呦呦鹿鳴布丁燒

Open Now

Now Closed

店舖細細。有少少位俾人堂食。有好多唔同味可以揀。叫左原味同綠茶味。一凍一熱。布丁燒分左芝士蛋糕。布丁。焦糖3層。布丁面燒左個logo喺度。如果訂做會有其他公仔揀。焦糖唔會好甜。布丁本身其實冇焦糖都夠甜。芝士蛋糕有淡淡芝士香。布丁夠滑有蛋香。口感同味道平衡得唔錯。整體亦唔會過甜。不過綠茶味偏淡。唔係好食到綠茶味。個人覺得熱食比凍食香味更突出。個布丁其實唔細。食完一個都有啲飽。不過1個布丁要$38。感覺有啲貴。雖然甜品serving好重要。不過原本裝住布丁嘅膠兜。再多一隻紙碟同膠匙。食一個小小甜品要用咁多即棄野。不太環保。

平時比較少喺葵芳出沒，難得黎shopping 一次就同朋友周圍食同買。 布丁燒既logo 同印象係小而精緻 (Good things come from small packages),我同朋友一人揀左一隻味既布丁食，覺得Earl Grey 味布丁好滑，原味 (Vanilla)亦唔錯，所以覺得都非常值得再介紹多d去開葵芳既朋友不妨一試

黎到葵芳廣場掃街，就決定黎一試呢間openrice 大穫好評既布丁燒啦！位置都唔算好難搵既，檔口既design同擺設真係好有心機好企理。今次就試左佢既原味，姐係雲尼拿味既布丁燒，其實味道係ok 既，但係本人就略覺得唔夠甜，佢地應該係比較健康既冇落咁多糖啦，咁呢個味道應該會比較適合d 注意健康，會叫小甜既靚女們！：）但我就覺得唔太夠甜啦😅😅😅唔知如果其他味道，例如係朱古力味嗰d 可能會甜d 啦。。。。。。

葵廣食店琳立選擇應有盡有！！不過得一間專門賣布丁燒嘅店，仲有好多口味揀添～ 布丁燒賣相都幾吸引😉 即管試下有咩特別先！！呢個係原味布丁燒 (即係雲尼拿味）口感味道都豐富，又有層次！布丁燒分左三層，分別係焦糖、布丁🍮同軟芝士蛋糕🧀 焦糖層有啲甜甜苦苦，布丁同蛋糕都軟綿綿👍🏻 好細個好快食完～味道係OK既，不過又唔覺有咩特別好食😂 而價錢方面就需要$38, 覺得貴左啲，性價比一般，未必會再食🤔

平時上網都見有唔少人post過呢到既布丁燒，評價都唔錯，所以都心思思想試左好耐！！呢日出開黎搵朋友，就決定先黎回一回呢隻鹿仔先呢度既布丁燒全部都係均一價，HKd$38一份本身想試呢度既皇牌之一：“椰爺布丁燒”，可惜我黎到既時侯已經沽清所以我就轉移目標，要左個期間限定既“Bailey布丁燒”，呢個都係淨返最後一個炸店員好貼心，專登俾我打完卡先再將我個布丁脱模再打多兩張卡個布丁燒做得好出色，焦糖既香甜，加上Bailey既奶香同酒香，與底層既cheesecake base好夾，質感細滑，香而不膩！！！本身只係諗住食一件，但食完都係唔夠喉，即刻追加一份“鐵觀音布丁燒”先得！！！鐵觀音既茶味突出，絕無過甜，布丁質感依舊順滑，估唔唔到鐵觀音既清香同布丁燒既蛋香同焦糖味係可以咁夾-下次要同埋朋友一齊黎，試多幾款口味先得！！！！！

