品味鮮小廚 (Closed)

食物味道唔錯一坐低即刻殷勤俾一大碗湯，湯好飲，夠熱。涼瓜牛肉飯牛肉好嫩，好食😋豬扒早餐個豬扒太乾、好韌，唔好食。腸仔同蛋都好味。奶茶好飲，華田正常。可惜店舖污糟唔衛生，呢個望落已經知道，見到員工換餐牌直接踩上張凳度，之後都唔會再清潔返。

元朗咁多野食，雞煲都開正隔離，品味鮮同隔離另一間就係正對面，大家都會企出黎搵客，今晚同行朋友有食過品味鮮，信心保證試下啦，又真係好好質素喎！湯底有成26種揀，我地揀左奇味雞煲，即係有啲沙嗲味咁，配料同野飲就出面任拎。豬肉片好厚，正！西洋菜勁新鮮，芋頭丸好特別，魚皮超脆，響鈴就係係個細盒新鮮拎出黎。啲丸好多款式。野飲就除左康師傅，仲有獅威青島樽裝任飲，汽水就得可樂。埋單$138+假期每人$10，即$148。以質素同服務黎講都唔錯。

朋友帶路，山長水遠黎到元郎食烤魚。有幾種魚揀，老闆娘推薦我地食少骨d果種，好似叫田魚。味道有分麻辣同香辣，我地揀左香辣。條魚幾大條，上菜嘅時候，條魚已經炸過。建議煮滾左之後再等耐d先食，咁先會入味。鍋裡面本身有好多配菜，芽菜、南瓜、娃娃菜、茄子、青瓜、冬菇……食完魚就可以打邊爐，尼到嘅火鍋料係放曬係出面嘅櫃到，自己拎。火鍋料同野飲都係d普通嘅選擇，吾多。但尼到最吸引人嘅係滿滿嘅人情味。老闆娘時不時就會走過黎睇下我地夠吾夠湯。我地係去食生日飯嘅，老闆娘由我地坐低到走講左三次生日快樂🤣🤣。

鸡煲点中辣以上就够劲，吃鸡煲饮啤酒一身汗出到爽，火锅料质素OK，丸子麻麻的，猪红蔬菜都新鲜，豆制品也好吃，这个价钱任吃任喝性价比真心好，点评虽然不多，但天天爆满，为了鸡煲也值得再来

👏🏻真係不得不讚👏🏻仼食仼飲雞煲！所配料，自助，自己黎啦😋就連啤酒🍻都仼飲😋成支自己黎啦🍻雞煲味道:雞肉滲透了香辣味，還帶有少許的辣！由於我地只係叫小香辣。之後加一次湯後，辣味不再，建議可以食辣的人，就叫大辣！辣度有分香辣同麻辣(小中大)雞是經過師父炒過才上菜。所以味道特別特岀👍🏻又鮮甜。價錢:$138/1位(不收加一)仼食仼飲。你一個人，可以飲到，絕對可以一次過飲一打可樂，12支啤酒🍻真係好爽👏🏻溫馨提示大家千其唔好浪費食物同飲品🙏🏻希望大家珍惜食物🥰

琴晚醉雞煲好好食 估吾到湯底都可以咁濃味以為醉雞都冇咩料 原來又有准山 紅棗 完全點過豉油 好足料👍🏻👍🏻👍🏻等水滾就落雞煲5至10分鐘 再熄火焗5至10分鐘最正最入味兩個人食都俾左好大份雞兩個人食$296任飲任食 好抵呀！配料都好多選擇 水尤好正 但牛肉就一般啦26款煲俾你任揀 水煮牛肉煲隔離枱都係咁話正醉雞落豆卜金菇好入味老闆娘仲係咁叫我問我地夠5夠食 飽到捧住個肚走 好滿足好爽啊之前食過隔離個間都冇咁好食🤭

兩個人原本諗住hea食就碌入去試下！諗住間間雞煲都差唔多！無諗過咁足料！咁好食！個醉雞湯底都好多紅棗！未落其他野果陣飲左啖湯！勁濃紅棗味！重要勁抵兩個人食到勁飽！捧住個肚走！都係$296無加一邊到搵除左雞煲佢仲有其他煲食！有成26款！都好似好吸引！下次一定要試試佢！配料都好多選擇！絕對唔hea老闆娘又勁好人！勁nice！就黎冬天又係時候雞煲同打邊爐既季節！有機會入元朗試試佢呢間真心唔錯！值得一試！

