味尖小廚

Open Now

Now Closed

晏晝叫咗個生炒牛肉飯，飯有少少濕，不過味道算係可以，份量適中，湯就好鹹，午市套餐算係咁，唔期望有啲咩好嘅食品質素。環境方面：裝修算係比較新，不過間廁所對著幾張檯，完全冇隔開。唔知近廁所嗰幾檯有冇味⋯服務方面：今日一入到嚟，我見有位侍應收緊餐具，諗住落埋單，見佢仲收緊嘢諗住等佢收埋先，等咗幾秒佢收完跟住態度極差咁喝我「嗌啦」，完全冇晒心情，呢位侍應可能係老細，其他侍應又好似冇呢個問題。第一次有咁嘅經驗，好少寫負評，唔會再食呢間，真係不了🙏

開完會, 剛好三點半，記得附近橫街小館有下午茶！記得餐牌註明無味精，叫了上次魚腐米粉，沒有米粉，只好叫米線少米線，味道不錯，但米線不太新鮮，比較 “淋”, 口感不太好！這次只能給 OK, 不好意思哦 ！

記得此店在新開張時有幫襯過，味道超咸之後再無去過，近日見谷友推介此店就比多次機會佢。晚飯叫了一個西蘭花抄帶子，等了約8分鐘飯餸來了，賣相都正常只係比較細碟，帶子是平價的小帶子，而西蘭花的份量超小，味道方面今次咸度適中而味道算不錯。本人是湯精，本以為晚餐有湯送，但佢地晚餐只係湯或餐飲真是有點失望(左近的茶記都有湯及餐飲跟)。見其他食客有叫湯看來應是味精水，算了叫了個凍0T。整體來說一個餐跟凍飲要八十多元，以土瓜灣來說算是很貴，不過佢味道有進步

原本想話行去葉記大排檔食飯, 但實在太熱, 唔想行太遠, 亦唔想去老板娘成日鬧員工嘅聯發, 結果得番一個選擇.....點咗半隻薑蔥霸皇雞, 西蘭花炒鮮魷.優點 : 1, 環境乾淨易搵位.2, 餐廳侍應服務唔錯, 同D客有講有笑.3, 霸皇雞肉嫩.缺點: 1,不論霸皇雞同西蘭花鮮魷, 份量過份地少! 西蘭花竟然得果四舊! 望望餐牌, 價錢又唔係特別平, 中伏感強烈!2,味道控制又出問題, 自問已經中意重味, 都覺得西蘭花鮮魷重手咗, 但霸皇雞又輕手咗唔夠味, 結果將霸皇雞捞西蘭花! 3,冷氣嚴重不足! 其實餐廳唔係無開冷氣, 係經常中門大開但唔理, 走哂冷氣開冷氣黎做咩呢? 之前幫襯都無咁差, 點解愈做愈走下坡架? 唉…..

今天下午去靠背壟道一家小學開會，離開時往馬頭圍道方向走，有點肚子餓，經過一條橫街，看看外面貼著的餐牌，寫著下午茶無味精魚腐湯米 (可以選擇米粉、米線、河粉、麵)，對我這類味精過敏的人，就一定要試試，哈哈！落單姐姐幾友善，除了湯米，我還可以點有餐肉煎蛋和餐茶！細細碗，魚腐只有一個 (比普通魚蛋大很多), 口感都幾得意，不過沒什麼魚味，湯底的確沒有什麼味精，$34 ($33 + 轉多士加 $1，嘻嘻)！$34, 不錯了！價格合理，起碼不是味精湯 ！

望望個餐牌，只得滑蛋豬扒飯啱心水，求戀期點一個就算.原以為滑蛋只係一個水晶芡汁加少少滑蛋嘅貨色，點知嚇一跳，真係滑蛋鋪滿飯面，簡直係日式煮法！滑蛋夠軟滑一D都唔老，驚喜.吉列豬扒係分開上，外脆內軟，可惜嘅係豬扒薄咗D.店鋪冷氣足夠，而且侍應服務態度良好，攞翻唔少分.

做野經過見到入內試，味道還可接受，但份量真係少得可憐，海南雞飯得3塊雞肉，接受唔到。環境係唔錯，新裝睇落都好乾淨，落單員工死多用，叫野食問幾次食咩，感覺唔係幾好。

土瓜灣小店之住家風味晚餐🍚🍜******************************晚飯小炒，食落有住家風味，太太的味道本身小編就中意支持下香港小店，行經土瓜灣發現呢間小店，侍應好有禮貌又體貼，會問客人「天氣凍喎，會唔會上左個湯先暖下身？」小編的lonely dinner叫左西芹炒鮮魷有埋白飯份量合理，食材新鮮，老火湯無味精確鮮甜價錢方面，晚飯黎講，算係合理本身有湯附送，凍飲都係另外加多$2推薦大家一齊支持香港本地小店哦

味尖哩個鋪位，自從蘇記麵店無做之后，都唔知轉咗幾多手，轉手之后一直無幫襯，原因係新店經常關門，或者好奇怪地夏天時節開大隻門無冷氣，點會幫襯啫！今次經過，見到轉手之餘又有煲仔飯供應，於是乎試試新店出品如何先！點咗個荔芋排骨煲，加潤腸！荔芋同排骨係水準之作，重點係飯焦，飯焦份量唔少，脆口，再加上排骨透出黎嘅豬油，掂！只係份量少咗d囉....