味龍BBQ美食坊

Open Now

Now Closed

燒賣都係來貨野，但拎啲最cheap bbq任食先會出現嘅貨，質感尤如泥膠，仲有碗不知所謂嘅碗仔翅，又黑又杰味道又差，難食到懷疑人生，點解可以煮呢啲咁冇良心嘅食物都可以開到舖呃錢，真係影衰香港

今曰收夜左，又凍又肚餓，出面好多宵夜都收晒，唯有開車過來衣度食宵夜啦！叫左狗仔粉，30元碗，份量比之前來食，起碼小左五分一，外賣碗都放不滿，粉底係銀針粉黎，配上油渣粒及菜甫，味道都幾好食😋

牛雜有異味！煎釀三寶冇得選擇比埋啲垃圾！燒賣超粉！！多春魚系苦！冇心吾好做飲食..真系會累死人$250買埋啲垃圾返黎食呢間系我食過最難食既一間店從來未比過食評 今次真系忍吾住

21年嘅時候試過都唔錯，就諗住前幾日同朋友食返餐串燒，結果就勁失望👎🏻👎🏻👎🏻，仲要等成20分鐘，簡直係愚人節禮物。首先佢計每一串嘅錢都只係撳一撳計數機，口頭上話個總數俾客聽，咁因為外賣店人手又唔夠都可以諒解，但後尾我就加咗三份燒菠蘿（只可以口頭講），到攞嘅時候佢係咁已打開兩盒外賣俾我哋對一對，返到去先發現少咗三份燒菠蘿，都成$45！咁就即刻上網查電話想打返落去但完全冇電話提供！！！屋企又唔會特別經開九龍城完全無辦法追究，體驗極差其次食物方面，基本上每一寸嘅串燒都只係勁重孜然粉味，嗌咗$387，感覺上蝕到喊！絕對唔會回頭

衛生極差 個店員戴著手套周圍摸完摸落啲野食度 串燒要自己夾唔緊要 可唔可以搵嘢蓋着 啲烏蠅係食物上飛來飛去 見到都唔想食 蒸籠個蓋又直接放係食物上面 啲牛雜好似擺左好耐咁 店員態度又差 啲湯漏到成個膠袋都係 真心唔會食第二次 見多人排隊諗住試下

平時有外國朋友嚟香港玩或者放工想買啲嘢食吓，我都好鍾意督番串燒賣或者魚蛋。其實港式小食真係好味又多選擇，唔知大家又對邊款掃街嘢食情有獨鍾呢？今日我哋路過九龍城嘅味龍BBQ美食坊，本身諗住督串小食，但見到老闆娘整緊串燒，燒得香噴噴，就係咁，我哋就就坐低開餐。蒸燒賣、咖哩魚蛋作為小食店，又點少得燒賣同魚蛋呢？魚蛋有辣有唔辣，任君選擇。魚蛋無想像中咁辣，但就好入味。而燒賣嘅魚蓉味好香，唔似出面有啲成粒擦膠咁。煎釀三寶非官方統計，除咗魚蛋同燒賣，最受大家歡迎嘅仲有煎釀三寶！而煎釀三寶醯當中，又以炸魚蛋最受歡迎，當然仲有紅腸、茄子、西椒同荳腐啦！老闆娘話為咗大家食得健康啲，唔用千年油，所以炸出嚟嘅煎釀三寶，炸到金黃色，好吸引。炸大腸呢度嘅炸大腸好正架！首先乾淨係必須嘅，而且老闆娘先將大腸落鑊炸，炸完再放上燒烤爐上烘，令到炸大腸唔會油淋淋，仲會特別脆添！蒜蓉燒茄子蒜蓉燒茄子絕對係味龍BBQ美食坊嘅名菜！因為老闆娘嘅特調蒜蓉汁，真係好香，好入味，燒得啱啱好，好好味。串燒串燒嘅選擇好多，想食咩就自己夾，而為確保海鮮新鮮，所以想食燒海鮮嘅你，就要直接同老闆娘order喇。我哋分別叫咗燒魷魚、燒粟米、燒雞

今日來到九龍城味龍bbq美食坊，食左好多款燒烤，總括來講，好好味👍🏻👍🏻👍🏻👍🏻👍🏻燒烤其實都有分燒得好食同唔好食，呢間係我試過咁多間，算係好食之一，最主要係佢燒出來真係好香，同埋味道好濃郁，絕對夠入味👍🏻👍🏻👍🏻👍🏻👍🏻佢哋仲有一隻秘制醬，點埋個醬簡直無得彈啊👍🏻👍🏻👍🏻😋😋😋而且佢呢度款式都好多，雞軟骨，豬頸肉，牛肉，墨魚，魷魚，雞腎，雞翼等等，有！茄瓜，脆玉瓜，雞比菇，韭菜等等，有！因為本人都超鍾意食燒烤，試過好多間，呢間會係可以返吃的一間，食完真係有點返尋味的感覺👍🏻👍🏻👍🏻住九龍城的街坊不妨去食，佢哋由下午6點開到第二日朝早，宵夜最佳去處😋😋😋

行過九龍城，見到呢間新開串燒店，環境乾淨企理，仲好香串燒味，忍唔住燒幾串試下都唔駛點樣等好耐，自己揀想食咩串燒，揀好就即刻係你面前燒，好惹味！我就揀左幾款串燒，燒韭菜，燒雞軟骨，特別推介原條燒大茄子！燒得岩岩好、好入味，D 蒜泥同辣椒好夾魚蛋、煎釀三寶例牌街頭小食都有，見到條條青椒都釀到脹卜卜，抵食！鍾意坐低食嘅，入面都有兩張細枱仔。有冷氣可以慢慢坐。下次行過再試下其他款！