呦呦鹿鳴布丁燒

Open Now

Now Closed

其實我一直都知葵廣有間食布丁燒好出名，但之前幾次黎行街都無緣食到。今次我立決心一定要去食，所以食完熱狗就提早到呦呦鹿鳴布丁燒朝聖，食個甜品先，哈。好多款口味都想食，最後被特別限定既茉莉花茶布丁燒吸引，而且寫住低糖添。如果係即刻食，店員會幫你倒係隻碟到。茉莉花茶布丁燒$38頂層係焦糖，中間係布丁，底層係芝士蛋糕。好欣賞佢甜度適中，食落唔膩，反而因為有茉莉花茶既味道變得好清新。布丁夠綿滑，蛋糕亦夠濕潤，好食呀。連男朋友都讚呀。

黎到葵涌廣場又點可以唔上3樓搵食呢？呢間呦呦鹿鳴布丁燒就非常出名，於是我都黎朝聖！試咗茉莉花茶布丁燒🍮，布丁燒分為3層，分別係面頭嘅焦糖，中間係布丁，底部係芝士蛋糕，清新嘅茉莉花茶味中和咗焦糖醬嘅味道，甜度恰好！而且個口感都細滑，蛋糕軟綿，推介！呢度有極多款口味嘅布丁燒，好似伯爵茶、咖啡、焙茶、抹茶、雲尼拿、朱古力，選擇困難症就真係唔知點揀好，相信總有一款會岩口味～細細個做飯後甜品一流，唔會膩又好食！

我以前對布丁燒興趣不大，因為我個人不太喜愛布丁🙈但自從在元朗嚐過一次後，一直念念不忘😍難得到葵芳，當然要到著名的呦呦鹿鳴布丁燒買一個回家嚐嚐🤤紙袋設計十分精美▪️咖啡布丁燒咖啡布丁簡直無敵🤤😍超級重咖啡味、入口極香！但味道不苦，配上焦糖甜度適中👍🏻質感超級滑😋 相反蛋糕部分就略為遜色，略嫌不夠滑。（因為之前在元朗嚐過一家蛋糕超滑、超香，有比較有傷害🙈)。值得來買一個回去嚐嚐👍🏻

eatwhat.hk·綠茶布丁燒🍮💛掃街當然要用甜品作為總結～係葵廣就有呢間特別嘅舖頭賣布丁燒結構上其實就係焦糖+布丁+輕芝士蛋糕.綠茶味超級濃，帶苦同回甘嘅味道🍵另外見連登仔推薦earl grey，如果有人試過都可以話我知好冇味🤣（之前都試過bailey味，不過綠茶比較正😙）雖然價錢比較貴，但係真係值得食嫁(・ω・)ノ.抹茶布丁燒 $38———不專業評分💯食物指數🍴: 💛💛💛💛💛環境指數⛱: 💛💛🤍🤍🤍抵食指數🤑: 💛💛💛💛🤍推薦指數👾: 💛💛💛💛🤍———📍呦呦鹿鳴布丁燒 (葵芳)葵芳葵富路7號葵涌廣場3樓TOP世界3069-T5-T6號舖———#ewhk葵芳 #ewhk掃街 #ewhk甜品 #ewhk黃店 #黃色經濟圈

題外話：布甸燒我吃過元朗的小確幸做得非常出色，這間葵涌廣場的店也做得好出色！這間店在葵涌廣場3樓top世界入少少，3樓都好多小食飲品，這間我見OpenRice 之前有人寫食評， 收藏了今天終於去試！這間味道都幾特別的，其實都有好多口味，例如有tiramisu, 榴槤，豆腐，朱古力等......其實好多款都想試！最後點了特別限定茉莉花味，這個值得推介👍🏻👍🏻好香的茉莉花味，食第一下就好似飲茉莉花茶一樣，清新的氣味在口內回味，中間嗰層係蛋糕，吃出層次感，出乎意料之外好食！抹茶味🍵，這個也好好食，我是抹茶控😍但兩個相比之下，我會喜歡茉莉花，下次會再試其他口味😍😍

