呦呦鹿鳴布丁燒

Open Now

Now Closed

💛home office做做下野會掛住既布丁·🍮椰爺布丁燒（$38）剛出爐既熱食布丁.點可以唔買番個👅食落似椰皇燉雪蛤口味，淡淡清甜仲有椰青肉！·🍮Tiramisu（$38）比起椰青口味，凍食既tiramisu更得我心😋😋灑上朱古力粉.加埋焦糖，布丁同輕芝士蛋糕，口感細滑，好好食啊😻·📍呦呦鹿鳴布丁燒葵芳葵富路7號葵涌廣場3樓TOP世界3069-T5-T6鋪

一段時間沒有到過葵芳，原因不願多提了。這家布丁，自從吃過第一次之後就念念不忘，愛上她了!食過Baileys、椰青、朱古力、咖啡呢幾隻味~暫時最鍾意都係咖啡味，所以今日都係揀左咖啡佢地既布丁質地分左三層，最頂有焦糖、跟住係布丁、之後係芝士蛋糕!講下味道喇，食過咁多款都唔會話好甜，各款既味道相當出，就好似咖啡味咁，個咖啡味超級香濃!!布丁位置好滑!! 低部既芝士蛋糕都好香芝士味!講下外賣既配套，首先外賣既紙袋精美，入面放左個紙碟同匙更，非常貼心!總括黎講 : 布丁愛好者必試的一間店!!

👭呦呦鹿鳴布丁燒 (葵芳)👭Baileys布丁燒 $38呢款係原味既布丁燒，再淋少少baileys係表面。布丁燒份量偏少，幾啖就無哂🙈而且蛋漿唔算滑，仲食得出有啲蛋糕顆粒感，有點奇怪既口感😅不過每啖都有baileys既味道🍾整體亦唔會過甜😋價錢方面貴左少少，鍾意飲酒既朋友仔試一次無妨。推薦度：6.5/10🏠葵芳葵富路7號葵涌廣場3樓TOP世界3069-T5-T6號舖🕐1:00-10:00pm

之前經過都想試，但睇戲就冇買到啦。今次咁岩經過唔使等，就叫咗一個外賣。男職員問左我兩次都聽錯，以為我堂食，倒左出黎我過外賣 佢啤住我。因為無價錢牌，唔知幾錢，我比左張一百蚊佢等佢找啦，佢收左 但攪其他野，我提佢要找錢，佢話知，叫我等等。過一陣問我比左幾多錢佢 經過重重波折，滿心歡喜，滿懷希望……一食，唔係唔好食，唔值囉未去到勁正頭回頭有茶味但有少少茶味夾，有旦味但未夠香，上層好滑-讚，下層好似浸左好耐嘅發水蛋糕咁，係我心目中半價就差唔多可能我窮$38真係覺得唔值 貴了...買杯奶蓋仲開心

同朋友係葵芳行街行到有Ｄ肚餓想食甜品既時候，突然經過呢間食店就俾佢吸引住，店鋪好細但有個大大既佈景版俾食店影相打卡用，幾特別。有唔少既味道揀，好多都好吸引。我地揀左焙茶布丁同抹茶布丁，店員仲好貼心咁建議我地先食焙茶後食抹茶味布丁根據味道由淺至濃。焙茶味有茶香帶少許甘味而抹茶味道較焙茶濃味帶住陣陣抹茶香味，唔係死甜，布丁非常滑溜，反轉後蛋糕在底層，食起來有層次。呢家既布丁賣相和味道都不錯，亦非常適合做散水餅。

想試食這個布丁燒好久了，一直未有機會，今日剛好經過，當然一定去會一會佢。為了食一個熱的布丁燒，老闆話要等6分鐘。。。。。。。。為了美食，當然等啦！ 新鮮出爐熱辣辣的的椰爺布丁燒果然不負所望，軟滑清甜美味，每層分開食都不到口感，加埋一齊食又有另一風味。最重要的是又不會過甜，恰到好處！冬天食完一個熱布丁燒，全身暖笠笠！冬天食一流。下次要試埋抹茶同伯爵茶！希望下次能夠遇上這2個味道新鮮出爐，這真要看看我的運氣了。

最愛精緻細細個既布丁燒🥰未見到佢既野食就見到佢個粉筆畫😍自然森林系既漫畫風格，一睇就知係手工野👏🏻👏🏻畫既畫都咁用心，可想而知佢既主角布丁燒會係有幾用心做❤️.首先試左個凍食布丁燒（已反轉）Tiramisu 味☺️非常之軟滑同creamy ，一啖有齊三種口感😋細膩精緻，食完好唔捨得🤤知道佢有新鮮出爐版，老人家決定等埋佢下一轉25分鐘後出爐既培茶味😋 熱食布丁燒（未反轉）食落比較水啲好似豆腐花咁😚啖啖培茶味又唔會太過甜🥰

葵廣呢間布甸蕉非常出名，除咗有冷熱布甸，款式味道非常多例如有伯爵茶、tiramisu、咖啡、椰子、茉莉花茶等。⭐👻溫馨提示：用GoodMalling app有優惠券可以減四蚊！💛原來仲係黃店：媒體有報導，店主受訪支持爭取五大訴求，認為爭取公義比生意更加重要。店舖有售Pepe連豬造型馬林糖。.👓招牌椰爺布丁燒 原價$38➡️$34面層係焦糖，中間係布丁，底層係輕芝士蛋糕。布丁少少椰青味，唔算好強烈因為食食吓會比陣蛋味芝士蛋糕味取代咗，最特別係中間嗰層有一粒粒椰子肉。成個布甸燒清新唔算太甜，布丁滑口而芝士蛋糕唔算好重好漏芝士味，質感做得夠細滑，平衡得幾好。成個布甸係好食嘅不過價錢少貴，用app減幾蚊會開心啲😚評分：7.5/10

