味真盞

Open Now

Now Closed

本身住呢個屋苑好耐，老實說，真係好少上二樓行，住咁耐都無幫襯過呢間，亦唔多覺二樓有野食，依家好似新開左間咖啡店，而今日拎淘寶咁啱見到呢間，決定試試。睇相都知係頹，但頹得來有心機，野食係即叫即整，要等10分鐘左右。9菜水餃係自己包，屋企味度，唔會重味精，亦夠大碗。牛扒併餐肉煙肉飯（餸可自選）,黑椒汁，用料唔會有什麼特別，但勝在材料無雪味，而且牛扒唔韌無根，黑椒汁調味不錯，整體算好食。個飯送紙包飲品，如要罐裝加3蚊。成件事80幾蚊，呢個質素，CP值唔錯，街坊街里唔挑剔的話多個好選擇。起碼一定抵食過樓下呀一豬扒同果間酸辣粉，好食過果間兩餸飯同佢對面糖水鋪。

今日經開呢個小區，係一個住宿商場發現呢間小店，呢間小店得一個人打理。舖頭細細但門口都有一排枱椅可以坐，大約坐2~3個人。見d野食都算平，大部分食物都係$20以下，所以就買個豬扒包加$4加蛋。怕肥既我，叫左店主走沙律醬，店主就建議我落蕃茄醬，令個包既味道無甘單調。等左5分鐘就有得食la~ 個包既size都吾細，好似平時d熱狗既size。個包有煎一煎，外脆內軟。食每一啖都食到肉同蛋，估吾到蕃茄醬同豬扒包又幾夾。