睇網評講到唔錯，即管試下，葵廣三樓在為食街，都算易揾。一次過試五款口味，係Tiramisu味只有堂食不能外賣。堂食係立食不過有紙碟有匙羹俾埋你，招呼周到。點解要紙碟？因為布丁燒要倒出來倒轉食，咁焦糖先可以流去中層既布丁同低層既芝士蛋糕。買左八杯送粉紅冰袋加冰種，個袋都幾靚仔。榴槤味係用新鮮榴槤做，唔過得夜，其他可以雪兩日。伯爵茶係最唔甜，啱我口味。咖啡味都好咖啡，係蛋糕部份細左些少。還有朱古力同温呢嗱味都好正，朱古力味較甜啱小朋友。無試到招牌椰青味，個人唔好呢個味道，$38一杯都值回票價，支持下小店。

曾幾何時我自己都試過整布丁燒，好深刻體會到有幾難整，葵芳3樓呢一間布丁燒我去親葵芳掃街都會幫襯，一有新口味我就試，味道從來冇失望過今次出左新口味即刻買黎食，仲要寫住低糖😎食完都冇咁大罪惡感焦糖苦苦地甘甘地既味索晒落個蛋糕度，有少少似咖啡，加埋上面個布丁有三個層次既口感最近好多野令人好唔開心，好大無力感，但當食返d好野既時候心情會好返d，希望呢間鋪頭保持初心，堅持繼續整好味既布丁燒比大家💪🏻💪🏻💪🏻我會經常幫襯🙏🏻

眼利嘅一見到隻鹿 就一定知我食邊間🦌未正式開之前 就見到佢地自己畫畫 design間鋪 真係好靚🎨呢到嘅布丁燒有好多隻味可以揀 仲要係低糖添‼️有啲味係獨創架✨周不時都會有其間限定款🤤同埋布丁燒每日都會新鮮整 夠晒誠意✨.抹茶布丁燒(低糖)🍵 $38第一次食布丁燒 估唔到係咁 好 食‼️真係有好幸福嘅感覺💓抺茶款比較特別😎其他款都係用原味輕芝士蛋糕 不過啲款就用咗抹茶味😋加埋抺茶味嘅布甸 食落茶味真係超香濃😍呢到仲要用左100%日本小山園抺茶粉🥰抺茶控一定鐘意🤤最鐘意就係布丁嗰層 真係好似食緊燉蛋咁滑溜😚但係佢真係太細舊 每一啖都好唔捨得食😫.唯一敗筆就係焦糖醬落得太多😳少糖款都搞到變左偏甜😭雖然店員幫我哋反轉佢嘅時候 已經倒走左啲 但係最底層嘅芝士蛋糕都索到淋晒🥺cover左啲抺茶味 仲要影響左個口感 好濕☹️

假期, 還是有工作在身, 不過, 就早些會合文迪及晴晴吃晚餐. 吃完鹹, 當然要吃甜, 就來到葵廣的呦呦鹿鳴布丁燒.布丁燒, 這些年來, 吃過的也有不少, 呦呦鹿鳴布丁燒的款式就算是相當多, 是挺有特色的.椰爺布丁燒 $38: 8.5分, 招牌作是椰爺布丁燒, 椰爺, 即是椰青水及椰青肉, 用椰青去作布丁燒, 想不到效果是很不俗.剛剛碰到有新鮮出爐的, 當然要熱食. 焦糖面帶點脆身, 雞蛋布丁質感細滑, 椰青香味突出, 而芝士蛋糕就挺綿密, 芝士味道香濃.伯爵茶布丁燒 $38: 8分, 至於伯爵茶布丁燒, 沒有了剛出爐的, 唯有凍食, 食味真的是欠了點, 始終, 此品還是要吃熱的. 當然, 層次感依然不俗, 也帶伯爵茶的茶香.新鮮出爐的椰爺布丁燒, 讚! 椰青香味突出, 焦糖, 雞蛋布丁, 以及芝士蛋糕層次感做得好, 呦呦鹿鳴布丁燒這小店, 加油.