多款選擇布丁燒🍮麗葵涌廣場買完衫👗👚👕🥼🧥行過TOP 見到賣布丁，🤤🤤🤤我點了這店舖的招牌布丁燒，眼見有不同口味，亦有低糖口味的選擇。我選擇了特色的椰爺布丁燒（$38）🍮🍮椰青味非常濃郁清新，第一層是布丁，非常滑溜，第二層是蛋糕。入面還有椰青肉粒🤗🤗非常有特色及好味👍🏼👍🏼👍🏼希望下次有機會嘗試其他的口味。😋😋😋如果要用來做宴會或散水餅，就可以買十送一。 😉😉

呢間布丁燒我都算得上常客! 最少食到老闆娘都認得我😂😂食散水餅食到厭可以試下轉布丁燒，可以預訂，散水、結婚、謝師宴都一流👍試過真係包你會再試最緊要係佢有好多款味道選擇，最鍾意既係佢以茶味為主既有丁燒，味道清新又唔太甜。今次食鐵觀音，味道清香得黎都仲有少少回甘既感覺，而且甜度唔太高，加上布丁同蛋糕既質感，食完個口清浸浸好舒服之後再點多左個茉莉花! 花香味淡淡滲出，雖然無鐵觀音咁強，但味道都非常清新，正❤

眾所週知，葵廣多的是美食。很多年青人也會在這裡隨行隨吃。這裡的小食種類多樣，價格也適宜，不吃點還真對不起自己。因此來到這裡，我跟友人也在逛街前先在最頂層專門賣各種吃的商舖繞一圈。情不自禁就被這麼五彩繽紛的畫作吸引了。布丁燒算是近年新興的甜品。但到底味道如何呢？我至今還未好好一嚐，因此，先吃再說～店面簡約，細小的店舖被設計得充滿質感，牆上的照片，黑板的圖畫，小鹿的圖案，莫名的為這裡增添了幾分溫馨。（拍照時把店主工作的身影留在照片了，就補上小貼圖來遮掩一下～）牆上黑板的小鹿畫得美美噠。另一面黑板則是列出了獨創口味跟限定口味。小店一側還有一張大大的黑板，表示這裡也提供預定服務。對於想要用布丁燒作為不同作用來送禮的客人而言，算是蠻方便的。櫥櫃放置了各種口味的布丁燒，客人可就現在的存貨來選擇味道。客人可選擇現在吃或是帶回家吃，店家已把回家後該如何處理布丁燒的方法圖文並茂地記下來給客人看了。我倆一共吃了三個布丁燒～誰叫這裡味道選擇種類多，有點選不下手便多吃了，嘿！椰爺布丁燒 布丁燒一打開後便是這個模樣的，可以看到小巧可愛的鹿兒印在面上，讓人會心微笑。看到我們在拍照，店家還借出一個小平台讓我們好好拍

又來到葵廣掃街！久仰大名的布丁燒！這店是朋友大愛的甜品店，這次終於有機會來嚐嚐了。要掃街當然要留肚！人多好辦事，一行五人點了三個口味：Baileys、Tiramisu及茉莉花茶（限定）Baileys 下單後，店員會再淋上一些Baileys甜酒在布丁面上，然後才遞給客人手中。布丁挺滑身的，Baileys甜酒味夠出，甜度適中。Tiramisu 同樣是有甜酒在裡面，同樣地店員會先撒上一些可可粉在布丁面上，然後才遞給客人手中。這布到味道比較豐富，朱古力味跟咖啡甜酒的味夠出，兩者平衡得剛好，個人比較喜歡這口味。茉莉花茶期間限定的口味，更標榜低糖，果然味道是3款之中最淡的，吃時有淡淡的茶香，即使一個女生自己吃完也不會覺得膩。難怪朋友會大推這小店，不錯喔。

