品味人生中國廚房 (Closed)

跟快當媽媽的同學慶生兼新年聚會,選了地點較方便的旺角,另一位同學喜吃中菜,幾經挑選下選了這間品味人生。七時入座,8:45便要結帳,比隔壁別府二小時交檯的規定還短!座位的確頗迫,坐卡位會較舒適!看到鄰桌的餸菜也是份量少少的,叫個四人餐($400)也應該不過份,在餐單中選了以下配搭:前菜:芥末青瓜取價十大元,芥末微辣青瓜爽脆,是不俗的開胃菜,總比花生、酸菜值得。冷盤:華欣酸辣鳳爪跟一般泰式無骨鳳爪無大分別,味道酸甜不太辣,只是鳳爪較少;青青綠綠爽貢菜很重蒜香而且帶辣,貢菜極脆,吃時索索有聲,很特別的感覺。小吃:茶杯粒粒蘿蔔糕其實就是煎蘿蔔糕,蘿蔔糕用粉較多口感較實,糕內有聊勝於無的臘味粒,味道是ok的;品味創作中國沙律手卷造型取勝,以沙律汁拌過的菜粒,配合香脆的脆筒同吃,爽脆口感很不俗。主菜:火山石窩燒豆豉雞就像平時的啫啫雞,味道頗濃的一道菜,不知道是否全以雞翼來煮,吃了兩件都是雞中翼部份;青紅綠橙咕嚕肉伴麵包球的造型十分可愛,圓鼓鼓的農夫包載著甜酸咕嚕肉,單吃這個已經夠飽!咕嚕肉粒頗為迷你,幸好咕嚕汁調得不錯,只是肉片切得薄沒有口感和農夫包沒有特別烘過,偏軟又不熱不暢快;籠仔蒸荷香金蒜三

"7 個人選了5 人餐+ 2-3 個小菜"好好味, 以前吃過幾次, 發現今次進步了, 好好味!可能是他們不斷在改進的成果, 哈哈!頭盤: 烤夫﹑腎片﹑水晶蘿蔔﹑沙律手卷﹑X魚鬚主菜: 鴨胸﹑豆豉雞﹑籠仔金蒜3鮮菇﹑TRUMPET卷﹑ 水晶蝦仁·玉面西施﹑寶盒龍利等(樣樣都好味)餐湯: 板栗南北杏燉脾赤(好味,好潤)時蔬: 石窩飛楊(西洋菜)主食: 星洲耀哥撈米﹑燸米飯﹑肉藻飯 (今日好好味, 熱呼呼)點心: 粉果﹑小籠包﹑脆雲吞甜品: 咖啡布甸(好鬼好味)﹑桂花紅豆糕﹑芒果布甸我當晚掛住影相, 有些冇吃, 對面班焚化爐吃晒><下次要再吃過!值得一讚, 無論服務方面,很有禮貌又有笑容傳菜很有次序, 不像以前(有時湯未到小菜先到)店長﹑經理﹑阿姐們都好好服務,老闆請到這些員工真幸運呢!

十年難得竟可以係星期六放假,去左熊貓公園玩下,都有幾年無去過,超級多人,記得以前係園內大部份係外國人,但今次去就大部份都係祖國同胞,平時已經見識唔少祖國同胞的"威力"~ 唔排隊打尖、四圍吐痰、有洗手間唔去,隨處大小便唔在講,今次重要同個祖國同胞駡戰,真係破壞晒滿心歡喜既心情~不過去完熊貓公園後到了去旺角搵食,唔知食咩好,突然想起雅蘭中心都幾多野食,所以決定到此一遊。點了一個2人餐,O野食多到唔記得晒,大概記得有花旗蔘雞湯、肉骨茶、腐乳西洋菜、豆豉雞煲、腊味糯米飯、台式肉燥飯、炒貢菜、用一粒粒石春做底既炒豬肉(狀似石頭燒)、桂花紅豆糕甜品，最特別係一個用手卷架載著的前菜, 好吃又特別, 老闆在盛載食物器具方面花了心思, 不錯, 唯一不好處是檯與檯之間相隔太近。

今次去旺角，唔知食咩好，突然想起雅蘭有食肆，故前來一試。用$250(計埋加一後)的價錢，食左好多款式，的確幾抵下。除了圖片的食物外，還有腊味糯米飯、清湯西洋菜、花旗蔘雞湯，味道又不差，真是值得再來一次。

真係好正!!!!!上次我3個人去食個2人餐都好飽你話抵唔抵喇?!d野食又好味又特別喎~仲咁抵tim..抵到不得了~個2人餐唔會話好貴..總之超正=)仲有呀,環境好好..好舒適..值得推介!!