個日特意約左2個friend ，陪佢哋去葵芳廣場 shopping😸😸，咁我就未食野😹😹，就即刻上網 search 下有咩美食啦，我上網見到好多人都介紹布丁燒，而且布丁燒啲相影得好靚好吸引，所以我同啲friend 講，第一時間嚟呢度食個布丁燒甜品先，睇嚟睇去，我哋最後都係揀左個 earl grey味嘅布丁燒試下，一入口就有一陣陣 earl grey 味道，口感都幾有層次，下次真係要再試下其他味嘅布丁燒先得喇😽😽

每次嚟到葵涌廣場都會心思思想食布丁燒。雖然小店只係賣布丁燒，但正所謂貴精不貴多，見到不停有人幫襯就知道有幾咁受歡迎！仲有好多唔同口味嘅布丁燒選擇！椰爺布丁燒 ($35)層次分明，頂層係香濃嘅焦糖漿，中間係滑溜嘅布丁，底層係用咗北海道芝士整嘅芝士蛋糕。布丁幼滑，芝士蛋糕入面有新鮮椰肉，椰肉軟腍，入口食到清香嘅椰青味，蛋糕帶芝士香，焦糖漿滲入咗底層嘅芝士蛋糕，口濕潤幼滑，入口即溶，味道層次豐富，一食愛上！

終於黎到葵廣黃地朝聖1. baileys 布丁燒（$38）好滑呀！同埋食到有baileys 既味道，雖然唔算超級濃烈，不過我覺得好好味🙊🙊 我食果時仲係暖架，但我冇倒出黎就咁食，焦糖就會沉底，所以幾岩我呢d少甜友，第一次熱食，感覺都好得意

It’s coconut flavour! You can taste the coconut cream in it 🤣🤣 the pudding itself is like smooth creamy custard pairing with a slightly bitter caramel sauceThe cake on the top layer is fluffy Silky texture Better than I thought and it costs thirty something Worth it! Not expensive at allNomnom:4/5

呢間布丁燒都幾有名氣，但都唔會排長龍因為係現貨，店員喺雪櫃拎出嚟一反轉個布丁燒就俾你😙/🍮 雲呢拿布丁燒 (原味) $38面層係焦糖醬，中間係布丁而底層係輕芝士蛋糕🧀 布丁就滑溜溜，而蛋糕質地濕潤，再配埋焦糖醬，每一啖都有多重味覺感受😚 舖頭用100%北海道cream cheese，但芝士味又唔會過濃，啱啱好～我估大部分女仔都會好鍾意😌 佢仲有好多唔同口味，伯爵茶等等～ 每款都好想試😻😻😻😻😻

之前去北海道旅行，食過好好味嘅布丁燒，一直好懷念😭 家陣唔知幾時再有得旅行......好彩葵芳原來有間專賣燒布丁嘅黃店！！！一放假就立即去幫襯～！😝​ 布丁燒唔同一般布丁，主要由焦糖、雞蛋布丁，同芝士蛋糕三層組成，令人可一次過食均唔同嘅甜品質感，味蕾大滿足！ 除咗招牌嘅5款燒布丁，店家仲會推期間限定口味～選擇多多～ 呢度嘅布丁燒有好多口味，今次我就order咗招牌嘅椰爺布丁燒、限定嘅焙茶布丁燒～❤️ 我覺得兩隻燒布丁，椰子味會較清香，食時有少少椰絲，爽爽地嘅口感好得意～而焙茶味就較濃郁，茶味好出，微微帶苦，茶控應該會好鍾意～真係各有各正 😋​ 不過，不得不讚，佢哋嘅燒布丁質感超正，拍得住日本食到嘅質素！ 芝士蛋糕好綿密，布丁則好細滑，加埋濃濃嘅焦糖，每一層嘅質感及味道都唔同，但食上口就完美融和～處理得好好！ 😋​ 不過，佢哋嘅燒布丁一個大約40蚊個，第一下睇到個價錢，都會覺得唔平，但原來佢哋會用北海道Cream Cheese整芝士蛋糕，椰子又會採用新鮮嘅泰國椰青，焙茶或抹茶粉又日本直送...等等，加上繁複嘅製作功序，一分錢，一分貨，食物質素絕對對得住價錢。 鍾意燒布丁嘅朋友，一定