Video
Telephone
65884253
Opening Hours
Today
11:00 - 19:00
Mon - Sun
11:00 - 19:00
Above information is for reference only. Please check details with the restaurant.
Signature Dishes
7點鐘左右收工行經石籬商場諗住去三哥買個外賣返屋企食，見到三哥對面間凍肉舖竟然都賣埋飯盒，心諗生意難做到咁……橫掂都叫外賣就行入去睇吓，因為見佢哋又唔算貴$40內就有交易。喺門口見到個牛肉丼就想試吓，點知話賣晒咁就轉叫豬肉丼喇～又話賣晒原來佢哋只供應到7點鐘同埋係限量供應，咁男店員話如果想食其他飯仲有得揀，最後我揀咗雞扒井，畀完錢後店員畀左單我後叫我等一下，咁就出去行吓～大約6分鐘後店員就攞咗個飯盒畀我，咁就拎返屋企試吓先喇～一打開飯盒見到就好想食，$35嚟講塊雞扒算抵食，另有兩款配菜同跟左個疑似燒汁嘅醬，飯就係用珍珠米煮嘅。首先咬咗雞扒一啖食落口算嫩滑多汁，佢唔似吉仔咁雞橫雞煎汁橫汁上，呢家真係有用燒汁煮過嘅，所以唔使用額外畀嘅醬都夠味，但我一開始都用左嚟淋喺上面另外紫菜用嚟拌飯食，泡菜又可以幫手解吓個油膩感，所以食晒成個飯唔會覺得好「漏」。整體嚟講價錢直情超值，$40就有嘢飲同小食，口感同味道嚟講都泊得住其他食肆，有機會再試吓其他飯先
continue reading
肉質鮮甜，米飯有嚼勁，飯係日本珍珠米，內有紫菜+泡菜豐富搭配值得一試，即叫即整，➕5蚊就有紙包飲品同小食，➕10蚊又有各式各樣小食，環境，素質，食材都係No.1，如果大家經過不妨試一試，唔會錯架！
continue reading
呢間原先好耐之前都有賣熟食，之後停左一排而家又做返後個價錢同品質完全高咗～我叫左個牛肉丼飯盒，原本見平價$38純粹試吓諗住醫肚就算～點知返到公司一打開飯盒仍然閒到陣香味，入面都好吸引同擺得好有食慾...有紫菜有泡菜同5-6片大片牛肉。食落口牛肉唔鞋有牛肉味，面頭仲有牛肉汁，另外仲跟咗一個額外醬汁用嚟點牛肉或撈飯都一流。而我都會用牛肉夾住飯、紫菜同泡菜一齊食，同食X角嘅Feel好似。如果$38食到呢個質素嘅午餐飯盒真係好滿足店員仲教我可以手機落定order，預時間去舖頭攞，真心方便～不過我冇加到跟餐小食同飲品，小食似係每日都唔同款，飲品就係X他紙包飲品，由於公司有嘢飲所以冇加到。有機會下次再試其他飯，睇吓係咪都咁正先
continue reading