呦呦鹿鳴布丁燒

Open Now

Now Closed

今次葵廣掃街發現新甜品鋪，係賣各式各樣既布丁燒。雖然口味好多，但我始終都中意抹茶，所以諗都冇諗就揀左佢，果然冇令我失望。佢抹茶口味濃郁，之後有啖啖回甘，完全冇死甜，而且布丁燒口感滑滑，食到唔停口，下次黎一定要試埋其他味

聽過呢間#布丁燒 無數咁多次😂佢哋有好多味道俾大家選擇😚椰青味好似好正🤣👍🏿 ——————————————————————————————☕️焙茶布丁燒 $38請店員幫手倒轉倒出嚟🤣上面係份量剛剛好嘅焦糖醬🍯布甸好幼滑 軟淋淋 但焙茶唔濃 更冇茶嘅回甘😵‍💫有少少甜味咁〰️底下嘅蛋糕好濕潤🤤一啖食晒口感好正🥳同埋佢唔太甜🤎🤌🏻7.3/10—————————————————————————————#為食tips👻 希望焙茶味可以再濃d！咁就perfect了

葵涌廣場小店林立，其中呢間呦呦鹿鳴布丁燒，呢間小店一直都好出名。今次終於有機會買嚟試下😚😚一個甜品裡面又有蛋糕又可以食到布丁(一次滿足三個願望🤟🏻)，布丁燒表面全部都有唔同圖案，口味都有好多選擇:1️⃣椰爺布丁燒新鮮椰青同椰青水，布丁係有陣陣好清既椰香，唔會太甜，會食到果肉，好清新特別，一d唔膩。蛋糕部份都好鬆軟，果然係招牌。👍🏻2️⃣Earl Grey布丁燒面層係少少苦ge焦糖，布丁部份食到伯爵茶既茶香，低糖配方，讚🥰3️⃣抹茶布丁燒抹茶粉係上丸久小山園既青嵐，抹茶味道濃郁，有少少回甘，好特別。總括嚟講，布丁部份味道不錯，入口順滑，非常有口感。價格有都可以， 口味有好多種類😍😍滿分5粒星🌟—————————————-環境：🌟🌟🌟味道：🌟🌟🌟🌟服務：🌟🌟🌟CP值：🌟🌟🌟

Tiramisu Pudding 😊❤️好好食啊！十分推薦大家食！滑滑布甸加埋Tiramisu香味除左布甸仲加上一層芝士蛋糕口感層次豐富一試難忘📍呦呦鹿鳴用餐價錢:以下評分，五💛為最高味道:💛💛💛💛賣相：💛💛💛環境：💛💛💛價錢：💛💛

經過葵涌廣場，想吃甜品😋，就會想起這裡人氣高企的布丁燒🍮，它們有很多款不同口味，包括: 椰青、咖啡、抹茶、雲呢拿、朱古力、提拉米蘇(堂食)、伯爵茶和Baileys等等，全部都是每天新鮮出爐的自家製布丁燒🍮，有冷、熱選擇，熱食時會更加之鬆軟。🥥🍮招牌椰爺布丁燒 HK$38椰爺是店鋪招牌口味，採用新鮮椰青肉和椰青水製成，共有三層。面層淋了不太甜的焦糖漿，中間是好彈滑的椰子味布丁，下層是用100%北海道做成的輕芝士蛋糕，芝士蛋糕質地較濕潤。雖然椰青味唔太突出，但這3個組合加在一起口感十足，味道亦非常夾，是屬於比較清新味道。📍呦呦鹿鳴布丁燒🇭🇰葵芳葵富路7號，葵涌廣場3樓3069號T5-6號舖Shop 3069 T5-T6, Top World, 3/F, Kwai Chung Plaza, 7 Kwai Foo Road, Kwai Fong, Kowloon, Hong Kong

