呦呦鹿鳴布丁燒

Open Now

Now Closed

初試鹿鳴，買左個椰爺布丁燒，外賣鋪頭好細心跟隻碟仔同匙，方便客人倒黎食🍽倒落隻碟之後，杯底焦糖慢慢流落布丁，浸埋蛋糕，少女心即時浮現布丁燒有好香椰子味🥥蛋糕濕潤，布丁滑捋捋，仲食到啖啖椰子肉，高質😋😋不過食到尾有d太甜，最好係配返杯茶，應該會好d🤔下次想試埋其他味😋😋

去得葵廣，又邊會食一間咁試，話明掃街，梗係要食多幾間先夠喉🤤我同男朋友分別一人一個嗌左兩隻味，我嗌咗個Baileys味嘅🔞男朋友就叫咗Tiramisu味嘅，留意Tiramisu係只係即食嘅，唔可以外賣嘅！原因係佢會即時灑d咖啡粉係面，如果take away D咖啡粉會溶晒，所以要係現場食！首先講吓佢個口感先，布甸好滑好軟熟，蛋糕濕潤但唔會一pat槳咁👍🏻另外蛋糕同布丁係7:3嘅比例，成個布丁燒都好挺身😚Baileys味係倒出嚟之後會再加少少Baileys酒係面，所以Baileys味真係好濃❤️Tiramisu味加咗咖啡粉好香❤️兩款都好好味下次再試下其他味先👍🏻

✨焙茶布丁燒 ($38)焦糖、布丁同蛋糕既三層配搭好分明 布丁分量亦好多😍食落有少少牛奶味 茶味係後勁先出黎 甜度適中 個人比較推薦茶味底🙆🏻‍♀️🙆🏻‍♀️🙆🏻‍♀️💛-✨朱古力布丁燒 ($38)朱古力味略甜左少少 但亦可接受

日賣200個相當受歡迎店主自行研發多達十種口味布丁燒輪流推出即日新鮮製作，兩小時出一次爐。出爐可以熱食，質感如燉蛋加梳乎厘布丁燒有三層，包括底層輕芝士蛋糕、布丁以及焦糖醬店主不惜工本用靚料製作，好似北海道忌廉、牛奶同埋京都宇治丸久小山園抹茶最好賣係椰爺布丁燒，用泰國新鮮椰青肉加椰青水製作，清甜自然，質感滑溜。咖啡味都好受歡迎，濃郁少甜，抹茶味就有甘甜茶香，連蛋糕都係抹茶味不時會推出特別口味如豆腐、伯爵茶，又會自製雪糕請客人食相當窩心葵芳葵富路7號葵涌廣場3樓TOP世界3069-T5-T6號舖消費$50

今日買咗四款布丁燒，我試咗雲呢拿味，其他味未有機會試😝布丁燒分三層，海綿蛋糕+雲呢拿布丁+焦糖漿，滑嘟嘟好味。店鋪仲好貼心咁提供一個紙碟+匙羹，方便你可以倒出來食，倒出來果一刻感覺好療癒🥰

.‼️❤️ 記得CLICK我PROFILE關注我呀 ❤️‼️.🍮 ⓌⒺ ⓁⓄⓋⒺ ⓅⓊⒹⒹⒾⓃⒼ @ 🌟 呦呦鹿鳴布丁燒《👽食神大媽愛布丁燒》.💁‍♀️ 圖片展示美食為：椰爺布丁燒 HKD 38提拉米蘇布丁燒 HKD 38.👽 大媽最鍾意食嘅就係呢間無人不識無人不曉嘅好味布丁燒 🍮.大媽最推薦每一次都翻兜嘅口味，絕對係椰爺味 😋 真係做得非常出色，中間有椰子果肉，清香得黎甜度恰到好處。.而另一款一定要糖食唔可以外賣嘅就係TIRAMISU味 😍 店員會即場灑上咖啡粉，再淋上咖啡，濃郁香醇嘅布丁就可以慢慢享用架啦 👅.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.📍 葵芳葵富路7號葵涌廣場3樓TOP世界3069-T5-T6號舖☎️ +(852)9176-7426.

