味苑 (Closed)

老闆話請食飯😁 揀咗喺公司附近嘅味苑，燒味飯就食過啦，今次嗌一圍餸......同大家分享吓食咗d咩先🤤醉香流心蛋併胡痳茄子塔-有d似日式前菜，冷盤嚟,幾新奇上湯虎蝦鴛鴦底-上枱賣相好靚👍鴛鴦底即係米粉餅X伊麵，好有新意，米粉餅個個都讚，蝦亦好新鮮～潮爆鴛鴦咕嚕肉-上枱個吓嘩嘩聲！好似食神個心字甜品啊😂🤣咕嚕肉分西式醋製及山楂製，兩個都做得好好味，同出面個d完全唔同，唔會過酸，肉質都保留到軟熟口感😍雙弄牛魔王- 酥炸牛坑腩 X 鮮胡椒炒牛肉, 牛坑腩拎去咋都係第一次見好鬆脆，肉好淋👍鮮胡椒炒牛肉， 胡椒味唔係好濃，酸酸甜甜幾好味羊肚菌螺頭燉湯- 好清甜嘅燉湯，好足料，正😋大極骨香海星班- 一魚兩食，有 避風塘炒同唔辣嘅炒法，兩款都好正👍松露鮑魚一口飯- 無論賣相定味道都無得輸！鮑魚好入味，炒飯好香，大人細路都食晒。最後有個精緻豆腐花甜品-真係用刀切到好似蒲公英咁😮好靚好利害👍

今日約埋一班媽媽們食飯，去咗荃灣喱間食肆，朋友話這兒的中菜別具特色，賣相又一流，一於一齊去試下，一共有九道菜席前小食：醉香流心蛋併胡麻茄子搭賣相不錯，囡囡一見到個蛋就話要食晒佢上湯虎蝦鴛鴦底一上菜，囡囡就嘩嘩聲，話食蝦好大隻潮爆鴛鴦咕嚕肉最愛這道菜，酸酸甜甜，中間黃色的以為是裝飾，原來是用麥芽糖做的，賣相一流雙弄牛魔王牛肉相當嫩滑，兩種煮法，都一樣好味羊肚菌螺頭燉豬𦟌這湯一流，熱騰騰，羊肚菌的味道好出，但又蓋不過螺的鮮味，囡囡爭住要飲太極骨香海星班兩種口味，一款辣，一款唔辣，照顧到不同口味的人鮮魚湯黑杞子浸時蔬食到這道菜開始飽飽地，所以上菜次序都緊要，在這時上一道不油不膩的浸時蔬，不錯味苑鴛鴦走地雞兩款看似簡單，但食落唔簡單的走地雞，屋企應該煮唔到這味道，切雞嫩滑，豉油雞味道香濃松露鮑魚一口飯通常去飲宴啲炒飯會唔想食，但見到這個賣相的炒飯，都會想食埋佢，你話係咪？！最後來個甜品，以為係普通的糖水，點知係咁靚嘅豆腐花，係係一朵朵好靚嘅豆腐花，刀功一流，勁呀！囡囡一向對食無咩無咩興趣，點知佢都差不多由頭食到尾，食得津津有味，值得推介!

荃灣附近食lunch食到悶悶地，就去返之前成日食既味苑！味苑出名燒味，所以通常我地都係食返招牌菜🤓不過坦白講，佢既水準的確十分參差，好壞參半！以今次為例，佢既叉燒就干咗啲同瘦左啲😢😢😢燻蹄都尚算ok,keep到水準，皮爽，又唔太油膩👍不過佢個燒腩仔真係好唔掂😩😩😩首先，最主要既皮完全唔脆，「淋」晒一啲都唔好食，啲腩肉仲有少少「鞋」，十分失水準👎🏻油雞都ok,好入味，配埋薑蓉一流

每次想食燒味飯就會諗到味苑❤️因爲佢既燒味真係好好味👍🏻每次都會叫燒肉+叉燒💕簡直係絕配👫今日入到去一坐低竟然話比我地知無叉燒+燒肉😨Omg...呢個消息好震撼😭超級失望😞兩樣都無得食🤦🏿‍♀️佢地既伙記都好有禮貌同我地講：唔緊要..你地可以睇一睇餐牌再決定😌係我地睇緊餐牌既時候聽到話有返叉燒😍生命滿希望❤️我地二話不說揀左叉燒切雞✌🏻要食到好食既燒味並唔係咁容易👀叉燒肥瘦適中..配滑滑既切雞👍🏻正🐒今次仲要有雞脾食🤤下次再食燒肉🐷

，帶個客嚟食飯，一般嚟味苑只是食燒味飯但今次就叫小菜。之前未喺味苑叫個小菜，所以中唔係有特別大嘅期望，就點咗一般食嘅燒味啦，燒鵝叉燒燒肉同埋，燒鵝又脆又香燒肉入口即溶义燒又膿邊又半肥瘦又個煻醋⻣好脆，味道好出色炸牛腩