呢間之前經過葵廣都想試好耐，因為佢幅牆畫得好靚，但搵勻成間鋪都搵唔到價錢，要問店員先知價錢😅🍮椰爺布丁燒 $38呢隻係用新鮮椰青整，食到粒粒椰子，佢有焦糖、雞蛋布丁同埋輕芝士蛋糕，個芝士蛋糕係就係食到粒粒椰子，但我覺得咖啡味濃過椰子味，揀堂食會幫你整埋布丁出嚟，我未影相已經整左😢，佢個芝士蛋糕啲字幾靚，係就係幾好食，有啲少貴

黎葵廣掃街當然要上3樓TOP世界掃街，個度簡直係黃店天堂，小食🍢甜品🧁飲品🥤咩都有，同路人快d去支持下😋—————————————————📍椰爺布丁燒 (7/10)一啖放入口就有3種層次既口感🍮頂層係香濃既焦糖醬，但係份量岩岩好，唔會太膩。中間係滑嘟嘟既布丁滲出濃濃既蛋香味🥚，口感幼滑。底層以100%北海道芝士製成既芝士蛋糕🧀，而且加入新鮮既泰國椰青🥥，綿密濕潤之中帶有清淡既椰子味，更加襯托出濃郁既蛋香同芝士味。可惜椰青粒粒反而破壞左布丁細滑既口感。原本嫩滑既布丁但係宜家要咀嚼裏面既椰青。

布丁燒係我其中一樣好鍾意食既甜品，一個甜品又可以食到蛋糕，又可以食到布丁，真係好開心好滿足，葵廣呢間🦌布丁燒既人氣絕對唔會輸卑🦉，黎到一於試下店舖位於葵廣3/F TOP世界入面，牆上既彩色手繪畫將唔同口味既布丁燒都畫左係牆上，真係又靚又搶眼椰爺布丁燒係呢度既signature，用上新鮮椰青同椰青水製成，布丁係有陣陣好清既椰香，味道真係好清新好特別，一d唔膩Earl Grey布丁燒面層焦糖既微苦，伯爵茶既茶香，兩者都無搶到大家既味道，用上低糖配方，我鍾意抹茶布丁燒抹茶粉係用上丸久小山園既青嵐，布丁抹茶味道濃郁，aftertaste係有點回甘既味道我覺得🦌布丁燒食落無🦉布丁燒咁膩，較輕盈，口味亦都較多，我自己就鍾意🦌多d不過負責收錢個位女士d態度就有點唔憂做既感覺，明明自己聽錯左仲忟過我，可能生意太好都做得辛苦，希望佢下次可以笑多d，唔好咁唔耐煩同咁黑啦😣

葵廣必食甜品🍮✅呦呦鹿鳴布丁燒呢間布丁燒已經幫襯過好幾次🤣每次去親葵廣都會心思思想食幾個味道我都食過 唔錯🤣佢呢到既布丁燒唔會太甜 而且keep住都會有唔同既新味😆🔆椰爺布丁燒 $38一食就已經好重椰子味面頭既布丁好香唔會太甜中間會食到一粒粒椰青果肉 最後既蛋糕都好鬆軟🥰一啖有哂唔同口感 好幸福🌸☺️味道: 3.9/5賣相: 3.5/5

唔知大家鍾唔鍾意掃街呢？我自己就好鍾意啦😍因為可以試唔同款式嘅食物🤗今次嚟到掃街之地～葵涌廣場😝我哋兩個人唔算食咗好多今次就暫時推介住部份先la～葵涌廣場有太多值得推介嘅美食❤👍🌟呦呦鹿鳴布丁燒 ＄38布甸燒有多種口味，例如：椰青 咖啡 朱古力 抹茶 茉莉花等今次我哋叫咗朱古力味👅布丁燒嘅口感特別第一層布丁好厚實下面嗰層有少少鬆軟嘅蛋糕質感加埋少少黑糖漿配埋一齊有一種甜絲絲嘅感覺🥰鍾意食甜品嘅你一定唔可以錯過❤美味指數：⭐⭐⭐⭐價格：⭐⭐⭐

