味皇小廚餐廳 (Closed)

唔係因為lunch time 我真係餓死都唔去先講座位每次入到間鋪 收銀都好敷衍-->埋便有位 有位?! 一行六人分開座都叫有位?! D伙記次次都話->行入D有大把位 間鋪基本係長方形 係門口都見到最後個行 佢真係當人盲 再唔係就夾梗收起人地碟野 逼人地走食物有時老細聊去食早餐 咁梗係佢話事去邊就去邊la~ 早餐個份多士 隻碟個d洗碗水都未乾 就放件多士上去 成件多士都索晒個d洗碗水 試過叫佢換 佢就換隻碟比我 敷衍到爆我都明白lunch time係好忙、好趕 但係…試過叫豬軟骨、魚蛋粉麵 兩份都係凍 份豬軟骨係個d汁凍 最誇張係魚蛋個芯係冰 完全唔可以食 叫佢換 佢真係收起再煮 比番我個份 竟然有我頭先咬開左一半個粒魚蛋law 外賣我公司係佢地隔離 試過叫下午茶 3點幾叫 5點3先到 半個鐘都話 成個鐘都唔知係咪真係咁好生意呀~其他有時入到去問佢攞杯茶 次次都話等陣 等到食完都未有 再唔係叫佢落寫野(落單)、抺枱 又係等陣、等陣 總知就係超超超敷衍 再唔係就一路幫我落單 一路好敷衍咁招呼新客(埋邊呀~埋邊呀~) 跟住就唔知我落咩單 佢問我講 佢問我講 佢問我講 講足5

呢日趕時間，唯有去附近食野快快脆脆走人。我地叫左一個豬軟骨魚餅撈粗同一個海南雞。ｄ豬軟骨都幾好味，唔算太硬，但ｄ粗麵就拿埋一注，個魚餅就普通，但佢送個有機芽菜就幾清甜，應該冇乜味精。個海南雞都幾滑，飯有椰油味，但個芥蘭就腍左ｄ，唔夠爽。服務方面就一般啦，可能因為太忙，但佢個冷氣真係好勁，一陣間就吹到ｄ野凍晒。

今日差唔多成3點幾先食lunch,唯又去英皇道。叫左個蛋白海鮮炒飯（少油），等左幾分鐘，見到賣相都唔錯，上面有ｄ７味粉，但本人就唔喜愛，無辦法！都有好多材料嫁，例如：蛋白﹑八爪魚﹑魷魚﹑蜆肉﹑蝦等等，食落去口感都唔錯，但我都係覺得太多油，如果有少少菜既話就會好好多，健康ｄ！

昨天再去, 服務態度仍然惡劣與朋友去, 我叫了一個"蕃茄濃湯通粉" 我朋友叫了 "晚餐連湯"先來了通粉.... 又失望!!!! 什麼叫"蕃茄濃湯"呀?!!??! 唔識整就唔好扮勁啦!! 人地d "蕃茄湯" 就算濃唔濃, 你都知道係"煲"出黎o既, 佢d "蕃茄濃湯" 係用普通o既味精湯(不是蕃茄湯)然後放一"pat" 蕃茄醬上面囉, 唉... =__= (d蕃茄醬係好似焗蕃茄豬扒飯o個d蕃茄醬咁, 但係勁咸)...... 算啦, 都係三十幾蚊, 快快食完就走啦......但係我朋友個飯仲未到..... 個湯飲完, 我個通粉都食完, d野飲都飲左一半, 佢叫o既係晚餐 (什麼煎雞扒飯加照燒汁多飯), 話明係晚餐, 六個set好哂o既餐入面揀左一個, 有冇理由要整咁耐呢.... 懷疑漏單見有個阿姐行過, 問佢" 阿姐呀.... 個飯..." 我未講完, 個阿姐就大大聲o個度嘈" 我知呀, 個飯丫麻, 整緊比你啦, 係耐少少o架喇!" 然後就走左, 仲要答多一句"煲仔飯係耐do架啦!!" ....... 但係佢完全無意識同我check單, 我同左講佢一句" 唔係煲仔飯喎"

約兩星期前第一次惠顧, 今天才寫因為昨日再去, 情況依舊, 氣難下我點了"沙田雞粥(走蔥) + 蠔油撈粗套餐", 先來了個粗麵, 對此店"推介" 的撈粗, 自然有所期望, 但事實是非常失望!!!! 硬, 重鹼水味, 沒有鮮味, 只得咸味, 麵條黏黏的..... 分量, 只是得正常之一半.....戲肉來了.... 食了一半撈粗, 有個阿姐走來, 問 "小姐呀, 碗雞粥落左蔥呀.... " 我回答: .........um.... 沒所謂, 你可以幫我"不"走嗎? 阿姐: "不"唔走呀, 放左落去一齊煮呀....我答: " 下..... 但係我唔食蔥o架喎........" 然後再多兩個阿姐圍住我地: 真係"不"唔走呀! 我朋友見個場面有d彊就開口: 阿姐呀, 唔好意思, 佢真係唔食蔥o架阿姐再講: 但係呢碗係最後一碗喇, 入面冇粥喇我朋友: 咁我地唔要, 你幫我cancel丫然後d阿姐走開左.... 我地正睇緊有咩可以再叫o既時侯, 有個阿姐走黎放低左碗冇蔥o既粥乜唔係得返最後一碗咩?! 好明顯呢碗係新o既!! 根本係佢地做錯野就講大話屈個客食~!!! 不

