味苑 (Closed)

前幾日又係屋企人聚餐嘅日子，為咗方便佢哋，所以我哋就近近地揀咗一間中餐廳嚟食。我哋叫咗呢個套餐，每樣都有啲咁，整體都好似好豐富。呢個就係舟生海蜇，佢味道有啲辣辣地咁，好惹味好開胃，而且有咬口得嚟有d爽，令人越食越開胃。呢個係豉椒炒蜆，份量都幾大碟。味道都係偏向辣辣地嘅，賣相好吸引，蜆肉好鮮味，而且非常香。跟住就係上湯龍蝦，我哋仲加咗伊面底。隻龍蝦已經預先幫我地整爛咗啲殼，所以我哋唔使咁用力已經食到啲肉，龍蝦肉質都好結實，好彈牙。