葵涌廣場有好多小食店，其中呢間布丁燒小店好出名。我好耐之前已bookmark咗，最近終於有機會買嚟試下。布丁燒有好多口味選擇，第一次食所以揀咗一個原味（雲呢拿）。我好鍾意食茶味嘅甜品，所以就揀咗一個伯爵茶味同一個焙茶味。布丁燒表面有有鹿圖案，而且杯杯都唔同，好可愛。芝士蛋糕表面比較深色，食得出淡淡芝士味，就咁食蛋糕的話會覺得有少少乾，濕潤少少會更好。如果有食過另一間布丁燒名店，有比較之下就覺得個芝士蛋糕體有進步空間。布丁細滑有蛋味而且唔會太甜。伯爵茶布丁嘅佛手柑香味突出同蛋味好平衡。焙茶布丁茶味濃郁，如果下次再幫襯都會揀焙茶味。原味布丁即係雲呢拿味，見到布丁表面有雲呢拿籽，應該係真材實料而唔係用雲呢拿香精，比起其餘兩款茶味，原味令焦糖味同雞蛋味更加突出，同芝士蛋糕都最夾，所以個人認為原味（雲呢拿）最好味。之後睇其他人分享先知道原來有一款椰爺布丁燒，布丁有椰子肉，聽落好特別，下次去開葵芳再買嚟試下。

又嚟到葵廣掃街，今次想試下食啲上次冇食到嘅鋪頭，路過手捲店嘅同一層見到有一間好多人都會買嘅布丁燒，所以自己都去咗試。見到佢有好多嘅味道有，雲呢拿，抹茶同焙茶等等。味道佢哋有一隻tiramisu 但係要即刻食先得，因為我外賣所以就買咗個焙茶就算啦。不過價錢都唔算太平，兩個都七十六蚊而且份量都比較偏少，店員好貼心比餐具同埋一個碟仔，方便到出嚟食，拎到返去見到一隻鹿仔嘅圖案喺布丁上面顯得更加可愛，食落去感覺到布丁同蛋糕個味道好夾，茶味都好重，下次會試下其他味道。

星期三放工去左葵芳新都會食飯順便行埋隔離既葵涌廣場買布丁燒布丁燒每日人手新鮮製作 (放雪櫃可存放兩日)有好多款唔同口味，例如雲尼拿、椰子、朱古力、抹茶、咖啡等等 ($38@)最後我揀左雲尼拿同椰子味外賣返屋企慢慢食椰子味好有驚喜估唔到入面有椰肉粒食下食下忍唔住食哂成個雲尼拿味都好香用左雲尼拿籽整真係好香下次要試下其他口味先

<布丁燒有好多口味，但我都分唔到邊樣打邊樣，最叫店員是但幫我執4個就算數，埋單幾錢我都唔記得左😂抹茶味布丁燒布丁燒主要分三層，第一層係好香抹茶味既蛋糕，入口軟綿綿，唔係太甜，第二層係抹茶布丁，入口細滑，好好食👍，第三層係焦糖，個人覺得有d過甜，就算3層一齊食都係甜左少少👌。所以最後我都係將其餘幾個塞哂俾屋企人食😂😂

經過呢間咁出名嘅店鋪，梗係要買佢嘅出名之作啦。呢個係雲呢拿布丁燒，上面嘅鹿鹿圖案好可愛呀未食已經有心動嘅感覺啦。外賣餐具附上一個碟仔，可以用黎反轉布丁燒，慢慢食，非常貼心。布丁燒包括三層: 焦糖，布甸同芝士蛋糕。味道好夾，焦糖夠甜，布甸夠滑，芝士蛋糕略濕，配合起黎好食。下次可以試埋其他味道。