過以價錢黎講係超值既。

路過見到招牌寫住君戶？我還以為去錯地方添呢﹗君滬轉左老闆嗎？我只知道有鍋貼、碗仔翅、酸辣湯，原來有飯有麵供應呢。大埔分店鍋貼粗製濫做，生意越好就越求其！依家安樂晒，食客已離開，已經再無排長龍搶購程況出現喇，不知道上水分店質量又如何呢？最初計劃為買外賣返屋企慢慢嘆，不過唔知食咩好。左逛右逛剛行過君戶，見有位就是但啦。地下都幾多垃圾架喎，又滑又濕又污糟，檯面及 menu 同樣油淋淋，仲有汁黏糊糊，好驚啊﹗全場都係大媽侍應，又包左黎做咩？酸辣湯細，淨飲湯唔食麵。質地似乎好稀，水汪汪。味道較為偏重酸味，而辣味不太出。荀絲、木耳就最多，無咩其他材料，味道單調削削地。總括黎講不過不失，唔難食，過關。上海豬扒，即叫即炸超正，外脆內嫩又 juicy，鬆軟香口，真係好掂，有大埔世記既影子呢，有過之而無不及，真心好味！雖然服務劣、態度差、衛生麻麻，但食物不錯！鍋貼，鍋貼大王招牌菜。先唔講賣相，餃皮厚薄適中而嚥韌，豬肉香而肉汁超豐富，滴住出黎架喎﹗一客五件，煎到個底非常香口又熱騰騰送到，新鮮出爐。只不過大媽將鍋貼像垃圾一樣掉落隻碟出貨，煎到皮又爆開又穿窿，肉汁漏失、賣相可怕，比多一點誠意、比多一點敬業精神好

上水的茶記同連鎖快餐店都好多 今日突然想轉下口味 心血來潮就黎到呢間鍋貼大王叫左一碗魚腐麵+5隻鍋貼+1杯豆漿（無影到） 盛惠$43蚊望落碗麵賣相都唔錯麵的粉量都幾足夠 麵條咬落幾有咬口 唔錯唔錯！！！ 其實有d似魚片 不過個人覺得呢款比較好味（非hard sell )鍋貼味道幾好 一咬落去d肉汁bar bar 聲咁bill出黎 而且餡料都好足 唯一要改善的地方就係油多左d 同埋唔夠熱間野真係唔錯 價錢合理 環境尚算ok 不過服務就差少少 可能因為唔夠人手的關係見到門口有豆腐花同豆漿賣 睇落都幾吸引 等我下次再幫襯下先

今日返左上水娘家探阿媽，下午就同佢去左食鍋貼大王。今次可以話係最後一次幫襯呢間野!!天時暑熱，食物衛生真係唔可以忽視! 叫左鍋貼，水餃，雞翼同擔擔面。鍋貼同雞翼冇錯真係好食既，但原來好戲在後頭...一食碗擔擔面，啲面仲係粉黎，痴埋哂一舊，同啲阿姐講，叫左十次都冇人認你....重點黎喇! 碗水餃一黎到就聞到係"叔"既仲要有隻不明物體在內同個阿姐講，佢竟然話聞唔到有味態度仲要極差......給我的回應是: 賣左咁多碗點會臭啊，邊到臭啊，邊有臭啊......最終都沒有換給我們 。題外話: 見到個阿姐想叫個阿叔轉位，阿姐問完，阿叔都未答得切，就拎住人地碗野去第張檯放低，阿叔大聲話"你做乜x野，我有答你咩?!" 我同媽媽都睇到眼突，阿姐你好野。其實這店衛生差早已有聽聞，但媽媽鍾意食佢地既雞亦同鍋貼先會一再光顧，最後9個字作總結:態度差，衛生差，食物差!!!如喜歡貼錢買難受的不妨一試。。