你個布甸燒喺網上面個名氣已經維持左好耐口感層次非常豐富定價雖有點點兒貴，不過值得一試！大約hkd$38 up (depends on which flavour) my comment: - 雲呢嗱布丁燒($38)🥇好香濃雲呢嗱布丁🍮 十分好味。蛋味重！布甸上明顯見到有雲呢嗱籽好正😍🥰⋯⋯口感方面：軟滑 ☺️☺️☺️另外佢地仲有好多唔同既特別推介🏆回魂啡布丁燒，🏆鐵觀音布丁燒及🏆焙茶布丁燒！不錯 👍 同朋友一齊黎食 可以試多啲唔同款式！掃街一流

行過葵廣3樓TOP嗰邊見到呢間賣布丁燒嘅舖頭突然間想食就買咗佢有好多款唔同口味，好多都係平時好少見味道至少有9款買咗2個返屋企食值得一提呢間都係良心店嚟估唔到葵廣都有咁多間一個係椰爺布丁燒同一個係豆腐布丁燒當然即係椰青味同豆腐味啦倒出嚟上層係布甸，下層係芝士蛋糕呢款甜品感覺極邪惡你哋啲要減肥嘅人真係要考慮吓先不過真係好好味椰爺布丁燒椰青味唔算好重，只係輕輕點綴嘅感覺布甸同芝士蛋糕味比較重芝士蛋糕軟綿綿，布甸就幼溜加上椰青嘅清香味正正為布甸同芝士味解解膩感覺仲清甜過豆腐味豆腐布丁燒豆腐味都算重，一啖入口已食到豆腐味相對椰青味，豆腐味就比較甜布甸同芝士蛋糕兩個一樣配搭豆腐就甜啲，適合超愛甜食嘅人

同朋友去葵芳蒸腳前想搵小食，記得葵涌廣場有一間小店食布丁🍮，我們特登去食，去到見到甜品架，以為無哂原味，點知店員話仲有原味未放到出黎，見到好多味道選擇，我最想試原味，因為是雲呢拿味，我好喜歡雲呢拿。食落去好香焦糖，好濃雲呢拿味，唔算太甜，好喜歡。

每次黎葵廣必食嘅布甸之前食過抹茶 鐵觀音口味 抺茶控嘅話一定要食抹茶口味今次試下其他口味伯爵茶口味都係好好味同第一層嘅焦糖非常夾但又唔會蓋過第二層嘅雞蛋布甸同第三層嘅芝士蛋糕味Tiramisu口味就似食番真嘅tiramisu蛋糕咁味道都係正 不過就未去到好有驚喜如果咁啱撞到佢新鮮出壚未放入雪櫃之前嘅布甸都推介大家試下 熱食的話 蛋糕部分較濕潤 雞蛋布甸味亦較突出但個人黎講最愛都係雪凍左嘅布甸食完一個真係唔夠喉一個人都輕鬆食兩杯

布丁燒聽就聽得多，其實都係第一次食! 係葵廣掃街見到有 加上佢出面外牆嘅畫好靚haha 就決定買個黎食下🙈🙈 其實有好多口味，見回魂布丁燒得返一個 所以就決定買佢睇下好唔好食 如果現場食會幫你倒落個紙碟到 整體食落有3層口感 有焦糖 布丁 同埋芝士蛋糕咁嘅底層 整體咖啡味幾香濃 幾好食😍唔會太甜 芝士蛋糕個part唔會太實 同整體布丁好夾 不過芝士味唔算出 但overall都okay有熱食嘅 但要等出爐 有緣再試下 不過service 一般...

小子有一段時間無黎葵廣搵食， 依間鋪都開左一段時間都無特別想幫襯，早前小子睇電視見介紹， 好似好正， 咁今日經開就去下會一會佢先依度d布丁燒有熱食同凍食， 小子叫左2個分別係一個冷食，一個熱食。店員介紹凍食似布丁，熱食似食燉蛋感覺今晚的味道椰爺布丁燒-凍食又好味喎⋯真係有椰肉係裏面！ 店員將個布丁反轉倒出，外貌冇熱食咁得意， 但味度ok ! 回魂布丁燒-熱食熱辣辣新鮮出爐， 感覺好新鮮，咖啡味好香， 布丁不用反轉倒， 店員成杯布丁比客人新鮮出爐-熱食

好耐黎葵芳行街了，每次都係因為過嚟行街買衫先有機會食到佢，難得今日過嚟葵芳當然要幫襯一下。上次食過佢嘅原味 & 咖啡味，今次試吓其他味道先，揀咗一個伯爵茶 & Tiramisu，每款味道嘅價錢一樣$38每款口味都係每日新鮮製造，如果咁岩遇上新鮮出爐嘅布丁燒，更加可以有熱食提供雖然外表細細個，但係底層有芝士蛋糕關係，食咗中午飯再嚟食，其實都幾滿足伯爵茶味看似完美一樣，但比起原味布丁燒多了一份淡淡茶香，自己總覺得伯爵茶香跟港式奶茶的茶葉香有幾分相似，甜度適中不會過份甜，喜歡的就是每天新鮮製造，下層係芝士蛋糕，因為吸收左布丁既焦糖令芝士蛋糕帶點濕潤度，真係會令人食上癮!! Tiramisu，職員會即場為布甸燒撒上朱古力粉，唔單止個布丁係咖啡味，下層嘅蛋糕仲吸左咖啡，令到成個口腔都充滿咗咖啡嘅香味每次呢間黃店都為我帶來驚喜，呢份小充滿希望大家可以繼續支持佢！