是日和友人去完野餐，本來想去做運動，不過突然間諗起前日同人傾計講過醉雞煲果啲野，就要去食啦！.之前食過呢度嘅水煮魚，一於就食返呢間試下醉雞湯底！老闆娘又親自招呼，大讚醉雞湯底多人點， 且看看👀.有藥材，紅棗枸杞等不過藥材味比較重，少了醉香.半隻醉雞雞滑肉爽，不錯！.自助bar仍然是自助bar，野飲任飲，有青島啤酒，本人果日去仲有楊協城各式飲品，飲左兩支啤酒，3罐清補涼😝炸魚皮依舊脆口還有打邊爐深愛的午餐肉和腸仔肥牛都幾靚，其他基本打邊爐有嘅野都有供應！.食到勁飽，二人共吃了$296

夜媽媽凍冰冰行過見到都幾多人喺度打邊爐，攪到自己都想打埋一份。行到味品鮮門口，老闆娘又好殷勤招呼喎，見大大隻字寫住$138一位咁就坐底啦。之後order咗一個好耐冇食過嘅沙嗲湯底，再想話叫嘢食，原來係自助式嘅，基本全部嘢都喺舖內個櫃度拎。去望一望啲食物，款式都算少而唔吸引，加上感覺有啲唔衛生。我攞咗啲肥牛、滑牛、腸仔、響鈴、金菇等等。試一試個沙嗲湯底，都算濃嘅！主打肥牛方面質素唔錯，幾有牛肉味，食落唔靭都幾淋。其他嗰啲食物可以話中規中矩。坐坐下先望到細細隻字寫住年廿九要$10一位，但應該喺我哋坐底前要講聲嘛，提都冇提過，好在食物尚算可以咁就算啦~

是晚夜收工，返到元朗想起之前經過這邊，有兩檔火鍋店，兩檔老闆都非常熱烈地招呼路人，所以今晚特別想試一下食物，最後選了第二檔品味鮮小廚，由老闆娘親自招呼的。二人共吃了$276。任食任飲。抵！唔知點解本身怕辣又怕骨 但係勁想食水煮魚。所以點了水煮魚麻辣湯底 但叫他要比少麻少辣😝😝魚有魚味 不會因麻辣而蓋過其鮮味，某些部分很鮮滑。而且都係大骨，易進食。魚食得七七八八時便開始去自助bar攞其他野食！各類丸子，菜，鵝腸，木耳，餐肉等等。特別推介火鍋必備嘅炸魚皮！！好脆好好食！！仲有娃娃菜勁鮮甜！！飲品有多款選擇，但我地攞左兩支大青島🙈最後以一罐雪梨茶作結。總括來說，會再去試下佢果23種唔同嘅湯底！正！

做人好清楚自己目標，包括食，如果連自己都清楚自己想要什麼，隨隨便便走入一間餐廳，除非很夠運氣，否則失望而回的機會頗大。今日目標係「水煮魚」，由家出發走了幾條街，雖然見到一些任食火鍋，但都只供應雞煲湯底，雖然環境不錯， 但並不對準我的焦點，正躊躇之際，品味鮮出現在我眼前！$138任飲任食（免加一），有多款四川火鍋湯底選擇，其中當然包括有水煮魚，我立刻同老公肯定就選這間！今時今日去火鍋店大部份人都非常重視火鍋材料質素，即使任食火鍋亦不會例外，但今次我介紹大家呢間品味鮮小廚， 要提醒大家進入店子前請先調整一下期望，因為此店的焦點其實是在下面所列的湯底上，我再解釋。湯底選擇非常多，我點了一份小辣的水煮魚。我在等候時環顧四週，看見牆上貼著的圖文並茂介紹店內的四川菜，我對今日的選擇更安心，相信其菜式風味一定夠地道。先到外面凍櫃取了支冰凍的青島啤來配水煮魚，老公則取了一支馬蹄竹蔗飲，飲品選擇方面還有各式常見的汽水。二人份的水煮魚來了，賣相非常了得！有一條魚的份量，絕不欺場！雖然下面有大量芽菜墊底，但任憑我們倆人不停地吃魚，魚還是有，份量實在足夠讓我們吃過痛快，油也不不，沒那麼肥膩。水煮魚的口感和一般

第一次寫食評，因為呢間野係香港比較好食既烤魚！想支持下先寫！味道好正宗，啲服務質素又好！任食任飲，有個凍櫃自己夾打邊爐料仲有樽裝青島任飲，呢個價錢呢個質素 完全冇得輸，已經第2次幫襯，仲要係2個禮拜幫襯2次！希望佢長做長有，咁我先有得食