我平時唔寫食評，不過今次真係要寫，個app load唔到幾次，而我要重打幾次都要寫。我哋有3個人，入面好多細空枱，但佢竟然安排我哋坐樓梯底。幫我哋落菜嘅男員工(應該係經理)態度極差，都唔想答我哋。同佢講唔好落菇類，佢就話個餸不嬲都冇菇。大佬，提你唔好落，你只需要回答：「係，呢個冇菇嘅」就可以了。真係想兜巴星佢。百幾蚊一碟淮山雲耳炒百合，竟然可以咁細碟。如果佢係做高級嘢，唔該擺靚啲啲餸。擺得唔靚都算，伴碟沙律菜係霉嘅，霉到黑同一pat pat咁。雲耳4片左右，百合可能數埋得十幾片非常非常細細片。我要淮山雲耳炒百合，佢用好多切到細細粒嘅bell peppers炒埋一齊，放在碟底，令到盤野睇落可能大碟啲(但都好細碟)。睇圖就知啲沙律菜唔食得。第二碟係士多啤梨骨。啲伴碟菜一樣是黑邊的。第三碟脆皮豬手。呢碟比較好，但我哋一早就問咗佢係唔係真係脆，男員工完全在應與唔應之間(即是有點反白眼、有應好似冇應咁輕微點頭)，但係碟豬手黎到淨係有一點點點脆。結論係唔會再入黎第二次。coupon唔洗俾我哋喇，多謝。佢哋嘅態度決定咗佢哋嘅。。。食完3百幾落樓都唔知食咗啲乜。

今次喺荃灣飯聚，唔想成日食連鎖餐廳，喺openrice左睇右揾，發現呢間評價幾好，朋友和議就訂位了。見食評人推薦燒味，於是叫了蜜汁叉燒同燒鵝皇，好彩叫得早有得品嚐，因為坐坐吓聽到燒味師傅大叫停鵝皇。叉燒汁多肉嫩，如果有少少肥，仲正!燒鵝唔點醬都好好味，肉多，皮脆，真係啖啖肉!仲有龍蝦伊麵，份量十足，肉夠多，茨汁香濃，伊麵又足料!另有小食拍青瓜，原來辣辣哋，同平時冇辣比，又幾清新!清湯蝴蝶腩，牛腩好味又夠'林'，又啲肥(並不是肥膏嗰種)又有啲筋，但我反而中意蘿白(清甜入味)同香芹(芹香脆嫩)。店內有卡位同圓枱，卡位亦有裝修佈置(鳥籠)，環境舒服。

4月份～媽咪爸爸生日月之慶生第一擊🥳睇中左味苑甜品 - 水中花🌼點知原來要早訂先有🥺🥺下次再黎先！！·🐷蜜味叉燒皇（例）好好食😍叉燒半肥瘦是常識吧👍🏻👍🏻絕對會因為叉燒再黎食！大推-🐟清蒸星班仔（$498 包叉燒皇）-🙃薑蔥生蠔煲（$148）還好～-🐮脆炸牛坑腩（$148）一致公認難食🤢淡而無味⋯加上炸過太油膩-🍜雪菜雞絲淮山麵（$98）淮山麵不經油炸⋯成件事健康左😂但雪菜配料太少了👀-🥬嘟嘟通菜（$98）-🥣糖水（送）👍🏻👍🏻👍🏻雖然免費送，但味道都十分唔錯·好多特別菜式餐牌都無，需要預訂～食物水準唔錯，味道唔會過咸，絕對會encore再黎食🌼

Blue Monday返工最難捱下午請了半日假，去剪頭髮兼同老公行街飲下午茶☕️今次選了好耐無去，位於荃灣廣場附近的「味苑」。它除了燒味出名，雲吞水餃牛腩粉麵都唔差的。門面古色古香，內有兩層內裹好似茶樓咁醬油、碗碟，用上公雞圖案同一款餐牌，下午茶比午餐平少少我今次就是食下午茶燒味餐叉燒半肥瘦，燒鵝要+$5油雞係雞脾位，飯餸比例不多也不少，老公食完都話好飽。四五十蚊一個「茶餐」，都唔算「平」，但勝在高質。

好耐冇食過炸醬麵，今日天氣冷，好想食啲濃味嘅食物。正值下午茶時段，味苑仍有好多客人，跟朋友等了一陣便能入座，朋友是他們燒味出品die heart fans，每次都吃唔同嘅燒味，每次都話好正。今日佢食火腩仔燒鵝雙拼飯，又真的很吸引。火腩仔皮脆肉嫩，一格一格的腩肉很好味，他們的出品不會過鹹，永遠保持水準。惹味京都炸醬麵 都好有水準，麵是幼的爽身的，炸醬的份量好多，好好味， 除了豬肉絲外還有冬菇絲等，撈麵附上的上湯也非常鮮味，香濃的湯加上韭黃的香味，又是一頓滿意的下午茶餐。還有個餐飲啊，他們的奶茶真的不錯有茶香，很滑又夠大杯。

