Video
Telephone
95444898
Opening Hours
Today
10:30 - 21:00
Mon - Sun
10:30 - 21:00
Public Holiday
10:30 - 21:00
Public Holiday Eve
10:30 - 21:00
Above information is for reference only. Please check details with the restaurant.
Signature Dishes
經過好幾次都見呢間餐廳有唔少人幫襯，作為牛肉麵控，今日終於有機會試吓。餐廳主打係牛肉麵，值得一提佢提供多款純手工麵選擇，仲提供免費續麵，啱曬一衆大胃王嘅朋友。麵食主要有七種，價錢由$58- $65不等，更可加$6配滷水蛋或加$28配兩個素小食。飲品除咗有基本汽水選擇之外，更有多款手打檸檬特飲，跟餐只需要加$18-$28。我哋兩個人點咗「喜牛牛肉麵」及「蕃茄牛肉麵麵」各一，一個點咗細麵，另一個點咗蕎麥棱子麵款。佢嘅手工麵做得十分出色，入口彈牙煙靭，鍾意佢湯底唔會太濃，同麵條及牛肉非常夾。另外牛腱入口好腍好入味，肥瘦適中，非常美味。蕃茄牛肉麵湯底同麵質同樣出色，加咗蕃茄更添甜甜酸酸嘅味道，味道更有層次。蕎麥棱子麵款比起細面，質地更有咬口，下次可以試吓其他麵型。兩款素小食包括「涼拌土豆絲」及「涼拌黃瓜」份量都唔少，土豆絲帶辣味，好開胃嘅選擇。而涼拌黃瓜則味道清新，作為餐前小食非常一流。飲品點咗「鴨屎香檸檬茶」及「茉莉檸檬綠茶」各一，可以點少甜少冰，感覺健康啲。兩款飲品嘅檸檬味好醒神，感覺清新。餐廳嘅牛肉麵，無論係湯底或麵質都好出色，價錢亦非常合理。鍾意食牛肉麵或手工麵嘅朋友值得一試。
continue reading
好耐冇去澳南DONKI 今日過去行完見樓下有間喜牛牛肉面好似幾吸引有我最愛既酸菜牛肉面, 面型有成8款簡, 我就簡左刀削面面條好煙刃, 又唔會好淋好好味, 配埋酸菜同小辣牛肉都幾多, 係牛展黎湯底都好香 配埋微辣 同酸菜 好好味仲有兩片羅白加28蚊仲可以選兩款菜我就簡左涼拌黃瓜同我最愛既泡椒羅白羅白酸酸好開胃, 食下食下個後勁既都幾勁黃瓜爽脆, 又係開胃仲可以加錢配埋野飲+$18 鴨屎香檸檬菜真係聽到佢地手打既聲, 檸檬同冰打到碎, 又唔會有核叫左半糖健康D整體都唔錯, 下次想試下細面
continue reading
牛肉麵, 麵可以隨便任加, 見到有啲食評話服務態度唔好, 冇收加一, 本人又唔覺得有啲乜嘢唔妥😅 係唔係因為我要求低😂 起碼唔係茶餐廳嘅感覺😜 明就明講返碗麵份量足夠.如果要添面可以再添, 牛肉比起平時台灣牛肉麵佢係薄切比較有咬口, 唔係整到淋曬嗰啲, 有牛肉味冇騷味👍🏼 65蚊嘅價錢合格以上, 加五蚊有汽水罐裝可樂👍🏼 加28蚊仲可以有兩份涼菜但係我驚食唔曬浪費所以冇試,下次多啲人嚟先叫唯一嘅係碗麵有啲越食越鹹嘅感覺,唔知關唔關啲酸菜事🤷🏼♀️
continue reading
今日係萬聖節正日， 可能因為今日係節日突然好忙， 所以影響服務態度， 還是不時都係咁。我唔清楚1.）一開始落單個陣， 已經遇不禮貌態度。 我地唔會知道你落單個程式係點， 我地當然係根據貴店既餐單講自己食咩麵之後再講加咩小食， 飲咩等等。 但貴店員已經不禮貌咁講落晒啲麵再一次講落小食啦。 2.）咁之後我地食到中途見可以續麵， 咁就同店員提出想續麵， 之後店員態度惡劣話下次一早就講啦， 啲麵要手拉需要時間整嫁。 下， 我地已經唔係食完晒先講， 我地當然係食到中途覺得唔夠先叫續麵。請問下要幾早呢？ 一早落單同時就要講嗎？ 如果一早講， 你又會唔會話你地食晒先啦。 其實如果你地係介意人地續麵既。 怕蝕抵你地就唔好搞續麵噱頭， 要用言語去單打
continue reading
喜牛最近真係好受歡迎，特別係佢哋嘅牛肉麵，大家都話好味。最近我去試咗，喜牛牛肉麵首先，喜牛牛肉麵，碗大料足，牛肉煮得好入味，肉質嫩滑，唔會過老，咬落去有肉汁，真係好滿足。湯底濃郁，帶有一啲牛骨嘅香味，配搭上面嘅蔥花，令整碗麵更加提味。麵條方面，煮得剛好，彈牙又滑，完全吸收咗湯底嘅味道，真係一碗開心嘅牛肉麵！仲有跟餐嘅滷蛋，蛋黃半熟，滷汁入味，食落去滑溜溜，味道好好，真係好適合用嚟配麵，令整碗麵更加豐富。跟餐鴨屎香檸檬茶最後，跟餐嘅鴨屎香檸檬茶，味道清新，檸檬香氣撲鼻，唔會太甜，飲落去好解渴，特別係食完咁熱辣嘅牛肉麵，真係一流！總結而言，喜牛嘅牛肉麵真係好食，配搭嘅滷蛋同茶亦都唔錯，價錢合理，服務態度亦好友善。如果你鍾意牛肉麵，呢度真係值得一試！我下次一定會再返嚟，試下其他菜式！
continue reading