係葵廣行行下街食完酸辣粉之後有啲想食甜野於是行到一個衫鋪附近就見到有間布丁店(係比較入嘅位 需要啲時間揾下)啲布丁有分熱同凍熱嘅就有椰青味 朱古力味 本身想試朱古力味 但賣曬所以就試左椰青味估唔到又幾好食但佢陣味係比較偏似焦糖凍嘅布丁就食左一個earl grey味嘅感覺冇熱個隻咁好食帶微微苦味 之後回甘中意微苦味嘅可以一試老闆娘(唔肯定係咪老闆娘)態度好熱情我地問佢拎匙羹同碟都會拎多隻比我地同埋店面嘅粉筆畫(?)好靚 好值得打卡

呢間布丁燒嘅口味比元朗小確幸更多，伯爵茶同茉莉都幾吸引，不過我最後都係揀咗小山園抺茶🍵。抹茶味好濃，面頭仲有一層抹茶粉，比我想像中濃！而且口感都好滑，芝士蛋糕都幾香，而且整體唔會太甜太膩，係個掃街好選擇～

超好食嘅布甸燒😘每次去葵芳掃街，都要同朋友食番一個做甜品～聽過人講新鮮出爐係最好食，不過我未試過咁啱撞正出爐，但凍食做甜品都唔錯💕💕當日去時，有九款口味可以選擇，我同朋友就揀咗茉莉花味同朱古力味～布甸燒姐係一層布甸，一層輕芝士蛋糕，仲有一層焦糖汁，三者相輔相成， 10分好味😆😆😆朱古力味個款味道濃郁，每一啖都食到好重朱古力味！真材實料，布甸好滑溜，入口即溶，底層嘅芝士蛋糕都好軟綿😋至於茉莉花，味道較為清新，仲散發花既清香，幾夾架，我下次都想試其他味道！🤩🤩

上次我自己食過熱既baileys甜酒布丁燒。今日少爺問我試過葵芳間布丁燒未? 話好多好評。我話食過喇。我食左熱的。他熱布丁甘古怪。呵呵～甘我今次同您試凍喇星期日4點幾都幾多人。拿拿聲買左個凍yeahyeah椰爺(38蚊)外賣回家放左雪櫃3小時。晚飯後先食個輕芝士蛋糕有少少冷縮少爺話甘細舊38蚊都幾貴。我話係架。您一陣試下值吾值呀?因為係他俾錢反轉左變成焦糖響面凍左沒乜芝士味凍食好容易一次畢到底。熱食反而難試哂3層味道我自己覺得凍食布丁燒味道更加好。而且椰爺真係有椰青味同椰碎。味道比baileys甜酒好。問少爺覺得點? 38蚊有冇俾人搵笨他說ok呀。都值的。。呵呵～凍椰爺yeahyeah! 我就覺得更抵喇。因為有人請麻!

今次去葵涌廣場掃小食，行經甜品店，只賣布丁🍮，樣好吸引。雖然38蚊一個，但都想試下。👨‍🍳👩‍🍳食物質素：🥥🍮椰爺布丁燒，椰青味，一聞椰青味已經好強烈，好清新。一食，椰青味立即湧出黎。以為就咁一層布丁，一層蛋糕。點知。。。原來入面仲有椰青肉，驚喜🤩。。。好味。。。🥰☕🍮鐵觀音味，茶味都好出，今次蛋糕比例多少少。做成又滑又鬆軟感覺。由於唔係太甜關係，都買左2件回家食比屋企人食。。。。☕🍮茉莉花味，一樣茶味出，好似飲緊茉莉花茶咁。🛋️🛋️環境：立食😋😋好食指數：4/5💰💰性價比高指數：4/5P. S. 依到仲會做散水餅，宴會等。。。第一次黎食，一定要試左椰爺味。

賣相好精美架，食落仲要好好食，簡直係內外兼修！而且，有好多款口味選擇，我今次食既係椰青味，上層係軟綿綿麵包，中間係滑溜溜既布丁🍮，布丁之間會有少少椰子粒，底層係焦糖汁，幾層加埋既口感好豐富，焦糖汁甜度調得岩岩好，我好鍾意！有機會要試埋其他口味😍