上星期一行四人到旺角雅蘭店食晚飯.. 叫左個四人餐, 都食唔晒, 都係好多款, 主菜,點心, 頭盤每樣都可以選幾款, 都ok 好味, 但又未至於樣樣都咁好食, 環境好似好多油煙咁.... 仲好焗...服務方面勁差... 帶位o既亞姐, 帶我我去入房o既門口位一張檯, 坐左陣,因為覺得油煙味好勁, 想轉坐房間內的隔離前一張檯,(係3張檯拍埋o既六人枱，可移開的, 再隔離就係一張2人枱）當時係冇人坐o既...我地要求轉, 個亞姐話.. 唔得,,, 有六個人訂左枱, 冇得轉... 過左冇耐, 見有四個客坐左,,, 咁果張六人枱即刻移開成四人枱,,,, 根本上冇人訂枱, 講大話, 我地再問佢, 佢就話.."唔知呀, 你問門口知客啦". 食到半路, 同一個亞姐, 係收碟時, 勾到成個茶壺飛落地下, 落地開花... 但亞姐對唔住都冇講, 望一望行左去... 之後唔出聲咁入黎掃返...... 返而係另一個西裝經理入黎再清埋時講唔好意思....呢d 咁o既服務態度,,, 真係邊度搵呀, 難得難得....

昨晚與家人聚天倫, 試新野,食得好勞氣, 與PROFESSOR CHEUNG 有類同經歷,四百元的套餐,五百埋單以為連貼士卓卓有餘,豈料僅僅夠!(收費巧立名目) 味道差...不堪提, 環境局促, 上菜要三催四請,得個亂字... 一次免問!

本來從來都懶得寫食評，但這次真的不吐不快！為中同慶祝生日，生日那位說喜歡吃中菜。想試試新O野，點知就出事。先來了三碟豆角什麽的酸菜，味道已經不怎樣（後來才知道呢三碟O野要五十塊錢，那不如去搶...）。冷菜更甚，要學人家上海烤夫，原來完全是淡的！熱盤有如冷盤，因為除了那個鐵板即席燒魷魚之外，其余的都是冷的（因為套餐預先準備好也不能這樣啊）。唯一可取的是那幾盅湯都有落足料——但都不過是加了兩顆元貝下去罷了。其余所有菜的質素，真的不提也罷。付了一百多塊一個人換來這樣的食物，已經有點郁悶了。可最讓人氣憤的是，侍應們一而再、再而三的把我們未吃完的東西收掉——完全沒顧原來你還有大半沒吃完，即使說，由於餐廳地方小座位少外面有人等位，就全然不顧在就餐的客人。只要你一停下來，後面就有一雙手火速把你的碟子“奪去”。這樣的服務、這樣的排場，真是上哪兒都找不到。自問對服務的要求已經算很低，平日在外吃飯遇到侍應態度比較那個也只眼開只眼閉算了。但這間餐廳實在讓我忍無可忍。所以奉勸各位朋友，出外吃飯，不要被餐廳的gimmick騙倒。什麽fusion,什麽裝修，如果事物和服務不佳的話，到頭來還是會吃的不開心！！

朋友生日諗食d mud....咁咪向openrice search 下....比我search到e間好似好特別gei restaurant...咁咪試下我地有10個人,叫左個6人餐...好多野lor,大家都食到好飽. d食物真係幾有特色,有個類似沙律卷gei野味道唔錯,有個面包裏面裝住魚gei都唔錯.仲有個d湯..我覺得一d都唔hea...係真係有人參同雞,都好好飲.聽到朋友一路食一路讚我好介紹....都幾開心.唯一一樣唔好就係個d小食/茶介都幾貴下.

