嚐囍點心小廚

Open Now

Now Closed

老闆拆夥後食物質素稍遜，服務欠佳，人手不足。早茶點心款式不多。晚餐一早訂枱但因為聯絡不到本人（不聽陌生電話）居然不留枱，完全不能接受。經理沒有歉意還很嚚張。以後都唔幫襯。🤬

週日的1:30pm 到來，場內不但坐滿，連盅飯都冇晒啦！冇嚟一排，餐廳已經改咗名做尚軒（前身 「嚐囍」）， 不過聽老細講廚房班底仍然一樣。味道同以往分別不大，很多街坊同附近教會教友幫襯，性價比算唔錯👌🏻🫖煎釀虎皮尖椒每碟有三條大尖椒，切開一半， 共有六件。 首先，尖椒上碟時熱辣辣。食到有尖椒嘅辣味，魚肉煎得香脆可口，沒有腥味，不錯！🫖蝦餃 蝦餃皮薄餡靚，可惜塊皮太薄，夾起就好易穿！至於個餡非常足料，蝦肉爽口又大隻！🫖鳳爪好入味，鳳爪皮有彈性。不過鍾意食軟瀨瀨鳳爪嘅朋友，可能會略嫌唔夠腍。🫖山竹牛肉球牛肉鬆散、略鹹，好油，不太推薦🫖棉花雞好多無骨雞件，啱晒唔鍾意食骨嘅朋友！ 魚肚冇腥味， 因為幾厚身，所以口感十足。如果可以再切細啲更加好。

冇預警底下出咗去樂富食飯平時家姐會淨係嗌咗阿媽出去唔會專登嗌我今次唔知點解無啦啦叫埋 平時嘅我應該唔會join，又咁抆水先叫人，又要趕頭趕命 今次雖然都臨放工先嗌我，不過因為佢哋未有耐到，我施施然去佢哋都未嚟到，我又唔使趕頭趕命食 睇返社交平台 彈出嚟，原來一年前都係我哋四個人去呢間度食飯 慶祝父親節 我淨係記得舊年冇嗌咁多嘢食，今年嘅份量應該得Double咗上年。一個田雞白鱔煲仔飯，一個肉絲炒麵，咕嚕雞球，椒鹽魚腩、雜菜煲仲有幾個點心：蝦餃、燒賣、炸雲吞。本身我就覺得一個煲仔飯或者一個炒麵就夠唔使兩樣都叫晒，但係佢哋好自然就諗食唔晒咪打包囉 （呢個概念同我本人有啲背道而馳，可能就係因為咁我有啲同人格格不入，其他人可能會選擇想叫做叫嗌咗先算，我就以食得晒先嗌為宗旨，所以最終落單嗰個多數都唔會係我，如果唔係真係冇啖好食）雖然呢度嘅嘢抵食又好食，咁多嘢都係$400有找 煲仔飯即叫即整有飯焦 其他菜式都係熱辣辣，即叫即整，雜菜煲都唔係求其嘢，最普通係啲點心囉我覺得食過西營盤嗰間排晒長龍，呢間都差唔多啫

知道樂富有間幾出名食小菜同煲仔飯嘅舊式餐廳，襯天氣仲係涼涼地特登去試下佢啲煲仔飯👅 ▫️白鱔田雞煲仔飯(加左🍳)依度啲煲仔飯叫完即整，好似等左20－30分鐘左右就有得食～上左枱後店員會幫手淋啲豉油 （個豉油幾鮮甜又唔會太鹹），再焗多一陣就有飯焦喇！ 飯粒煮得粒粒分明，中意焦香嘅我焗咗好多飯焦出黎食，脆脆地又有咬口咁😎白鱔嘅份量唔算少，食落都有算嫩滑有口感，但嫌骨刺就多咗啲，唔可以大大啖食。煲仔飯仲有一整隻田雞，啲肉質都幾滑同香口。 ▫️臘味滑雞煲仔飯啲臘味肥瘦適中，唔會覺得膩，啲滑雞都好嫩滑，唔會焗到過熟嚡口☺️ ▫️椒鹽九肚魚份量夠晒兩個人食，炸得外脆內軟，入口熱辣辣啲魚都好滑又多汁，幾惹味🥹

全場9乘滿，兩間VIP房都冇人，多數細檯坐滿6個人去食，8點幾叫野，最後9點半先出最後嗰個餸。隔離5檯仲慘，唔知叫生菜包定羊腩煲，等一個鐘都係得碟菜，餸冇黎到。味道好食，但唔使等咁耐呀！叫樓面睇睇，話整緊整緊，睇都冇睇過

