哥哥炸雞

Open Now

Now Closed

今次個炸雞完全五juicy 炸粉勁多 個皮好硬 感覺上係翻炸😪啲肉又少 全部係硬嘅 得黑松露醬係放得入口第一次個炸雞明明係無敵 希望食得反第一次好好食 超juicy 熱辣辣嘅炸雞😫

一個人叫咗蒜香醬油炸雞（4件$40）加年糕香腸串（$20），都係$60估唔到喺呢度食到韓國嘅味道，仲要好飽…宜家去老麥閒閒地都要五十幾六十蚊蒜香炸雞好香口，個味好似某隻薯片味雞肉唔老唔干，對我嚟講一個人4件雞啱啱好；年糕香腸串啲年糕炸到外面脆晒配埋個醬好惹味，但估唔到幾辣….一啖年糕一啖年糕好正…即刻諗起之前去韓國旅行食街頭小食不過 呢度係即炸所以要等，建議可買咗先兜個圈先返去拎…下次一定要試吓紫菜包飯，見到都係即叫即做的

完全違反商品說明條例，本人叫咗個外賣包括兩個產品 原味有骨炸雞及無骨炸雞，兩個產品都各自出現質素差劣及以欺詐手段營銷問題：1. 有骨炸雞 - 以炸雞名稱以及炸雞的照片誤導客人，事實只是是雞翼，非常細件。完全違反商品說明條例。2. 無骨炸雞 - 質素絕對參差，如圖片所看大部份是炸粉雞皮，非常細小而且肉佔整體比例不足30%。跟市面上同類叫自己作炸雞的炸雞比較，它只可而且充其量是雞塊 不論形狀口感味道。詳細雞塊及雞翼味道口感：只用普通一種調味粉灑上雞上，單調無味 毫無驚喜，不能以市面上韓式炸雞店作為比較，它的同類大約是豪大大及繼光香香雞種類，與韓式炸雞最相似的是他的價錢。十分細件 口感好鞋口，完全沒有肉汁 炸粉雞皮佔據整塊雞扒，而且雞皮凍 只有油膩的感覺。此次體驗，完全對該店舖極度失望及憤怒

唔想煮飯嘅中午,叫咗外賣。今次試下哥哥炸雞嘅炸雞同埋韓式壽司。外賣首先必須準時,可以保持食物新鮮度。今次冇令我哋失望👍。韓式無骨炸雞有四大件,外面香脆,裏面雞肉依然juicy, 雞肉唔會柴皮, 真係好惹味😋。烤牛肉紫菜卷叫咗兩客,每客有6大件,呢款經典韓式壽司卷,除咗有韓式烤牛肉外,仲有雞蛋、蟹柳、紅蘿蔔、青瓜, 顏色繽紛,望一眼已經食慾大增。紫菜卷嘅菜、肉、醬汁、壽司飯份量配搭適宜,飽肚得嚟又唔會漏。$164有足夠兩人份量嘅外賣,居然仲好好味。呢間哥哥炸雞,當然立即入咗私人外賣回購名單😍。🍽 餐廳: 哥哥炸雞🏠 地址: 將軍澳寶林北路38號景林商場街市地下T-KL10號舖#foodiehk #hkfoodie #foodie #香港美食 #foodporn #foodphotography #foodblogger #hkfoodpic #hkfoodinstagram #foodlover #foodstagram #美食分享 #食好西 #美食寫真 #hkig #hongkong

景林邨入面有條小食街，今日冬至未到夜晚諗住買下午茶食下，經過見到呢間炸雞店第一眼就比佢價錢吸引咗，$140竟然就可以有16塊炸雞，即刻就決定買嚟試試。———————————————🌟甜辣味炸雞(4件) $40炸雞大細啱啱好，加咗甜辣醬都可以咬得出佢外脆內軟，雞肉本身滑身咬落又Juicy，而且全部都冇骨，呢個價錢嚟講真係冇得頂。.🌟韓式薯仔熱狗棒 $32薯仔熱狗棒即叫即炸熱辣辣，咬落去外脆內軟，仲有啲薯仔粒係出面令到口感再豐富啲，配埋茄汁真係非常夾啊😍，經過叫返一個熱狗棒當小食真係好唔錯😚.🌟排骨餃子(4件) $30餃子真係好出色，個皮又薄又脆，豬肉餡料好多又有肉汁，熱辣辣食一流！.🌟芝士紫菜卷 $45呢個卷我睇住師傅即場親手包，成條紫菜卷份量超多，切開有十幾舊，而且餡料都充足。.🔶整體評價🔶呢間炸雞店由韓國師傅打理，調味正宗而且真係即叫即做，全部都新鮮滾熱辣，不過大家就可能要預出餐時間會長少少，打電話叫定外賣自取就最好喇！整體味道出色，性價比非常高。仲要咁啱今日冬至我買完上去我啊叔又另外買左16塊芝士炸雞上嚟🤣呢間炸雞真係又平又好食👍🏻真心推薦呢間比大家🫶🏻.🔸味道：8/10🔸環境：7