鍋貼大王已入選為我們的飯堂，每當不想動腦筋想去哪裡吃飯的時候，就會自動來這裡報到。 因為是飯堂的緣故，平時都很少為這裡的食物拍照。 一般來說，到這裡叫5隻鍋貼是常識。 11元有5隻熱騰騰的鍋貼，而且肉汁很多，真的很抵食。有一次見到別人吃生煎牛肉包吃得很香，於是也要了一個。 是不是真的生煎就不知道了，不過味道還不錯。 煎過的包子並不算油膩，煎得微焦的表面帶點脆口，裡面的牛肉也像鍋貼般肉汁澎湃，果然值得一試。 碗仔翅和酸𡦚湯都是有大碗和細碗之分，大的吃過一次，真的很巨大，屬於挑戰級份量，點一個小的其實都已經很足夠。 這裡的碗仔翅連假翅都沒有，不過配料卻非常多，黑木耳、荀、肉絲都很多，吃一碗就足以飽肚。這裡的員工都是比較散漫的師奶，有時候會漏單，又或者是顧著聊天而忽略了等著她們來落單的顧客，或許這就是街坊生意的特色吧，哈哈。

這餐廳我其實吃過3次，第一次是外賣鍋貼，說真，好低食！所以今過星期我同老公特登搭車再去堂食，可惜換來一肚氣，坐低叫了鍋貼，炸豬扒雞翼菜飯，豆漿，鍋貼同豆漿好快到，跟住來了碟飯，但沒有餸！再等了15分鐘飯已凍唒，左吹右吹餸先來，講真碟飯好難食！😖我同老公再叫了二份鍋貼同一個牛肉包，x!我地足足等左20分鐘，問左D呀姐3次，原來佢地應完我地就算！跟本佢地就冇落單，我地為有外賣！收左$，接過鍋貼我想加D豆板醬拿拿聲走人，問佢拎，態度差到吖，好似我左住佢做生意，大大聲叫：我叫你等陣呀！結果我無奈企左係到，為有自己入番去人地抬面拎！我吃了一肚氣！今日我朋友想去食，我覺得上次可能係佢地好忙啦，再食多次，希望今次可以食得開心，但...連我朋友都話，以後唔再去！鍋貼吹左2次，原來又係冇落單！上海粗炒好難食，炸豬扒炸到干爭爭，麵冇味既！比$走人！行左一陣街想番轉頭去買鍋貼（痴）飯比老公,企係門口，叫了2次，D人望一望，唔理你，再叫，又係那個男人 ，大大聲叫你:等陣！極之冇禮貌！買完食完我有點難受！不希望以後再來了！其實我很支持小店,反對霸權！人人說小店有人情味，但有些小店沒有禮貌，持住自己是老闆，好像跟

鍋貼是薄的那種, 不是傳統好厚粉個種, 少少似日式餃子添! 脆就唔係好脆, 不過皮薄勝於一切$2.5 一只, $11五只熱豆漿$5, 堂食一大碗, 外賣變左做一杯, 好似縮細左, 味道就唔錯淨糖醋排骨$29 (大), 味道唔錯但係少少UN, 個汁係湯咁浠的仲好多, 唔係滐既, 搭左D生菜担担麵$XX (唔記得), 呢個一般啫平均廿零蚊食到餐好味又唔重味精, 健康少少, 好過餐餐老好多啦

是晚來到這間店, 平時都有外賣取走回家食,但今次打算坐低堂食...點知星期日關係,真在太多人, 我們企響度等左一陣, 侍應叫我們坐最入, 地方太迫, 人太多, 平均4-5人一張枱, 我們一坐落發覺對著個後巷, 佢又無關門, 好彩不算太污穢!!先來兩杯豆漿, 幾甜好味, 還有鍋貼, 這裡最出名, 又平,兩蚊一隻, 我們叫了5隻一碟幾JUICY 同香口,不過煎得不夠燶,可能太多人煎唔切!!鎮江骨,不錯, 但略細碟!酸辣湯面, 好大碗, 而且味道不太酸, 辣味又不會過火, 多湯, 食到最底,還剩很多湯!!埋單100蚊也不用已很飽!!!只是地方迫, 侍應不夠, 很早已給菜飯, 但未俾餸, 令到飯凍了一點!!!只有兩個侍應出餐很慢, 很多侍應做外賣, 堂食無人理