呢間喺樂富都開咗一段時間，之前一直想試，今日先有機會。就咁睇佢賣相唔係特別出眾，但出乎意料嘅好食。冇期待底下幾出色。$37 水晶鮮蝦餃大大粒蝦餃，而且每粒下都好彈牙，皮薄餡靚。$26 蜜味又燒腸腸粉夠薄，餡料好足，我個人幾鍾意食呢啲，晶瑩剔透，比起普通酒樓傳統嘅厚腸粉，呢度係超級好食。$26 黃金流沙包流心，好香鹹蛋奶黃味，熱辣辣。$33 棉花雞豬肚同埋雞肉都份量足夠，甚至乎冇出邊酒樓一般嘅芋頭用嚟墊底，唔會呃秤嘅感覺🤣🤣不過可能人手比較少，我哋叫咗辣椒油，好耐都未有，我哋就自己出去拎，辣椒油真係得油冇渣😆。

父親已經離開咗我哋好多年啦，每年都乘機同媽媽慶祝母兼父職，又正值差唔多到端午節順便做埋節揀咗喺我家姐住嘅附近，原來開左間嚐囍，我淨係知西環有一間（不過朋友話西環嗰間已經冇咁好食，主打煲仔飯）今次是樂富呢一間，我又覺得正正常常啦我哋四個人叫咗三個餸一個煲仔飯咕嚕斑塊係大家都鍾意食嘅酸微微菜式，如果唔係就會叫咕嚕肉椒鹽九肚魚就係媽媽話叫啲自己整唔到嘅餸，要成獲油炸嘅嘢，而且九肚魚佢話街市買都好貴喎！又的確係幾香口嘢，又係我哋一家都好鍾意食嘅另外就叫咗生菜包，其實呢個最唔抵食超過$100其實係用啲生菜包住啲切晒粒粒嘅材料包括有豆角肉碎，冬菇等等。媽媽話超簡單結果嗰頭食完第二日第三日我夜晚嘅餸就加咗呢樣嘢囉😵‍💫😵‍💫😵‍💫，因為之前食淨左成碟肉餅🫣下次都唔好咁多口煲仔飯，最緊要有飯焦佢做到啊一起就成個底都起晒出嚟😊我哋叫咗白鱔雞 雞超滑、白鱔得兩嚿😮‍💨當然要配埋佢個甜豉油啦除返開，每人都係$100。okok

今日咁啱去到樂富呢一邊食飯，朋友就話想食啲比較簡單嘅嘢，因為呢排都食得太多 我哋就求其搵咗間餐廳，打算都係share，打算食得light少少 晚飯時間餐廳都唔算太多人，可以walk in煲仔飯都做得幾出色，個鍋底都做到有飯焦嘅效果，個人嚟講好鍾意食飯焦！呢個位已經值得加分，再配埋佢嘅白鱔！白鱔做到非常爽口嘅效果，食得出非常新鮮！白鱔亦都冇腥味，肉質亦都非常鮮，配埋餐廳嘅豉油，同煲仔飯簡直係非常夾 臘腸就冇乜特別，中規中矩

Good Taste Kitchen is a hidden gem in the heart of the city, serving up some of the most delicious and authentic Cantonese dim sum and cuisine. From the moment you step inside, you are greeted with a warm and inviting atmosphere that immediately puts you at ease.During my recent visit, I had the pleasure of sampling several of their dishes, and let me tell you, each one was a delight for the senses.First up was the white eel and chicken claypot rice, a signature dish that truly lived up to its r

大牌檔格局煲仔飯可以，但米質量差又鬆散，有飯焦炸生蠔：粉底非常厚，瀝油不夠，食完一口油，蠔質素可以椒鹽生魷：老問題粉底很厚，同時椒鹽沒有魷魚兜勻，只一点放在表面，所以得一塊有味，其他無味。小炒王：由落單到上碟等咗一個鐘，韭菜嫩腰果脆，但係蝦乾同魚仔用油炸到過龍有苦味，又硬，全部食唔到剩返係到生炒骨：都係同一個問題，排骨炸過龍冇肉味蒜子火腩大鳝煲：唯一好食的－個餸但火腩太咸。無下次，唯一好處係無加一，當然啦，落了柯打成個鐘先上菜，無服務可言

今晚去咗樂富搵嘢食，記得以前讀書嘅時候，經常都會去樂富食嘢，嗰度有好多間大排檔，好有人情味，不過領匯翻新咗之後，就好似冇咗啲大排檔，變咗大品牌連鎖店，尤其是到咗夜晚九點之後就更加難搵嘢食，要行到落去樂富邨入面先至另有一番新天地，嗰度有好幾間好受歡迎嘅食肆，今次揀咗呢一間點心小廚，畀佢門口個電視吸引，播放住 黎諾懿訪問佢哋嘅節目，講煲仔飯點樣煮法。今次叫咗一個白鱔滑雞煲仔飯 ，原來煲仔飯最理想嘅時間係 15 至18 分鐘，如果超過 20 分鐘呢就會太老喇，呢個節目有講到個豉油，原來唔係一般甜豉油，係煮咗兩個鐘，仲加咗蝦乾等等嘅海味落去，所以特別鮮甜，至於白鱔就啱啱救夠熟，非常嫩滑，鍋巴亦唔會太痴牙，可能因為睇完個節目，感覺呢個煲仔飯真係特別好食，哈哈！

