Video
1-min walk from Exit B1, Shau Kei Wan MTR Station
continue reading
Opening Hours
Mon - Sun
14:00 - 00:00
Above information is for reference only. Please check details with the restaurant.
東大街呂仔記店內熱賣嘅有魚肉燒賣、碗仔翅、喳咋、魚蛋等小食。嗰日試咗魚肉碗仔翅同燒賣，碗仔翅入面都算多料，魚肉質感及味道唔錯，不過不失。燒賣係自家製魚肉燒賣，都幾大粒但價錢有點貴，食得出係魚肉打出來而唔係溝左好多粉嗰種，但食落比較軟熟，唔夠彈牙，呢種口感我麻麻地。
continue reading
男朋友話呂仔記係好出名，所以係都要帶我去試吓，點知就大失所望😟😟啲燒賣好似話係特別製造，但講真可能我唔識食啦，覺得冇比普通燒賣好好多，但價錢就超級貴 😵😵再嗌咗其他食物都唔覺得好驚喜，亦都有飲椰汁，覺得唔太啱飲，所以飲咗幾啖都比咗男朋友了~男朋友話個楊枝甘露好好食，但我覺得其他糖水舖嘅仲正🤣🤣睇來我同呂仔記都係無緣㗎啦~加上服務態度唔係太好，啲店員表現都唔太友善，無謂用錢買難受啦🤣我諗啲明星效應都係言過其實，同埋可能都keep唔到以前嘅質素，有啲失望！但可能因人而異啦，因為我男朋友就覺得幾正喇😅
continue reading
我係呂仔嘅嘅常客，之前一個星期都幫襯幾次🙂平時最鍾意食燒賣、咋喳，之前幾驚佢因為舖位俾人收樓會光榮結業，好不容易等到佢喺新鋪重新開業，點知行到過去見到成個風格同之前好唔一樣，都心知不妙，食物味道冇乜點變，但係咋喳同一價錢就細碗咗，CP值低左，新風格新包裝都少咗之前嗰種人情味，商業化左，可惜可惜😢
continue reading
東大街呢間40多年老字號港式小食店一向以上等材料做魚肉燒賣、碗仔翅、粉果等平民美食，好多人都係慕名而來。魚肉燒賣$35有八粒家鄕粉果$30有四粒👍燒賣及粉果嘅size都比出邊大少少，亦係花心思自家製作的。👍魚肉燒賣係用黃門鱔製作，有鮮魚味，肉爽彈牙有口感。👍粉果餡料有粉葛、豬肉及花生，口感爽脆有層次。食品的而且確比其他店舖優質，但卻要付出明星級嘅價錢，勝價比唔高，食得幾次呀！老實說，食街頭小食有時係想回味舊式情懷，品質及味道唔係太難食其實都可以接受。
continue reading
早前的公眾假期，住在筲箕灣的好姊妹帶我到筲箕灣掃街！除了兩位好姊妹住在筲箕灣之外，當時，post 筲箕灣遊的相上 社交平台 後，還有一位男性朋友都是！ 數吓數吓，原來我有3位朋友住在筲箕灣！第一站，她帶我走到筲箕灣東大街的 <呂仔記>！一走進店子，牆上貼上不少明星相片！設有堂食及外賣！供應：港式街頭小食及甜品...等！當中，較為人氣的美食是魚肉燒賣、碗仔翅...等！我們就一於點這兩款招牌美食吧！魚肉燒賣 $30/ 8粒大大粒魚肉燒賣，以加入魚肉，味道帶鮮，口感更彈牙，真材實料！ 起碼不會太軟腍及似食粉糰，配豉油提升口味，小店出品的確有誠意，果然名不虛傳，卻是性價比低，大約 $4/粒！馳名兩溝 (魚肉、碗仔翅) $20另有同價的三溝 (魚肉、碗仔翅及生菜)，我之所以不選擇三溝，只想到生菜有水份，恐怕令整體變得稀薄！碗仔翅質感濃稠，加入肉絲、木耳絲...等及軟身的魚肉，味道啱個人胃口！
continue reading