九人聚會，叫一個六人餐＋二人餐($100@)，結果總共有湯(x8)，頭盆(x8)，主菜(x8)，菜(x8)及甜品(x8)，堆到一桌都係食物。湯－－我飲左少少，幾清甜，不過瑤柱有點帶黑。頭盆／主菜－－有好多創意菜式燒汁木魚白蘿蔔－－簡單講就係將燒八爪魚丸換做蘿蔔中式沙律手卷－－椰菜青瓜沙律做春卷皮卷成手卷狀寶盒魚柳（巴黎牛油汁）－－雖然唔知咩係巴黎牛油汁，但立方體麵包索滿牛油汁變得好好味菠蘿包芝士西蘭花－－熱烘烘的焗西蘭花加上酥皮，不過同菠蘿包皮唔似。脆脆卷（西檸汁）－－迷你版春卷甜品賣相OK，但最奇怪係要加上半粒車厘茄。食物創意十足，而且味道配搭都好好。八人餐九個人都食得飽飽，環境裝修亦有特色，頗有驚喜的一家餐廳。

辣豆角（前菜）：辣辣的，味道不錯。手撕雞：令人開胃的味道，撈翅的。龍脷柳麵包：選了巴黎牛油汁，魚很好，包不夠脆。芝士粒粒：選了泰式曼谷汁，墨魚包著芝士，好好味！

和家人來吃生日飯，叫了四人餐，可以在每項中自選數個菜，當菜到來，雖然細細碟，但加埋都好多，四人餐其實可以六人吃，食物和服務都一流，極力推薦其他人幫襯！四百元套餐加埋茶芥等等，總共$493，可以接受~

第一次去﹐高高的椅背﹐將每張臺都間開﹐挺特別﹗12個人叫了一個8人餐﹐原來都有很多菜﹗肉骨茶很香﹐人參湯都幾足料﹗之後有些點心﹐小籠飽﹐蒸餃﹐春卷﹐炸豆腐﹐都可以﹗又有鐵板魷魚須﹐咕嚕肉﹐這不是豆腐等﹐我最喜歡就是我不是豆腐﹐之後還有菜﹐不過偏清淡了一點﹗雖然如果叫它fusion菜就有點怪怪的﹐不過總的來說﹐我覺得以這個價錢﹐試到這麼多的東西﹐值得﹗

星期六下午...旺角四處都很多人...最後選了來這裡飲下午茶,因為少人d,不過都等了很久...但下午2時很入座都有7折~環境:這裡真的不錯,椅背都是高高的很特別,而且杯碟也很精美,不過空間卻真的迫了些...位置之間沒有多少的活動空間...味道:點了個4個點心一個麵,鳳爪不錯火腿條...不行..只有麵粉...千竹卷,幾特別,總共有3條,條條也用不同的料整的,有牛,有蝦,有魚肉~蘿蔔卷(相那碟)..粉太厚..沒有什麼蘿蔔味..三色牛柳脆麵..賣相一流~很美啊~一定要一看,不過很熱氣~是最好的一樣食物服務:不像其他樓主所說咁差,可能是下午茶吧...不過看到鄰座的餸等了很久~

旺角週末要搵位吃飯, 難度是十分。加上有大有細,我們差不多七點就去搵位。唻到呢間, 啲姐姐都叫我哋8:45要交枱。呢個可以話係旺角食肆的不成文規定, 大家都無異議就走咗入去啦。入到去五分鐘, 啲姐姐開始問要點菜, 我哋七條人, 只唻咗3個, 當然唔睬佢啦。後唻見其他朋友應該快到, 就分幾次叫嘢食, 總比乾坐好吧。嘢食是不錯的, 係中式版和民, 全部小小一碟, 30-40左右, 選擇亦很多, 味道都不錯。最記得嘅係啲小食, 石榴加話梅粉和麻辣蓮藕粒, 是很醒胃的(雖然要8蚊點)。但服務質素確實要改改了, 香港人食嘢, 吃食物, 也吃服務, 吃得一肚氣, 再好吃嘅食物, 都係枉然。我們8:20再叫了一個炒娃娃菜, 打算吃完都走了, 但炒咗好耐都未出現, 千追萬追, 到8:50先唻, 未吃完, 就有好幾個姐姐唻催趕, 又印哂單叫我哋對。如果佢好聲好氣, 叫我哋先埋單, 等佢哋向外面的客人交代, 又或者話漏咗單, 唔好意思出唔到,我哋都會非常合作。但不斷接收的卻是:「咁耐架!」「快啲啦!出面好多人呀!」「話咗八點九交枱架嘛!」嘅冷言。孰可忍乎? 碟菜出唔切, 唔關我事呀!