嚐囍點心小廚

Open Now

Now Closed

同好朋友試吓呢間開咗冇耐嘅小廚餐廳，新開，裝修光猛，企理。我哋叫咗，粟米班塊（D魚好食，冇雪味，炸粉唔厚，汁夠），京都鴛鴦骨（係牛仔骨同豬肋骨，入晒味，牛仔骨有少少韌，大至上都好食），海味粉絲雜菜煲（好多蝦乾，亦有少少乾瑤柱，粉絲亦夠，菜都多款，唔油，不錯），花膠雞煲翅（一共有4大塊花膠，足4兩翅，半隻雞，好清甜，唔油膩，出色！）服務都好好，冇加一，有茶錢（每位5蚊），3人食咗$542，幾抵食，會再去！

今日打電話落去叫外賣自取⋯⋯⋯叫左個鳳爪排骨飯，叮囑我要多豉油，電話入面個阿姐仲口響響話得得得，無問題咁話⋯⋯，之後我仲叫左炸蝦角、金錢肚，同蝦餃⋯⋯⋯外賣有九折⋯⋯成為$107 蚊。好啦，半個鐘後落去拎外賣返屋企慢慢嘆，點知一打開盒鳳爪排骨飯，唔單只無幫我多豉油，仲要唔覺佢有俾到豉油囉⋯⋯仲有個炸蝦角又無俾沙律醬⋯⋯今次係第二次幫襯，第一次幫襯係佢剛剛開，試業中果時，服務多謝前多謝後 ，事隔都係三個月到，已經咁，仲話米芝連

米之蓮但水準超級無定向，來3次，2次都失望。人龍亦一次比一次短。蝦餃居然是酸的，瑤柱珍珠雞一個是ok,一個淋伯伯。帶子餃算是好食但每一隻個皮都痴住張紙，一拿起就散哂。鮮蝦腐皮卷超油，每一淡都係油。甜品也失望，千層糕實定定，馬拉糕冇味，甜味都冇麥。最離譜係個啊姐，叫碗粥要d胡椒粉，佢一拿來就從高處出力灑，d粉吹到周圍都係得事頭婆係認真算做好，其他姐姐都求求其其。廚房同樓面都要努力d先對得住米之蓮的聲譽。佢地價錢比一般酒樓較經濟，但若果想食好點心，都係好似酒樓都比佢好食。

米芝蓮級煲仔飯，飯夠乾身，唔會有生米，飯焦唔太燶，有鍋巴嘅感覺，餸同飯嘅比例恰到好處，不油不利。椒鹽九肚魚，食得招積，去骨啖啖肉，口感鬆化。仲有，即叫即做點心， 一定要試懷舊風味蝦餃， 鴨腳扎， 臘腸卷。唔講唔知，果然係過江龍，由西環總店開到嚟九龍區-樂富啦！交通方便，就響樂富地鐵站對面，過條馬路就到啦！ 疫情過後仲會24小時營業！唔好以為係一般嘅茶餐廳，餐廳裏面有廳房功能，約埋三五知己，可以有廳房，夠哂私隱度 ，實在係非一般的食店。

因米芝蓮的聲名，而去嚐試一下，吾知係唔係期望過大，而有點失望。入門口攞飛，個啊姐叫我係門口等，右吾俾飛我，只叫我出去等，之後過左2分鐘，有個啊叔入去攞飛，佢就寫個號碼俾佢，我就行入去同佢講，我頭先攞飛，你右吾俾飛我仲要我早來過啊叔，你仲要我排啊叔後面，過份叫左8樣點心，最好食係燒賣，最失望係南瓜豆沙餅燒賣：爽口彈牙，無咩肥肉，味道剛剛好，蝦都幾大粒下南瓜豆沙餅：入口全口都係油，咩味道都食吾到粉果：味道普通，同街上買的差不多味道，皮不算薄，一夾都易穿芋絲春卷：好鬆脆，但無芋頭味，普通左啲黃金流沙包：熱食真的有流沙流出來，算是不錯馬蹄糕：馬蹄爽甜，但糕太軟身，夾吾起，好易散鹹水角：脆口，味道正常瑤柱珍珠雞：無咩餡，得少少肉碎，瑤柱比肉仲少，$30仲要得2粒細細個，好貴食，寧願叫多籠燒賣好過，起碼有啲肉食下