今日中午居然唔駛等位，原本心唸好彩，原來...叫左炸豬扒麵、炸雞翼麵、鍋貼同魚腐麵，鍋貼好快，一叫就有; 炸豬扒、炸雞翼一向都同個齋麵分開嚟，個齋麵都算快有，但可惜個炸豬扒、炸雞翼等極都冇囉!!!個魚腐麵又追極都話等陣有，足足等左差不多30分鐘先有! 但炸豬扒、炸雞翼依然點追都唔見影囉!個齋麵都食哂好耐!40分鐘之後終於忍唔住要取消，真係火都有唔會再去

今日同屋企人食LUNCH，諗極都唔知食乜，於是去買鍋貼！去到門口唔算多人，得二個內地客等外賣。之後waitress走過黎問我要乜？我話：要一打鍋貼同齋腸！waitress：等一陣！等等等等等等等等！之後其他waitress走過黎問我要乜？我話：要一打鍋貼同齋腸！waitress：同一答案…等一陣！等等等等等等等等等等等等等等等等！過左10鐘之後鍋貼出爐，waitress問我要乜？我話：要一打鍋貼同齋腸！then佢比左一打鍋貼我，我問佢：齋腸呢？佢話：下，我宜家整比你。我：唔駛喇！結果返到屋企，屋企人話鍋貼唔夠熱。等候時間長，做野又唔上心，總而言之一定不會再encore!

近年來多了上海小店出現,水準亦都能保持得好,基本上都有固定的捧場客,有時放工不想食飯,都會特意走過來光顧.其實店子不大,客人多數是靠牆邊坐,的確非常熱鬧.是日只要了一碗韮菜餃麵加担担麵汁,另加配一杯豆漿.始終是店方主打小食之一,餃子包得結實有彈性,韮菜味香濃,麵條淥得柔韌,吸收担担麵汁之後惹味得多.豆漿雖然豆味不及當年土瓜灣貴記,但總算不過不失.其實在上水街頭,要找好一點的上海麵舖真的不多,算來數去,還是只能來這兒.

係前幾日個時~~我就想食鍋貼啦不過~今日遲左起身我無話俾啊媽聽啊媽就買左鍋貼返黎俾我太好啦有得食我最鐘意既鍋貼啊媽去咁遠買俾我~~~我一定要食啦啊媽買左6隻俾我~我咬左一啖先記得影= ="雖然凍左啲.....不過佢呢間仍然咁好味(我懶得去翻熱XD)啲鍋貼真係好好食架雖然依家啲肉汁好似少左但係啲味無變到所以一定會定時去食下太好味啦我食晒~~一個都無淨

行過被它的光管吸引著, 見都係即整的, 看也好好食, 好香, 進內坐下了.鎮江醋骨麵, 加幾舊鍋貼先.鍋貼先上, 之前在門外看著阿姐係放上大煎爐上, 加水再蓋上的;很標準的造法.咬一口, 皮都唔算太厚, 但其實也不薄;肉都不少, 加入了菜, 幾香口.點d 醋, 其實都幾易入口, 一個人都食晒成碟鎮江骨好入味, 估都已煲左成個鐘, d 肉都 有點離骨;麵一般.都係鍋貼最ok!

2蚊隻鍋貼!!真係平到無朋友!!有次經過見好多人排隊!!當時又想食鍋貼!就走埋去排埋一份!!!買左10隻回家同母親大人!!慢慢嘆!!媽媽都讚好好味!!!咬落去好多汁!!而且仲熱辣辣!!媽媽都覺買10隻太少!!但係又有次!!經過見無咩人!!! 因為上次好食!!今次買左20個!!仲係今次就無上次咁好食了!!!小小暖!!不過就無哂肉汁啦!!仲比母親大人話!!!叫我去返上次果間買!!!其實明明就係同一間!!!!證明就係新鮮做起係好味好多!!!下次見到多人排疋先去買就岩啦!!!!