Video
2-min walk from Exit A2, Yau Ma Tei MTR Station
continue reading
Telephone
52967186
Introduction
The interior design of this local style hot pot restaurant is inspired by Western elements. It mainly serves healthy soup bases with fresh hot pot ingredients and sashimi. It is a nice place for family and friends gathering.
continue reading
Opening Hours
Today
11:00 - 01:00
Mon - Sun
11:00 - 01:00
Above information is for reference only. Please check details with the restaurant.
About
About Reward Scheme
「每日都係打邊爐時間‼️」呢間火鍋店格局有啲似私房菜，裝修同環境都幾舒服，好適合一班朋友聚會，食物方面都幾多元化：🔥煲冬瓜瑤柱美腿湯 $98最重要飲啖湯先，入面真係有粒粒金華火腿、好大舊嘅冬瓜、瑤柱同埋冬菇，味道都幾濃郁，飲落去有啖啖鹹火腿香氣，個湯底唔會太鹹，配搭唔同食材都唔會搶咗個味道，一邊打邊爐仲可以飲到個湯!🐃手切頂級霜降肥牛 $248呢隻「霜降」手切肥牛有明顯大理石花紋，油脂比例不太高，勝在薄切牛肉味香濃，入口感覺鮮嫩，淥幾秒就可以感受到香牛味！🦀蟹肉雲吞 $78雲吞皮厚重而好滑溜，餡料豐富，入面真係有粒粒蟹肉混合其他肉類，鹹鮮香味並重，仲感受到有少少油脂分布口腔內，幾好食！🦑🦐🐃三寶丸 $92一次過食晒我最鍾意嘅三款丸：🦐手打蝦丸同🦑墨魚丸用料都好足，充滿蝦肉同墨魚粒粒，入口彈牙濃郁！🐃🩷手打牛丸： 一咬入口已經感受到好Juicy，口感亦都豐富，牛肉丸質地唔會太實，又有少少筋位帶出煙靭咬口，味道亦好香濃，有口感之餘亦都真材實料。‼️重點 🐷橡果豬 $148全晚最好食，推薦！豬肉除咗脂肪分布均勻，仲有好股特別嘅味道（奶油香？），仲帶少少甜感，可能因為隻豬食橡果？！質地方面奶油般柔軟，比平時嘅豬肉更嫩滑，豬肉即使熟到全熟亦不會太硬，口感方面層次亦都較豐富，好食到想再encore！🥬皇帝菜 $40營養價值超高，菜葉都保持翠綠，並不算太苦，即使我本身好怕茼蒿味道，亦都可以入口！🥥椰子水 $15味道唔會太甜，清熱又解渴，打邊爐必嗌!✨呢間火鍋店走高檔優質路線，以上食材全部都優質，🐷橡果豬最好食，雖然價錢比較高少少，不過一班朋友ꜱʜᴀʀᴇ都唔貴！(*´∀`)~♥
continue reading
呢間喺油麻地商廈23樓嘅火鍋私房菜，位置非常之方便，最開心嘅係大部份嘅枱都係靠窗，可以欣賞城市嘅夜景🎑，一邊食一邊同朋友傾偈一邊欣賞景色，非常之好冰鎮秋葵 $48估唔到佢都有秋葵食，而且份量非常多，作為前菜係一個唔錯嘅選擇😎蟲草花茶樹菇養生湯 $108叫咗個比較養生湯，飲落去好清甜🫣🫣，而且入邊材料好豐富有好多嘅蟲草花同埋茶樹菇，甜湯令到食物鮮味更加出出手切頂級鮮牛(小)🐮 $248打邊爐一定要食牛，呢款牛係即切即上，牛味濃郁，呢款部位入口比較有咬口黑墨滑 $98呢個係手打嘅墨魚滑加咗好多蟹籽，食落去好彈牙，而且有蟹籽令到口感更加豐富鵝肝雲吞，拼蟹肉雲吞 $78鵝肝雲吞🥟幾特別，食落去真係有原粒鵝肝，其實都幾夾蟹肉餃充滿着蟹肉嘅鮮甜味🦀，而且明確咁樣見到有啲蟹肉娃娃菜 🥗$38蔬菜都清甜，而且份量足夠，邊爐一定要食下菜紙豆腐 $28呢款非常之特別嘅食物，長條型而且好薄，放入湯底幾秒鐘就可以食得食落去好似腐竹一樣，但比較甜少少幾特別三寶丸(牛丸、蝦丸同埋墨丸)$92食得出佢係全部手打丸🍡，非常真材實料，每粒嘅肉都實淨，最鍾意食牛丸，非常之有肉汁而且夠彈牙牛乳椰汁雪燕餐廳竟然附送甜品，好有驚喜🤩食飽飽仲有甜品，非常之滋潤養唐坊火鍋私房菜 (油麻地)油麻地彌敦道560號譽發廣場23樓