好味指數：🌟🌟🌟抵食指數：🤑🤑🤑葵廣最出名一定係掃街，不過甜品選擇唔算多，之前見到呢間舖頭已經覺得個名好特別，今日收工就順便去買一個返去比屋企人✅布丁燒佢每款布丁燒都有自己獨特嘅鹿圖案，淨係呢點都好有心思♥️布丁燒有唔同口味選擇，例如抹茶同咖啡味，第一次就揀咗原味。芝士蛋糕表面深色，食得出淡淡芝士味，口感鬆軟creamy；布丁細滑有蛋味而且唔會太甜，連埋焦糖漿食味道更香唔同日子仲會有限定嘅鹿圖案，逢年過節都會想去買一個～

呦呦鹿鳴布丁燒💛忘憂谷布丁燒(朱古力) $38-層層分明🍮🍰係真係幾好味😋好香濃朱古力味佢上面嘅🍫奶凍好滑同軟有啲似啫喱同mousse中間嘅質地💁🏻‍♀️個蛋糕軟林林好似有少少咖啡味🤤兩樣嘢夾埋一齊好襯👻係真係幾好味嘅不過呢個價錢有啲貴😢🤭-20/8 eat唔寫得好詳細㗎啦💁🏻‍♀️冇影到佢正面添🥺佢正面會有隻🦌因為如果你同佢講喺嗰度食 佢就會幫你反埋🤤但如果你話外賣但結果你又喺嗰度食有機會會食得好狼狽㗎🙈-好味程度：🌕🌕🌕🌕🌑抵嘅程度：🌕🌕🌑🌑🌑服務態度：🌕🌕🌕🌕🌑會回頭率：🌕🌕🌕🌑🌑

📍呦呦鹿鳴布丁燒 (葵芳) 又係我最愛既葵廣布丁燒啦！原來呢間係由一對專誠去台灣學藝既夫婦開設，佢地主打創意口味布丁燒，有多款味道選擇。佢地今次仲新推出左呦呦鹿鳴布丁燒散水餅系列同布丁燒到會，頭痕緊唔知散水餅送咩好既話可以考慮吓呢個呀，咁就可以開心say goodbye lah!! 👋🏻👋🏻𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️焙茶味布丁燒 ($38)▪️朱古力味布丁燒 ($38)布丁燒係由焦糖、雞蛋布丁同埋芝士蛋糕三層組成。雞蛋布丁超級軟滑，而下層嘅芝士蛋糕好軟綿綿，整體口感好豐富。今次試咗兩款口味，朱古力味非常濃郁，加埋面頭嘅焦糖醬，食落好甜滋滋~ 另外今次係第一次試焙茶味，好有驚喜！佢係低糖配方嘅，茶味好突出好清香，而且蛋香味亦都較重，唔鍾意食太甜嘅你一定會鍾意呢個！

宜間布丁燒相信好多朋友都食過，店主專誠去台灣學藝，最近佢地又研發左新創意口味既布丁燒喇😍同未食過既朋友介紹返，布丁燒層次分明，面頭係焦糖，跟住係雞蛋布丁，最底係芝士蛋糕。要食布丁既時候可以倒放係小店俾既纸碟上，震騰騰，賣相好吸引。格雷伯爵茶布丁茶味濃郁，茶香撲鼻。椰爺布丁入面真係有一粒粒既椰子肉粒，好香椰子味。布丁燒食落又香又滑，質感軟綿綿，甜甜蜜蜜。質感拍得住在日本食的布甸，唔怪得之咁多人排隊買。。。呦呦鹿鳴布丁燒葵芳葵富路7號葵涌廣場3樓TOP世界3069-T5-T6號舖。。#呦呦鹿鳴 #布丁燒 #葵廣掃街 #散水餅

呦呦鹿鳴布丁燒係由一對特登去台灣學藝的夫婦開主打創意口味布丁燒當年食既時候都無咁多款味道揀架而家就咁睇都有10款口味揀仲要未計佢嗰啲期間限定味∑(ﾟДﾟ)好欣賞呢啲小店不停會研發新口味因為咁樣先至會進步佢哋仲要年中無休 超級勤力最近推出埋呦呦鹿鳴布丁燒散水餅系列又好食 又影到靚相 仲要平靚正簡直係散水餅嘅首選添啦呦呦鹿鳴布丁燒既層次分明由焦糖、雞蛋布丁和芝士蛋糕三層組成焦糖嘅份量啱啱好會食到焦糖嘅香味但係又唔會令到個芝士蛋糕底索到濕晒而雞蛋布丁蛋香味好出至於個芝士蛋糕底都值得一讚之前有食過幾間其他舖做既布丁燒個蛋糕底索曬水份連Tempa都堅韌過佢值得一讚嘅係鹿鳴絕對沒有呢個問題個蛋糕底究竟點解可以咁挺身架Btw 搵完成間舖都無寫價錢問店員先知$38/個都幾抵食 我哋叫咗三個味焙茶味一食落去個焙茶味好出好醇香但係又唔會甜得滯食落有濃濃嘅茶香喺口腔沁出但係又無茶果種回甘苦澀味Baileys味係港女必食既味呀店員仲會加幾滴Baileys喺表面令到個Baileys未食已經好香一放落口仲正呀簡直係嗅覺同味覺嘅享受椰爺勁香椰子味好似仲有少少食到啲椰肉嘅感覺同埋感覺好清新又唔會好甜食完唔知點解好想食