驚喜, 快餐店居然有這樣健康的早餐供應。$21 ~ 無糖麥皮一碗 + 蕃茄旦白三文治一份 + 熱飲一杯。有別坊間用鍊奶開的麥皮, 這裡的無糖麥皮真的一點甜味也沒有 - 它有錬奶麥皮的滑滑, 卻沒有鍊奶麥皮的甜味。它的蕃茄旦白三文治, 真的一點旦黃也沒有, 新鮮煎起的旦白, 熱辣辣, 煎時沒有加鹽, 所以也是淡淡的健康味道。不要蕃茄旦白三文治嗎? 可以改為單料三文治一份, 如 : 腿治、芝士治…。我要降膽固醇, 熱飲只能喝無糖熱檸水, 不刺穿檸檬片就不會酸, 不酸便不用加糖。同事坦言受不了我這個 “無糖麥皮早餐”, 怕它的寡。我為健康, 沒有辦法。難得茶餐廳有這樣寡的健康早餐供應啊, 要讚一讚。

2009年9月9日，好多新人揀長長久久去結婚。我同蝦子餅就因為我要趕功課關係，叫.....外賣!!!! 是晚餐單﹕海南雞飯﹕雞算幾滑，但雞胸就略鞋；飯好入味，又夠腍，食清光湯﹕不知名瓜湯，幾好，唔知係咪有好多味精熱奶茶﹕好少晚上飲奶茶，因為擔心瞓唔著，但今晚要開夜車，所以叫了奶茶頂住；味道都ok，但不叫非常好咖哩牛腩飯﹕牛腩超腍及入味，入口即溶，一流!!!! 咖哩亦很香!!! 不錯不錯!!!凍檸茶﹕ok!其實佢個餐牌好多選擇，質量都幾平均，很少會失望。

先前來過一次，印象不錯，只是沒寫食評。今次再次光顧，一定要寫食評了。餐牌的選擇多到嚇死你，基本上你響茶餐廳可以食的都有得選，而且配搭極多，選食物三心兩意的人，見到這個餐牌一定五分鐘也不會下得到決定。說回食物，我叫的是下午茶餐，馬來亞咖哩牛腩焗飯 + 利賓納啫哩冰。焗飯好大碟，咖哩頗辣，但牛腩太少，得幾粒，好快就要用咖哩汁送飯。利賓納啫喱冰，啫喱份量不少，但反而利賓納太少，唔夠喉。總括︰如果改善份量太少的問題，將會更抵食。

呢間野之前岩岩開果陣都仲好好 後來越黎越PK先講佢送外賣速度 早餐變午餐 10點鐘叫早餐居然11點先送黎仲要我地間公司係正佢地斜對面 因為北角無乜茶餐廳 所以夾住公司多數叫佢地講食物同衛生 簡直係差中之霸今日岩岩食個司華力腸加餐肉煎蛋上到黎 條司華力腸居然係酸既我咁大個女都未食過酸既司華力腸囉之前有同事叫左個西煎雙蛋+腸仔 +多士結果送到上黎條腸仔係非洲黎架囉 炸到成條燶哂都仲俾人食同事諗住食多士 結果又係燶既仲有個同事依家直頭怕左呢間野食完佢地個早餐痾足一日

日前經網上搜尋器推介「福元湯圓」，專程到附近一帶搵食。當然湯圓只是甜品，唔能夠(其實係唔足夠)裹腹。太座話近近地醫咗肚先，筆者路經此店，見一個叫「沙田雞粥加蠔油撈粗」套餐大約三十蚊，好似好抵食，就行咗入去。除咗叫咗上述套餐之外，太座還點了「鴨胸冬菇蕃茄湯麵」。太座嘅選擇唔錯，一碗大既廿蚊，用料也算得上豐富，配合蕃茄湯底，有冇落味精不能確定，但就算有份量應該也很輕微。至於筆者叫嘅套餐，有數處不足。首先粗麵嘅鹼水味未能完全清走，而且麵條有點煮得過火，使麵條黏黏的，破壞口感；雞粥中嘅粥「水了了」，完全唔綿，火路不夠，米粒仲係呈現粒狀，係粥與湯飯之間嘅物體。雞皮鮮黃色，十分唔自然，有如塋光，有點恐怖，可能打針過度啩。兩人共花費大約五十元，太座嘅評價肯定比筆者高出很多。

放工見肚餓，整個麵，叫了一個雲吞撈麵，肥姐姐問我要粗麵定要幼麵，要粗麵啦！點知送到來變成魚蛋撈麵，聽到一聲唉！男夥計問我乜事？我話我唔係叫魚蛋撈麵，夥計話唔好意思，幫我轉，我話唔駛，雖然我唔係順德人，但我都順得人，既來之則安之，照殺！粗麵撈埋蠔油都很夠味，麵爽而無鹼水味，有四粒魚蛋和三塊魚片，都很彈牙，湯亦不錯，$20 不貴。這裏還有中西食品，煲仔飯等，下次來試試他們是否樣樣皆能。

難得去北角，食了雞蛋仔後，還有少少肚餓，於是在附近找東西吃，女友話之前吃過這食肆覺得ok，所以來試多一次。我們點了一個dinner set，有一個忌廉湯、雞扒豬仔骨飯加檸檬柑桔。忌廉湯不夠熱，沒有料，但個飯幾好，雞扒即炸，夠新鮮，豬仔骨幾有蜜糖味，都幾大塊，個汁甜甜的，幾開胃，杯檸檬柑桔就不夠柑桔味，檸檬得一片，不過有七粒核。這餐三十五元，幾抵，可以再吃。

日期：2007年11月25日新開張一段時間，今日先至有機會去試下．聽朋友請，都okey架喎．牛扒磨菇腸意粉：一片片既磨菇腸，好爽口，ｄ野食真係唔錯哩．冬菇磨菇腸米線：番茄湯底好入味，好好味既磨菇腸啊．