前幾日又係屋企人聚餐嘅日子，為咗方便佢哋，所以我哋就近近地揀咗一間中餐廳嚟食。我哋叫咗呢個套餐，每樣都有啲咁，整體都好似好豐富。呢個就係舟生海蜇，佢味道有啲辣辣地咁，好惹味好開胃，而且有咬口得嚟有d爽，令人越食越開胃。呢個係豉椒炒蜆，份量都幾大碟。味道都係偏向辣辣地嘅，賣相好吸引，蜆肉好鮮味，而且非常香。跟住就係上湯龍蝦，我哋仲加咗伊面底。隻龍蝦已經預先幫我地整爛咗啲殼，所以我哋唔使咁用力已經食到啲肉，龍蝦肉質都好結實，好彈牙。

用膳時間為12月8日中午12:30食店位於荃灣廣場對面。相對商場內的連鎖店，大壩街這邊的更為優質，今天特意來試試區內大獲好評的味苑燒味。店鋪裝有自動玻璃趟門，未入內已感到不是一般燒味店。餐廳內雅緻的裝修風格，餐桌餐椅裝飾等都遠遠超越普通茶餐廳，中等消費水平竟有高等食府的感覺。樓面阿姐的態度也很友善，至少沒有催趕落單及不耐煩。落單一份燒肉燒鵝飯，跟餐送熱飲或例湯，選了熱咖啡。盛惠53元，價錢不算便宜。燒味飯的賣相非常吸引，燒味整齊排列在印有店名的懷舊瓷碗中，白飯份量亦恰到好處。燒肉：肉質3分淋7分韌，未算咬不開的程度。老實一句，吃不到新鮮出爐的嫩滑口感，新鮮燒肉應有的豬油香氣亦欠奉，燒肉皮更是一塊脆一塊淋。燒鵝：三件鵝胸配兩件肚皮位，鵝胸肉冰冷而柴口，鵝肚位就只有一塊皮。燒鵝味道是不差，但與燒肉一樣，感覺是在冷氣位置放久了的貨色。白飯：白米中加了珍珠米，但過多的水份令質感太黏太軟。燒味豉油亦太少，只能再加入蔥油拌著吃。飲品：熱咖啡是整餐飯最有驚喜的，沒想過燒味店都可以飲到即磨咖啡，夠香亦夠濃，跟餐不用加錢亦可享用。總結燒味飯質素平平，也許是店面的感覺令客人的期望過高了。53元的價格在大壩

前幾天，我們一家人外出吃晚飯。因為家中有老人家，而且老人家有比較喜歡吃中菜，所以我們就決定來了這間味宛。這裏也有不少特色小菜，大部份的中菜這裏也有。尤其是也有我們喜愛的餸菜呢！這個是蜜桃咕嚕肉，賣相整得很美呢！咕嚕肉外脆內嫩，而且還是半肥瘦呢，味道甘香軟熟，保持水準呢！而且切得特別少，可以一口一啖，加上三色椒及蜜桃，顏色很美。接着就是乾炒牛河，河粉顏色十足，色澤很美。牛肉大塊，而且軟熟，而且味道不太油膩。

有朋友去了外國幾年， 最近返港探親， 我們相約出來 聚舊， 於是上openrice睇下邊間燒味餐廳好介紹。原來在荃灣廣場 對面的大壩街 有間「味苑」燒味 小菜館， 口碑唔錯。廚皇「發發」推介 泰式鹹魚茸炒通菜，通菜新鮮翠綠， 配合蒜蓉和鹹魚茸味道香溢。蛋白炒飯， 分量頗 足夠 兩三位食用， 認真 抵食， 钣質乾爽， 營養價值高， 朋友很滿意， 話下次再帶家人嚟試。韓式柚子鳳尾蝦， 蝦 肉 新鮮 爽口， 下身沾滿柚子 酸 甜，非常開胃 。再來碟黑松露炒飯，滿載而歸。

最近同朋友去開荃灣，發掘到有一間食中菜嘅餐廳唔錯，特別推薦俾鐘意食中菜嘅朋友。呢間餐廳＂味宛＂裝修環境幽雅別緻，坐下來十分舒服，周邊的地方都好寛鬆，所以好啱朋友飯局架！食物方面，佢哋嘅＂雞絲炒麵，分量十足！而且又唔會太油膩，或卡咸，都唔錯！另外，仲有德國豬手，外入的皮都炸得非常爽脆！而且配菜仲好好！嘩！D肉好新鮮，紅紅地！味道不錯啊！水蜜桃生炒骨，好爽呀，而且入口仲滲透出香濃的酸味！飯後，仲會送糖水！