嘿 ！食個米飯

Open Now

Now Closed

上午九時食完早餐 ，下午開始有些肚餓， 便走咗過去中匯街 。見到有一間食過米飯两餸飯餐廳 ，便叫了一個兩餸飯 ，選擇了 矮瓜肉絲 和炸豬扒， 都是35元 。價錢經濟 ，味道亦都唔錯 。

今日去大角咀買左個外賣兩餸飯。價錢係$35 連飲品。兩餸飯份量算一般。兩個餸我點了鱔同獅子頭。鱔共有三舊。有兩鱔舊多肉。一舊就成舊都係骨。應該係魚頭黎。不過兩餸飯有魚食又唔洗加錢已經唔錯啦。獅子頭好大舊。裡面應該係由猪肉，馬蹄，粉漿同一粒栗子組成。味道正常。

呢間嘢，我都嚟食過好多次，最主要嘅原因就係呢度嘅食材真係非常之好，夠哂味之餘，又唔會太咸或太甜，店內各廚房師傅所用調味非常恰當，而且店內環境相當乾淨又通爽，坐位相當寬闊，入到去店內真係完全冇壓迫感，而且價錢又實惠，又食得飽，飯盒Size夠哂大盒，而且阿姐態度友善，$33蚊雙拼小菜飯盒仲要包凍飲，兼且仲可以免費加白飯，去邊度揾？所以我近呢幾年，同茶餐廳可以話係已經徹底絕緣，最主要嘅原因，係因為而家喺香港大多數嘅茶餐廳，食品都係偏貴，講緊嘅係一個早餐都已經接近要$40元，晚餐更加貴到要$60－$80元，而且份量又少，又未必好食