Bailey🍷 Bailey味嘅布丁第一次見 食落比較甜 個人因為比較怕甜 就唔係特別鍾意呢款 但都有酒香味嘅Tiramisu 🍰因為呢款只有堂食 所以就即場試下啦 面頭鋪滿晒朱古力粉 所以食嘅時候好容易濁親 布丁依舊非常香滑順口 帶有少少焦糖味 另外都食到有少少咖啡酒味 但個人就認為呢款唔係太大驚喜OVERALL: 大推薦😆 (9/10)之前第一次試呢間小店係食咗佢嘅咖啡味 唔知係咪因為第一次食 所以非常有驚喜 今次試咗呢兩款味道比較中規中矩 相對黎講冇咁大驚喜 見到佢推出嘅味道都比較特別 例如有椰子味 下次都會想再試下 個人黎講呢間小店嘅布丁係我心目中嘅top1

味道：⭐️⭐️⭐️⭐️黃店💛葵廣布丁燒專賣店 🍮據聞每一個布丁燒都係日日新鮮出爐👩🏻‍🍳款式林林總總 總有一款啱你口味☝🏻外層仲會印上勉勵既說話🇭🇰❶抹茶布丁燒❷Tiramisu 布丁燒布丁口感滑溜 蛋香味十足🥚蛋糕部分就柔滑細緻 鬆軟濕潤🍰兩者夾在一起又幾過癮🥪🟢 抹茶味係低糖版本 入口香濃帶微澀🌿🟤 Tiramisu味店員就會即場灑上可可粉入口咖啡味重☕️

黎到Top世界人氣最旺盛嘅區域🙈轉角就見到呢間賣布丁燒嘅良心小店💛就緊係要支持下啦！呢到嘅布丁燒嘅口味有10種咁多架🤭而本豬係個焙茶控☺️咁岩呢到都有焙茶味🤤💦💦即刻流曬口水添🙇🏻‍♀️😋今次試左｜焙茶. 茉莉花茶. 雲呢拿｜呢3款😋———————————————#🍻🍖 質素：有✨表示係餐廳嘅人氣之選🍮布丁燒大概分左3層｜雞蛋布丁. 芝士蛋糕. 焦糖汁｜布丁食落非常軟滑，芝士蛋糕好軟冧冧，有淡淡嘅芝士味👏🏻焦糖汁好流質，又唔會太甜🙆🏻‍♀️🍮雲呢拿布丁燒（原味）✨😋食原味係絕對可以食得出呢間布丁燒嘅原汁原味，原味嘅雲呢拿味唔會蓋過左雞蛋味，兩者都平均得好好👍🏻🍮茉莉花茶布丁燒（低糖）茉莉花茶都有驚喜！花茶味低調得黎又幾出味🙈味道好清新🌱🌸仲要係低糖之選👍🏻🤤食呢款布丁燒一定唔會有罪惡感😂🍮焙茶布丁燒（低糖）輪到壓軸嘅焙茶喇🎉🥳🍾焙茶味濃郁，同樣係低糖之選，所以唔會比甜品搶曬Fo，茶味更突出😋食完絕對想再食多幾次———————————————🐷豬頭評分：小總結：呢間確係良心小店之中比較高質素嘅一間💛店舖嘅裝修設計都偏文青feel，牆上面都有啲好精緻嘅圖畫🦌小店都好細心整左張指示牌教大家點食個布

本來想即刻食㗎但太飽了😂😂😂所以買咗外賣返屋企食。又係有好多款式，選擇困難症表示辛苦😂😂😂朋友鍾意食茶味，所以最後揀咗一個鐵觀音味～一個貼住人氣No.1牌仔嘅咖啡味～※ 鐵觀音布丁燒 $38茶味好香! 佢重要係低糖咖💛配埋布丁&焦糖～好味道🤤※ 回魂布丁燒(咖啡) $38佢個咖啡味係以前細個食meiji果隻咖啡糖味嚟㗎～😍對比起鐵觀音，咖啡味會濃味d&甜d! 唔係咖啡控嘅話可能會覺得咖啡味太強勁～┈┈┈┈┈┈┈┈┈┈┈┈已經默默決定咗下次要即場食佢個Tiramisu味🤪💛正～