景林商場街市有多間平民美食，晚市時段好多人叫外賣，好受街坊歡迎😍 食物種類選擇多，質素不錯有驚喜，親民價錢食到高質素食物，性價比高🤩 店員服務態度很好👍🏻 食物即叫即製，請耐心等候 二人消費：$127 🫧不設加一服務費🫧═ ═ ═ ═ ═ ═ ═ ═💖💖💖食評💖💖💖 𝑨𝒑𝒑𝒆𝒕𝒊𝒛𝒆𝒓 🥗泡菜 Kimchi ($18)✨酸酸辣辣，爽口開胃𝑭𝒐𝒐𝒅🍗洋蔥無骨炸雞 Onions Fried Chicken ($40/4件)✨炸雞控必食！無骨炸雞啖啖肉😋 雞肉嫩滑多汁，配搭新鮮洋蔥及忌廉醬，好滋味好飽肚🤤 值得一讚，外賣回家炸雞仍保持脆身👍🏻🍙烤豬肉紫菜捲 Soy Sauce Pork Gimbap ($39)✨完整兩條飯卷，份量多，餡料豐富，配上蛋、青瓜、紅蘿蔔絲等等，軟腍又爽口🤤 排骨餃子 Pork Rib Dumplings ($30/4件)✨推薦！外脆內軟，鹹香惹味😋

之前喺附近買嘢食，聽到老闆同老闆娘真係韓國人，嘢食選擇都幾多，所以就好有興趣試吓佢啲食物！洋蔥無骨炸雞（4pc） 炸雞唔會太過火，皮脆肉嫩，炸皮唔會太厚，亦都唔會過油，估唔到小店都比得上餐廳炸雞，洋蔥忌廉醬汁亦都可以解膩，下次試埋其他口味！炸紫菜粉絲卷&炸芝士條呢樣小食都唔太多人識食，但係其實紫菜炸得好脆，粉絲又有簡單調味，之後再加炸雞嘅醬汁，真係好正！烤牛肉紫菜卷大推，內餡好豐富，足料，而且唔會調味過度！

餐廳位於將軍澳，位於地鐵站附近，還算方便快捷。餐廳主打的就是韓國料理，令我最驚喜的是真的由韓國人主理的。店舖由一位韓國哥哥和一位女士打理，工作清晰又分明。洋蔥無骨炸雞Onions Fried Chicken，外皮香脆可口，最重要，內裏肉汁豐富，配搭新鮮的洋蔥，味道更能昇華，更有層次，加上餐廳配製的醬汁，雖然外貌和一般的沙律醬沒有大分別，但味道吃起來卻是充滿驚喜，帶點甜味，更為開胃，最重要沒有油膩的感覺。排骨餃子Pork Rib Dumplings，絕對是韓式排骨醬汁的味道，配搭餃子皮，沒有醬汁骨的油膩，但卻充滿飽足感。烤牛肉韓式便當，喜愛他們的泡菜，絕對是韓國料理的重點，自家製的味道果然不一樣，鹹甜酸的配搭，更具層次，絕對是家的味道。韓式薯仔熱狗棒HotDog，外表看起來很普通，但吃起來味道卻不一樣，外皮香脆可口，內裏的香腸肉質豐厚。價錢合理，大眾化，分量足夠二人享用，將軍澳果然是一個美食福地。

大蔥無骨炸雞，好味個醬酸酸甜甜好食。份量多，以屋邨韓食黎講，好好。紫菜卷足料，我最鍾意紫菜咩都有，營養均衡，係健康之選向我屋企樓下，可以食到呢個質素嘅韓國野，非常滿足

疫情蔓延期間，真係少咗好多出去食飯嘅機會，所以成日密謀食唔同嘅外賣，睇下有咩值得再三回頭。 依家係我私心之選嘅其中一間。重點係好平，食物大份，好味足料。 依間叫哥哥炸雞🍗，平時行開都會叫一份年糕香腸串，食物大份，已經年糕係你想像唔到咁juice🤩佢配上韓式酸辣醬，一流！ 不會太辣，易入口。 另外我想講佢哋價錢好親民，又多選擇👍🏻餐廳外邊好乾淨。 依個係我認為值得講嘅優點，因為疫情，有邊個會唔驚污糟。 叫到佢哋樓面同廚房乾乾淨淨，真係好加分，叫野食都會放心好多。 今次因為要同老公撐枱腳，所以叫多少少野食。 依個烤豬肉紫菜卷你睇啲料多到🤩而且烤豬肉一啲都唔 ‘鞋’菜料多過飯，誠意之作 ！我老公好鍾意食佢哋個排骨餃子🥟餃子係炸嘅！ 不過皮薄，肉勁多。 炸係無overcooked! 所以食到脆感十足。 哥哥炸雞點可以唔叫炸雞呀🤣我個人鐘意佢哋個蒜香醬油無骨炸雞💓蒜香醬油都香，蒜味勁足。 拿外賣時，陣味湧出嚟，勁誇張。 炸粉唔算厚，肉質係鮮嫩的，而且肉都大大塊。 40蚊四大件，真係好貼地良心價。 如果平時想飲酒食炸雞，我都會推薦依間。 性價比好高。 🧡❤️👍🏻