continue reading
想要跟朋友開心聚餐食好野，揀間不嘈吵有氣氛又唔會被人催埋單交檯的餐廳好重要！這間位於油麻地商廈23樓的火鍋私房菜，交通位置方便，沒有放題火鍋店的喧鬧，座位舒適又有落地玻璃窗可欣賞城市夜景，氣氛非常有格調。叫得做私房菜，野食當然偏精緻，有選擇困難症的可以點他們的套餐，因為單點的話，他們湯底都有近十七款。於食火鍋前，先來個餐前小食麻辣桂花蚌，肉質脆嫩，入口酸酸辣辣好開胃。然後正式開餐食火鍋，我們選了招牌特濃沙嗲鍋，當湯底滾起時飄來濃濃沙嗲香，入口少少偏鹹，證明真係十級濃。首先推介一款叫紙豆腐的火鍋料，放入湯底幾秒索滿湯汁就食得，質地像食腐竹一樣，好好食。花雕雞件雖然只點了半隻，但份量都幾多，兩個人夠食，雞肉亦嫩滑。火鍋主角當然少不了手切頂級鮮牛，店員即切即上，油花好靚，肉味濃郁，入口有嚼勁。三寶丸（墨魚丸、鮮蝦丸、鮮牛丸）食得出真係新鮮手打製成，用料好足，每一粒入口都好彈牙。最後食埋清脆爽口的皇帝菜，飲完解渴的椰子水，兼嘆碗自家製糖水，清甜滋潤的椰汁燉碎燕，今餐都算幾滿足。
continue reading
離油麻地站步行約2分鐘就到，位於 23 樓的火鍋私房菜，位置比我想像中方便；提供了一處遼闊的都市夜景讓人在品嘗美食的同時，亦能享受難得的城市美景。作為一家非一般的火鍋店，餐廳融入了私房菜級的元素，寬敞的 180 度落地玻璃窗，讓用餐氛圍顯得高雅。店內提供多款新鮮食材,如牛肉刺身、花龍蝦和加拿大野生象拔蚌等頂級食材，今晚絕對大飽口福。2 人套餐售價 ～$788，性價比極高，套餐包括:頭盤是2刺身拼盤: 三文魚、墨魚、希靈魚、北寄貝鍋底有4款：煲冬瓜瑤柱美腿鍋、唐泰北蝦冬陰公湯鍋、濃郁的極濃蝦鍋同酸菜三文魚骨腩鍋😍（最後選擇煲冬瓜）海鮮盤好吸引：大蝦、北寄貝、大鮑魚、大蜆和脆肉鯇魚，每一款海鮮均呈現出鮮甜肥美的口感大蜆就知手切特級牛肉恰得剛剛好好，肉質軟嫩多汁，極具風味～另外仲可以用優惠價$50追加手切特級牛（細）（原價248）自家製韭菜餃最適合配埋烏冬一齊食😋田園雜菜籃搭配冬瓜湯底更鮮甜，而且種類眾多，兩個人食啱啱好最後奉送自家製椰汁燉燕窩糖水，這餐真是豐富😎超值優惠* $50一碟手切特級牛（細）原價＄248* $100一碟手切特級牛（大）原價＄308* $30邪惡響鈴（細）
continue reading
位於油麻地譽發廣場頂樓的 「唐坊火鍋私房菜」地理位置和環境一流，餐廳在23樓的位置可以遠眺旺角的夜景，食物方便主打養生火鍋湯底，好多評價都話呢度套餐好抵食，而且海鮮非常高質新鮮，一於今晚和友人嚟朝聖一下😋🌟2人套餐＄788▪️2人火灸拼盤原來係灸燒刺身拼盤，分別有三文魚、墨魚、魷魚、北寄貝，刺身件件肥美，經灸燒過後多了一份焦香▪️鍋底（4選1）煲冬瓜瑤柱美腿鍋/唐泰北蝦冬陰公湯鍋/極濃蝦鍋/酸菜三文魚骨腩鍋我哋就揀咗清清地嘅「煲冬瓜瑤柱美腿鍋」，店員提我哋未開始打邊爐之前一定要飲兩碗湯先，湯頭超級清甜，充滿冬瓜瑤柱和金華火腿的味道👍🏻▪️2人海鮮盤 海鮮的size全部都係巨型版，包括有超級爽口彈牙的大蝦，King Size 的新鮮北寄貝，超有驚喜肉質鮮甜飽滿，巨型大鮑魚鮮味煙靭，仲有大蜆和脆肉鯇魚肉，新鮮美味▪️手切特級牛（細）/橡果豬（細）牛魔王當然會選擇手切牛肉，滾至剛剛熟牛味香濃，口感軟腍，非常優質▪️韭菜餃及蟹肉餃自家製新鮮餃子，餃子皮煙靭餡肉滿滿，最愛韭菜餃的獨有香味，蟹肉餃充滿蟹鮮味，非常唔錯▪️田園雜菜籃打邊爐必須要有蔬菜，這個蔬菜館非常豐盛，有娃娃菜、皇帝菜、小菜心、蕃茄、粟米、配上這個湯底令蔬菜更加鮮美▪️手打烏冬/公仔麵 選擇咗滑捋捋嘅手打烏冬，所以配合牛肉一齊食更加美味▪️兩杯無酒精飲品（可樂/無糖可樂/忌
廉/椰子水/低糖果汁）▪️手打牛肉丸 $ 88 （追加）見到介紹賣相非常吸引，果然味道也一樣出色，牛肉丸非常彈牙，而且一咬落去充滿牛香和肉汁，必食推介▪️奉送糖水最後火鍋店更送上自家製糖水，椰汁燉碎燕清甜滋潤又有口感📣📣凡惠顧火鍋套餐，可享有以下超值優惠* 無限追加＄50一碟手切特級牛（細）原價＄248* $100一碟手切特級牛（大）原價＄308* $30邪惡響鈴（細）
continue reading