今日12度天寒地凍梗係想食啲熱辣辣嘅嘢，叫咗兩個一樣既煲仔飯，30分鐘一個先到，第二個遲遲未到15分鐘追10分鐘再追，決定唔等取消.....侍應繼續唔理.....5分鐘左右後一個貌似話事人嘅男人目無表情話已整好，仲話未過一個鐘.....真係火都嚟😡隔離食客見狀話要左佢，完。食煲仔飯等得耐就預咗落漏單又唔係咩大事，咪同客講聲唔好意思，一係等一係轉其他嘢囉！👎👎👎睇食評原來都話服務麻麻地！食物就不過不失。

推薦： 🍉🍉🍉 (3/5) 味道： 🍉🍉🍉 (3/5) 價錢： 🍉🍉🍉 (3/5) 打卡： 🍉🍉 (2/5) 位置： 🍉🍉🍉 (3/5) 回訪： 🍉🍉 (2/5)  水晶鮮蝦餃 (頂點；$34) 🍉🍉蝦都幾大粒，幾彈牙，但係餃皮好似未蒸熟，好黏小籠包 (特點；$30)  🍉得3粒😢外皮頗厚，湯汁都幾多，但係因為層皮痴住哂個錫紙兜，一夾起就會穿哂 鮮蝦燒賣皇 (特點；$30)  🍉🍉燒賣都幾大粒，啲餡多到塊燒賣皮差啲包唔哂，但嚿餡太實淨，唔太彈牙咖喱金錢肚 (大點；$25)  🍉🍉🍉金錢肚切得好幼，但唔韌，咖喱濃得嚟唔鹹，好惹味 蜜味叉燒腸 (中點；$23) 🍉🍉🍉入口好滑溜，叉燒量幾多 煲仔飯 (臘味飯) $68  🍉🍉🍉🍉🍉基本上成個飯底都係飯焦，可以沿住個煲原個飯拎起😂 鐘意食飯焦嘅一定唔可以錯過！臘味量都好多，好香，臘腸唔會太油/太瘦，潤腸亦都唔會太粉比起點心，煲仔飯應該先係呢個餐廳嘅主打後記 💟 服務態度唔係幾好，等咗好耐都無人落單，叫極都無拎辣椒油嚟，好彩裝茶個水壺夠大，如果唔係可能成餐都添唔到一次水🤦🏻‍♀️ 💟 衛生狀況有待改善，啲碗洗唔乾淨，會有啲飯粒/焦痴係碗度，枱面都

食物真係夠水準，但服務招呼就真係麻麻，加水唔理你，理你就擺錯枱，追單又敷衍你，眼見佢地又真係忙既，可能係新人既關係，餐廳難做，希望佢地有改善，對客人歡容，返工做野都開心d。

今日帶埋屋企人去一間點心中菜館食晚飯🥳 價錢公道，食物質素都唔錯 茶芥每人$3 only! 又唔洗加一，岩哂我呢啲成日帶屋企人出街食飯嘅窮撚🥰 推薦程度：4/51. 油浸筍殼魚 $188 8/10筍殼魚有得揀清蒸/油浸，我地就不嬲煎炸行先，就揀咗油浸。🤪 之前未試過食筍殼魚，order之前都驚會伏。但食落口之後，又幾驚喜。個魚皮脆得黎，入面啲魚肉仲keep到好嫩好鮮甜，又唔多骨呵呵😗 唔想咁熱氣嘅朋友可以揀清蒸😆2. 粟米魚肚羹 $98 7/10粟米魚肚羹就不過不失，冇咩特別。但係略嫌個羹有啲稀，如果結身少少個口感會豐富啲。🧐不過每個人嘅口味都唔同，如果你鍾意食稀身啲嘅羮，可能你會鍾意❤️ 不過佢啲魚肚好足料，淡淡都飲到有魚肚👍🏻 呢個價錢，有咁大碗，個性價比都算高🥸3. 豉油王大虎蝦 $168 7.5/10大虎蝦就有得揀跟茄汁/鼓油王。虎蝦啲肉夠晒厚，同埋好鮮甜😍 索哂啲汁，味道岩岩好，又唔會太salty😁 （唔識個「ham」字點寫sor)😅4. 水晶鮮蝦餃 $37 4/10蝦餃我就唔係幾推薦，因為蒸得過熟。未夾都見到有啲皮已經穿咗，一夾就散哂。☹️ 但係隻蝦都係鮮甜嘅，不過比