心血來潮想食炸雞，搵左外賣炸雞食。外賣店位於將軍澳寶琳站景林邨。甜辣味炸雞$40炸雞有水準，大小適中又冇骨，入口外脆內軟。甜辣惹味好食，只屬於微辣，一般人都食到，最重要價錢絕對唔貴。炸泡菜餃子$30餃子入口都幾香泡菜味，脆皮又唔太厚。芝士番薯條$33炸出金黃色，咬開豐富芝士，令人食唔停口。烤牛肉韓式便當$49烤牛肉比想像中多，而且味道唔錯。便當仲會配埋泡菜，太陽蛋，餃子，紫菜粉絲卷，夠晒豐富又飽肚。

哥哥炸雞喺將軍澳踩完單車，就嚟到附近嘅景林商場搵食。聽講哩度有條小食街，今次就試吓韓式炸雞店-------------------------韓式薯仔熱狗棒HotDog $32外面薯仔粒keep住好脆，好似食緊薯片咁中間熱狗皮脆得嚟唔會好油，加埋熱狗腸同茄汁，好食排骨餃子（4件） $30餃子好飽滿，餡料有肉汁芝士無骨炸雞 $40炸雞好滑 😍 炸粉唔厚，去骨炸雞啖啖肉芝士味都好香濃，食落仲有啲似粟米濃湯味雜錦炸物 $38有炸蕃薯，炸南瓜，炸餃子，炸紫菜粉絲卷炸粉一樣好薄好脆，冇多餘油脂-------------------------哥哥炸雞地址🎈將軍澳寶林北路38號景林商場街市地下T-KL10號舖

位於將軍澳寶林景林街市裡的韓式炸雞外賣食店，員工都是韓國人，食物即場新鮮用心製作，價錢亦很親民。餐牌主打不同口味的炸雞、飯盒、卷物及韓式小食。炸雞：蒜香醬油無骨炸雞份量有4、8、18件的選擇，這款是4件份量，每一塊雞都是大大塊。外層裹著的炸粉不厚身，炸得金黃香脆。味道帶陣陣的蒜香，醬油有點甜甜的，蠻開胃。一咬下去，入面保留肉汁，因為是無骨，所以每一口都能嚐得到雞肉。小食：年糕香腸串特色小食串，分別是年糕及香腸串連一起，年糕表面煎得脆脆的，內裡則是煙韌、軟糯，上面淋上辣醬，味道頓時升級。紫菜卷：烤豬肉紫菜卷韓式的紫菜卷，入面餡料夾著豬肉薄片、蛋、蘿蔔絲、青瓜、醃黃瓜、蟹柳絲。飯卷賣相精緻，而且餡料豐富，多重口感，不用沾醬油已經夠味。小食：芝士條  一共五條，不過不失，勝在新鮮炸起，外賣拿回去依然是熱熱的，吃的時候還能拉出芝士絲。

哥哥炸雞😋😋😋將軍澳寶琳有oppa出現、哈哈、原來係有oppa主理嘅炸雞店#哥哥炸雞#yummy yummy 👍🏻👍🏻由寶琳地鐵出口B3沿路行4分鐘見到一間天主教小學沿樓梯向前行五分鐘會見到#景林食街#由於疫情只可以外賣、（附設站立式嘅枱）必試炸雞#有原味#甜辣味#芝士味#大蔥#洋蔥#蒜香醬油味#去唔到韓國，你都可以嚟尋找炸雞味道👍🏻👍🏻👍🏻連原味都咁好味😋😋😋韓國必食嘅小食#炒年糕#正宗韓式味道#煙煙靭韌嘅年糕配有韓式嘅魚片、口感豐富、一定要試吓👏🏻👏🏻😊炸餃子🥟我選咗正宗泡菜味、原味始終最好！ ！Hk$108就試到韓國美食、平過去韓國！簡單嘅小食亭、能夠做出oppa韓國嘅風味、值得推介大家一試🎈🎈價錢合理非常超值🥰🥰🥰

今日出去踏單車‍，經過食街，見到這家價錢相宜，決定一試！由韓國Oppa 主理，感覺夠地道，職員推介了幾款韓國食品，好啱食芝士無骨炸雞夠晒大件，炸粉薄身，外脆內軟，肉質好嫩滑，保留到豐富肉汁，芝士粉惹味，啖啖肉好有驚喜，必試烤豬肉紫菜卷豬肉片嫩滑、配上蛋、紅蘿蔔、青瓜、蟹柳、黃瓜，韓國紫菜煙韌，口感豐富年糕香腸串一大串好抵食，年糕外邊煎得香脆，內裡軟糯，配上韓式辣醬和香腸，少少辣好惹味芝士番薯條番薯香甜，夾著原條芝士，每一啖都拉到絲排骨餃子餃子脹卜卜，包著滿滿的排骨肉饀，足料+$5 可選購飲品，加上汽水，透心涼～